Iˇsaˬyaˇ 8:22 - Akha

²² miˇ tsaˬ-ahˇ awˆ moꞈ haw kʼawꞈ, shaˬ zahˬ naꞈ-eu jeˬ hawˇ-eu yaw zahˇ jeˬ-ahˇ tehꞈ-ehˇ ya mawˇ-eu meh. Zahˇ dui dui-eu tsahˇ-ahˇ aˬ yawꞈ maꞈ bi teh ahˇ taˬ-euˬ meh.

Iˇsaˬyaˇ 8:22 ပူးပေါင်းရင်းမြစ်များ

Yawˇbaˆ 18:18

Dehꞈ-eu deuˬ jawˇ-eu miˇ kʼahˬ-ahˇ neh aˬ yawꞈ-ahˇ teh dzeh-awˇ, yaw shehꞈ bya gaˇ neh yaw zahˇ laꞈ kʼoeˇ bi teh uˇ tehꞈ-a.

Doˆ-iˇ 10:21

Kʼoeˇ naˇ, “Tsawˇ haˬ zaˬ-euˬ aˬ laꞈ neh sawˆ haw ngeh, sawˆ zaꞈ nya paˬ-ehˇ zahˇ-eu, zahˇ tsui ni gʼeh-eu jeˬ, Iˇjiˇtuˆ miˇ kʼahˬ kʼoeˇ taˆ bi keuˆ le-eu gʼaˇ duˬ, nawˬ-euˬ aˬ laꞈ mˬ paw cawˬ diˇ-awˬ” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ-euˬ meh.

Doˆ-iˇ 10:22

Moˇseˬ-euˬ aˬ laꞈ mˬ paw cawˬ diˇ ngeh, zahˇ dui dui-eu zahˇ tsui ni gʼeh-eu jeˬ, smˬ nah keuˆ ni Iˇjiˇtuˆ miˇ kʼahˬ kʼoeˇ taˆ keuˆ le-euˬ meh.

Dawqdaq 14:32

Yaw haiˬ deuˬ-euˬ bawˬ toˆ yawˬ haˇ yawˬ ha paꞈ lah-awˇ, yaw tsaˬ yaw dawˇ mˇ-eu guiˬ lahˬ, tsawˇ shiˇ uˬ kʼawˇ dzeuˇ-iˇ-eu meh.

Iˇsaˬyaˇ 30:6

Heu-aˬ, laꞈ oˆ paw kʼaˇ shuiꞈ deh yaˇ-ahˇ jawˇ-eu, jeˬ zaˬ deuˬ-ahˇ taꞈ-eu Miˬyehˇ-euˬ dawˬ meh. “Aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ deuˬ jawˇ duˬ, zaw nya-eu byaˆ yahˬ deuˬ gaˆ dzaˬ luꞈ-eu guˆ laˇ paˬ-ehˇ gʼeh-eu jawˇ duˬ tiˬ tsahˇ-ahˇ, miˇ kʼahˬ tsawˇ kaˬ geuꞈ-eu deuˬ cah tsehˆ luꞈ-eu meh. Aˬ yawꞈ maꞈ-ahˇ ngehˬ maˬ gʼeh nehˬ nya-eu tsawˇ jeuˬ gʼaˇ duˬ, aˇ poeˬ kʼaˆ dui dui-eu laꞈ sawˬ deuˬ-ahˇ, mahˬ tahˬ laˆ neh tawˬ-awˇ cah luꞈ-eu meh.

Iˇsaˬyaˇ 5:30

Aˇ nah kʼoeˇ nah keuˆ le ngeh, iˬ ma laˆ shaˆ mahˇ-eu teˇ saˇ loꞈ-ehˇ, Iˇsaˬleˬlaˆ tsawˇ jeuˬ-ahˇ aˬ yawꞈ maꞈ lmˬ tehꞈ-a. Miˇ kʼahˬ kʼoeˇ kʼahˬ-ahˇ haw gʼeh-iˬ ngeh, yaw zahˇ jeˬ hawˇ-eu yaw naꞈ jeˬ tehꞈ-ehˇ mawˇ laˇ-awˇ, yaw shehꞈ kʼawꞈ mˬ dmˇ neh bi uˆ zahˇ tehꞈ-a.

Iˇsaˬyaˇ 50:11

Aˬ cawˬ-ahˇ yaw cawˆ jeˬ mˇ-eu naw maꞈ dawˬ tawˆ, yawˬ ha cawˆ-iˇ ni mˇ luꞈ-eu tehꞈ meh. Kʼoeˇ loꞈ-ehˇ pyeuꞈ laˇ ni Sahˬpaˬ Miˬyehˇ jahˇ-awˇ, naw maꞈ-euˬ shaˬ zahˬ naꞈ dui dui tehꞈ-a.

Iˇsaˬyaˇ 50:3

Shiˇ-euˬ tsawˇ haˬ gʼaˇ duˬ tsawˇ ngoeˇ ngoeˇ-eu loꞈ-ehˇ, mˬ zahˇ tsui ni bi pyeuꞈ-iˇ ni ngaˇ jahˇ nya ma.”

Iˇsaˬyaˇ 59:9

Iˇsaˬleˬlaˆ tsawˇ haˬ deuˬ heu loꞈ-ehˇ ehˇ-eu meh. “Nga maꞈ-ahˇ kʼehˬ luꞈ-eu deuˬ-euˬ aˬ laꞈ laꞈ kʼoeˇ, aˬ jeˬ miˇ neh Miˬyehˇ maˬ ka kʼoꞈ nehˬ laꞈ-eu gaˇ kawˆ, nymˬ-mˇ nga maꞈ siˬ duˬ-eu ma. Yaw shehꞈ laꞈ kʼoeˇ nga maꞈ cah mawꞈ-eu kʼawꞈ, yaw zahˇ nga maꞈ-ahˇ uˆ lahˇ luꞈ-eu meh.

Iˇsaˬyaˇ 60:2

Tsawˇ jeuˬ nui deuˬ yaw zahˇ bi pymˬ tehˬ kʼawꞈ, nawˬ-euˬ kʼoeˇ taˆ Sahˬpaˬ Miˬyehˇ-euˬ yaw shehꞈ bya le-awˇ, aˬ yawꞈ yaw shehꞈ kʼahˬ sehˇ nawˬ nehˬ-ehˇ jawˇ tehꞈ-a.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Iˇsaˬyaˇ 9:1

Shaˬ zahˬ guˆ gaˆ naꞈ dui dui-eu aˇ yamˬ heu-ahˇ, aˬ yawꞈ maꞈ buˬ-iˇ-eu gaˇ ma maˬ dahˇ-a. Dzeuˇ laˇ ngeh, Zeˬbuˬloˬ miˇ kʼahˬ hawˇ-eu Naˬtaˬliˇ miˇ kʼahˬ-ahˇ aˬ yawꞈ sawˇ dzeh nehˬ-euˬ meh. Ehˇ kʼawꞈ, mehˬ hu paw le-eu aˇ yamˬ laꞈ kʼoeˇ, Gʼahˇ ceh-euˬ iˬ ma laˆ shaˆ-euˬ nahˇ ma doˆ kʼehˬ paw, Yawˇdaˬ lawˇ baˬ nui baˬ-ahˇ keuˆ ni maˬ ehˇ, aˬ cawˬ tsawˇ jeuˬ jawˇ-eu Gaˬliˬlehˇ miˇ kʼahˬ-ahˇ keuˆ ni maˬ ehˇ, miˇ kʼahˬ pehˇ tsahˇ tsahˇ ma kʼoeˇ tsahˇ tsahˇ lah ni-ahˇ aˬ yawꞈ taˬ huiˬ taˬ mahˇ nehˬ tehꞈ-a.

Iˇsaˬyaˇ 9:20

Dzaˇ kʼaˇ jaˆ-eu ceh dzaˬ jiˇ-awˇ, kʼaˇ dzaˬ nya-eu jeˬ poˆ dzaˬ jiˇ kʼawꞈ, uˬ maˆ maˬ dehˆ laˇ-eu miˇ neh, yawˬ ha baw-euˬ zaˬ-ahˇ sehꞈ-awˇ, shaˬ jiˇ ya dzaˬ gaˇ keuˆ tehꞈ-a.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yeˬlaˬmiˇ 23:12

Aˬ yawꞈ maꞈ-euˬ gaˇ ma yaw juˇ juˇ-awˇ, zahˇ tsui ni gʼeh-eu meh. Aˬ yawꞈ maꞈ-ahˇ sahˬ tiꞈ tiꞈ-awˇ bi coˬ-iˇ ma. Aˬ yawꞈ maꞈ-ahˇ ngaˇ shaˬ zahˬ bi naꞈ ma. Aˬ yawꞈ maꞈ-ahˇ kʼehˬ-eu aˇ nah peh le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Maꞈtehˬ 22:13

‘Aˬ yawꞈ-ahˇ kuiˇ cuꞈ laꞈ cuˬ cuꞈ-awˇ, laꞈ nyiˇ paw yaw zahˇ-ahˇ baꞈ dzeh-awˬ. Kʼoeˇ gaˇ aˬ yawꞈ ngoeˇ ngoeˇ-ehˇ, seuˬ teuꞈ teuꞈ-ehˇ shaˬ luꞈ-uˇ.’ lehˇ, zaˬ kʼaˆ kʼoeˇ deuˬ-ahˇ sahˬ paˬ ehˇ nehˬ-euˬ meh.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Maꞈtehˬ 8:12

Ehˇ kʼawꞈ, miˇ kʼahˬ kʼoeˇ kʼahˬ-ahˇ ya jawˇ leˇ ma lehˇ noeˬ-euˬ tsawˇ haˬ deuˬ-aˬ, zahˇ tsui ni gʼeh-eu gʼoˆ baˬ laꞈ nyiˇ miˇ kʼahˬ-ahˇ bi biˬ ahˇ tehꞈ-a. Kʼoeˇ gaˇ jawˇ-eu tsawˇ haˬ deuˬ ngoeˇ ngoeˇ-ehˇ, shaˬ zahˬ mˇ-eu seuˬ teuꞈ dui dui tehꞈ-a.”

Yuˇdaˆ 1:13

Aˬ yawꞈ maꞈ-aˬ, iˬ ma laˆ shaˆ iˇ luˆ dzeh gaˇ duˇ-awˇ, yawˬ ha neh mˇ-euˬ shaꞈ dawˇ dui dui paˬ-ehˇ gʼeh-eu jeˬ boeˇ loeˇ yoˆ-i bi siˬ bi mawˇ-eu meh. Miˬyehˇ neh lehˬ hmˬ taˬ-euˬ yaw zahˇ zahˇ dui dui-eu jawˇ duˬ-ahˇ mˬ maˬ maˬ byaˆ zaˇ ziˇ ya jawˇ leˇ-eu, gaˇ ma maˬ poˆ ni doe doe gʼa gʼa-ehˇ cah luꞈ-eu aˬ guiˇ-ahˇ duˇ-eu meh.

Panmaeq 16:10

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo jeˬ zaˬ yaw haiˬ kʼoeˇ mawˇ-euˬ dzoeˬ dzaˬ nuiˇ mahˬ kʼoeˇ taˆ shehˆ daˆ nehˬ-euˬ meh. Kʼoeˇ ngeh, jeˬ zaˬ yaw haiˬ kʼoeˇ mawˇ-euˬ miˇ kʼahˬ zahˇ tsui ni pyeuꞈ-iˇ-awˇ, tsawˇ haˬ zaˬ deuˬ gawˇ dui dui-eu miˇ neh mehˬ laˇ tsehꞈ tehˬ-euˬ meh.