Iˇsaˬyaˇ 9:4 - Akha

⁴ Aˬ yawꞈ maꞈ-ahˇ daˇ awˆ taˬ-euˬ kʼaˆ baꞈ kawˬ hawˇ-eu, aˬ yawꞈ maꞈ-euˬ baꞈ pu-ahˇ deh-eu daˇ kawˬ-ahˇ, nawˇ ngawˬ kʼehꞈ nehˬ-euˬ meh. Aˇ hu Miˇdiˬyaˬ guiˇ maꞈ-ahˇ nawˇ deuˆ gʼaˬ-euˬ loꞈ-ehˇ, nawˬ-euˬ tsawˇ haˬ-ahˇ nawˬ dzaˬ kʼaˆ dzaˬ-euˬ tsawˇ jeuˬ-ahˇ, nawˇ deuˆ gʼaˬ nehˬ-euˬ meh.

Iˇsaˬyaˇ 9:4 ပူးပေါင်းရင်းမြစ်များ

Aˇ dahˬ 27:40

Nawˇ-aˬ, mi cehˇ-ahˇ gʼoe-awˇ yaw dehꞈ ya dehꞈ tehꞈ-a. Nawˇ nawˬ-euˬ aˬ nyiˇ-euˬ zaˬ kʼaˆ ya geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ puiˬ-awˇ, aˬ yawꞈ uˆ lahˇ-eu uˬ moˆ ya buˬ-iˇ-eu aˇ nah aˇ yamˬ jaˆ tehꞈ-a.”

Jaceuq 125:3

Yaw tsaˬ yaw dawˇ deuˬ-euˬ miˇ kʼahˬ-ahˇ yaw haiˬ deuˬ aˬ myah luꞈ maˬ ya uˆ lahˇ-a. Kʼoeˇ loꞈ-ehˇ uˆ lahˇ naˇ, yaw tsaˬ yaw dawˇ deuˬ yaw haiˬ jeˬ mˇ laˇ tehꞈ-a.

Jaceuq 81:6

“Nawˬ-euˬ naˇ kʼah daˬ luꞈ-eu kʼaˆ behˆ ngaˇ ciˬ dzeh ma. Nawˬ-euˬ tsaˬ byaˆ kʼaˆ behˆ ngaˇ bi pi taˬ ma.

Iˇsaˬyaˇ 10:16

Kʼoeˇ miˇ neh, Baoˬ huiˬ-eu Sahˬpaˬ Miˬyehˇ-aˬ, naˇ gawˇ yaw kʼaˆ pyehˬ gʼeh leꞈ-awˇ, deuˇ dui dui-eu yehˇ deuˬ-ahˇ kʼehˬ nehˬ kʼaˆ nehˬ tehꞈ-a. Aˬ yawꞈ-euˬ yaw shehꞈ kʼahˬ sehˇ uˬ moˆ miˬ dzaˬ doꞈ laˇ-awˇ, miˬ lmˇ doˆ le tehꞈ-a.

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Iˇsaˬyaˇ 14:25

Ngaˬ-euˬ miˇ tsaˬ Iˇsaˬleˬlaˆ miˇ kʼahˬ laꞈ kʼoeˇ, Aˬshuˇliˆ tsawˇ haˬ deuˬ-ahˇ ngaˇ laˆ cawˆ ma. Ngaˬ-euˬ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ ngaˇ nawˬ pyehˆ ma. Ngaˬ-euˬ tsawˇ haˬ deuˬ-ahˇ aˬ yawꞈ maꞈ neh ciˬ baꞈ ciˬ pi nehˬ-euˬ, kʼaˆ baꞈ kʼaˆ behˆ dawˬ tawˆ luꞈ-ahˇ, ngaˇ yuˇ dzeh nehˬ jiˇ ma.

Iˇsaˬyaˇ 16:4

Naw maꞈ miˇ kʼahˬ laꞈ kʼoeˇ nga maꞈ-ahˇ bi jawˇ laꞈ-awˇ, nga maꞈ-ahˇ laˆ cawˆ mawꞈ-eu deuˬ maˬ bi laˇ ni, haw teˬ haw piˇ laꞈ-awˬ.” (Kʼehˬ-eu kʼaˆ-eu jeˬ hawˇ-eu laˆ luˬ laˆ seˇ-eu jeˬ aˇ saˬ saˬ le tehꞈ-a. Miˇ kʼahˬ-ahˇ laˆ cawˆ le-eu deuˬ iˇ byoˆ jiˇ tehꞈ-a.

Iˇsaˬyaˇ 47:6

Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.

Iˇsaˬyaˇ 49:26

Nawˬ-ahˇ kʼehˬ-eu tsawˇ haˬ tiˬ gʼaˬ tiˇ gʼaˬ shaˬ jiˇ dzaˬ ni ngaˇ jahˇ nehˬ-awˇ, jiˇ baˬ yehꞈ-eu loꞈ-ehˇ yawˬ ha-euˬ shiˬ dawˇ yehꞈ tehꞈ-a. Kʼoeˇ naˇ ngaˇ Sahˬpaˬ Miˬyehˇ pyeuꞈ-eu gaˇ kawˆ-ahˇ, tsawˇ jeuˬ dawˬ tawˆ luꞈ ya siˬ duˬ tehꞈ-a. Naw maꞈ-ahˇ ka kʼoꞈ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. Ngaˇ Iˇsaˬleˬlaˆ-euˬ baoˬ huiˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a.”

Iˇsaˬyaˇ 51:13

Mˬ toˆ pyeh-awˇ miˇ tsaˬ dawˬ pehˬ pehˬ-euˬ yaw sahˇ, Sahˬpaˬ Miˬyehˇ-ahˇ naw maꞈ ngehˇ teˬ loˇ. Naw maꞈ-ahˇ laˆ cawˆ-eu gʼaˇ duˬ lehˬ hmˬ luꞈ-eu, naw maꞈ-ahˇ kʼehˬ-eu deuˬ-euˬ nui pehˇ-ahˇ, aˬ jeˬ miˇ neh maˬ tsehˆ leˇ ni guˆ te. Aˬ yawꞈ maꞈ-euˬ nui pehˇ naw maꞈ-ahˇ maˬ laˆ deuˬ nya-a.

Iˇsaˬyaˇ 52:2

Yeˬluˇsaˬlehˬ meuˬ-oˇ, kʼaˬ lehˇ byuˬ kʼaˇ dzeh-awˬ. Kʼaˬ lehˇ tsahˬ-ahˇ neh tuˇ laˇ-awˇ, dzoeˬ dzaˬ nuiˇ mahˬ kʼoeˇ taˆ nuiˇ-awˬ. Paꞈ tawꞈ taˬ-euˬ Ziˇoˬ meuˬ zaˬ deuˬ-oˇ, shmˇ caˆ tseuˆ puiˇ dzeh-awˬ.

Iˇsaˬyaˇ 54:14

Yaw tsaˬ yaw dawˇ jeˬ nawˬ-ahˇ gʼaˬ bi kʼaˆ laˇ-awˇ, guˆ-eu gaˆ-eu kʼehˬ-eu kʼaˆ-eu jeˬ-ahˇ, nawˇ ya buˬ-iˇ tehꞈ-a.

Iˇsaˬyaˇ 9:5

Guiˇ deuˆ-eu deuˬ nawˬ-eu sehˬ nawˆ hawˇ-eu shiˬ lehꞈ-eu aˬ yawꞈ maꞈ-euˬ mehˬ tsoeˬ miˬ dzaˬ-ahˇ bi dzah puiˆ jiˇ tehꞈ-a.

Yeˬlaˬmiˇ 30:8

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh, aˬ yawꞈ maꞈ-euˬ kawˬ lahˇ-ahˇ daˬ luꞈ-eu laꞈ gʼahˬ ngaˇ lehˆ nehˬ-awˇ, aˬ yawꞈ maꞈ-euˬ aˬ kuiˇ-ahˇ daˬ luꞈ-eu shmˇ caˆ ngaˇ puiˇ nehˬ ma. Aˬ yawꞈ maꞈ-ahˇ aˬ cawˬ tsawˇ jeuˬ-euˬ zaˬ kʼaˆ maˬ paˇ bi geuꞈ ma.

Yeˬlaˬmiˇ 48:17

“Miˇ kʼahˬ tsawˇ myahˇ doˆ-euˬ kʼaˇ siˬ nya-eu, dawˬ peh jawˇ-eu tsawˇ jeuˬ dawˬ tawˆ, miˇ kʼahˬ kʼoeˇ kʼahˬ gʼaˇ duˬ tsawˇ ngoeˇ ngoeˇ-awˬ. Aˬ yawꞈ dzoeˬ dzaˬ kʼehꞈ-iˇ kʼoeˆ-iˇ jiˇ-awˇ, baoˬ hawˇ-eu kʼahˬ sehˇ maˬ paˇ jaˆ meh lehˇ ehˇ-awˬ.

Uˬ duˬ 26:13

Naw maꞈ aˬ cawˬ zaˬ kʼaˆ maˬ ya geuꞈ-eu gʼaˇ duˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Naw maꞈ-ahˇ daˇ awˆ taˬ-euˬ kʼaˆ baꞈ kawˬ ngaˇ ngawˬ kʼehꞈ-awˇ, naw maꞈ dawˇ coe ni yawꞈ-awˇ cah nya ni ngaˇ jahˇ-euˬ ma.”

Naˬhmˬ 1:13

Aˬ yawꞈ neh nawˬ-ahˇ ciˬ pi-euˬ, kʼaˆ behˆ kʼoeˇ ngaˇ lehˆ dzeh nehˬ-awˇ, nawˬ-ahˇ paꞈ tawꞈ taˬ-euˬ aˇ caˆ, ngaˇ puiˇ dzeh ma” lehˇ ehˇ-eu meh.