Iˇsaˬyaˇ 65:1 - Akha

¹ Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ shaˇ dawˬ-ahˇ, naˇ haˬ nehˬ-eu gʼaˇ duˬ ngaˇ lehˬ hmˬ kʼawꞈ, aˬ yawꞈ maꞈ ngaˬ-ahˇ guiˬ lahˬ maˬ shaˇ-a. Aˬ yawꞈ maꞈ bi haw mawˇ-eu lehˇ ngaˇ mˇ jeh kʼawꞈ, aˬ yawꞈ maꞈ ngaˬ-ahˇ maˬ poˆ-a. Ngaˇ heu gaˇ jawˇ ma lehˇ ehˇ gaˬ nehˬ kʼawꞈ, aˬ yawꞈ maꞈ ngaˬ-ahˇ guiˬ lahˬ maˬ shaˇ-a.

Iˇsaˬyaˇ 65:1 ပူးပေါင်းရင်းမြစ်များ

2 Saˬmeuˬlaˆ 1:7

Kʼoeˇ ngeh, aˬ yawꞈ ngaˇ jawˇ paw ciˬ pyawˇ leꞈ-awˇ, ngaˬ-ahˇ haw mawˇ-awˇ kuˇ-eu miˇ neh, ngaˇ gʼeh aˬ yawꞈ-ahˇ guˇ cawˬ nehˬ-euˬ ma.

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Iˇsaˬyaˇ 11:10

Daˬbiˇ-euˬ aˇ jeuˬ aˇ ca laꞈ kʼoeˇ sahˬ paˬ yaw shuiꞈ tiˬ gʼaˬ doˆ laˇ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ bi siˬ bi mawˇ-eu aˇ nah keuˆ le tehꞈ-a. Aˬ yawꞈ dzoeˬ dzaˬ-eu meuˬ-ahˇ, aˬ yawꞈ maꞈ uiˬ laˇ-awˇ, aˬ yawꞈ-ahˇ taˬ huiˬ taˬ mahˇ tehꞈ-a.

Iˇsaˬyaˇ 40:9

Yeˬluˇsaˬlehˬ-oˇ, gawˬ jawˬ yaw goˇ-ahˇ daˆ leˇ-awˇ, laˬ kʼaˬ cehˇ-eu guiˬ lahˬ dawˬ guˇ gaˬ-awˬ. Ziˇoˬ gawˬ jawˬ-oˇ, teˇ saˇ yaw kʼaˆ kʼaˆ-ehˇ guˇ-awˇ, laˬ kʼaˬ cehˇ-eu guiˬ lahˬ dawˬ tsaꞈ gaˬ-awˬ. Maˬ guˆ ni dawˬ tmˇ dawˬ dzawˇ mˇ-awˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, aˬ yawꞈ maꞈ-euˬ Miˬyehˇ oe luꞈ meh lehˇ ehˇ gaˬ nehˬ-awˬ.

Iˇsaˬyaˇ 41:27

Sahˬpaˬ Miˬyehˇ pyeuꞈ-eu ngaˇ-aˬ, Ziˇoˬ meuˬ-ahˇ gaˇ kawˆ heu ehˇ beh beh-eu gʼaˬ ma. Yeˬluˇsaˬlehˬ meuˬ-ahˇ dawˬ tsaꞈ dawˬ dzawˇ mˇ-eu tsawˇ haˬ, ngaˇ pyehˬ gʼeh-awˇ, aˬ yawꞈ maꞈ-euˬ tsawˇ haˬ gʼoꞈ laˇ luꞈ-eu gaˇ kawˆ, bi tsaꞈ gaˬ-iˇ-euˬ ma.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Iˇsaˬyaˇ 55:5

Boeˇ miˬ siˬ kʼaˬ tsawˇ jeuˬ deuˬ-ahˇ nawˇ dawˬ biꞈ tehꞈ-a. Dzeuˇ laˇ ngeh aˬ yawꞈ maꞈ nawˬ-ahˇ maˬ siˬ nya kʼawꞈ, nymˬ-mˇ nawˇ jawˇ paw cehˆ uˇ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˬ, kʼoeˇ loꞈ-ehˇ pyeuꞈ laˇ ni mˇ ma. Taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ, naw maꞈ-ahˇ ngaˇ biꞈ ma.”

Iˇsaˬyaˇ 63:19

Nawˇ nga maꞈ-ahˇ maˬ uˆ lahˇ haw-euˬ loꞈ-ehˇ, nga maꞈ nawˬ-euˬ tsawˇ haˬ maˬ pyeuꞈ haw-euˬ loꞈ-ehˇ, nawˬ neh nga maꞈ-ahˇ jahˇ nehˬ laꞈ-euˬ meh.

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Luˇkaꞈ 13:12

Yeˬsuˇ aˬ yawꞈ-ahˇ ya mawˇ ngeh, kuˇ-awˇ, “Zaˬ miˬ zaˬ-oˇ, nawˬ-euˬ naˇ gawˇ-ahˇ nawˇ buˬ-iˇ-euˬ meh” lehˇ ehˇ nehˬ-euˬ meh.

Yoˇhaˬ 1:29

Yawˬ nah yawˬ, Yeˬsuˇ oe luꞈ gaˇ Yoˇhaˬ mawˇ-awˇ ehˇ-eu, “Miˇ tsaˬ zaˬ-euˬ iˬ baˇ-ahˇ pi dzeh le-euˬ Miˬyehˇ-euˬ yawˇ zaˬ-ahˇ haw sheˇ.

Lormav 10:20

Iˇsaˬyaˇ neh kʼoeˇ naˆ maˬ tseˇ paˇ ehˇ taˬ-euˬ jaˆ-eu meh. “Ngaˬ-ahˇ maˬ poˆ-euˬ tsawˇ haˬ deuˬ. ngaˬ-ahˇ ya mawˇ duˬ gʼaˬ-euˬ meh. Ngaˬ-ahˇ maˬ shaˇ caw-eu deuˬ-ahˇ, ngaˇ iˇ dzoeˇ-awˇ bi mawˇ-euˬ ma.”

Lormav 9:30

Aˬ dui heu loꞈ-ehˇ ehˇ nya meh. Miˬyehˇ-ahˇ tsaˬ lehˇ tsahˇ leˇ nya ni maˬ leh jeh-euˬ Yuˇdaˆ tsawˇ haˬ maˬ ngeuˇ-eu kʼoeˇ deuˬ kʼawꞈ, jah-eu baˬ da neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ pyeuꞈ laˇ-euˬ meh.

1 Beˬtuˆluˆ 2:10

Yaw beh-aˬ, naw maꞈ Miˬyehˇ-euˬ tsawˇ haˬ maˬ ngeuˇ-a. Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ pyeuꞈ laˇ-euˬ meh. Yaw beh Miˬyehˇ gʼawˬ shaˬ gaˬ-eu jeˬ-ahˇ naw maꞈ maˬ siˬ nya-aˬ. Ehˇ kʼawꞈ, nymˬ-mˇ aˬ yawꞈ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.