Jaceuq 106:23 - Akha

²³ Aˬ yawꞈ-euˬ tsawˇ jeuˬ-ahˇ laˆ cawˆ ma lehˇ Miˬyehˇ ehˇ ngeh, nui ma pehˇ-eu laꞈ kʼoeˇ tsawˇ haˬ kʼoeˇ deuˬ-ahˇ maˬ bi laˆ cawˆ-eu gʼaˇ duˬ, aˬ yawꞈ neh tseˇ doˆ-euˬ zaˬ kʼaˆ pyeuꞈ-eu Moˇseˬ, aˬ yawꞈ mehˬ shi yawꞈ daˬ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Miqyaer, aqyawf maf-anr lavcawv le-eu laer aer ngae; Aqyawf nae tserdov taq-euq Morseq, aqyawf nuima paer-eu yurpyawr-eu laer; Yawkaq-anr jawr-awr, aqyawf-euq maeqshi yawfler-euq mae. Maqngeur lawnmr-aq, aqyawf, aqyawf maf-anr lavcawv jir-eu mae.

Jaceuq 106:23 ပူးပေါင်းရင်းမြစ်များ

Yawˇbaˆ 35:8

Nawˇ iˬ baˇ mˇ-eu baˬ da neh nawˬ-euˬ tsawˇ haˬ deuˬ ya daˬ-awˇ, nawˇ yaw muiˬ jeˬ mˇ ngeh, aˬ yawꞈ maꞈ gʼaˇ duˬ gaˇ dahˇ tsoeˬ-euˬ tehꞈ meh.

Jaceuq 105:26

Aˬ yawꞈ neh tseˇ doˆ-euˬ zaˬ kʼaˆ deuˬ pyeuꞈ-eu, Moˇseˬ hawˇ-eu Aˬloˬ-ahˇ aˬ yawꞈ pyehˬ gʼeh-euˬ meh.

Doˆ-iˇ 32:32

Gʼawˬ shaˬ gaˬ-eu laꞈ kʼoeˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Ehˇ kʼawꞈ, aˬ yawꞈ maꞈ-ahˇ nawˇ iˬ baˇ maˬ pyehˬ nehˬ coeˇ naˇ, nawˬ-euˬ tsawˇ haˬ deuˬ-euˬ tsawˇ myahˇ boꞈ ahˇ taˬ-euˬ sahˬ boꞈ laꞈ kʼoeˇ ahˇ-eu ngaˬ-euˬ tsawˇ myahˇ shiˆ byoˆ-awˬ.”

Yeˬlaˬmiˇ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, meuˬ-euˬ gaˇ ma doe ni cehˆ doe haw-awˬ. Doe doe-ehˇ cah-awˇ haw doe-awˬ. Lehˆ kawˆ doe ni poˆ doe haw-awˬ. Yaw tsaˬ yaw dawˇ jeˬ-ahˇ mˇ-awˇ, Miˬyehˇ-ahˇ saˇ jaˇ ziꞈ-awˇ dehꞈ luꞈ-eu, tsawˇ haˬ tiˬ gʼaˬ nawˇ mawˇ nya naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ iˬ baˇ pyehˬ nehˬ tehꞈ-a.

Yeˬsaˬgeˬlaˇ 13:5

Meuˬ meuˬ lahˇ byaˆ-iˇ-euˬ tsahˇ-ahˇ aˬ yawꞈ maꞈ loꞈ piˇ-eu maˬ ngeuˇ-a. Meuˬ meuˬ lahˇ paˇ gawˬ muiˬ-eu kʼawꞈ maˬ geuˇ-a. Kʼoeˇ miˇ neh, Sahˬpaˬ Miˬyehˇ-euˬ aˇ nah keuˆ le-awˇ, guiˇ deuˆ ngeh, Iˇsaˬleˬlaˆ miˇ kʼahˬ-ahˇ maˬ ceh piˇ nya-a.

Yeˬsaˬgeˬlaˇ 20:8

Ehˇ kʼawꞈ, aˬ yawꞈ maꞈ ngaˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ geuꞈ-a. Nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ maˬ biˬ dzeh-ehˇ, nui daˆ daˆ laˇ paˬ-ehˇ gʼeh-eu Iˇjiˇtuˆ miˬyehˇ deuˬ-ahˇ kʼawꞈ, aˬ yawꞈ maꞈ maˬ byehˇ coeˇ-a. Kʼoeˇ gaˇ, Iˇjiˇtuˆ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˬ-euˬ nui ma bi mawˇ-eu lehˇ ngaˇ noeˬ tsehˆ-euˬ ma.

Yeˬsaˬgeˬlaˇ 22:30

Meuˬ meuˬ lahˇ gawˬ nya-awˇ, ngaˇ nui ma pehˇ-eu laꞈ kʼoeˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh ngeh, byaˆ-iˇ-euˬ meuˬ lahˇ yaw kaˬ-ahˇ yawꞈ-awˇ miˇ kʼahˬ heu kʼahˬ maˬ bi cawˆ-iˇ ni laˆ tsoeˬ nya-eu tsawˇ haˬ-ahˇ ngaˇ poˆ luꞈ-eu ma.

Bawˇtsahˬ 16:5

Kʼoeˇ naˇ, Kawˇlaˆ hawˇ-eu Kawˇlaˆ-euˬ mehˬ nah caw teh-eu tsawˇ haˬ deuˬ-ahˇ aˬ yawꞈ ehˇ nehˬ-eu, “Aˬ geu gʼaˬ Sahˬpaˬ Miˬyehˇ-euˬ tsawˇ haˬ pyeuꞈ-eu gaˇ kawˆ, Sahˬpaˬ Miˬyehˇ aˬ dui-ahˇ ni shawˬ uˬ shawˬ bi siˬ bi mawˇ laꞈ tehꞈ-a. Aˬ yawꞈ neh tseˇ doˆ-euˬ aˬ yawꞈ-euˬ tsawˇ haˬ pyeuꞈ-eu gʼaˬ-ahˇ, lawˇ duˬ-ahˇ aˬ yawꞈ jawˇ-eu dawˬ peh bi le laꞈ tehꞈ-a.

Maꞈtehˬ 12:18

“Ngaˇ nui kʼahˇ shiˇ-awˇ tseˇ doˆ-euˬ, ngaˇ gaˬ-eu zaˬ kʼaˆ-ahˇ haw sheˇ. Ngaˬ-euˬ Yaw sahˇ ngaˇ kʼehˇ leꞈ-awˇ, aˬ yawꞈ kʼoeˇ taˆ bi jawˇ le-awˇ, ngaˇ yaˇ kʼaˬ daˇ-eu gaˇ kawˆ-ahˇ, miˇ kʼahˬ tsawˇ jeuˬ siˬ nya jiˇ ni, aˬ yawꞈ tsaꞈ gaˬ doe-iˇ tehꞈ-a.

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Yoˇhaˬ 15:19

Naw maꞈ miˇ tsaˬ heu-ahˇ taꞈ naˇ, miˇ tsaˬ heu naw maꞈ-ahˇ aˬ yawꞈ-euˬ zaˬ loꞈ-ehˇ gaˬ tehꞈ-a. Ehˇ kʼawꞈ, miˇ tsaˬ heu-euˬ laꞈ kʼoeˇ neh naw maꞈ-ahˇ ngaˇ tseˇ doˆ gʼaˬ-euˬ ma. Miˇ tsaˬ heu-ahˇ naw maꞈ maˬ paˇ taꞈ meh. Kʼoeˇ miˇ neh, miˇ tsaˬ zaˬ deuˬ naw maꞈ-ahˇ muiˇ-eu meh.

Dawˬmehˬ 10:10

“Yaw beh poˆ loꞈ-ehˇ, gawˬ jawˬ kʼoeˇ taˆ oeˬ tseˇ nah oeˬ tseˇ miˇ ngaˇ jawˇ-euˬ ma. Ngaˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ-awˇ, naw maꞈ-ahˇ maˬ laˆ luˬ maˬ laˆ seˇ-eu gʼaˇ duˬ nui ma tsaˬ-euˬ meh.

Dawˬmehˬ 9:19

Sahˬpaˬ Miˬyehˇ nui ma pehˇ-eu jeˬ-ahˇ ngaˇ guˆ dui dui-euˬ ma. Aˬ jeˬ miˇ neh ehˇ naˇ, naw maꞈ-ahˇ laˆ luˬ laˆ seˇ nehˬ paˬ-ehˇ aˬ yawꞈ nui ma pehˇ laˇ taˬ-euˬ meh. Ehˇ kʼawꞈ, ngaˬ-euˬ shaˇ dawˬ-ahˇ aˬ yawꞈ tiˬ poˆ paˇ naˇ haˬ nehˬ laꞈ-euˬ meh.

Dawˬmehˬ 9:25

“Kʼoeˇ miˇ neh, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ mehˬ shi moꞈ tsahˬ-ehˇ awˆ byaˆ-awˇ ngaˇ jawˇ-euˬ ma. Aˬ jeˬ miˇ neh ehˇ naˇ, naw maꞈ-ahˇ laˆ luˬ laˆ seˇ nehˬ-eu gʼaˇ duˬ aˬ yawꞈ noeˬ tsehˆ taˬ-euˬ ngaˇ siˬ duˬ-eu ma.

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.