Jaceuq 107:41 - Akha

⁴¹ Ehˇ kʼawꞈ shaˬ-eu tsawˇ haˬ deuˬ shaˬ zahˬ naꞈ gaˇ aˬ yawꞈ ka kʼoꞈ le-awˇ, aˬ yawꞈ maꞈ-euˬ miˬ sawˇ zaˬ deuˬ-ahˇ, mawˇ neˇ mawˇ maꞈ loꞈ-ehˇ bi jeuˬ bi o le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Aerkhawf, irshaqzaq-anr shaqzanq naf-eu garmanr kaq-eu gar nae yawgor-anr bijawr-awr; Aqyawf maf-euq nymrkhanq deuq-aq, yawr-euq baqmaf-anr bi durlar-euq mae.

Jaceuq 107:41 ပူးပေါင်းရင်းမြစ်များ

Aˇ dahˬ 48:11

“Nawˬ-ahˇ tiˬ jawˇ-iˬ maˬ paˇ ya mawˇ-eu duˇ lehˇ ngaˇ noeˬ jiˇ gʼaˬ-euˬ kʼawꞈ, nawˬ-ahˇ tehꞈ-ehˇ maˬ ngeuˇ-ehˇ, nawˬ-euˬ zaˬ deuˬ-ahˇ kʼawꞈ Miˬyehˇ ngaˬ-ahˇ paˇ bi mawˇ laꞈ-euˬ nga” lehˇ, Yoˇsehˆ-ahˇ Yaˬkoˆ ehˇ nehˬ-euˬ meh.

Yawˇbaˆ 21:11

Aˬ yawꞈ maꞈ-euˬ zaˬ deuˬ yawˇ zaˬ loꞈ-ehˇ cehˆ niˇ gʼa-awˇ,

Yawˇbaˆ 36:15

Ehˇ kʼawꞈ, shaˬ-eu zahˬ-eu jeˬ laꞈ kʼoeˇ tsawˇ haˬ zaˬ-ahˇ Miˬyehˇ mehˬ nehˬ tsoˆ nehˬ-awˇ, bi siˬ bi mawˇ laˇ-eu gʼaˇ duˬ noeˬ shaˬ noeˬ zahˬ-eu jeˬ bi keuˆ le-eu meh.

Yawˇbaˆ 42:16

Yawˇbaˆ-aˬ, kʼoeˇ sahˇ miˇ tsa tiˬ yaˇ oeˬ tseˇ kʼoꞈ paˇ dehꞈ-awˇ, oeˬ paˬ oeˬ ma deuˬ uˬ taꞈ, oeˬ lehˬ deuˬ-ahˇ kʼawꞈ mawˇ yaꞈ-euˬ meh.

Yawˇbaˆ 5:11

Nui nahˬ nui yu -ahˇ ciˬ huiˬ-awˇ, Ngoeˇ-eu deuˬ laˬ kʼaˬ ya cehˇ ni, caw ba nehˬ-eu gʼaˬ Miˬyehˇ meh.

Yawˇbaˆ 8:7

Nawˬ neh smˬ jiˇ-euˬ pyuˇ shuiˇ myawˬ gahˬ deuˬ-aˬ, Miˬyehˇ nawˬ-ahˇ biꞈ-eu lehˇ gʼeh-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Jaceuq 128:6

Nawˬ-euˬ oeˬ paˬ oeˬ ma-ahˇ ya mawˇ ngeh keuˆ ni, nawˇ ziˇ baw ziˇ za le luꞈ-uˇ. Iˇsaˬleˬlaˆ tsawˇ jeuˬ nui saˇ oꞈ luꞈ-uˇ.

Jaceuq 78:52

Kʼoeˇ naˇ, yawˇ bo-eu yaw sahˇ loꞈ-ehˇ, aˬ yawꞈ-euˬ tsawˇ haˬ-ahˇ aˬ yawꞈ sheuˬ doˆ gʼeh-awˇ, kʼaˇ shuiꞈ deh ga gʼahˇ ceh sheuˬ gʼeh-euˬ meh.

Dawqdaq 17:6

Tsawˇ mawˬ-euˬ kʼahˬ sehˇ oeˬ paˬ oeˬ ma pyeuꞈ-awˇ, zaˬ-euˬ kʼahˬ sehˇ aˬ da meh.

Yeˬlaˬmiˇ 31:27

“Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ, tsawˇ haˬ hawˇ-eu jeˬ zaˬ deuˬ ngaˇ bi byah laˇ-eu aˇ yamˬ dawˬ peh peh le luꞈ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yaˬkoˆ 5:11

Aˬ yawꞈ maꞈ daˬ dzeuˇ oˇ dzeuˇ nya-euˬ miˇ neh guiˬ lahˬ huiˬ-eu tsawˇ haˬ lehˇ aˬ dui kuˇ-eu ma. Yawˇbaˆ aˬ joˆ-ehˇ oˇ-euˬ gaˇ kawˆ hawˇ-eu, aˇ saˬ saˬ ngeh Sahˬpaˬ Miˬyehˇ aˬ yawꞈ-ahˇ guiˬ lahˬ aˬ joˆ-ehˇ biꞈ nehˬ-euˬ gaˇ kawˆ naw maꞈ siˬ nya meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, gʼawˬ shaˬ gaˬ-eu jeˬ tiˬ byah ni ahˇ-eu meh.

1 Saˬmeuˬlaˆ 2:21

Haˬnahˬ-ahˇ Sahˬpaˬ Miˬyehˇ aˬ diˇ aˬ maˇ guiˬ lahˬ biꞈ nehˬ-awˇ, aˬ li smˬ li hawˇ-eu aˬ buˇ nyiˬ buˇ paˇ bi jawˇ le-euˬ meh. Aˬ li Saˬmeuˬlaˆ gʼaˬ-aˬ, Sahˬpaˬ Miˬyehˇ-euˬ gaˇ mˇ mˇ-ehˇ huiˬ laˇ luꞈ-eu meh.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.