Jaceuq 104:21 - Akha

²¹ Aˇ laˬ jaˬ shiˇ zaˬ deuˬ bawˇ tsahˬ jeˬ zaˬ-ahˇ shahˇ ngeh joeˬ-awˇ, Miˬyehˇ neh biˇ nehˬ-euˬ dzaˇ-ahˇ poˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Arlaqjaqshir zaqguq deuq, Miqyaer-anr nae dzar sharpov-eu, Joeqjoeq-aer sanr-eu shaqtae tae-eu mae.

Jaceuq 104:21 ပူးပေါင်းရင်းမြစ်များ

Yawˇbaˆ 38:39

Aˇ laˬ jaˬ shiˇ-ahˇ nawˇ dzaˇ sha nehˬ nya-awˇ, aˇ laˬ jaˬ shiˇ zaˬ deuˬ-euˬ uˬ maˆ poˆ dehˆ nehˬ nya ma loˇ.

Yawˇbaˆ 38:41

Awꞈ-aꞈ deuˬ dzaˇ mehꞈ mehꞈ-ehˇ zaw-awˇ, aˬ yawꞈ maꞈ-euˬ zaˬ deuˬ dzaˇ bi dzaˬ laꞈ lehˇ ngaˬ-ahˇ shaˇ ngeh, awꞈ-aꞈ kʼoeˇ deuˬ-ahˇ aˬ suˇ gʼaˬ dzaˇ biꞈ nehˬ ta.

Jaceuq 145:15

Yaw dehꞈ kʼaˇ dehꞈ-eu jeˬ dawˬ tawˆ luꞈ nawˬ-ahˇ noeˬ tmˬ luꞈ-awˇ, aˬ yawꞈ maꞈ kʼaˇ mehꞈ ngeh nawˇ bi dzaˬ bi dawˇ-eu meh.

Jaceuq 147:9

Jeˬ zaˬ deuˬ-ahˇ aˬ yawꞈ bi dzaˬ bi dawˇ-awˇ, jeˬ shiˇ kʼaˬ dzeˇ-euˬ zaˬ deuˬ dzaˇ mehꞈ-awˇ mahˇ ngeh, aˬ yawꞈ bi dzaˬ bi dawˇ-eu meh.

Jaceuq 34:10

Aˇlaˬjaˬshiˇmehꞈgaˇkeuˆkʼawꞈ, SahˬpaˬMiˬyehˇ-ahˇpoˆ-eu deuˬ, yaw muiˬtiˬjeˬ-iˬ maˬju-a.

Iˇsaˬyaˇ 31:4

Sahˬpaˬ Miˬyehˇ ngaˬ-ahˇ ehˇ-eu, “Yawˇ bo-eu deuˬ aˇ naˆ guˇ kʼawꞈ, yawˇ kawꞈ sehꞈ-eu aˇ laˬ jaˬ shiˇ, maˬ luˆ laˇ ni jawˇ-eu loꞈ-ehˇ, Ziˇoˬ gawˬ jawˬ-ahˇ haw piˇ-eu, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ-ahˇ tiˬ jeˬ-iˬ maˬ teh luˆ nya-a.

Yawˇlaˆ 1:18

Gaˆ dzaˬ kʼaˇ maˬ za-eu miˇ neh, mawˇ neˇ deuˬ mahˇ mahˇ-ehˇ jawˇ-awˇ, yawˇ deuˬ tsoˆ leˇ-awˇ jawˇ-eu meh.

Yawˇlaˆ 1:20

Iˇ cuꞈ lawˇ gawˆ gui-iˇ jiˇ-awˇ, gaˆ kʼahˬ puiˆ dzaˬ jiˇ-euˬ miˇ neh, bawˇtsahˬ jeˬzaˬ nawˬ-ahˇ guˇmeh.

Yawˇlaˆ 2:22

Jeˬ zaˬ deuˬ-oˇ naw maꞈ taˬ guˆ. Gaˆ kʼahˬ nyoeˇ jawꞈ ni jaˆ luꞈ-awˇ, aˇ bawˇ aˇ siˬ sahˇ dui dui-awˇ, siˬ guˬ aˇ siˬ hawˇ-eu aˬ gaꞈ, maˬ dzaˬ jiˇ coeˇ ni jaˆ luꞈ meh.

Aˬmoˆ 3:4

Aˇ laˬ jaˬ shiˇ tiˬ mawˇ aˬ yawꞈ kawꞈ sehꞈ dzaˬ-eu lehˇ gʼeh-eu bawˇ tsahˬ jeˬ zaˬ maˬ tahˬ puˬ le-euˬ gaˇ, bawˇ tsahˬ-ahˇ lmˬ meh loˇ. Huiˬ loˆ laˇ-euˬ aˇ laˬ jaˬ shiˇ zaˬ tiˬ mawˇ tiˬ jeˬ paˬ maˬ kawꞈ sehꞈ taˬ-euˬ gaˇ, lo kʼahˬ-ahˇ uˇ-awˇ lmˬ meh loˇ.