Iˇsaˬyaˇ 8:10 - Akha

¹⁰ Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Iˇsaˬyaˇ 8:10 ပူးပေါင်းရင်းမြစ်များ

Aˇ dahˬ 21:22

Aˇ yamˬ kʼoeˇ yamˬ laꞈ kʼoeˇ, Aˬbiˇmaˬlehˆ hawˇ-eu, aˬ yawꞈ-euˬ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ pyeuꞈ-eu Piˇkawˇlaˆ aˬ nyaꞈ Aˬbyaˬhaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, Miˬyehˇ nawˬ nehˬ-ehˇ jawˇ-eu meh.

2 Saˬmeuˬlaˆ 15:31

Aˬhiˇtawˇpeˬlaˆ gʼaˬ kʼawꞈ, aˬ yawꞈ-ahˇ puiˬ-awˇ Aˬbaˇsaˬloˬ nehˬ-ehˇ gm leˇ-euˬ gaˇ kawˆ Daˬbiˇ-ahˇ aˬ cawˬ ehˇ nehˬ ngeh, “Sahˬpaˬ Miˬyehˇ-oˇ, Aˬhiˇtawˇpeˬlaˆ neh biꞈ-euˬ nui noeˬ nui duˇ deuˬ gaˇ dahˇ maˬ bi tsoeˬ ni, yawꞈ ngehꞈ-ehˇ bi pyeuꞈ-iˇ jiˇ-awˬ” lehˇ, aˬ yawꞈ guiˬ lahˬ shaˇ-euˬ meh.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

2 Saˬmeuˬlaˆ 17:4

Heu-aˬ, muiˬ-eu nui noeˬ nui duˇ meh lehˇ, Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ noeˬ-euˬ meh.

2 Sahˬpaˬ 6:12

Aˬ yawꞈ maꞈ laꞈ kʼoeˇ tiˬ gʼaˬ ehˇ-eu, “Sahˬ paˬ-oˇ, nga maꞈ tiˬ gʼaˬ-iˬ Iˇsaˬleˬlaˆ sahˬ paˬ jawˇ paw pyawˬ-eu maˬ ngeuˇ, Miˬyehˇ gʼaˇ duˬ ngehˬ dah-eu Eˇliˇshehˇ kʼoeˇ gʼaˬ-aˬ, nawˬ-euˬ naˬ suˬ laꞈ kʼoeˇ nawˬ neh ngehˬ-euˬ dawˬ-ahˇ keuˆ ni, Iˇsaˬleˬlaˆ sahˬ paˬ-ahˇ ehˇ nehˬ luꞈ-eu meh.”

2 Laˬsaˬbaˬ 13:12

Miˬyehˇ aˬ yawꞈ-euˬ gʼawˇ mawˇ nga maꞈ kʼoeˇ taˆ aˬ yuiꞈ geuꞈ luꞈ-awˇ, aˬ yawꞈ-euˬ piˇ ma deuˬ kʼawꞈ daˇ heh yuˇ-awˇ heu gaˇ jawˇ luꞈ-eu laꞈ kʼoeˇ, nga maꞈ naw maꞈ-ahˇ guiˇ deuˆ-eu gʼaˇ duˬ daˇ heh baw gaˬ-eu lehˇ lehˬ hmˬ taˬ-euˬ meh. Iˇsaˬleˬlaˆ tsawˇ haˬ deuˬ-oˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˇ deuˆ-eu lehˇ taˬ leh jeh. Naw maꞈ maˬ deuˆ gʼaˬ nya-a.”

Yawˇbaˆ 5:12

Nui ma laꞈ gʼoꞈ baw-eu deuˬ-euˬ nui noeˬ-ahˇ aˬ yawꞈ laˆ cawˆ-awˇ kʼaˇ noeˬ-euˬ loꞈ-ehˇ maˬ mˇ pyeuꞈ nya ni jahˇ nehˬ-eu meh.

Jaceuq 21:12

Sahˬpaˬneh kaˆbi beuˆtahˬ-awˇ, naˇkʼah paw ya cehˆgʼoꞈtehꞈ-a.

Jaceuq 46:1

Miˬyehˇ-aˬ, aˬ dui-euˬ gʼoe duˬ hawˇ-eu aˬ dui-euˬ gʼaˬ pyeuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, aˬ dui-ahˇ caw ba nehˬ laꞈ-eu meh.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 46:8

Sahˬpaˬ Miˬyehˇ neh mˇ-euˬ gaˇ-ahˇ haw laˇ sheˇ. Miˇ tsaˬ kʼoeˇ taˆ aˬ yawꞈ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ haw laˇ sheˇ.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 14:27

Baoˬ huiˬ-eu Sahˬpaˬ Miˬyehˇ neh lehˬ hmˬ taˬ-euˬ jeˬ-ahˇ, kawˆ pyaˆ nya-eu aˬ suˇ gʼaˬ jawˇ ta. Cawˬ ja taˬ-eu aˬ yawꞈ-eu aˬ laꞈ-ahˇ, dehˬ kʼoꞈ nya-eu aˬ suˇ gʼaˬ jawˇ ta.

Iˇsaˬyaˇ 28:18

Shiˇ-eu jeˬ nehˬ-ehˇ naw maꞈ saˇ jaˇ dzaˬ-euˬ cawˆ-iˇ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jeˬ pyaˆ-iˇ-eu miˇ neh, guˆ-eu gaˆ-eu jeˬ keuˆ le ngeh, naw maꞈ shaˬ zahˬ naꞈ tehꞈ-a.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 43:5

Taˬ guˆ. Ngaˇ nawˬ nehˬ-ehˇ jawˇ ma. “Nahˇ ma doˆ kʼehˬ ga kʼehˬ jawˇ byoˆ taˬ-euˬ, nawˬ-euˬ tsawˇ haˬ-ahˇ ngaˇ sheuˬ kʼoꞈ laꞈ ma.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Iˇsaˬyaˇ 8:8

Yuˇdaˆ miˇ kʼahˬ-ahˇ aˬ yawꞈ maꞈ iˇ jeuˬ jeuˬ ahˇ leꞈ-awˇ, kawˬ lahˇ-ahˇ keuˆ ni jeuˬ keuˆ laꞈ-awˇ, yawˬ jeˬ na luꞈ-ahˇ dahˬ pymˬ jiˇ tehꞈ-a. Iˇ jeuˬ kʼoeˇ miˇ kʼahˬ kʼoeˇ coeˇ heu coeˇ doˆ ni oe byah leꞈ tehꞈ-a.” Miˬyehˇ-oˇ, nga maꞈ nehˬ-ehˇ jawˇ nehˬ laꞈ.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 42:11

Baˬbuˇloˬ sahˬ paˬ-ahˇ guˆ-eu nui ma taˬ paˇ bi ahˇ. Naw maꞈ nehˬ-ehˇ ngaˇ jawˇ-awˇ, aˬ yawꞈ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ nehˬ ma.

Yeˬlaˬmiˇ 46:28

Naw maꞈ-ahˇ ngaˇ ka kʼoꞈ le ma. Ngaˬ neh naw maꞈ-ahˇ bi jawˇ byaˆ luꞈ-eu, miˇ kʼahˬ tsawˇ jeuˬ kʼoeˇ deuˬ-ahˇ laˆ cawˆ kʼawꞈ, naw maꞈ-ahˇ maˬ laˆ cawˆ ni bi dehꞈ ma. Naw maꞈ-ahˇ maˬ kʼehˬ-ehˇ-aˬ, maˬ bi dzeuˇ-iˇ nya-a. Ehˇ kʼawꞈ, naw maꞈ-ahˇ ngaˇ kʼehˬ ngeh, aˇ dzehˬ maˬ dzeuˇ ni jahˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Yawˇlaˆ 3:9

“Miˇ kʼahˬ tsawˇ jeuˬ dawˬ tawˆ luꞈ-ahˇ, heu loꞈ-ehˇ bi siˬ bi gaˬ-awˬ. ‘Guiˇ deuˆ-eu gʼaˇ duˬ lehˬ hmˬ-awˬ. Guiˇ deuˆ-eu tsawˇ haˬ kuˇ uiˬ-awˬ. Guiˇ zaˬ sheuˬ-awˇ mehˬ hu iˇ-awˬ.

Haˬgaiˇ 1:13

Kʼoeˇ naˇ, “Ngaˇ naw maꞈ nehˬ-ehˇ jawˇ ma” lehˇ, Sahˬpaˬ Miˬyehˇ neh ehˇ-euˬ dawˬ kʼoeˇ dawˬ, Sahˬpaˬ Miˬyehˇ gʼaˇ duˬ ngehˬ dah-eu Haˬgaiˇ neh aˬ yawꞈ maꞈ-ahˇ ehˇ nehˬ-euˬ meh.

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Lormav 8:13

Aˬ jeˬ miˇ neh ehˇ naˇ, shiˬ shaˬ jiˇ nui noeˬ mehˬ nah naw maꞈ dehꞈ gʼeh naˇ, ya shiˇ tehꞈ-a. Ehˇ kʼawꞈ, Yaw sahˇ miˬyehˇ-ahˇ gʼoe-eu laꞈ kʼoeˇ iˬ baˇ mˇ-eu nui ma-ahˇ laˆ sehꞈ naˇ, ya dehꞈ tehꞈ-a.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Dawˬmehˬ 20:1

“Nawˬ-ahˇ muiˇ-eu deuˬ-ahˇ guiˇ deuˆ-iˇ-eu lehˇ nawˇ doˆ-iˇ-awˇ, naw maꞈ naˆ maˬ tseˇ myaˬ dzehˬ-eu mahˬ laˆ lawˬ deuˬ hawˇ-eu guiˇ guiˇ maꞈ deuˬ-ahˇ ya mawˇ ngeh, taˬ guˆ. Iˇjiˇtuˆ miˇ kʼahˬ laꞈ kʼoeˇ neh nawˬ-ahˇ ka kʼoꞈ doˆ laꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a.

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

1 Yoˇhaˬ 4:4

Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.