Jaceuq 109:18 - Akha

¹⁸ Yaˬ kʼehˇ yaˬ-eu jeˬ-ahˇ mehˬ tsoeˬ dm-eu loꞈ-ehˇ aˬ yawꞈ dm tsahˬ taˬ-euˬ meh. Aˬ yawꞈ neh yaˬ kʼehˇ yaˬ-euˬ jeˬ iˇ cuꞈ nyiꞈ leˇ-eu loꞈ-ehˇ aˬ yawꞈ-euˬ gʼawˇ mawˇ-ahˇ nyiꞈ leˇ-awˇ, tsiˇ nyiꞈ leˇ-eu loꞈ-ehˇ aˬ yawꞈ-euˬ shaˬ yoeˬ-ahˇ nyiꞈ leˇ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqyawf maeqtsoeq dm-eu lof-aer, Yaqkhaer yaq-eu jeq dmtsanq taq-euq mae. Khoermirnae, yaqkhaer yaq-eu jeq ircuf nyif-ir-eu lof-aer aqyawf-euq mawrdo-anr nyif-ir-awr, Tsir nyif-ir-eu lof-aer aqyawf-euq shaqyoeq-anr nyif-ir luf-ur.

Jaceuq 109:18 ပူးပေါင်းရင်းမြစ်များ

Yawˇbaˆ 29:14

Ngaˇ aˬ myah luꞈ yaw tsaˬ yaw dawˇ dawˇ-ehˇ dehꞈ-awˇ,

Jaceuq 109:19

Yaˬ kʼehˇ yaˬ-eu jeˬ mehˬ tsoeˬ dm-eu loꞈ-ehˇ aˬ yawꞈ-ahˇ dm gʼoeˬ-awˇ, joꞈ paꞈ loꞈ-ehˇ aˬ myah luꞈ lahˇ tehˬ taˬ luꞈ-uˇ.

Jaceuq 73:6

Kʼoeˇ miˇ neh nui ma huiˬ-eu jeˬ lahˇ dah dah-awˇ yaw haiˬ mˇ-eu jeˬ dm-eu meh.

Bawˇtsahˬ 5:22

Iˇ cuꞈ heu nawˬ-euˬ uˬ maˆ laꞈ kʼoeˇ uˇ keuˆ-iˇ-awˇ, nawˬ-eu uˬ maˆ puˬ laˇ-awˇ, nawˬ-euˬ pyaˬ kaˬ liˬ-iˇ koˆ-iˇ-eu jeˬ bi keuˆ le luꞈ-uˇ.” Zaˬ miˬ zaˬ kʼoeˇ gʼaˬ gʼeh, “Ngaˇ nui ma tsaˬ ma. Sahˬpaˬ Miˬyehˇ kʼoeˇ loꞈ-ehˇ mˇ nehˬ laꞈ luꞈ-uˇ” lehˇ ya ehˇ meh.

Bawˇtsahˬ 5:27

Zaˬ miˬ zaˬ kʼoeˇ gʼaˬ kʼaˬ dzeˇ zaˬ nui gʼaˬ nehˬ-ehˇ bahˬ taˬ-euˬ jaˆ naˇ, iˇ cuꞈ kʼoeˇ naˇ-eu gawˇ-eu jeˬ bi keuˆ le tehꞈ-a. Aˬ yawꞈ-euˬ uˬ maˆ puˬ laˇ-awˇ, aˬ yawꞈ-euˬ pyaˬ kaˬ liˬ-iˇ koˆ-iˇ tehꞈ-a. Aˬ yawꞈ-euˬ tsawˇ haˬ laꞈ kʼoeˇ, aˬ yawꞈ kʼoeˇ taˆ yaˬ kʼehˇ yaˬ-eu jeˬ keuˆ le tehꞈ-a.

Maꞈtehˬ 26:24

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-euˬ kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Gʼaˬkʼehˇ 1:18

(Haiˬ dui dui-eu gaˇ kʼoeˇ mˇ-awˇ za-euˬ pyuˇ neh, miˇ tsaˬ tiˬ tsahˇ Yuˇdaˆ zeuˇ-awˇ, miˇ tsaˬ kʼoeˇ tsahˇ-ahˇ aˬ yawꞈ uˬ duˬ tahˬ poˆ-ehˇ ga sehꞈ-euˬ meh. Aˬ yawꞈ-euˬ u maˆ ga paˆ-awˇ, baw uˇ baw ma dawˬ tawˆ luꞈ doˆ le jiˇ-euˬ meh.

Gawˇlawˇsehˇ 3:12

Naw maꞈ-aˬ, Miˬyehˇ-euˬ tsawˇ haˬ meh. Aˬ yawꞈ naw maꞈ-ahˇ gaˬ-awˇ, aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ tseˇ doˆ taˬ-euˬ meh. Kʼoeˇ miˇ neh, aˬ cawˬ-ahˇ gʼawˬ shaˬ gaˬ-eu, aˬ cawˬ-ahˇ ngehˬ gʼeh mawꞈ-eu, yawˬ haˇ yawˬ ha taˬ nyiˇ-eu, nui nahˬ nui yu ahˇ-eu, nui ma gʼawˬ mahˇ ni taˬ-eu, heu deuˬ-ahˇ naw maꞈ dm tsahˬ taˬ-awˬ.

Gawˇlawˇsehˇ 3:8

Nui ma pehˇ-eu, nui ma daˆ-eu, aˬ cawˬ-ahˇ yaw doeˇ jahˇ mawꞈ-eu, heu deuˬ-ahˇ naw maꞈ nymˬ-mˇ byehˇ tsehˆ tsehˆ-awˬ. Aˬ cawˬ-ahˇ dawˬ doeˇ ngehˬ daˆ-eu jeˬ hawˇ-eu jawꞈ dui dui-eu dawˬ ngehˬ-eu jeˬ, naw maꞈ-euˬ kʼaˬ meh-ahˇ taˬ paˇ bi doˆ laˇ.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.