Jaceuq 105:2 - Akha

² Sahˬpaˬ Miˬyehˇ-ahˇ caˇ-awˇ ja ceuˬ-awˬ. Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ, aˬ cawˬ-ahˇ dzawˇ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Miqyaer-anr carnaeq-awq. Aqyawf-anr jaceuq-eu dawq carnaeq-awq. Aqyawf nae mr-euq zanqler paq-aer ghae-eu gar dawqtawv luf-euq garkawv ja-awq.

Jaceuq 105:2 ပူးပေါင်းရင်းမြစ်များ

Jaceuq 119:27

Nawˬ-euˬ zahˇ dawˬ kʼoꞈ dawˬ-ahˇ ngaˇ gʼoˆ geuꞈ nya ni caw ba nehˬ laꞈ. Nawˬ neh mehˬ nehˬ tsoˆ nehˬ laꞈ-euˬ zahˬ leˇ paˬ-ehˇgʼeh-eu dawˬ-ahˇ, ngaˇ gʼaˬ shaˇ ma.

Jaceuq 77:12

Nawˬ neh mˇ yaꞈ-euˬ gaˇ dawˬ tawˆ luꞈ-ahˇ ngaˇ paˇ shaˇ noeˬ poˆ ma. Nawˬ-euˬ huiˬ-eu gaˇ kʼoeˇ deuˬ-ahˇ, ngaˇ ciˬ cuˇ ni shaˇ noeˬ-awˇ gʼaˬ yuˇ ma.

Jaceuq 77:13

Miˬyehˇ-oˇ, nawˬ neh kʼaˇ mˇ-euˬ yawˬ jeˬ na luꞈ muiˬ dui jaˬ dui dui-eu meh. Nawˇ loꞈ-ehˇ huiˬ-eu miˬyehˇ maˬ jawˇ-a.

Jaceuq 98:1

Caˇ dawˬ yaw shuiꞈ caˇ-awˇ Sahˬpaˬ Miˬyehˇ-ahˇ ja ceuˬ-awˬ. Kʼaˆ jeˬ-ehˇ gʼeh-eu gaˇ aˬ yawꞈ mˇ-euˬ meh. Aˬ yawꞈ-euˬ baoˬ hawˇ-eu muiˬ-eu shawˇ-eu gʼaˬ baˬ da neh, aˬ yawꞈ gʼaˬ leˇ-eu gʼaˬ pyeuꞈ-eu meh.

Jaceuq 98:5

Sahˬpaˬ Miˬyehˇ-ahˇ caˇ-awˇ ja ceuˬ-awˬ. Deuˇ-mˬ diˬ-awˇ ja ceuˬ-awˬ.

Doˆ-iˇ 13:14

Mehˬ hu paw dehꞈ daˆ leꞈ ngeh, ‘Bawˬ-iˬ heu hmˬ-euˬ dawˬ tsuiꞈ aˬ jeˬ-a’ lehˇ, naw maꞈ-euˬ aˬ li deuˬ naw maꞈ-ahˇ naˇ haˬ laˇ naˇ, heu loꞈ-ehˇ ehˇ kʼoꞈ nehˬ-awˬ. ‘Iˇjiˇtuˆ miˇ kʼahˬ laꞈ kʼoeˇ, nga maꞈ aˬ cawˬ zaˬ kʼaˆ geuꞈ luꞈ ngeh, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, nga maꞈ-ahˇ sheuˬ doˆ nehˬ laꞈ-euˬ meh.,

Eˇpeˇsu 5:19

Ja ceuˬ-eu sahˬ boꞈ gaˇ kawˆ, Miˬyehˇ-ahˇ ja ceuˬ-eu caˇ dawˬ gaˇ kawˆ hawˇ-eu, guiˬ lahˬ saꞈ laˇ paw-euˬ caˇ dawˬ gaˇ kawˆ tiˬ gʼaˬ tiˇ gʼaˬ ja uˇ-awˬ. Nui ma laꞈ kʼoeˇ Sahˬpaˬ Yeˬsuˇ-ahˇ ja ceuˬ-awˇ, ja ceuˬ-eu caˇ dawˬ deuˬ-ahˇ caˇ-awˬ.

Yaˇ kʼaˬ daˇ 5:3

Sahˬ paˬ deuˬ-oˇ, naˇ haˬ-awˬ. Uˆ lahˇ-eu aˬ yuiꞈ aˬ tsu deuˬ-oˇ, naˇ haˬ-awˬ. Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, ngaˇ caˇ dawˬ caˇ-awˇ ja ceuˬ ma. Tahˬ diˬ boe loe diˬ-awˇ ja ceuˬ ma.