Iˇsaˬyaˇ 8:18 - Akha

¹⁸ Sahˬpaˬ Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ-eu ma. Ziˇoˬ gawˬ jawˬ kʼoeˇ taˆ nuiˇ luꞈ-eu Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ gaˇ, dehꞈ luꞈ-eu dawˬ kawˬ deuˬ loꞈ-ehˇ nga maꞈ-ahˇ pyehˬ gʼeh leꞈ-euˬ meh.

Iˇsaˬyaˇ 8:18 ပူးပေါင်းရင်းမြစ်များ

Aˇ dahˬ 33:5

Iˇsawˇ jawˬ jawˬ-ehˇ haw-awˇ, zaˬ miˬ zaˬ kʼoeˇ deuˬ hawˇ-eu zaˬ kʼoeˇ deuˬ-ahˇ ya mawˇ ngeh, “Nawˬ nehˬ-ehˇ oe-euˬ tsawˇ haˬ heu deuˬ aˬ suˇ gʼaˬ-a” lehˇ, Yaˬkoˆ-ahˇ naˇ haˬ-euˬmeh. Yaˬkoˆ gʼeh, “Heu deuˬ-aˬ, nawˬ-euˬ aˬ nyiˇ-ahˇ Miˬyehˇ gʼawˬ shaˬ gaˬ-awˇ biꞈ laꞈ-euˬ zaˬ deuˬ meh” lehˇ, Yaˬkoˆ ehˇ kʼoꞈ nehˬ-euˬ meh.

1 Laˬsaˬbaˬ 23:25

Daˬbiˇ ehˇ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, aˬ yawꞈ-euˬ tsawˇ jeuˬ kʼoeˇ taˆ nui saˇ oꞈ-eu jeˬ bi keuˆ le-awˇ, aˬ yawꞈ-euˬ gʼawˇ mawˇ Yeˬluˇsaˬlehˬ meuˬ laꞈ kʼoeˇ mˬ maˬ maˬ byaˆ zaˇ ziˇ jawˇ tehꞈ-a.

Jaceuq 22:30

Aˬkaˇ tiˬziˇ saˇ-iˬ tiˬziˇ, SahˬpaˬMiˬyehˇ-ahˇgʼoe tehꞈ-a. SahˬpaˬMiˬyehˇhuiˬ-eu gaˇkawˆ, nahˬziˇdeuˬ-ahˇja mehˬtehꞈ-a.

Jaceuq 71:7

Nawˇ ngaˬ-ahˇ yaw muiˬ paˬ-ehˇ ngehˬ gʼeh dah teˬ nehˬ laꞈ-euˬ miˇ neh, ngaˇ yaw dehꞈ dehꞈ-eu aˬ cawˬ dzaw geuꞈ duˬ pyeuꞈ-eu meh.

Jaceuq 9:11

Ziˇoˬmeuˬ-ahˇ uˆlahˇ luꞈ-eu, SahˬpaˬMiˬyehˇ-ahˇja ceuˬ-awˬ. Aˬyawˬneh mˇ-euˬ gaˇkawˆdeuˬ, tsawˇjeuˬdawˬtawˆ-ahˇdzawˇnehˬ-awˬ.

Jaceuq 9:12

Bi kʼehˬbi kʼaˆ-euˬtsawˇhaˬ-ahˇ, Miˬyehˇtiˬjawˇ-iˬ maˬngehˇ-a, yawꞈmaꞈngoeˇ-eu teˇsaˇgaˬ-awˇ, haiˬ-eu deuˬ-ahˇkʼehˬnehˬ-eu meh.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 14:32

Piˇliˇtiˆ tsawˇ haˬ dawˬ dzawˇ mˇ-eu tsawˇ haˬ deuˬ-ahˇ, aˬ joˆ-ehˇ ehˇ nehˬ nmˇ. Ziˇoˬ meuˬ-ahˇ Sahˬpaˬ Miˬyehˇ laˆ ziꞈ-awˇ, shaˬ zahˬ mˇ-euˬ aˬ yawꞈ-euˬ tsawˇ jeuˬ-ahˇ, nui saˇ bi oꞈ-eu meh lehˇ ehˇ nehˬ ma.”

Iˇsaˬyaˇ 20:3

Aˬshuˇliˆ tsawˇ haˬ deuˬ neh Aˬshaˬdoˇ meuˬ-ahˇ deuˆ gʼaˬ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ Iˇsaˬyaˇ mehˬ tsoeˬ maˬ dm, sehˬ nawˆ maˬ nawˬ ni, doe doe-ehˇ cah luꞈ-eu smˇ kʼoꞈ byah laˇ-euˬ meh. Heu-aˬ, Iˇjiˇtuˆ miˇ kʼahˬ hawˇ-eu Suˬdaˬ miˇ kʼahˬ kʼoeˇ taˆ keuˆ le-eu lehˇ gʼeh-eu jeˬ gaˇ kawˆ bi siˬ bi mawˇ-eu jeˬ meh.

Iˇsaˬyaˇ 24:23

Baoˬ huiˬ-eu Sahˬpaˬ Miˬyehˇ uˆ lahˇ-eu miˇ neh, ba la yaw zahˇ zahˇ iˇ-awˇ, nahˇ ma yaw shehꞈ maˬ bya-ehˇ pyeuꞈ-iˇ tehꞈ-a. Ziˇoˬ gawˬ jawˬ-ahˇ aˬ yawꞈ maꞈ nuiˇ-awˇ, Yeˬluˇsaˬlehˬ meuˬ-ahˇ uˆ lahˇ ngeh jawˇ, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-euˬ yaw shehꞈ kʼahˬ sehˇ ya mawˇ tehꞈ-a.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 7:16

Nymˬ-mˇ nawˬ-ahˇ laˆ guˆ luꞈ-eu sahˬ paˬ teu nyiˬ gʼaˬ-euˬ miˇ kʼahˬ-aˬ, zaˬ kʼoeˇ gʼaˬ yaw muiˬ yaw doeˇ maˬ siˬ nya laˇ mi naˆ-ehˇ, cawˆ-iˇ jiˇ-awˇ jaˆ tehꞈ-a.

Iˇsaˬyaˇ 7:3

Iˇsaˬyaˇ-ahˇ Sahˬpaˬ Miˬyehˇ ehˇ nehˬ-eu, “Nawˬ li Shaˬyaˬshuˇbaˬ-ahˇ sheuˬ-awˇ, sahˬ paˬ Aˬkaˆ-ahˇ tahˬ puˬ leˇ-awˬ. Iˇ cuꞈ lah laꞈ taˆ lah-ahˇ neh caˬ leꞈ-eu uiˇ kʼehˬ-euˬ mehˬ dzaˬ-ahˇ jaˆ-eu, shaˬ nmˇ shaˬ paˇ mˇ duˬ-ahˇ iˇ-eu gaˇ ma kʼoeˇ taˆ, aˬ yawꞈ-ahˇ naw nyaꞈ ya tahˬ puˬ tehꞈ-a.

Iˇsaˬyaˇ 8:3

Aˇ yamˬ ui cuiˆ myahˇ laˇ ngeh, ngaˬ-euˬ nymˇ dahˬ aˬ nyiˇ pi leˇ-euˬ meh. Nga nyaꞈ dzeˇ zaˬ aˬ li ciˬ ngeh, “Maˬhaˬsaˬlaˇhaˬsaˬbaˆ lehˇ myahˇ nehˬ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Yeˬlaˬmiˇ 44:29

Jawˇ duˬ heu tsahˇ-ahˇ naw maꞈ-ahˇ ngaˇ kʼehˬ nehˬ ma lehˇ ehˇ-euˬ dawˬ hawˇ-eu, naw maꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le ma lehˇ, Sahˬpaˬ Miˬyehˇ pyeuꞈ-eu ngaˬ neh saˇ jaˇ dzaˬ taˬ-euˬ dawˬ deuˬ aˬ diˇ aˬ maˇ ngeuˇ-eu gaˇ kawˆ, naw maꞈ-ahˇ bi siˬ bi mawˇ duˬ ma.

Yeˬsaˬgeˬlaˇ 12:6

Nawˬ-euˬ myaˆ nuiˆ kaꞈ kaˬ-awˇ, nawˬ-euˬ myawˬ kuˬ baꞈ pu kʼoeˇ taˆ baꞈ-awˇ, yaw zahˇ laꞈ kʼoeˇ nawˇ doˆ-iˇ luꞈ gaˇ aˬ yawꞈ maꞈ bi mawˇ-awˬ. Nawˇ kʼoeˇ loꞈ-ehˇ jahˇ-eu-aˬ, Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu jeˬ pyeuꞈ tehꞈ-a.”

Yeˬsaˬgeˬlaˇ 14:8

Aˬ yawꞈ-ahˇ ngaˇ myaˆ maˬ haw cawˬ nehˬ ni, aˬ yawꞈ-ahˇ haw-awˇ aˬ cawˬ-ahˇ siˬ leˇ paˬ-ehˇ ngaˇ jahˇ nehˬ ma. Ngaˇ Sahˬpaˬ Miˬyehˇ pyeuꞈ-eu naw maꞈ-ahˇ siˬ leˇ ni, ngaˬ-euˬ tsawˇ haˬ-euˬ baꞈ dzah laꞈ kʼoeˇ, aˬ yawꞈ-ahˇ paˬ tseuˆ tseuˆ dzeh nehˬ ma.

Yeˬsaˬgeˬlaˇ 4:3

Kʼoeˇ naˇ, shmˇ shmˇ byaˆ tiˬ byaˆ yuˇ-awˇ, nawˇ hawˇ-eu meuˬ-euˬ yaw kaˬ-ahˇ ciˬ taw taˬ-awˬ. Meuˬ-ahˇ mehˬ shiˬ pyawˇ-awˇ jawˇ-awˬ. Nawˇ-aˬ, meuˬ-ahˇ loꞈ jawˬ-eu gʼaˬ meh. Heu-aˬ, Iˇsaˬleˬlaˆ tsawˇ jeuˬ gʼaˇ duˬ yaw jeˬ ma jeˬ pyeuꞈ-eu meh.

Zaˬkaˬliˇ 3:8

Piˇ ma yaw huiˬ gʼaˬ pyeuꞈ-eu Yawˇshuˆ hawˇ-eu, Yawˇshuˆ-euˬ gaˇ mˇ cawˬ pyeuꞈ-eu Yawˇshuˆ mehˬ shi nuiˇ luꞈ-eu piˇ ma deuˬ naˇ haˬ sheˇ. Naw maꞈ- aˬ, mehˬ hu paw yaw muiˬ jeˬ keuˆ le-eu gaˇ kawˆ, saˇ kiˇ pyeuꞈ-eu meh. Aˇ bawˇ uˬ pyaˬ lehˇ myahˇ-euˬ ngaˬ-euˬ zaˬ kʼaˆ, naw maꞈ-ahˇ ngaˇ mehˬ nehˬ ma.

Zaˬkaˬliˇ 8:3

Ngaˬ-euˬ muiˬ-eu shawˇ-eu meuˬ pyeuꞈ-eu Yeˬluˇsaˬlehˬ meuˬ-ahˇ ngaˇ gʼoꞈ jawˇ le ma. Meuˬ kʼoeˇ-ahˇ saˇ jaˇ ziꞈ-eu meuˬ lehˇ aˬ cawˬ kuˇ-awˇ, Baoˬ huiˬ-eu Sahˬpaˬ Miˬyehˇ-euˬ gawˬ jawˬ-ahˇ muiˬ-eu shawˇ-eu gawˬ jawˬ lehˇ kuˇ tehꞈ-a.

Luˇkaꞈ 2:18

Yawˇ bo-eu deuˬ ehˇ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ, zahˬ dui dui leˇ-euˬ meh.

Luˇkaꞈ 2:34

Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Dawˬmehˬ 28:46

Shaˬ zahˬ kʼoeˇ deuˬ-aˬ, nawˇ hawˇ-eu nawˬ-euˬ zaˬ deuˬ uˆ deuˬ kʼoeˇ taˆ keuˆ le-euˬ Miˬyehˇ yaˇ kʼaˬ daˇ-eu jeˬ gaˇ kawˆ, mˬ maˬ maˬ byaˆ zaˇ ziˇ bi siˬ bi mawˇ-euˬ jeˬ pyeuꞈ tehꞈ-a.

HeˬByehˇ 10:33

Tiˬ poˆ-aˬ, aˬ cawˬ-euˬ mehˬ shi yehˬ bawˬ sehˇ lu-ehˇ gʼeh nehˬ gaˇ ya daˬ-euˬ meh. Tiˬ poˆ na, kʼoeˇ loꞈ-ehˇ gʼeh nehˬ-eu jeˬ-ahˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-euˬ meh.

HeˬByehˇ 12:22

Ehˇ kʼawꞈ, naw maꞈ-aˬ, Ziˇoˬ gawˬ jawˬ hawˇ-eu dehꞈ luꞈ-eu Miˬyehˇ-euˬ meuˬ-ahˇ laˇ-euˬ meh. Kʼoeˇ-aˬ, mˬ taˆ gʼaˬ kʼehˇ aˇ muiˇ aˇ seh jawˇ-eu mˬ taˆ-euˬ Yeˬluˇsaˬlehˬ meuˬ meh.