Jaceuq 111:4 - Akha

⁴ Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf, aqyawf-euq zanqler paq-aer ghae-eu gardeuq-anr bi noeqtaq-eu gharduq mr-euq mae. Ya’we Miqyaer-aq, guiqlanq yawdzanr, Hawr-eu ghawqshaq gaq-eu jeq byan-eu mae.

Jaceuq 111:4 ပူးပေါင်းရင်းမြစ်များ

2 Laˬsaˬbaˬ 30:9

Naw maꞈ Sahˬpaˬ Miˬyehˇ jawˇ paw gʼoꞈ laˇ naˇ, naw maꞈ-euˬ aˬ yuiꞈ aˬ nyiˇ deuˬ-ahˇ nyehꞈ gʼeh-euˬ tsawˇ haˬ deuˬ naw maꞈ-euˬ aˬ yuiꞈ aˬ nyiˇ kʼoeˇ deuˬ-ahˇ gʼawˬ shaˬ haw gaˬ-awˇ, iˇ kʼahˇ-ahˇ bi gʼoꞈ laˇ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nya-eu miˇ neh, naw maꞈ aˬ yawꞈ jawˇ paw gʼoꞈ laˇ naˇ, aˬ yawꞈ naw maꞈ-ahˇ ha geuꞈ nehˬ laꞈ tehꞈ-a.”

Jaceuq 103:8

Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu meh. Nui ma pehˇ-eu maˬ kawˇ-eu uˬ taꞈ, maˬ tsehˆ leˇ nya-eu gʼoeˇ-eu gaˬ-eu jeˬ byah luꞈ-eu meh.

Jaceuq 112:4

Gʼawˬ shaˬ gaˬ nya-awˇ yaw tsaˬ yaw dawˇ jeˬ-ahˇ gaˬ-eu muiˬ-eu jaˬ-eu tsawˇ haˬ deuˬ kʼoeˇ taˆ, yaw zahˇ laꞈ kʼoeˇ yaw shehꞈ bya-eu meh.

Jaceuq 145:8

Sahˬpaˬ Miˬyehˇ-aˬ, gʼoeˇ-eu gaˬ-eu jeˬ byah-awˇ, gʼawˬ shaˬ gaˬ nya-eu uˬ taꞈ, yaw awˇ laꞈ-ehˇ nui ma maˬ pehˇ-ehˇ, gʼoeˇ-eu gaˬ-eu jeˬ maˬ tsehˆ leˇ-a.

Jaceuq 78:38

Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ Miˬyehˇ gʼawˬ shaˬ gaˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ maˬ bi keuˆ le-a. Aˬ yawꞈ nui ma kʼaˇ pehˇ-eu loꞈ-ehˇ aˬ laꞈ maˬ bi keuˆ leˇ ni, gʼawˬ mya poˆ oˇ dzeuˇ nehˬ-euˬ meh.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Iˇsaˬyaˇ 63:7

Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.