Jaceuq 106:4 - Akha

⁴ Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ nawˇ ngehˬ gʼeh ngeh, ngaˬ-ahˇ taˬ ngehˇ nehˬ laꞈ. Aˬ yawꞈ maꞈ-ahˇ nawˇ ka kʼoꞈ ngeh, ngaˬ-ahˇ taˬ byehˇ dzeh nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ya’we Miqyaer-or! Nawr, nawq-euq tsawrhaq-anr ghoer mr-eu lafkhoer, ngaq-anr noeqkeuv naeqlaf. Nawr, kakhof-eu jeq yur-awr ngar jawr-eu gar oemawr-awq.

Jaceuq 106:4 ပူးပေါင်းရင်းမြစ်များ

Neˬhaˬmiˇ 13:14

Ngaˬ-euˬ Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ gaˇ nawˬ-ahˇ uˬ duˬ ya tahˬ ni ngaˬ neh leh jeh-euˬ gaˇ heu deuˬ-ahˇ noeˬ keuˆ-eu laꞈ kʼoeˇ yawˬ ngehꞈ-ehˇ taˬ bi pyeuꞈ-iˇ nehˬ laꞈ.

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Neˬhaˬmiˇ 5:19

Miˬyehˇ-oˇ, tsawˇ haˬ heu deuˬ gʼaˇ duˬ ngaˬ neh mˇ-euˬ yawˬ jeˬ na luꞈ-ahˇ maˬ ngehˇ ni noeˬ keuˆ nehˬ laꞈ lehˇ nawˬ-ahˇ ngaˇ shaˇ-eu ma.

Jaceuq 119:132

Nawˬ-ahˇ gaˬ-eu tsawˇ haˬ deuˬ-ahˇ nawˇ ngehˬ gʼeh nehˬ-eu loꞈ-ehˇ, ngaˬ-ahˇ haw-awˇ gʼawˬ shaˬ gaˬ nehˬ laꞈ.

Jaceuq 25:7

Ngaˇzaˬguˬpyeuꞈngeh mˇyaꞈ-euˬ, yaw lehˬyaw ca iˬbaˇdeuˬ-ahˇ, maˬjuiˇtaˬni iˬbaˇpyehˬlaꞈ. Nawˬ-euˬyaw muiˬyaw jaˬhawˇ-eu, maˬtsehˆleˇ-eu gaˬ-eu laꞈkʼoeˇ, ngaˬ-ahˇmaˬngehˇni noeˬkeuˆlaꞈ.

Luˇkaꞈ 23:42

Kʼoeˇ naˇ, aˬ yawꞈ ehˇ-eu, “Yeˬsuˇ-oˇ, nawˇ Sahˬ paˬ loꞈ-ehˇ zaꞈ le ngeh, ngaˬ-ahˇ taˬ ngehˇ nehˬ laꞈ.”

Gʼaˬkʼehˇ 15:14

Aˬ cawˬ tsawˇ jeuˬ laꞈ kʼoeˇ Miˬyehˇ-ahˇ taꞈ-eu aˇ muˇ tiˬ muˇ bi baw laˇ-euˬ laꞈ kʼoeˇ, aˬ cawˬ tsawˇ jeuˬ-ahˇ gʼeh Miˬyehˇ ha geuꞈ dahˬ beh-euˬ gaˇ kawˆ bya cehˆ ni bi siˬ bi mawˇ laꞈ-euˬ kʼoeˇ hmˬ, Siˇmoˬ neh naw maꞈ-ahˇ ja mehˬ gʼaˬ-euˬ meh.