Iˇsaˬyaˇ 7:18 - Akha

¹⁸ “Aˇ nah aˇ yamˬ kʼoeˇ yamˬ keuˆ le ngeh, Iˇjiˇtuˆ miˇ kʼahˬ gawˆ laꞈ gawˆ mehˇ doe ni kʼaˇ jawˇ-eu puˬ saˆ dawˬ tawˆ luꞈ-ahˇ maˬ ehˇ, Aˬshuˇliˆ miˇ kʼahˬ-ahˇ jawˇ-eu byaˬ deuˬ-ahˇ maˬ ehˇ, Sahˬpaˬ Miˬyehˇ jaˬ cehˇ cehˇ gaˬ nehˬ tehꞈ-a.

Iˇsaˬyaˇ 7:18 ပူးပေါင်းရင်းမြစ်များ

Jaceuq 105:31

Miˬyehˇ dawˬ biꞈ-awˇ, miˇ kʼahˬ kʼahˬ lah ni, puˬ saˆ hawˇ-eu caˇ gawˬ baˬ maꞈ maꞈ leˇ-awˇ jawˇ-euˬ meh.

Jaceuq 118:12

Byaˬ baˬ maꞈ loꞈ-ehˇ ngaˬ-euˬ tiˬ jawˬ aˬ yawꞈ maꞈ uˇ le kʼawꞈ, aˬ gah baw duˆ-ahˇ miˬ dzaˬ puiˆ-eu loꞈ-ehˇ, tiˬ kʼehˇ laˇ kʼehˬ laꞈ kʼoeˇ bi puiˆ dzeh jiˇ-eu meh. Sahˬpaˬ Miˬyehˇ-euˬ baoˬ-ahˇ ngaˇ gʼoe-awˇ, aˬ yawꞈ maꞈ-ahˇ laˆ cawˆ nehˬ-euˬ ma.

Doˆ-iˇ 8:21

Aˬ yawꞈ maꞈ-ahˇ nawˇ maˬ pyehˬ nehˬ naˇ, nawˇ jawˇ gaˇ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ jawˇ gaˇ maˬ ehˇ, nawˬ-euˬ miˇ kʼahˬ zaˬ deuˬ jawˇ gaˇ maˬ ehˇ, puˬ saˆ baˬ maꞈ pyehˬ gʼeh leꞈ-awˇ, nawˬ-ahˇ ngaˇ kʼehˬ nehˬ ma. Iˇjiˇtuˆ tsawˇ haˬ deuˬ-euˬ nymˇ laꞈ kʼoeˇ puˬ saˆ jawˇ byah jiˇ-awˇ, miˇ tsaˬ-ahˇ kʼawꞈ, puˬ saˆ dawꞈ byah jiˇ tehꞈ-a.

Doˆ-iˇ 8:24

Sahˬ paˬ kʼoeˇ gʼaˬ-euˬ nymˇ hawˇ-eu yaw huiˬ yaw mahˇ deuˬ-euˬ nymˇ deuˬ-ahˇ, myaˬ dui dui-eu puˬ saˆ baˬ maꞈ Sahˬpaˬ Miˬyehˇ pyehˬ gʼeh-euˬ meh.

Iˇsaˬyaˇ 13:5

Miˇ kʼahˬ kʼahˬ lah ni laˆ cawˆ jiˇ-eu gʼaˇ duˬ, Sahˬpaˬ Miˬyehˇ-euˬ nui kʼahˇ mˇ byah-eu lehˇ, mˬ dzeˇ miˇ dzeˇ miˇ kʼahˬ-ahˇ neh, aˬ yawꞈ maꞈ laˇ-euˬ meh.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 5:26

Gaˇ mahˇ kaˬ gaˇ jawˇ-eu tsawˇ jeuˬ-ahˇ Sahˬpaˬ Miˬyehˇ kuˇ gaˬ-awˇ, mˬ dzeˇ miˇ dzeˇ neh laˇ-awˬ lehˇ jaˬ cehˇ cehˇ nehˬ ngeh, aˬ yawꞈ maꞈ yaw kawˇ-ehˇ cehˆ keuˆ laꞈ tehꞈ-a.

Iˇsaˬyaˇ 7:17

“Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ biˇ paˆ ngeh nah neh dahˬ beh-awˇ, iˬ nah keuˆ ni kʼaˇ ya tahˬ puˬ haw-euˬ shaˬ zahˬ dawˬ tawˆ luꞈ naˆ maˬ tseˇ doeˇ dui dui-eu jeˬ, nawˬ-euˬ kʼoeˇ taˆ maˬ ehˇ, nawˬ-euˬ tsawˇ haˬ deuˬ kʼoeˇ taˆ maˬ ehˇ, nawˬ-euˬ aˇ jeuˬ aˇ ca dawˬ tawˆ luꞈ kʼoeˇ taˆ maˬ ehˇ, Sahˬpaˬ Miˬyehˇ bi keuˆ le tehꞈ-a. Aˬshuˇliˆ sahˬ paˬ-ahˇ aˬ yawꞈ sheuˬ ahˇ leꞈ tehꞈ-a.

Zaˬkaˬliˇ 10:8

“Ngaˬ-euˬ tsawˇ haˬ-ahˇ ngaˇ kuˇ-awˇ, tiˬ gaˇ bi uiˬ bi bymˇ laˇ ma. Aˬ yawꞈ maꞈ-ahˇ ngaˇ ka kʼoꞈ-awˇ, aˇ hu loꞈ-ehˇ bi behˇ laˇ ma.

Dawˬmehˬ 1:44

Kʼoeˇ ngeh, gawˬ jawˬ gawˬ duˇ-ahˇ jawˇ-eu Aˬmoˬ tsawˇ haˬ deuˬ naw maꞈ-ahˇ guiˇ deuˆ le-eu lehˇ, byaˬ byaˬ maꞈ loꞈ-ehˇ yoeˇ gʼeh leꞈ-euˬ meh. Hawˇ maˬ meuˬ-ahˇ keuˆ ni naw maꞈ-ahˇ aˬ yawꞈ maꞈ teh-awˇ, Eˬdoˬ miˇ kʼahˬ gawˬ jawˬ gawˬ duˇ-ahˇ, naw maꞈ-ahˇ guiˇ deuˆ gʼaˬ-euˬ meh.

Dawˬmehˬ 28:49

Mˬ dzeˇ miˇ dzeˇ jawˇ-eu tsawˇ jeuˬ tiˬ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ pyehˬ gʼeh leꞈ tehꞈ-a. Aˬ yawꞈ maꞈ-euˬ dawˬ naw maꞈ maˬ siˬ nya-a. Kʼaˬ dzeˇ ga le-eu loꞈ-ehˇ, naw maꞈ jawˇ gaˇ aˬ yawꞈ maꞈ ja pyuˬ ni ga keuˆ le tehꞈ-a.

Dawˬmehˬ 7:20

Cehˆ dzeuˇ-euˬ deuˬ hawˇ-eu cehˆ zaꞈ dzuˇ zaꞈ-euˬ tsawˇ haˬ deuˬ-ahˇ laˆ luˬ laˆ seˇ nehˬ-eu gʼaˇ duˬ, Sahˬpaˬ Miˬyehˇ byaˬ duˇ baˬ maꞈ pyehˬ gʼeh leꞈ tehꞈ-a.

Yawˇshuˆ 24:12

Naw maꞈ le gʼeh leꞈ-eu nehˬ-ehˇ, naw maꞈ-euˬ mehˬ shi ngaˇ byaˬ duˇ pyehˬ gʼeh-awˇ, Aˬmawˇliˆ sahˬ paˬ kʼoeˇ nyiˬ gʼaˬ-ahˇ teh doˆ-euˬ ma. Naw maꞈ-euˬ mi cehˇ hawˇ-eu kaˆ deuˬ, kʼoeˇ gaˇ tiˬ jeˬ-iˬ maˬ mˇ-aˬ.