Iˇsaˬyaˇ 65:17 - Akha

¹⁷ Sahˬpaˬ Miˬyehˇ heu loꞈ-ehˇ ehˇ-eu meh. “Mˬ yaw shuiꞈ miˇ yaw shuiꞈ ngaˇ beh luꞈ ma. Kʼaˇ pyeuꞈ dzeuˇ-euˬ jeˬ dawˬ tawˆ luꞈ ya ngehˇ byoˆ jiˇ tehꞈ-a.

Iˇsaˬyaˇ 65:17 ပူးပေါင်းရင်းမြစ်များ

Iˇsaˬyaˇ 43:18

Ehˇ kʼawꞈ, Sahˬpaˬ Miˬyehˇ ehˇ-eu, “Aˇ hu-euˬ gaˇ kawˆ deuˬ-ahˇ taˬ noeˬ muiˬ, Pyeuꞈ dzeuˇ yaꞈ-euˬ gaˇ kawˆ-ahˇ taˬ shaˇ noeˬ,

Iˇsaˬyaˇ 46:9

Aˇ hu pyeuꞈ dzeuˇ-euˬ gaˇ kawˆ noeˬ mawˇ-awˬ. Ngaˇ tehꞈ-ehˇ Miˬyehˇ pyeuꞈ-eu siˬ nya-awˇ, ngaˬ-ahˇ duˇ-eu nui gʼaˬ maˬ jawˇ-eu siˬ duˬ-awˬ.

Iˇsaˬyaˇ 51:16

Mˬ toˆ pyeh-awˇ miˇ tsaˬ dawˬ pehˬ pehˬ-euˬ ngaˇ ma. Yeˬluˇsaˬlehˬ meuˬ-ahˇ heu loꞈ-ehˇ ehˇ nehˬ-euˬ gʼaˬ ngaˇ ma. ‘Nawˇ ngaˬ-eu tsawˇ haˬ ma. Nawˬ-ahˇ mehˬ nehˬ tsoˆ nehˬ-euˬ gʼaˬ ngaˇ ma. Ngaˬ-euˬ aˬ laꞈ nawˬ-ahˇ haw piˇ-euˬ ma.’ ”

Iˇsaˬyaˇ 66:22

“Ngaˬ-euˬ baoˬ baˬ da neh, mˬ yaw shuiꞈ hawˇ-eu miˇ kʼahˬ yaw shuiꞈ maˬ cawˆ-iˇ ni ziꞈ-eu loꞈ-ehˇ, naw maꞈ-euˬ zaˬ deuˬ uˆ deuˬ hawˇ-eu naw maꞈ-eu tsawˇ myahˇ, maˬ cawˆ-iˇ ni ziꞈ tehꞈ-a.

Yeˬlaˬmiˇ 3:16

Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ naw maꞈ-euˬ tsawˇ haˬ myaˬ laˇ behˇ laˇ ngeh, ngaˬ-euˬ Dawˬ ma saˇ jaˇ Bahˬ keuˆ gaˇ kawˆ aˬ yawꞈ maꞈ maˬ paˇ ja ni pyeuꞈ-iˇ tehꞈ-a. Bahˬ keuˆ kʼoeˇ-euˬ gaˇ kawˆ aˬ yawꞈ maꞈ maˬ paˇ shaˇ noeˬ ni ngehˇ jiˇ tehꞈ-a. Bahˬ keuˆ kʼoeˇ-ahˇ aˬ yawꞈ maꞈ maˬ paˇ loˬ-ehˇ, bahˬ keuˆ yaw shuiꞈ kʼawꞈ maˬ jahˇ paˇ ni jawˇ tehꞈ-a.

1 Gawˇliˬtu 2:9

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Myaˆ nuiˆ maˬ mawˇ haw-ehˇ, naˬ bawˇ maˬ gaˬ haw-euˬ, maˬ noeˬ doˆ coeˇ-eu jeˬ, Miˬyehˇ-ahˇ gaˬ-euˬ deuˬ gʼaˇ duˬ, Miˬyehˇ lehˬ hmˬ laˆ saˆ-euˬ meh.”

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

HeˬByehˇ 12:27

“Tiˬ poˆ paˇ gʼeu nyeh ma” lehˇ ehˇ-eu dawˬ kʼoeˇ dawˬ-aˬ, maˬ nyeh laˇ nya-eu jeˬ bi ziꞈ-awˇ, kʼaˇ beh taˬ-euˬ jeˬ bi nyeh laˇ-awˇ bi byoˆ-iˇ jiˇ ma lehˇ bya cehˆ ni ehˇ mawꞈ-eu meh.

2 Beˬtuˆluˆ 3:13

Ehˇ kʼawꞈ, aˬ dui-aˬ, Miˬyehˇ neh saˇ jaˇ dzaˬ taˬ-euˬ jeˬ-ahˇ dawˬ luꞈ-eu ma. Iˇ kahˇ laꞈ kʼoeˇ yaw tsaˬ yaw dawˇ jeˬ jaˆ-eu mˬ yaw shuiꞈ miˇ yaw shuiꞈ-ahˇ dawˬ luꞈ-eu ma.