Jaceuq 106:44 - Akha

⁴⁴ Ehˇ kʼawꞈ, aˬ yawꞈ maꞈ kʼaˇ kuˇ ngeh Sahˬpaˬ Miˬyehˇ naˇ haˬ nehˬ-awˇ, aˬ yawꞈ maꞈ-ahˇ gʼawˬ shaˬ haw gaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Khoerlof-aer law-awr khawf, Aqyawf, aqyawfmaf gur-eu gar yagaq ngae; Aqyawf, aqyawfmaf shaqzanq daqluf-eu garkawv sharnoeq naeq-euq mae.

Jaceuq 106:44 ပူးပေါင်းရင်းမြစ်များ

2 Laˬsaˬbaˬ 6:25

mˬ kʼoeˇ taˆ jawˇ-awˇ aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Aˬ yawꞈ maꞈ-ahˇ nawˇ iˬ baˇ pyehˬ nehˬ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ hawˇ-eu aˬ yawꞈ maꞈ-ahˇ nawˬ neh biꞈ taˬ-euˬ miˇ kʼahˬ-ahˇ, aˬ yawꞈ maꞈ-ahˇ nawˇ sheuˬ kʼoꞈ gʼeh nehˬ-awˬ.

Jaceuq 107:13

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 107:19

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 107:28

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 107:6

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 136:23

Aˬ cawˬ aˬ dui-ahˇ gʼaˬ laˇ ngeh, aˬ dui-ahˇ aˬ yawꞈ maˬ ngehˇ-a. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Yaˇ kʼaˬ daˇ 2:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ aˬ yuiꞈ aˬ tsu tiˬ gʼaˬ kʼaˇ biꞈ nehˬ ngeh, aˬ yuiꞈ aˬ tsu kʼoeˇ gʼaˬ kʼaˇ dehꞈ kʼoeˇ keuˆ ni aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ, muiˇ-eu tsawˇ haˬ deuˬ-euˬ aˬ laꞈ laꞈ kʼoeˇ neh bi ka kʼoꞈ-euˬ meh. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ mahˇ luꞈ-eu teˇ saˇ-ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ-ahˇ gʼawˬ shaˬ gaˬ-euˬ meh.

Yaˇ kʼaˬ daˇ 3:9

Kʼoeˇ naˇ, Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ guˇ-eu miˇ neh, aˬ yawꞈ maꞈ-ahˇ bi ka kʼoꞈ-eu gʼaˇ duˬ, Sahˬpaˬ Miˬyehˇ tsawˇ haˬ tiˬ gʼaˬ pyehˬ gʼeh-euˬ meh. Tsawˇ haˬ kʼoeˇ gʼaˬ-aˬ, Gaˬlehˆ-euˬ aˬ nyiˇ Gaˬnaˆ-euˬ aˬ li Awˇdaˬneˬlaˇ pyeuꞈ-eu meh.

Yaˇ kʼaˬ daˇ 4:3

Yaˬbiˬ-aˬ, shmˇ mahˬ laˆ lawˬ gʼoeˬ yaˇ laˇ jawˇ-awˇ, Iˇsaˬleˬlaˆ tsawˇ haˬ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-eu laꞈ kʼoeˇ, nyiˬ tseˇ kʼoꞈ uˆ lahˇ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ, caw ba le-awˬ lehˇ guˇ guˇ-ehˇ ngoeˇ-euˬ meh.

1 Saˬmeuˬlaˆ 9:16

“Ni shawˬ nah heu yamˬ-ahˇ, nawˇ jawˇ gaˇ Beˬyaˬmiˬ tsawˇ haˬ tiˬ gʼaˬ bi laˇ doˆ ma. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ bi uˆ lahˇ-eu gʼaˇ duˬ, aˬ yawꞈ-ahˇ tsiˇ shehˆ daˆ nehˬ-awˬ. Aˬ yawꞈ maꞈ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ neh aˬ yawꞈ ka kʼoꞈ nehˬ tehꞈ-a. Ngaˬ-euˬ tsawˇ haˬ deuˬ ya daˬ luꞈ-eu jeˬ-ahˇ ngaˇ mawˇ-awˇ, ‘Caw ba nehˬ laꞈ-awˬ’ lehˇ aˬ yawꞈ maꞈ guˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma.”