Iˇsaˬyaˇ 7:20 - Akha

²⁰ “Aˇ nah aˇ yamˬ kʼoeˇ yamˬ keuˆ le ngeh, uˬ jehˆ jehˆ-eu tsawˇ haˬ tiˬ gʼaˬ kuˇ ahˇ leꞈ-eu loꞈ-ehˇ, Uˇpaˬlaˇ lawˇ baˬ nui baˬ paw jawˇ-eu Aˬshuˇliˆ sahˬ paˬ-ahˇ Sahˬpaˬ Miˬyehˇ kuˇ ahˇ leꞈ-awˇ, nawˬ-euˬ uˬ duˬ tsehˇ kahˇ maˬ ehˇ, mehˬ mahˬ maˬ ehˇ, mawˬ gʼaw caꞈ hm deuˬ maˬ ehˇ, nawˬ-euˬ gʼawˇ mawˇ-ahˇ kʼaˇ tsoꞈ-eu caꞈ hm dawˬ tawˆ luꞈ, aˬ yawꞈ neh bi jehˆ dzeh jiˇ tehꞈ-a.

Iˇsaˬyaˇ 7:20 ပူးပေါင်းရင်းမြစ်များ

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Iˇsaˬyaˇ 10:15

Sahˬpaˬ Miˬyehˇ ehˇ-eu, “Daˇ kawˬ deuˆ-eu deuˆ haˬ tiˬ kahˇ, deuˆ sahˇ taꞈ-ehˇ huiˬ dzehˬ ta loˇ. Teˇ byaꞈ yehˬ-eu yehˬ ma tiˬ kahˇ, yehˬ sahˇ taꞈ-ehˇ huiˬ dzehˬ ta loˇ. Daˇ cuiˇ-ahˇ tsawˇ haˬ sheu diˇ-eu maˬ ngeuˇ naˇ, tsawˇ haˬ-ahˇ daˇ cuiˇ maˬ sheu diˇ nya-a.”

Iˇsaˬyaˇ 11:15

Iˇjiˇtuˆ miˇ kʼahˬ-euˬ laˆ shaˆ lahˇ gʼoꞈ-ahˇ, Sahˬpaˬ Miˬyehˇ bi gui-iˇ-awˇ, Uˇpaˬlaˇ lawˇ baˬ tsiˇ-iˇ ni, aˬ yawꞈ jaˬ lehˇ yaw lahˇ bi baw-euˬ miˇ neh, tsawˇ haˬ yawˬ gʼaˬ na luꞈ tsehˆ doˆ nya-eu gawˆ laꞈ shiꞈ gawˆ tehꞈ-ehˇ dzeˇ laˇ tehꞈ-a.

Iˇsaˬyaˇ 36:1

Yuˇdaˆ miˇ kʼahˬ-ahˇ Heˬsaˬgiˇ uˆ lahˇ-eu tseˇ oeˬ kʼoꞈ tiˬ kʼoꞈ-ahˇ, Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni gʼeh-eu meuˬ deuˬ-ahˇ Aˬshuˇliˆ sahˬ paˬ Saˬneˬkaˬliˇ deuˆ gʼaˬ-euˬ meh.

Iˇsaˬyaˇ 8:7

Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ Aˬshuˇliˆ sahˬ paˬ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ sheuˬ ka leꞈ-awˇ, Yuˇdaˆ miˇ kʼahˬ-ahˇ guiˇ bi deuˆ le ma. Uˇpaˬlaˇ lawˇ baˬ iˇ jeuˬ oe ngeh lawˇ deh maˬ mawˇ laˇ-eu loꞈ-ehˇ, Aˬshuˇliˆ guiˇ maꞈ deuˬ yoeˇ gʼeh leꞈ tehꞈ-a.

Iˇsaˬyaˇ 9:13

Baoˬ huiˬ-eu Sahˬpaˬ Miˬyehˇ kʼoeˇ naˆ ni kʼehˬ nehˬ kʼawꞈ, Iˇsaˬleˬlaˆ tsawˇ haˬ deuˬ nui ma maˬ paˇ-ehˇ, aˬ yawꞈ jawˇ paw maˬ gʼoꞈ laˇ-aˇ.

Yeˬlaˬmiˇ 2:18

Iˇjiˇtuˆ miˇ kʼahˬ-ahˇ iˇ-eu aˬ jeˬ gaˇ dahˇ tsoeˬ nmˇ. Niˬlaˇ lawˇ baˬ iˇ cuꞈ dawˇ-iˇ-eu la. Aˇshuˇliˆ miˇ kʼahˬ-ahˇ le-eu aˬ jeˬ gaˇ dahˇ tsoeˬ nmˇ. Uˇpaˬlaˇ lawˇ baˬ-ahˇ iˇ cuꞈ dawˇ leˇ-eu la.

Yeˬsaˬgeˬlaˇ 29:18

“Tsawˇ haˬ zaˬ-oˇ, Baˬbuˇloˬ sahˬ paˬ Neˬbuˬkaˬneˬzaˬ Duˇlu meuˬ-ahˇ guiˇ deuˆ le-euˬ meh. Aˬ yawꞈ-euˬ yehˇ deuˬ pi-euˬ myawˬ kah dui dui-eu miˇ neh, uˬ duˬ pi deˬ-awˇ, baꞈ pu yawˆ-iˇ jiˇ-euˬ meh. Kʼoeˇ naˆ naˆ-ehˇ shaˬ-euˬ kawꞈ, sahˬ paˬ hawˇ-eu aˬ yawꞈ-euˬ guiˇ maꞈ gʼaˇ duˬ jiˇ jeuˬ tiˬ jeˬ-iˬ maˬ ahˇ-a.

Yeˬsaˬgeˬlaˇ 29:20

Aˬ yawꞈ-euˬ guiˇ maꞈ ngaˬ-euˬ gʼaˇ duˬ gaˇ mˇ-eu miˇ neh, Iˇjiˇtuˆ miˇ kʼahˬ aˬ yawꞈ-ahˇ ngaˇ sawˇ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.