Iˇsaˬyaˇ 7:13 - Akha

¹³ Iˇsaˬyaˇ ehˇ-eu, “Sahˬ paˬ Daˬbiˇ-euˬ shiˬ shaˬ pyeuꞈ-eu gʼaˬ-oˇ, naˇ haˬ-awˬ. Tsawˇ haˬ zaˬ maˬ oˇ coeˇ laˇ ni jahˇ-euˬ tehꞈ-ehˇ maˬ juˬ ni, Miˬyehˇ maˬ oˇ coeˇ-ehˇ pyeuꞈ laˇ ni paˇ jahˇ-eu gʼeh te loˇ.

Iˇsaˬyaˇ 7:13 ပူးပေါင်းရင်းမြစ်များ

Aˇ dahˬ 30:15

“Ngaˬ-euˬ kʼaˬ dzeˇ zaˬ-ahˇ sheuˬ geuꞈ-euˬ tehꞈ-ehˇ maˬ juˬ ni, ngaˬ li-euˬ zaˬ jawˇ lehˬ oꞈ aˇ siˬ gʼeh paˇ yuˇ-eu gʼeh te loˇ” lehˇ, Leˇaˬ ehˇ-eu meh. “Nawˬ li-euˬ zaˬ jawˇ lehˬ oꞈ aˇ siˬ kʼoeˇ ngaˬ-ahˇ biꞈ laꞈ naˇ, nymˇ ciꞈ nawˬ-ahˇ Yaˬkoˆ nehˬ-ehˇ bi yuꞈ taꞈ ma” lehˇ, Leˇaˬ-ahˇ Laˬkeˬlaˇ paˇ ehˇ nehˬ-euˬ meh.

2 Laˬsaˬbaˬ 21:7

Ehˇ kʼawꞈ, Daˬbiˇ-euˬ nymˇ jiˇ-ahˇ Sahˬpaˬ Miˬyehˇ maˬ laˆ cawˆ mawꞈ-a. Aˬ jeˬ miˇ neh ehˇ naˇ, Daˬbiˇ-euˬ zaˬ deuˬ uˆ deuˬ-ahˇ aˬ myah luꞈ sahˬ paˬ geuꞈ-eu dzoeˬ dzaˬ bi oꞈ ma lehˇ Daˬbiˇ nehˬ-ehˇ dawˬ ma saˇ jaˇ dzaˬ taˬ-eu jaˆ-eu meh.

Jaceuq 45:5

Nawˬ-euˬ kaˆ myaˬ taˆ dui dui-awˇ, muiˇ-eu deuˬ-euˬ nui ma-ahˇ beuˆ tsoˆ-eu laꞈ kʼoeˇ, aˬ cawˬ tsawˇ jeuˬ deuˬ nawˬ-euˬ aˬ kuiˇ dawˬ peh ya coˬ lah tehꞈ-a.

Iˇsaˬyaˇ 1:14

Naw maꞈ la shuiꞈ lah-awˇ bawˬ-iˬ gʼeh-eu jeˬ mˇ ngeh, ngaˬ-euˬ nui ma nui daˆ daˆ nya. Naw maꞈ kʼoeˇ loꞈ-ehˇ jahˇ-eu ngaˬ-ahˇ kʼaˆ behˆ kah-awˇ, maˬ baꞈ maˬ pi coeˇ nya,

Iˇsaˬyaˇ 1:24

Kʼoeˇ miˇ neh Dawˬ tawˆ kʼoeˇ taˆ huiˬ-eu Sahˬpaˬ Miˬyehˇ, Iˇsaˬleˬlaˆ-euˬ baoˬ huiˬ-eu Miˬyehˇ, heu loꞈ-ehˇ ehˇ-eu meh. “Haw taˬ lawˬ. Ngaˬ-ahˇ muiˇ-eu deuˬ-ahˇ ngaˇ jahˇ kʼoꞈ ma. Aˬ yawꞈ maꞈ ngaˬ-ahˇ maˬ paˇ bi laˆ bahˬ ma.

Iˇsaˬyaˇ 22:22

Aˬ yawꞈ-ahˇ Daˬbiˇ-euˬ zaˬ pyeuꞈ-eu sahˬ paˬ-euˬ laꞈ oˆ teˬ ni gʼeh-eu gʼaˬ bi pyeuꞈ laˇ ma. Daˬbiˇ-euˬ nymˇ-ahˇ pah-eu mawˬ tawꞈ aˬ yawꞈ-euˬ laꞈ-ahˇ jaˆ-awˇ, aˬ yawꞈ neh pah taˬ-euˬ gaˇ tiˬ gʼaˬ-iˬ maˬ piˬ tehˬ nya-ehˇ, aˬ yawꞈ neh piˬ tehˬ taˬ-euˬ gaˇ tiˬ gʼaˬ-iˬ maˬ pah nya-a.

Iˇsaˬyaˇ 25:1

Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Iˇsaˬyaˇ 43:24

Naw maꞈ ngaˬ-euˬ gʼaˇ duˬ tsiˇ yaw saw maˬ zeuˇ-a. Jeˬ zaˬ-euˬ tsiˇ naw maꞈ yuˇ-awˇ, ngaˇ nui kʼahˇ shiˇ ni damˬ nehˬ laꞈ-euˬ maˬ jaˆ-a. Ehˇ kʼawꞈ, naw maꞈ neh mˇ-euˬ iˬ baˇ baˬ da neh, ngaˇ noeˬ shaˬ ni naw maꞈ jahˇ-awˇ, naw maꞈ neh mˇ-euˬ yaw lehˬ yaw ca jeˬ, ngaˬ-ahˇ shaˬ zahˬ laˆ naꞈ-euˬ meh.

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Iˇsaˬyaˇ 7:12

Aˬkaˆ ehˇ-eu, “Bi siˬ bi mawˇ-eu jeˬ bi keuˆ le-awˬ lehˇ ngaˇ maˬ shaˇ, Sahˬpaˬ Miˬyehˇ-ahˇ lawˬ haw-eu jeˬ ngaˇ maˬ mˇ.”

Iˇsaˬyaˇ 7:2

Suˇliˆ guiˇ maꞈ deuˬ Iˇsaˬleˬlaˆ miˇ kʼahˬ-ahˇ oe uiˬ taˬ-euˬ gaˇ kawˆ Yuˇdaˆ sahˬ paˬ ya gaˬ ngeh, aˬ yawꞈ hawˇ-eu aˬ yawꞈ-euˬ tsawˇ haˬ deuˬ dawˬ tawˆ luꞈ guˆ dui dui-iˇ-awˇ, jaˬ lehˇ neh bi baw nyeh-euˬ aˇ bawˇ loꞈ-ehˇ yaw dzuˬ dzuˬ dui dui-euˬ meh.

Yeˬlaˬmiˇ 21:12

Daˬbiˇ-euˬ nymˇ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. “Yawˬ shawˬ na luꞈ yaw dawˇ dawˇ-ehˇ yaˇ kʼaˬ daˇ-awˬ. Aˬ cawˬ smˇ kʼaˆ bi kʼaˆ dzaˬ-euˬ deuˬ-ahˇ, smˇ kʼaˆ deuˬ-euˬ laꞈ-ahˇ neh ka kʼoꞈ doˆ nehˬ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ mˇ-euˬ yaw haiˬ jeˬ baˬ da neh, ngaˬ-euˬ nui pehˇ miˬ dzaˬ doꞈ doˆ laˇ-awˇ, tsawˇ haˬ zaˬ maˬ laˆ miˆ nya-eu miˬ dzaˬ doꞈ laˇ tehꞈ-a.

Yeˬlaˬmiˇ 44:22

Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.

Yeˬlaˬmiˇ 6:11

Sahˬpaˬ Miˬyehˇ nawˇ aˬ yawꞈ maꞈ-ahˇ nui ma pehˇ-eu jeˬ, ngaˬ-euˬ nui ma miˬ dzaˬ doꞈ-eu loꞈ-ehˇ, ngaˬ-ahˇ maˬ dzahˬ tehˬ coeˇ nya.” Sahˬpaˬ Miˬyehˇ ngaˬ-ahˇ ehˇ-eu, “Meuˬ-euˬ lehˆ kawˆ doe ni gʼa-eu zaˬ deuˬ hawˇ-eu, zaˬ guˬ deuˬ uiˬ leˇ bymˇ leˇ taˬ-euˬ gaˇ, ngaˬ-euˬ nui pehˇ shehˆ daˆ nehˬ-awˬ. Miˬ zaˬ yo zaˬ dawˬ tawˆ bi nyehꞈ byoˆ gʼeh jiˇ-awˇ, mawˬ dui dui-eu deuˬ kʼawꞈ maˬ dzeˇ yaꞈ ni pyeuꞈ-iˇ tehꞈ-a.

Yeˬsaˬgeˬlaˇ 16:20

Kʼoeˇ naˇ, nawˬ neh baw-euˬ aˇ nyaꞈ-euˬ aˬ buˇ aˬ li deuˬ tahˬ pahˬ aˬ ma mawˇ kawˇ kʼoeˇ deuˬ-ahˇ nawˇ lawˇ nehˬ-euˬ meh. Nawˇ meh maˬ laˇ geuꞈ-euˬ tehꞈ-ehˇ kʼawꞈ maˬ gʼaˬ-a siˬ loˇ.

Yeˬsaˬgeˬlaˇ 16:47

Aˬ yawꞈ maꞈ-euˬ kuiˇ toꞈ-ahˇ nawˇ caw teh-awˇ, aˬ yawꞈ maꞈ loꞈ-ehˇ ya dehꞈ jawꞈ naˇ, nawˇ nui kʼahˇ shiˇ ma loˇ. Kʼoeˇ naˆ tehꞈ maˬ ngeuˇ-a siˬ. Tiˬ kʼehˇ laˇ kʼehˬ laꞈ kʼoeˇ nawˬ neh kʼaˇ mˇ kʼaˇ shaˇ-euˬ yawˬ jeˬ na luꞈ laꞈ kʼoeˇ, aˬ yawꞈ nyaꞈ naˆ maˬ tseˇ nawˇ dehꞈ doeˇ dui dui-euˬ meh.

Yeˬsaˬgeˬlaˇ 34:18

Naw maꞈ tiˬ paˆ na deuˬ muiˬ dui dui-eu yaˇ moꞈ ya dzaˬ luꞈ-eu tehꞈ-ehˇ maˬ gʼaˬ ni, naw maꞈ maˬ dzaˬ nahˇ-eu yaˇ moꞈ deuˬ-ahˇ nawˬ pahˬ nehˬ-eu meh. Shawˇ jehˆ ni gʼeh-eu iˇ cuꞈ naw maꞈ dawˇ-awˇ, naw maꞈ maˬ dawˇ-eu iˇ cuꞈ-ahˇ iˇ neˇ laˆ neˇ-eu meh.

Yeˬsaˬgeˬlaˇ 6:9

Aˬ cawˬ aˬ yawꞈ maꞈ-ahˇ kʼoeˇ gaˇ nyehꞈ gʼeh-awˇ bi jawˇ tehꞈ-a. Kʼoeˇ gaˇ, aˬ yawꞈ maꞈ ngaˬ-ahˇ noeˬ mawˇ laˇ-awˇ, aˬ yawꞈ maꞈ-euˬ saˇ jaˇ maˬ ziꞈ-eu nui ma ngaˬ-ahˇ byehˇ dzeh-awˇ, ngaˬ-ahˇ naˆ maˬ tseˇ tahˬ pahˬ aˬ ma mawˇ kawˇ deuˬ-ahˇ taˬ huiˬ-euˬ baˬ da neh, ngaˬ neh aˬ yawꞈ maꞈ-ahˇ kʼehˬ-euˬ nya lehˇ siˬ leˇ tehꞈ-a. Kʼoeˇ ngeh jawˇ, aˬ yawꞈ maꞈ neh mˇ dzeuˇ yaꞈ-euˬ yaw haiˬ jeˬ hawˇ-eu yaw cawˆ jeˬ-ahˇ noeˬ doˆ leˇ-awˇ, yawˬ haˇ yawˬ ha nui daˆ daˆ tehꞈ-a.

Aˬmoˆ 3:13

Baoˬ huiˬ dui dui-eu Sahˬpaˬ Miˬyehˇ ehˇ-eu, “Dawˬ heu deuˬ-ahˇ naˇ haˬ-awˇ, Yaˬkoˆ-euˬ zaˬ deuˬ uˆ deuˬ-ahˇ tsaꞈ nehˬ-iˇ-awˬ.

Maˬlaˬkiˇ 2:17

Naw maꞈ-euˬ dawˬ baˬ da neh, Sahˬpaˬ Miˬyehˇ nui ma maˬ saˇ-a. Ehˇ kʼawꞈ, “Sahˬpaˬ Miˬyehˇ nui ma maˬ saˇ paˬ-ehˇ nga maꞈ aˬ jeˬ ehˇ taˬ-eu jaˆ ta” lehˇ naw maꞈ ehˇ meh. “Baoˬ huiˬ-eu Sahˬpaˬ Miˬyehˇ-aˬ, yaw haiˬ jeˬ kʼaˇ mˇ-eu tsawˇ haˬ-ahˇ yaw muiˬ noeˬ-awˇ, aˬ diˇ aˬ maˇ nui ma tsaˬ-eu nga” lehˇ naw maꞈ ehˇ-awˇ, “Yaw tsaˬ yaw dawˇ Miˬyehˇ aˬ gaˇ jawˇ ta” lehˇ ehˇ-eu laꞈ kʼoeˇ, aˬ yawꞈ nui ma maˬ saˇ ni naw maꞈ jahˇ-euˬ meh.

Bawˇtsahˬ 16:13

Nga maꞈ-ahˇ bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, miˇ tsaˬ miˇ muiˬ muiˬ dui dui-awˇ baw le za le-eu Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ tehꞈ-ehˇ maˬ gʼaˬ-ehˇ, nga maꞈ kʼoeˇ taˆ nawˇ sahˬ paˬ paˇ geuꞈ mawꞈ te siˬ loˇ.

Bawˇtsahˬ 16:9

Sahˬpaˬ Miˬyehˇ dawˬ peh naw maꞈ le-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu laꞈ kʼoeˇ, tsawˇ haˬ aˇ maꞈ aˇ muˇ mehˬ shi yawꞈ-awˇ aˬ yawꞈ maꞈ gʼaˇ duˬ bi mˇ-eu lehˇ, tsawˇ haˬ heu myaˆ ni gʼeh-eu laꞈ kʼoeˇ, naw maꞈ-ahˇ biˇ paˆ doˆ-awˇ tseˇ doˆ taˬ-eu heu, dehˬ nyi-ehˇ gʼeh-eu gaˇ meh lehˇ naw maꞈ noeˬ te loˇ.

Luˇkaꞈ 1:69

Yawꞈ-euˬ zaˬ kʼaˆ Daˬbiˇ o neh, baoˬ huiˬ-eu Ka kʼoꞈ-eu yaw sahˇ, aˬ dui-ahˇ biꞈ nehˬ leꞈ-euˬ meh.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

HeˬByehˇ 3:10

Kʼoeˇ baˬ da neh ziˇ kʼoeˇ ziˇ-ahˇ, ngaˇ nui ma pehˇ-awˇ ehˇ nehˬ-euˬ, ‘Tiˬjawˇ-iˬ saˇ jaˇ maˬ ziꞈ-ehˇ, ngaˬ-euˬ dawˬ-ahˇ maˬ naˇ haˬ-a.’