Jaceuq 115:16 - Akha

¹⁶ Mˬ-aˬ, Sahˬpaˬ Miˬyehˇ-euˬ tehꞈ-ehˇ pyeuꞈ kʼawꞈ, tsawˇ haˬ zaˬ-ahˇ miˇ tsaˬ tahˬ kʼawˇ biꞈ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Mq-aq, Ya’we Miqyaer-euq mq pyeuf-eu khawf, Mirtsaq tanqkhawr-aq, tsawrhaq-euq zaqdeuq-anr bifnaeq taq-euq mae.

Jaceuq 115:16 ပူးပေါင်းရင်းမြစ်များ

Jaceuq 144:5

Sahˬpaˬ Miˬyehˇ-oˇ, mˬ dehˬ paˆ-awˇ zaꞈ ka le-awˬ. Gawˬ jawˬ-ahˇ toeˬ ciˆ-awˇ uˬ kʼoeˬ bi du doˆ laˇ-awˬ.

Jaceuq 148:4

Goˇ dui dui-eu mˬ deuˬ aˬ yawꞈ-ahˇ ja ceuˬ-awˇ, mˬ-euˬ kʼoeˇ taˆ paw jaˆ-eu iˇ cuꞈ deuˬ kʼawꞈ, aˬ yawꞈ-ahˇ ja ceuˬ-awˬ.

Jaceuq 8:6

Nawˬ-euˬkuiˇzaˇlaꞈzaˇkʼoeˇtaˆ, tsawˇhaˬzaˬneh bi uˆlahˇ-awˇ, nawˬneh kʼaˇbeh-euˬ jeˬdawˬtawˆ, yawꞈ-euˬlaꞈoˆbi jaˆ-euˬmeh.

Jaceuq 89:11

Mˬ hawˇ-eu miˇ dawˬ tawˆ luꞈ nawˬ-euˬ meh. Miˇ tsaˬ tahˬ kʼawˇ hawˇ-eu miˇ tsaˬ kʼoeˇ taˆ kʼaˇ jaˆ-eu jeˬ dawˬ tawˆ luꞈ nawˬ neh beh-euˬ meh.

Jaceuq 89:12

Miˇ tsaˬ tahˬ kʼawˇ laꞈ oˆ pyawˬ laꞈ taˆ pyawˬ baw ni nawˬ neh beh taˬ-euˬ meh. Taˬbawˬ gawˬ jawˬ hawˇ-eu Heˬlaˬmoˬ gawˬ jawˬ, laˬ kʼaˬ tiˬ cehˇ nawˬ-ahˇ ja ceuˬ luꞈ meh.

Iˇsaˬyaˇ 45:18

Sahˬpaˬ Miˬyehˇ mˬ-ahˇ beh-euˬ meh. Aˬ yawꞈ-aˬ, Miˬyehˇ meh. Miˇ tsaˬ tahˬ kʼawˇ aˬ yawꞈ tehˆ-awˇ, ziꞈ dah ni laˆ ziꞈ taˬ-euˬ meh. Miˇ tsaˬ-ahˇ yawꞈ ngehꞈ-ehˇ beh taˬ-euˬ maˬ ngeuˇ-ehˇ, tsawˇ haˬ bi jawˇ-eu gʼaˇ duˬ beh-euˬ meh. Aˬ yawꞈ heu loꞈ-ehˇ ehˇ nehˬ-eu meh. “Ngaˇ Sahˬpaˬ Miˬyehˇ ma. Miˬ yehˇ nui gʼaˬ maˬ jawˇ.”

Iˇsaˬyaˇ 66:1

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ maˬ ngaˬ-euˬ nuiˇ duˬ pyeuꞈ-awˇ, miˇ maˬ aˬ kuiˇ cawˬ taˬ duˬ ma. Naw maꞈ ngaˬ-euˬ gʼaˇ duˬ nymˇ aˬ joˆ-ehˇ tsoˆ-awˇ, ngaˬ-ahˇ aˬ geu gaˇ bi jawˇ-eu gʼeh te.

Ngoeˇ dawˬ 3:66

Nui ma pehˇ-eu laꞈ kʼoeˇ teh-awˇ, mˬ heu siˬ-euˬ uˬ moˆ yawꞈ maꞈ, tiˬ gʼaˬ-iˬ maˬ bi dzeuˇ-iˇ ni, Sahˬpaˬ Miˬyehˇ nawˇ jahˇ nehˬ-awˬ.

Yoˇhaˬ 14:2

Ngaˬ Da-euˬ nymˇ-ahˇ jawˇ kʼaˇ za gahˬ meh. Ngaˇ naw maꞈ gʼaˇ duˬ jawˇ zaˇ laˆ saˆ leˇ ma. Jawˇ kʼaˇ maˬ za law nmˇ-aˬ, maˬ za-a lehˇ ngaˇ dawˇ coe ni ehˇ ma.

Dawˬmehˬ 10:14

Goˇ dui dui-eu mˬ deuˬ maˬ ehˇ, miˇ tsaˬ maˬ ehˇ, miˇ tsaˬ kʼoeˇ taˆ kʼaˇ jaˆ-eu yawˬ jeˬ na luꞈ maˬ ehˇ, Sahˬpaˬ Miˬyehˇ-euˬ pyeuꞈ-eu meh.

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.