Jaceuq 111:3 - Akha

³ Aˬ yawꞈ neh kʼaˇ mˇ-euˬ jeˬ dawˬ tawˆ luꞈ baoˬ yaw shehꞈ jaˆ-awˇ, taˬ huiˬ taˬ mahˇ dui dui paˬ-ehˇ gʼeh-eu meh. Aˬ yawꞈ-euˬ yaw tsaˬ yaw dawˇ jeˬ mˬ maˬ maˬ byaˆ zaˇ ziˇ ziꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf nae mr-euq gar-aq, Yawshaef khanqsaer huiq-awr taqhuiq taqmanr paq-aer ghae-eu mae. Aqyawf-euq tsaq-awr dawr-eu jeq, mqmaq maqbyav yarzir zif-eu mae.

Jaceuq 111:3 ပူးပေါင်းရင်းမြစ်များ

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Jaceuq 112:3

Aˬ yawꞈ-euˬ nymˇ jiˇ smˇ muiˬ smˇ baw baw laˇ-awˇ, mˬ maˬ maˬ byaˆ zaˇ ziˇ guiˬ lahˬ baw tehꞈ-a.

Jaceuq 112:9

Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

Jaceuq 119:142

Nawˬ-euˬ yaw tsaˬ yaw dawˇ jeˬ mˬ maˬ maˬ byaˆ zaˇ ziˇ gmˬ-awˇ, nawˬ-euˬ zahˇ dawˬ kʼoꞈ dawˬ aˬ myah luꞈ tsaˬ-eu meh.

Jaceuq 119:144

Nawˬ neh mehˬ nehˬ laꞈ-euˬ dawˬ aˬ myah luꞈ tsaˬ-eu meh. Ngaˇ yaw dehꞈ ya dehꞈ ni noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 145:17

Sahˬpaˬ Miˬyehˇ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, yaw tsaˬ yaw dawˇ jeˬ hawˇ-eu gʼawˬ shaˬ gaˬ-eu jeˬ ahˇ-eu meh.

Jaceuq 19:1

Miˬyehˇ-euˬyaw shehꞈkʼahˬsehˇ-ahˇ, mˬtaˆbya cehˆni pah mehˬ-awˇ, aˬyawꞈ-euˬkuiˇzaˇlaꞈzaˇ-ahˇ, mˬtiˬbyah ni byaˬtaˬ-euˬmeh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Iˇsaˬyaˇ 51:8

Aˬ iˬ bi shehˇ byoˆ-euˬ mehˬ tsoeˬ paˇ cehˇ loꞈ-ehˇ, aˬ yawꞈ maꞈ ya cawˆ-iˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-eu jeˬ poˆ laˇ paˇ laˇ-eu maˬ baw-a.”

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.