Jaceuq 116:6 - Akha

⁶ Laꞈ jeuˬ shaˇ kʼaˇ maˬ za-eu deuˬ-ahˇ Sahˬpaˬ Miˬyehˇ haw piˇ-awˇ, ngaˇ shaˬ ngeh zahˬ ngeh, aˬ yawꞈ ka kʼoꞈ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ya’we Miqyaer-aq, maqdzaw-euq zaq-anr hawpir-awr; Ngar yaw’aw-anr gaka ngae, aqyawf, ngaq-anr bibuq-ir naeqlaf-euq mae.

Jaceuq 116:6 ပူးပေါင်းရင်းမြစ်များ

Jaceuq 106:43

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ gʼawˬ mya poˆ ka kʼoꞈ kʼawꞈ, aˬ yawꞈ-ahˇ puiˬ mawꞈ-eu nui ma jaˆ-eu miˇ neh, iˬ baˇ ngehˬ jawˇ ngehˬ naꞈ-euˬ meh.

Jaceuq 142:6

Caw ba nehˬ laꞈ lehˇ ngaˇ guˇ gaˇ naˇ haˬ nehˬ laꞈ-awˬ. Naꞈ dui dui-eu nui ma cawˆ-eu jeˬ laꞈ kʼoeˇ ngaˇ ga nuiꞈ-iˇ luꞈ-eu ma. Muiˇ-eu deuˬ-euˬ aˬ laꞈ laꞈ kʼoeˇ ngaˬ-ahˇ ka kʼoꞈ nehˬ laꞈ. Aˬ yawꞈ maꞈ gʼaˬ kʼaˆ dui dui-eu meh.

Jaceuq 19:7

SahˬpaˬMiˬyehˇ-euˬ Zahˇdawˬ-aˬ, byah dui dui-eu Zahˇdawˬpyeuꞈ-awˇ, nui ma-ahˇgʼaˬbi ahˇ-eu meh. SahˬpaˬMiˬyehˇbiꞈ-euˬdawˬ-aˬ, jah coeˇdui dui-eu dawˬpyeuꞈ-awˇ, maˬsiˬmaˬnya-eu tsawˇhaˬ-ahˇ, zaˬsiˬtsawˇgahˇbiꞈlahˬ-eu meh.

Jaceuq 25:21

Nawˬ-ahˇngaˇnoeˬtmˬ-eu miˇneh, ngaˬ-euˬyaw sui yaw dawˇhawˇ-eu, ngaˬ-euˬmuiˬ-eu jaˬ-eu jeˬneh, ngaˬ-ahˇ haw piˇnehˬlaꞈluꞈ-uˇ.

Jaceuq 79:8

Nga maꞈ-euˬ aˬ poeˬ aˬ bawˇ deuˬ-euˬ iˬ baˇ baˬ da neh, nga maꞈ-ahˇ taˬ kʼehˬ nehˬ laꞈ. Nga maꞈ-ahˇ nymˬ-mˇ gʼawˬ shaˬ gaˬ nehˬ laꞈ-awˬ. Nga maꞈ noeˬ tmˬ duˬ ma paˇ jaˆ miˇ-a.

Iˇsaˬyaˇ 35:8

“Muiˬ-eu shawˇ-eu gaˇ jawˬ” lehˇ kuˇ-eu gaˇ jawˬ tiˬ kahˇ, kʼoeˇ gaˇ dahˇ laˇ tehꞈ-a. Iˬ baˇ zaˬ deuˬ gaˇ jawˬ kʼoeˇ kahˇ maˬ cah-ehˇ, dawˇ ga deuˬ kʼoeˇ gaˇ gaˇ bahˬ maˬ bahˬ-a.

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

Lormav 16:19

Naw maꞈ Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ gaˇ kawˆ aˬ cawˬ siˬ nya jiˇ meh. Kʼoeˇ miˇ neh, naw maꞈ gʼaˇ duˬ ngaˇ laˬ kʼaˬ cehˇ dui dui-eu ma. Naw maꞈ laꞈ kʼoeˇ yaw muiˬ jeˬ-ahˇ tseˇ paˆ geuꞈ nya-eu nui gahˇ bi ahˇ mawꞈ-awˇ, maˬ muiˬ-eu jeˬ-ahˇ maˬ mˇ-eu shawˇ jehˆ ni gʼeh-eu tsawˇ haˬ bi pyeuꞈ mawꞈ miˇ-a.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Gawˇliˬtu 11:3

Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya.

Gawˇlawˇsehˇ 3:22

Zaˬ kʼaˆ deuˬ-oˇ, yawˬ jeˬ na luꞈ laꞈ kʼoeˇ yawˬ ha-euˬ baw leˬ ehˇ dawˬ naˇ haˬ-awˬ. Baw leˬ deuˬ neh bi ja ceuˬ-eu lehˇ baw leˬ mawˇ gaˇ tehꞈ-ehˇ dawˬ gʼoˆ gʼoˆ-eu jeˬ maˬ bi pyeuꞈ ni, Sahˬpaˬ Yeˬsuˇ-ahˇ yaw zeu baw-eu miˇ neh nui ma laꞈ kʼoeˇ keuˆ ni dawˬ gʼoˆ gʼoˆ-eu jeˬ bi pyeuꞈ-awˬ.