Iˇsaˬyaˇ 65:13 - Akha

¹³ Kʼoeˇ miˇ neh ngaˬ-euˬ dawˬ naˇ haˬ-awˇ, ngaˬ-ahˇ uˬ duˬ tahˬ-eu deuˬ, maˬ dzaˬ maˬ dawˇ jiˇ coeˇ ni jaˆ le kʼawꞈ, naw maꞈ ya mehꞈ ya shuꞈ tehꞈ-a lehˇ ehˇ-eu ma. Aˬ yawꞈ maꞈ laˬ kʼaˬ cehˇ luꞈ ngeh, naw maꞈ noeˬ shaˬ-awˇ daˬ ya ga tehꞈ-a.

Iˇsaˬyaˇ 65:13 ပူးပေါင်းရင်းမြစ်များ

Jaceuq 34:10

Aˇlaˬjaˬshiˇmehꞈgaˇkeuˆkʼawꞈ, SahˬpaˬMiˬyehˇ-ahˇpoˆ-eu deuˬ, yaw muiˬtiˬjeˬ-iˬ maˬju-a.

Dawqdaq 13:25

Yaw tsaˬ yaw dawˇ deuˬ ya dzaˬ ya dawˇ dehˆ kʼawꞈ, maˬ tsaˬ maˬ dawˇ-eu deuˬ mehꞈ-eu shuꞈ-eu meh.

Iˇsaˬyaˇ 1:19

Naw maꞈ nui ma keuˆ-eu laꞈ kʼoeˇ ngaˬ-eu ehˇ dawˬ naˇ haˬ naˇ, miˇ tsaˬ miˇ tsiˇ ya dzaˬ tehꞈ-a.

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Iˇsaˬyaˇ 41:18

Gui coˇ ni gʼeh-eu gawˬ duˇ deuˬ kʼoeˇ taˆ, iˇ cuꞈ lawˇ baˬ bi yoeˇ le ma. Deh kʼawꞈ laꞈ kʼoeˇ lawˇ gawˆ bi yoeˇ le ma. Kʼaˇ shuiꞈ deh-ahˇ iˇ cuꞈ lah bi dahˬ laˇ-awˇ, miˇ tsaˬ gui gaˇ lawˇ gawˆ bi yoeˇ le ma.

Iˇsaˬyaˇ 42:17

Tahˬ pahˬ aˬ ma mawˇ kawˇ deuˬ-ahˇ gʼoe-awˇ, mawˇ kawˇ ahˇ miˬyehˇ shaˇ kuˇ luꞈ-eu tsawˇ haˬ deuˬ, shaꞈ dawˇ-awˇ daˬ ya ga tehꞈ-a.”

Iˇsaˬyaˇ 44:11

Kʼoeˇ gaˇ uˬ duˬ kʼaˇ tahˬ-eu tsawˇ haˬ yawˬ gʼaˬ na luꞈ, daˬ ya ga tehꞈ-a. Tahˬ pahˬ aˬ ma mawˇ kawˇ tehˆ-eu deuˬ kʼawꞈ, tsawˇ haˬ zaˬ tehꞈ meh. Aˬ yawꞈ maꞈ-ahˇ kuˇ uiˬ-awˇ, pyehˆ tseˇ duˬ nehˬ ngeh, guˆ dui dui-iˇ-awˇ ya shaꞈ dawˇ dui dui tehꞈ-a.

Iˇsaˬyaˇ 44:9

Tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu deuˬ, tsawˇ haˬ dawˇ ga pyeuꞈ-awˇ, aˬ yawꞈ maꞈ taˬ huiˬ taˬ mahˇ luꞈ-eu miˬ yehˇ tiˬ jeˬ-iˬ gaˇ dahˇ maˬ tsoeˬ-a. Miˬ yehˇ kʼoeˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ myaˆ behꞈ-ahˇ duˇ-awˇ zaˬ siˬ tsawˇ gahˇ maˬ ahˇ-eu miˇ neh, ya shaꞈ dawˇ gaˇ keuˆ tehꞈ-a.

Iˇsaˬyaˇ 49:10

Aˬ yawꞈ maꞈ-ahˇ gaˬ-eu gʼaˬ neh sheuˬ gʼeh nehˬ-euˬ miˇ neh, aˬ yawꞈ maꞈ mehꞈ-eu shuꞈ-eu maˬ baw-ehˇ, nahˇ tsaˇ hawˇ-eu kʼaˇ shuiꞈ deh ga yaw lahˇ, aˬ yawꞈ maꞈ-ahˇ maˬ coeˬ leˇ-a. Iˇ cuꞈ lawˇ baˬ yoeˇ-eu dawˬ peh, aˬ yawꞈ maꞈ-ahˇ aˬ yawꞈ sheuˬ gʼeh tehꞈ-a.

Iˇsaˬyaˇ 5:13

Ngaˬ-euˬ tsawˇ haˬ deuˬ maˬ noeˬ siˬ maˬ noeˬ mawˇ nya-eu miˇ neh, aˬ cawˬ tsawˇ jeuˬ neh bi nyehꞈ gʼeh tehꞈ-a. Aˬ yawꞈ maꞈ-euˬ aˬ yuiꞈ aˬ tsu deuˬ hawˬ dzahˬ sehꞈ-awˇ, zaˬ lahˇ deuˬ iˇ cuꞈ mehꞈ sehꞈ tehꞈ-a.

Iˇsaˬyaˇ 50:11

Aˬ cawˬ-ahˇ yaw cawˆ jeˬ mˇ-eu naw maꞈ dawˬ tawˆ, yawˬ ha cawˆ-iˇ ni mˇ luꞈ-eu tehꞈ meh. Kʼoeˇ loꞈ-ehˇ pyeuꞈ laˇ ni Sahˬpaˬ Miˬyehˇ jahˇ-awˇ, naw maꞈ-euˬ shaˬ zahˬ naꞈ dui dui tehꞈ-a.

Iˇsaˬyaˇ 61:7

Naw maꞈ daˬ ga-awˇ shaꞈ dawˇ-eu maˬ paˇ jaˆ meh. Yawˬ ha miˇ kʼahˬ-ahˇ naw maꞈ ya jawˇ-awˇ, pyuˇ shuiˇ myawˬ gahˬ nyiˬ bymˇ myaˬ dzehˬ laˇ-eu laꞈ kʼoeˇ, mˬ maˬ maˬ byaˆ zaˇ ziˇ laˬ kʼaˬ ya cehˇ tehꞈ-a.

Iˇsaˬyaˇ 62:9

Ehˇ kʼawꞈ, cehˇ ka-awˇ yehˬ-euˬ deuˬ pyeuꞈ-eu naw maꞈ, cehˇ meu kaˬ muˇ dzaˬ-awˇ Sahˬpaˬ Miˬyehˇ-ahˇ ya ja ceuˬ tehꞈ-a. Aˬ gaꞈ yaˇ kmˇ laˆ saˆ-awˇ aˇ siˬ pyaˆ uiˬ-eu naw maꞈ, Uˬ duˬ tahˬ nymˇ nymˇ ma pu ka aˬ gaꞈ dzaˇ uiˇ ya dawˇ tehꞈ-a.”

Iˇsaˬyaˇ 66:14

Kʼoeˇ loꞈ-ehˇ pyeuꞈ laˇ gaˇ mawˇ ngeh, naw maꞈ laˬ kʼaˬ ya cehˇ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ jawˇ saˇ doˆ-awˇ gʼaˬ ahˇ tehꞈ-a. Kʼoeˇ loꞈ-ehˇ pyeuꞈ laˇ ngeh, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ ehˇ dawˬ naˇ haˬ-eu deuˬ-ahˇ ngehˬ gʼeh-awˇ, ngaˬ-ahˇ muiˇ-eu deuˬ-ahˇ nui ma bi mawˇ gaˇ, naw maꞈ ya siˬ ya mawˇ tehꞈ-a.”

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Iˇsaˬyaˇ 8:21

Tsawˇ haˬ kʼoeˇ deuˬ nui ma cawˆ-awˇ hawˬ mehꞈ shaˬ-eu laꞈ kʼoeˇ, miˇ kʼahˬ doe ni cah cah-ehˇ jawˇ tehꞈ-a. Aˬ yawꞈ maꞈ hawˬ mehꞈ mehꞈ ngeh nui ma pehˇ laˇ-awˇ, aˬ yawꞈ maꞈ-euˬ sahˬ paˬ hawˇ-eu aˬ yawꞈ maꞈ-euˬ Miˬyehˇ-ahˇ yaˬ kʼehˇ yaˬ tehꞈ-a. Aˬ yawꞈ maꞈ mˬ-ahˇ gʼawˇ leuˇ haw-awˇ,

Yeˬlaˬmiˇ 22:22

Naw maꞈ-euˬ aˬ yuiꞈ aˬ tsu deuˬ, jaˬ lehˇ neh bi baw byoˆ jiˇ-awˇ, naw maꞈ-ahˇ nui ma gm-euˬ deuˬ, guiˇ deuˆ gaˇ bi nyehꞈ mi tehꞈ-a. Naw maꞈ neh mˇ-euˬ yaw haiˬ jeˬ baˬ da, naw maꞈ-euˬ meuˬ daˬ ga-awˇ ya shaꞈ dawˇ tehꞈ-a.

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Hawˇseˬ 4:10

Naw maꞈ oꞈ-eu lawˇ dzaˇ dzaˬ kʼawꞈ, uˬ maˆ dehˆ laˇ-euˬ maˬ baw-aˇ. Jeuˬ le o le-eu miˬyehˇ-ahˇ, naw maꞈ uˬ duˬ tahˬ shaˇ leˇ kʼawꞈ, zaˬ oeˬ sahˇ le-eu maˬ baw-aˇ. Aˬ jeˬ miˇ neh ehˇ naˇ, miˬyehˇ nui deuˬ mehˬ nah iˇ-awˇ, naw maꞈ ngaˬ-ahˇ byehˇ dzeh-euˬ meh.”

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”