Jaceuq 111:5 - Akha

⁵ Aˬ yawꞈ-ahˇ taˬ huiˬ-eu deuˬ-ahˇ aˬ yawꞈ bi dzaˬ bi dawˇ dehˆ-awˇ, aˬ yawꞈ-euˬ dawˬ ma saˇ jaˇ-ahˇ aˬ yawꞈ maˬ ngehˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawf, aqyawf-anr guv-eu deuq-anr dzaqdzaq dawrdawr bif-awr; Aqyawf, tiqjawr-iq aqyawf-euq dawqma sarjax-anr maqngaer-a.

Jaceuq 111:5 ပူးပေါင်းရင်းမြစ်များ

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Jaceuq 105:8

Aˬ yawꞈ-euˬ dawˬ ma saˇ jaˇ-ahˇ mˬ maˬ maˬ byaˆ zaˇ ziˇ aˬ yawꞈ ziꞈ-awˇ, aˬ yawꞈ-euˬ saˇ jaˇ dawˬ-ahˇ aˇ heˇ ziˇ ziꞈ tehꞈ-a.

Jaceuq 106:45

Aˬ yawꞈ maꞈ-euˬ gʼaˇ duˬ dawˬ ma saˇ jaˇ-ahˇ noeˬ keuˆ nehˬ-awˇ, aˬ yawꞈ-euˬ huiˬ-eu gʼoeˇ-eu gaˬ-eu jeˬ baˬ da neh, aˬ yawꞈ nui ma juˆ-iˇ-eu laꞈ kʼoeˇ,

Jaceuq 33:18

SahˬpaˬMiˬyehˇ-euˬmyaˆnuiˆ-aˬ, yawꞈ-ahˇzeu-eu tsawˇhaˬhawˇ-eu, yawꞈgaˬgaˇgʼoe-eu tsawˇhaˬ-ahˇ, maˬtsehˆleˇni haw piˇ-eu meh.

Jaceuq 33:19

Shiˇ-eu laꞈkʼoeˇ ka kʼoꞈnehˬ-awˇ, mehꞈngeh shuꞈngeh maˬbi shiˇ-a.

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

Jaceuq 89:34

Dzaˬ taˬ-euˬ dawˬ ma saˇ jaˇ-ahˇ maˬ puiˬ-ehˇ, kʼaˇ dzaˬ taˬ-euˬ tiˬ jeˬ-iˬ maˬ yuˇ kʼoꞈ.

Iˇsaˬyaˇ 33:16

Kʼoeˇ loꞈ-ehˇ dehꞈ-eu gʼaˬ nui saˇ oꞈ-awˇ, ziꞈ dah ni gʼeh-eu taˆ laꞈ kʼoeˇ jawˇ-eu loꞈ-ehˇ, guˆ-eu gaˆ-eu jeˬ-ahˇ dzeuˇ-eu uˬ taꞈ, dzaˬ-eu dzaˇ hawˇ-eu dawˇ-eu iˇ cuꞈ gʼaˇ duˬ, kʼahˬ maˬ lahˇ ni ya dehꞈ tehꞈ-a.

Daˬyeˬlaˇ 9:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ jeuˬ-euˬ iˬ baˇ ehˇ doˆ nehˬ-euˬ ma. “Sahˬpaˬ Miˬyehˇ pyeuꞈ-eu Miˬyehˇ-oˇ, nawˇ-aˬ, huiˬ dui mahˇ dui dui-eu gʼaˬ meh. Nawˬ-ahˇ nga maꞈ taˬ huiˬ taˬ mahˇ-eu ma. Nawˬ-euˬ dawˬ ma saˇ jaˇ-ahˇ nawˇ maˬ byehˇ dzeh ni, nawˬ-ahˇ gaˬ-awˇ, nawˬ-euˬ dawˬ-ahˇ naˇ haˬ geuꞈ-eu tsawˇ haˬ deuˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ tiˬ jawˇ-iˬ maˬ tsehˆ-iˇ-a.

Luˇkaꞈ 1:72

Aˬ dui-euˬ poeˬ piˬ kʼoeˇ deuˬ-ahˇ, aˬ yawꞈ gʼawˬ shaˬ gaˬ-eu laꞈ kʼoeˇ, muiˬ-eu shawˇ-eu dawˬ ma saˇ jaˇ, noeˬ keuˆ ma lehˇ yawꞈ ehˇ-eu meh.

Luˇkaꞈ 12:30

Aˬ jeˬ miˇ neh ehˇ naˇ, lawˇ ciꞈ zaˬ dawˬ tawˆ luꞈ kʼoeˇ jeˬ-ahˇ poˆ luꞈ meh. Naw maꞈ kʼoeˇ jeˬ loˬ meh lehˇ, naw maꞈ-euˬ Aˬda siˬ nya meh.