Iˇsaˬyaˇ 65:5 - Akha

⁵ Kʼoeˇ naˇ, aˬ yawꞈ maꞈ-euˬ dawˬ peh aˬ cawˬ maˬ bi laˇ-a. Aˬ yawꞈ maꞈ muiˬ-eu shawˇ-eu tsawˇ haˬ pyeuꞈ-eu baˬ da neh, aˬ cawˬ maˬ bi toeˬ ciˆ kʼmˬ-a lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ-ahˇ ngaˇ maˬ oˇ oꞈ coeˇ nya. Aˬ yawꞈ maꞈ-ahˇ ngaˇ nui ma pehˇ-eu jeˬ, maˬ miˆ tsehˆ-iˇ nya-eu miˬ dzaˬ-ahˇ duˇ-eu ma.

Iˇsaˬyaˇ 65:5 ပူးပေါင်းရင်းမြစ်များ

Dawqdaq 10:26

Nymˇ gawˬ-ahˇ gʼoe dzaˬ naˇ, nawˬ-ahˇ seuˬ kmˬ kmˬ-awˇ, myaˆ nuiˆ-ahˇ uˬ kʼoeˬ kʼoeˬ-eu loꞈ-ehˇ, nawˇ maˬ jawˇ tehˬ coeˇ-a.

Dawqdaq 16:5

Jahˇ gʼeh-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, maˬ kʼehˬ maˬ kʼaˆ-ehˇ maˬ bi dzeuˇ-iˇ-a.

Dawqdaq 30:12

Yawˬ haˇ yawˬ ha yaw shawˇ ma lehˇ noeˬ-eu jawꞈ dui dui-eu tsawˇ haˬ jawˇ-eu meh.

Maꞈtehˬ 9:11

Paˬliˬsehˇ deuˬ kʼoeˇ gaˇ ya mawˇ ngeh Yeˬsuˇ-euˬ zaˬ lahˇ deuˬ-ahˇ ehˇ nehˬ-eu, “Naw maꞈ-euˬ saˬ laˬ aˬ jeˬ miˇ neh kʼoeˇ loꞈ-ehˇ gʼeh-eu tsawˇ haˬ deuˬ nehˬ-ehˇ dzaˬ taꞈ dawˇ taꞈ ta.”

Luˇkaꞈ 15:2

Kʼoeˇ ngeh, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ iˬ baˇ taˬ-awˇ ehˇ-eu, “Tsawˇhaˬ heu gʼaˬ iˬ baˇ zaˬ lehˇ sawˇ taˬ-euˬ deuˬ-ahˇ ha geuꞈ-eu uˬ taꞈ, tiˬ kawˆ loꞈ-ehˇ dzaˬ taꞈ dawˇ taꞈ-eu nga.”

Luˇkaꞈ 5:30

Paˬliˬsehˇ deuˬ hawˇ-eu aˬ yawꞈ maꞈ-euˬ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ deuˬ, Yeˬsuˇ-euˬ zaˬ lahˇ deuˬ-ahˇ ehˇ nehˬ-eu, “Aˬ jeˬ miˇ neh kawˬ taꞈ-eu tsawˇ haˬ deuˬ hawˇ-eu iˬ baˇ zaˬ deuˬ nehˬ-ehˇ naw maꞈ dzaˬ taꞈ dawˇ taꞈ te.”

Luˇkaꞈ 7:39

Paˬliˬsehˇ kʼoeˇ gʼaˬ kʼoeˇ gaˇ ya mawˇ ngeh, nui ma laꞈ kʼoeˇ ciˬ cuˇ ni heu loꞈ-ehˇ ehˇ kʼoeˬ-euˬ meh. “Tsawˇ haˬ heu gʼaˬ aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ ngeuˇ naˇ, aˬ yawꞈ-ahˇ toeˬ ciˆ luꞈ-eu zaˬ miˬ zaˬ teu gʼaˬ aˬ joˆ-ehˇ gʼeh-eu tsawˇ haˬ pyeuꞈ-eu aˬ yawꞈ si nya tehꞈ-a. Zaˬ miˬ zaˬ teu gʼaˬ iˬ baˇ zaˬ meh lehˇ aˬ yawꞈ siˬ nya tehꞈ-a.”

Dawˬmehˬ 29:20

Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ-ehˇ, Sahˬpaˬ Miˬyehˇ-euˬ nui ma pehˇ-eu miˬ dzaˬ aˬ yawꞈ-ahˇ zaw leˇ-awˇ, geuꞈ-eu jeˬ maˬ ahˇ gaˇ keuˆ ni aˬ yawꞈ-ahˇ laˆ luˬ laˆ seˇ nehˬ ngeh keuˆ ni, sahˬ boꞈ heu taꞈ laꞈ kʼoeˇ kʼaˇ boꞈ taˬ-euˬ luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le tehꞈ-a.

Yaˬkoˆ 4:6

Ehˇ kʼawꞈ, Miˬyehˇ neh biꞈ laꞈ-euˬ guiˬ lahˬ yaw dzahˇ-aˬ, kʼoeˇ naˆ maˬ tseˇ naꞈ dzehˬ-eu meh. “Nui ma huiˬ-eu mahˇ-eu tsawˇ haˬ-ahˇ Miˬyehˇ muiˇ-awˇ, nui nahˬ nui yu ahˇ-eu tsawˇ haˬ-ahˇ guiˬ lahˬ biꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Yuˇdaˆ 1:19

Tsawˇ haˬ kʼoeˇ deuˬ-aˬ, aˇ maꞈ aˇ muˇ laˆ paˆ-eu jeˬ mˇ-eu, shiˬ shaˬ jiˇ nui noeˬ nui loˆ mˇ-eu, yawˬ ha laꞈ kʼoeˇ Yaw sahˇ Miˬyehˇ maˬ jawˇ-eu, kʼoeˇ loꞈ-ehˇ gʼeh-eu tsawˇ haˬ pyeuꞈ-eu meh.