Iˇsaˬyaˇ 8:11 - Akha

¹¹ Sahˬpaˬ Miˬyehˇ-aˬ, huiˬ dui dui-eu aˬ yawꞈ-euˬ baoˬ-ahˇ gʼoe-awˇ, tsawˇ haˬ kʼoeˇ deuˬ kʼaˇ dehꞈ-eu loꞈ-ehˇ maˬ ya dehꞈ ni, ngaˬ-ahˇ heu loꞈ-ehˇ mehˬ nehˬ tsoˆ nehˬ laꞈ-euˬ meh.

Iˇsaˬyaˇ 8:11 ပူးပေါင်းရင်းမြစ်များ

1 Sahˬpaˬ 18:46

Kʼoeˇ ngeh, Sahˬpaˬ Miˬyehˇ-euˬ baoˬ Eˇliˇyaˆ kʼoeˇ taˆ keuˆ le-euˬ meh. Aˬ yawꞈ-euˬ mehˬ tsoeˬ joꞈ-ahˇ yaw muiˬ paˬ-ehˇ dzahˬ ziꞈ-awˇ, Yeˬsaˬleˬlaˇ meuˬ-ahˇ le-eu gaˇ ma kahˇ li, Aˬhaˆ-euˬ mehˬ hu aˬ yawꞈ cehˆ-euˬ meh.

Jaceuq 32:8

Sahˬpaˬ Miˬyehˇ ehˇ-eu, “Nawˇya iˇ-eu gaˇma tiˬkahˇ, nawˬ-ahˇngaˇmehˬnehˬtsoˆnehˬ-awˇ, Ngaˬ-euˬmyaˆnuiˆhaw piˇnehˬma.

Dawqdaq 1:15

ngaˬ li-oˇ, kʼoeˇ loꞈ-ehˇ ehˇ-eu deuˬ-euˬ meh nah taˬ caw teh. Aˬ yawꞈ maꞈ-euˬ gaˇ ma-ahˇ taˬ cah.

Iˇsaˬyaˇ 30:1

Sahˬpaˬ Miˬyehˇ heu loꞈ-ahˇ ehˇ-eu meh. “Yuˇdaˆ miˇ kʼahˬ-ahˇ uˆ lahˇ-eu tsawˇ haˬ deuˬ, ngaˬ-ahˇ puiˬ-eu miˇ neh, ya noeˬ shaˬ dui dui tehꞈ-a. Ngaˇ maˬ bi mˇ mawꞈ-eu jeˬ aˬ yawꞈ maꞈ mˇ-awˇ, ngaˇ nui ma maˬ tsaˬ-eu deuˬ-ahˇ mehˬ bawˬ gm-eu laꞈ kʼoeˇ, iˬ baˇ duˬ gahˬ gahˬ luꞈ-eu meh.

Yeˬlaˬmiˇ 15:19

Sahˬpaˬ Miˬyehˇ ngaˬ-ahˇ heu loꞈ-ehˇ paˇ ehˇ-eu meh. “Nawˇ ngaˇ jawˇ gaˇ gʼoꞈ kʼoꞈ laˇ naˇ, nawˬ-ahˇ ngaˇ paˇ ha geuꞈ-awˇ, ngaˬ-euˬ gaˇ paˇ bi mˇ ma. Gaˇ dahˇ maˬ tsoeˬ-eu dawˬ ngehˬ ngehˬ-ehˇ maˬ jawˇ ni, aˇ poeˬ kʼaˆ-eu dawˬ ngehˬ paˇ naˇ, ngaˬ-euˬ gʼaˇ duˬ ngehˬ dah-eu gʼaˬ paˇ bi geuꞈ ma. Kʼoeˇ loꞈ-ehˇ jahˇ naˇ, miˇ kʼahˬ zaˬ deuˬ nawˇ jawˇ gaˇ gʼoꞈ laˇ tehꞈ-a. Aˬ yawꞈ maꞈ jawˇ gaˇ nawˇ iˇ-eu maˬ loˬ-aˇ.

Yeˬlaˬmiˇ 20:7

Sahˬpaˬ Miˬyehˇ-oˇ, nawˇ ngaˬ-ahˇ mehˇ shuiˇ shuiˇ-awˇ, ngaˇ nawˬ-euˬ mehˇ shuiˇ shuiˇ duˬ ma. Ngaˇ naˆ maˬ tseˇ nawˇ gʼaˬ kʼaˆ-awˇ, ngaˬ-ahˇ zuiˆ gʼaˬ-eu meh. Yawˬ gʼaˬ na luꞈ ngaˬ-ahˇ cehꞈ lehꞈ ka-awˇ, nah doˆ le ngeh naˬ gʼa-eu meh.

Yeˬlaˬmiˇ 20:9

Ehˇ kʼawꞈ, Sahˬpaˬ Miˬyehˇ-ahˇ ngehˇ byoˆ-awˇ, aˬ yawꞈ tsawˇ myahˇ uˬ moˆ dawˬ dzawˇ maˬ paˇ mˇ ma ehˇ ngeh, nawˬ-euˬ dawˬ kawˬ ngaˬ-euˬ nui ma laꞈ kʼoeˇ, miˬ dzaˬ doꞈ gaˇ duˇ nya. Ngaˇ kʼaˇ dzahˬ tehˬ coeˇ-eu jahˬ kʼawꞈ, maˬ dzahˬ tehˬ gʼaˬ coeˇ nya.

Yeˬsaˬgeˬlaˇ 3:14

Gʼaˬ kʼaˆ dui dui-eu Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ oe-awˇ, aˬ yawꞈ-euˬ yaw sahˇ ngaˬ-ahˇ ciˬ gʼeh ngeh, ngaˇ nui ma naˇ-awˇ, nui ma pehˇ-euˬ ma.

Gʼaˬkʼehˇ 4:20

Nga nyaꞈ law nmˇ-aˬ, nga nyaꞈ neh kʼaˇ ya gaˬ kʼaˇ ya mawˇ-euˬ gaˇ kawˆ heu maˬ ja-ehˇ maˬ jawˇ coeˇ nya.”