Jaceuq 116:16 - Akha

¹⁶ Sahˬpaˬ Miˬyehˇ-oˇ, ngaˇ nawˬ-euˬ zaˬ kʼaˆ ma. Nga maꞈ loꞈ-ehˇ nawˬ-ahˇ ngaˇ saˇ jaˇ ziꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ya’we Miqyaer-or! Ngar-aq, aqdir nawq-euq kuirlaf zaqkhav ma; Ngar-aq, nawq-euq kuirlaf zaqkhav pyeuf-eu, nawq-euq aqbur zaqkhav-euq zaqyo ma. Nawr, ngaq-anr paftaq-euq shmrcav-anr puirpyaeq naeqlaf-euq mae.

Jaceuq 116:16 ပူးပေါင်းရင်းမြစ်များ

1 Laˬsaˬbaˬ 17:19

Ngaˬ-ahˇ heu naˆ ni mˇ nehˬ laꞈ-awˇ, aˬ kaˇ ngaˬ-euˬ nymˇ jiˇ huiˬ dui mahˇ dui dui laˇ-eu gaˇ kawˆ nawˇ ngaˬ-ahˇ bi siˬ bi mawˇ laꞈ-euˬ heu-aˬ, nawˬ-euˬ nui kʼahˇ hawˇ-eu nawˬ-euˬ nui gaˬ meh.

Jaceuq 119:125

Ngaˇ-aˬ, nawˬ-euˬ zaˬ kʼaˆ pyeuꞈ-eu ma. Nawˬ neh mehˬ nehˬ tsoˆ nehˬ-euˬ jeˬ-ahˇ ngaˇ gʼoˆ shaw nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 143:12

Nawˇ ngaˬ-ahˇ gaˬ-euˬ baˬ da neh, ngaˬ-ahˇ muiˇ-eu deuˬ-ahˇ sehꞈ nehˬ laꞈ. Ngaˇ nawˬ-euˬ zaˬ kʼaˆ pyeuꞈ-eu baˬ da neh, ngaˬ-ahˇ kʼehˬ-eu deuˬ-ahˇ laˆ luˬ laˆ seˇ nehˬ laꞈ.

Jaceuq 86:16

Ngaˇ jawˇ gaˇ oe-awˇ gʼawˬ shaˬ gaˬ nehˬ laꞈ. Ngaˇ nawˬ-euˬ zaˬ kʼaˆ pyeuꞈ-eu loꞈ-ehˇ, ngaˬ-ahˇ gʼaˬ biꞈ le-awˇ ka kʼoꞈ nehˬ laꞈ.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Gʼaˬkʼehˇ 27:23

Aˬ jeˬ miˇ neh ehˇ naˇ, ngaˇ uˬ duˬ tahˬ luꞈ-eu ngaˬ-ahˇ uˆ lahˇ-eu Miˬyehˇ-euˬ mˬ taˆ gʼaˬ kʼehˇ tiˬ gʼaˬ, miˇ ciꞈ ngaˇ jawˇ gaˇ oe-awˇ heu loꞈ-ehˇ ehˇ le-euˬ meh.

Lormav 6:22

Ehˇ kʼawꞈ, nymˬ-mˇ naw maꞈ-ahˇ iˬ baˇ laꞈ kʼoeˇ bi buˬ-iˇ-awˇ, Miˬyehˇ-euˬ zaˬ kʼaˆ bi pyeuꞈ laˇ-euˬ meh. Heu poˆ jawˇ naw maꞈ aˬ jeˬ za ta. Naw maꞈ-euˬ nui ma gʼawˇ mawˇ dawˬ tawˆ luꞈ aˬ yawꞈ-ahˇ a nehˬ gʼaˬ-euˬ miˇ neh mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu meh.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.