Jaceuq 115:4 - Akha

⁴ Aˬ yawꞈ maꞈ-euˬ miˬ yehˇ deuˬ pyuˇ hawˇ-eu shuiˇ neh jahˇ-awˇ, tsawˇ haˬ neh tehˆ-euˬ mawˇ kawˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf maf-euq tanqpanq aqma mawrkawr-aq, pyur hawr-eu shuir nae janr-awr; Tsawrhaq-euq aqlaf nae taev-euq mawrkawr mae.

Jaceuq 115:4 ပူးပေါင်းရင်းမြစ်များ

1 Sahˬpaˬ 18:26

Aˬ yawꞈ maꞈ-ahˇ tsahˇ nehˬ-euˬ mawˇ neˇ mawˇ gaw aˬ yawꞈ maꞈ sehꞈ-awˇ, lehˬ hmˬ dah gʼaˬ ngeh jawˇ, nah loˆ ceh laˇ ngeh keuˆ ni Baˬlaˇ miˬ yehˇ-ahˇ aˬ yawꞈ maꞈ guiˬ lahˬ shaˇ-euˬ meh. “Baˬlaˇ miˬ yehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˬ” lehˇ guˇ guˇ-ehˇ, aˬ yawꞈ maꞈ neh gawˬ taˬ-euˬ lawˇ duˬ jawˬ jawˬ-ehˇ aˬ yawꞈ maꞈ gaˇ nyeh nyeh-eu meh. Ehˇ kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.

1 Sahˬpaˬ 18:29

Nah loˆ ceh laˇ ngeh keuˆ ni aˬ yawꞈ maꞈ toˇ toˇ-ehˇ jawˇ-eu kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.

2 Sahˬpaˬ 19:18

Miˇ kʼahˬ kʼoeˇ deuˬ-euˬ miˬ yehˇ deuˬ-ahˇ kʼawꞈ, miˬ dzaˬ keuˬ dzeh-euˬ meh. Miˬyehˇ kʼoeˇ deuˬ-aˬ, Miˬyehˇ maˬ ngeuˇ-a. Tsawˇ haˬ zaˬ-euˬ aˬ laꞈ neh jahˇ-euˬ daˇ kawˬ hawˇ-eu kʼaˬ lo tahˬ pahˬ aˬ ma mawˇ kawˇ tehꞈ meh.

2 Laˬsaˬbaˬ 32:19

Tsawˇ haˬ zaˬ-euˬ aˬ laꞈ neh tehˆ taˬ-euˬ tahˬ pahˬ aˬ ma mawˇ kawˇ pyeuꞈ-eu tsawˇ jeuˬ nui deuˬ-euˬ miˬ yehˇ deuˬ gaˇ kawˆ aˬ yawꞈ maꞈ ja gaˇ duˇ ni, Yeˬluˇsaˬlehˬ-euˬ Miˬyehˇ gaˇ kawˆ aˬ yawꞈ maꞈ ja-eu meh.

Jaceuq 97:7

Miˬyehˇ dawˬ tawˆ luꞈ Sahˬpaˬ Miˬyehˇ mehˬ shi ya awˆ byaˆ-awˇ, tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu deuˬ, ya shaꞈ dawˇ dui dui meh.

Iˇsaˬyaˇ 37:19

Kʼoeˇ naˇ, miˬ yehˇ maˇ maˇ ni maˬ ngeuˇ-eu, tsawˇ haˬ zaˬ-euˬ aˬ laꞈ neh jahˇ-euˬ daˇ kawˬ hawˇ-eu kʼaˬ lo tahˬ pahˬ aˬ ma mawˇ kawˇ pyeuꞈ-eu aˬ yawꞈ maꞈ-euˬ miˬ yehˇ deuˬ-ahˇ miˬ dzaˬ keuˬ dzeh nehˬ-euˬ meh.

Iˇsaˬyaˇ 42:17

Tahˬ pahˬ aˬ ma mawˇ kawˇ deuˬ-ahˇ gʼoe-awˇ, mawˇ kawˇ ahˇ miˬyehˇ shaˇ kuˇ luꞈ-eu tsawˇ haˬ deuˬ, shaꞈ dawˇ-awˇ daˬ ya ga tehꞈ-a.”

Iˇsaˬyaˇ 44:10

Tahˬ pahˬ aˬ ma mawˇ kawˇ tehˆ-awˇ miˬ yehˇ loꞈ-ehˇ taˬ huiˬ-eu laꞈ kʼoeˇ uˬ duˬ tahˬ-eu-aˬ, tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 44:20

Kʼoeˇ-aˬ, kʼaˬ lehˇ tawˆ dzaˬ-eu naˆ ni dawˇ ga ga gaˇ duˇ-eu meh. Aˬ dzawˬ aˇ gah-euˬ nui noeˬ neh bi sheuˬ pyawˇ taˬ-euˬ miˇ neh, aˬ yawꞈ-ahˇ ngehˬ maˬ paˇ gʼeh nehˬ nya meh. Aˬ yawꞈ-euˬ aˬ laꞈ-ahˇ tuˆ tehˬ taˬ-euˬ tahˬ pahˬ aˬ ma mawˇ kawˇ kʼoeˇ miˬ yehˇ maˬ ngeuˇ-eu gaˇ kawˆ, aˬ yawꞈ-ahˇ maˬ mehˬ paˇ nya-a.

Iˇsaˬyaˇ 44:9

Tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu deuˬ, tsawˇ haˬ dawˇ ga pyeuꞈ-awˇ, aˬ yawꞈ maꞈ taˬ huiˬ taˬ mahˇ luꞈ-eu miˬ yehˇ tiˬ jeˬ-iˬ gaˇ dahˇ maˬ tsoeˬ-a. Miˬ yehˇ kʼoeˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ myaˆ behꞈ-ahˇ duˇ-awˇ zaˬ siˬ tsawˇ gahˇ maˬ ahˇ-eu miˇ neh, ya shaꞈ dawˇ gaˇ keuˆ tehꞈ-a.

Daˬyeˬlaˇ 3:5

daˇ heh baw-awˇ, bawˬ law baw, deuˇ-mˬ diˬ-eu teˇ saˇ naw maꞈ ya gaˬ tehꞈ-a. Kʼoeˇ naˇ, caˇ dawˬ caˇ gaˇ diˬ-eu baw-eu keu ka dawˬ tawˆ luꞈ diˬ-eu baw-eu teˇ saˇ mahˇ doˆ laˇ tehꞈ-a. Kʼoeˇ loꞈ-ehˇ mahˇ doˆ laˇ-eu nehˬ-ehˇ, naw maꞈ dawˬ tawˆ luꞈ awˆ byaˆ-awˇ, sahˬ paˬ Neˬbuˬkaˬneˬzaˬ neh ka tuˇ-euˬ shuiˇ mawˇ kawˇ-ahˇ uˬ duˬ ya tahˬ meh.

Daˬyeˬlaˇ 5:23

Mˬ taˆ Sahˬpaˬ Miˬyehˇ-ahˇ nawˇ jahˇ gʼeh haw-eu laꞈ kʼoeˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu kʼmˬ maˬ deuˬ nawˇ yuˇ ahˇ laꞈ-awˇ, nawˇ hawˇ-eu nawˬ-euˬ gaˇ mˇ-eu sahˬ paˬ sahˬ ma deuˬ, nawˬ-euˬ miˬ zaˬ deuˬ hawˇ-eu ma nyiˇ deuˬ, aˬ gaꞈ dzaˇ uiˇ kʼaˇ ahˇ-awˇ dawˇ dawˇ-ehˇ, naˬ bawˇ maˬ gaˬ nya, myaˆ nuiˆ maˬ mawˇ nya-eu tiˬ jeˬ-iˬ maˬ siˬ nya-eu miˬ yehˇ deuˬ pyeuꞈ-eu, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo, heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh. Ehˇ kʼawꞈ, nawˬ-ahˇ toeˬ dehꞈ toeˬ shiˇ nya-awˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ-ahˇ tuˆ tehˬ luꞈ-eu Miˬyehˇ-ahˇ nawˇ maˬ taˬ huiˬ-a.

Hawˇseˬ 8:6

Iˇsaˬleˬlaˆ ba jiˬ tehˆ-euˬ, mawˇ kawˇ kʼoeˇ miˬ yehˇ maˬ ngeuˇ-a. Saˬmaˬliˆ-euˬ mawˇ neˇ mawˇ kawˇ, kʼehꞈjiˇ kʼoeˆjiˇ gaˇkeuˆ tehꞈ-a.

Gʼaˬkʼehˇ 19:26

Nymˬ-mˇ, Pawˇluˆ lehˇ kuˇ-eu tsawˇ haˬ kʼoeˇ gʼaˬ aˬ jeˬ ehˇ luꞈ-eu gaˇ kawˆ naw maꞈ ya siˬ ya mawˇ luꞈ meh. Tsawˇ haˬ zaˬ-euˬ aˬ laꞈ neh jahˇ-euˬ miˬ yehˇ-aˬ, miˬ yehˇ maˬ ngeuˇ-a lehˇ ehˇ ehˇ-ehˇ, Eˇpeˇsu meuˬ heu meuˬ laꞈ kʼoeˇ tehꞈ-ehˇ maˬ ngeuˇ-ehˇ, Aˬshaˆ miˇ kʼahˬ kʼahˬ lah ni ehˇ gʼaˬ ni tsawˇ haˬ gʼawˬ mya ni nui ma paˇ laˇ ni aˬ yawꞈ neh laˆ jah jiˇ taˬ-euˬ meh.

Gʼaˬkʼehˇ 19:35

Aˇ saˬ saˬ laˇ ngeh, meuˬ-euˬ jeˇ leˇ loˇ neh tsawˇ haˬ aˇ maꞈ kʼoeˇ maꞈ-ahˇ laˆ coꞈ-euˬ meh. Aˬ yawꞈ heu loꞈ-ehˇ ehˇ nehˬ-euˬ meh. “Eˇpeˇsu meuˬ-ahˇ jawˇ-eu aˬ yuiꞈ aˬ nyiˇ deuˬ-oˇ, Eˇpeˇsu meuˬ-aˬ, huiˬ-eu mahˇ-eu Aˬdeˬmiˇ miˬ yehˇ ma-euˬ uˬ duˬtahˬ nymˇ hawˇ-eu mˬ-ahˇ neh ga le-euˬ muiˬ-eu shawˇ-eu kʼaˬ lo-ahˇ jeˬ hmˬ bo saˆ taˬ-euˬ meuˬ pyeuꞈ-eu gaˇ kawˆ, tsawˇ haˬ yawˬ gʼaˬ na luꞈ siˬ nya meh.

Dawˬmehˬ 4:28

Tsawˇ haˬ zaˬ-euˬ aˬ laꞈ neh jahˇ taˬ-awˇ, kʼaˬ lo hawˇ-eu daˇ kawˬ taꞈ taˬ-euˬ miˬ yehˇ deuˬ pyeuꞈ-eu, maˬ mawˇ nya, maˬ gaˬ nya, maˬ dzaˬ maˬ dawˇ nya, yaw saꞈ maˬ behꞈ laꞈ nya-eu miˬyehˇ deuˬ-ahˇ kʼoeˇ gaˇ naw maꞈ uˬ duˬ ya tahˬ tehꞈ-a.