Iˇsaˬyaˇ 7:10 - Akha

¹⁰ Sahˬpaˬ Miˬyehˇ neh Aˬkaˆ-ahˇ heu loꞈ-ehˇ paˇ bi tsaꞈ gaˬ-iˇ-euˬ meh.

Iˇsaˬyaˇ 7:10 ပူးပေါင်းရင်းမြစ်များ

2 Sahˬpaˬ 16:1

Leˬmaˬliˇ-euˬ aˬ li sahˬ paˬ Peˬkah gʼaˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ tseˇ shiꞈ kʼoꞈ tiˬ kʼoꞈ-ahˇ, Yoˇdaˬ-euˬ aˬ li Aˬkaˆ gʼaˬ Yuˇdaˆ sahˬ paˬ pyeuꞈ laˇ-euˬ meh.

Iˇsaˬyaˇ 1:13

Gaˇ dahˇ maˬ tsoeˬ-eu lawˇ-eu shehˇ-eu jeˬ taˬ paˇ yuˇ laꞈ. Tsiˇ yaw saw jeˬ doꞈ damˬ gaˇ ngaˇ nui daˆ daˆ nya. Naw maꞈ la shuiꞈ lah-eu, jawˇ nah tawˬ-eu, yaw bui bui-eu, iˬ baˇ mˇ-eu uiˬ leˇ bymˇ leˇ gaˇ duˇ-awˇ, ngaˬ-ahˇ maˬ haw nahˇ nya.

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Iˇsaˬyaˇ 10:20

Buˬ-iˇ-euˬ Iˇsaˬleˬlaˆ tsawˇ haˬ deuˬ, aˬ yawꞈ maꞈ-ahˇ laˆ cawˆ le-euˬ miˇ kʼahˬ-ahˇ maˬ paˇ gʼoe-ehˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-eu aˇ nah keuˆ le tehꞈ-a.

Iˇsaˬyaˇ 7:11

“Bi siˬ bi mawˇ-eu jeˬ bi keuˆ le ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-awˬ. Shiˇ-eu miˇ kʼahˬ-ahˇ keuˆ ni naꞈ-euˬ miˇ oˆ paw neh laˇ-euˬ bi siˬ bi mawˇ-euˬ jeˬ maˬ ehˇ, mˬ naˆ maˬ tseˇ goˇ-eu miˇ taˆ paw-euˬ bi siˬ bi mawˇ-eu jeˬ maˬ ehˇ, tiˬ jeˬ bi keuˆ le ni shaˇ-awˬ.”

Iˇsaˬyaˇ 7:9

Iˇsaˬleˬlaˆ miˇ kʼahˬ kʼawꞈ, aˬ yawꞈ maꞈ-euˬ meuˬ meuˬ ma pyeuꞈ-eu Saˬmaˬliˆ meuˬ taꞈ-ehˇ maˬ paˇ kʼaˆ dzehˬ-ehˇ, Saˬmaˬliˆ meuˬ kʼawꞈ sahˬ paˬ Peˬkah aˬ yawꞈ-euˬ mawˇ do taꞈ-ehˇ maˬ paˇ kʼaˆ dzehˬ nya-aˇ. “Nawˇ jah-eu nui ma maˬ ziꞈ naˇ, aˇ yamˬ gʼawˬ myahˇ ni maˬ gmˬ-aˇ”

Iˇsaˬyaˇ 8:5

Sahˬpaˬ Miˬyehˇ ngaˬ-ahˇ heu loꞈ-ehˇ paˇ ehˇ nehˬ laꞈ-euˬ meh.

Hawˇseˬ 13:2

Tahˬ pahˬ aˬ ma mawˇ kawˇ tehˆ-awˇ, uˬ duˬ tahˬ dui dui-eu laꞈ kʼoeˇ, iˬ baˇ mˇ-eu maˬ naˬ leˇ-a. Tsawˇ haˬ zaˬ neh shaˇ noeˬ doˆ-awˇ, tsawˇ haˬ-euˬ aˬ laꞈ neh jahˇ-awˇ, pyuˇ neh lawˬ-euˬ mawˇ kawˇ deuˬ-ahˇ, “Lawˇ-awˬ shehˇ-awˬ” lehˇ ehˇ-eu meh. Mawˇ neˇ mawˇ gaw-ahˇ duˇ leˇ-eu, tahˬ pahˬ aˬ ma mawˇ kawˇ deuˬ-ahˇ, aˬ joˆ-ehˇ mehˬ cuˇ cuˇ nehˬ nmˇ.