Iˇsaˬyaˇ 64:5 - Akha

⁵ Yaw tsaˬ yaw dawˇ jeˬ mˇ gaˇ laˬ kʼaˬ cehˇ-eu deuˬ hawˇ-eu, nawˬ-euˬ nui kʼahˇ poˆ-eu deuˬ-ahˇ nawˇ maˬ ngehˇ-a. Nawˇ nga maꞈ-ahˇ nui ma pehˇ kʼawꞈ, nga maꞈ iˬ baˇ mˇ-eu maˬ byehˇ dzeh-aˬ. Nawˇ nui ma pehˇ dui dui-euˬ kʼawꞈ, aˇ hu ba neh yaw lehˬ jeˬ nga maꞈ mˇ ka leꞈ-euˬ ma.

Iˇsaˬyaˇ 64:5 ပူးပေါင်းရင်းမြစ်များ

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Jaceuq 112:1

Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-ahˇ taˬ huiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ-eu tsawˇ haˬ guiˬ lahˬ huiˬ-eu meh.

Jaceuq 25:10

Dawˬma saˇjaˇ-ahˇ caw teh-awˇ, yehˇdawˬnaˇ-eu deuˬ-euˬmehˬshi, yawꞈgaˬ-eu jeˬ, yawꞈ-euˬsaˇjaˇ, gaˇma kahˇli sheu taw nehˬmeh.

Jaceuq 37:4

SahˬpaˬMiˬyehˇlaꞈkʼoeˇ cehˇ-awˬ. Nawˇkʼaˇmawꞈ-eu yawˬjeˬna luꞈ, aˬyawꞈnawˬ-ahˇbiꞈlaꞈtehꞈ-a.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Doˆ-iˇ 25:22

Nawˬ-ahˇ ngaˇ kʼoeˇ gaˇ tahˬ puˬ-awˇ, Iˇsaˬleˬlaˆ tsawˇ haˬ gʼaˇ duˬ zahˇ dawˬ kʼoꞈ dawˬ dawˬ tawˆ luꞈ, bahˬ keuˆ kʼawˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ hmˬ yaw kaˬ-ahˇ, nawˬ-ahˇ ngaˇ biꞈ ma.

Doˆ-iˇ 30:6

Dawˬ ma saˇ jaˇ bahˬ keuˆ-ahˇ lawˆ kaˬ taw paˆ taˬ-euˬ saˬ paˇ-euˬ laꞈ nyiˇ paw, lawˇ duˬ kʼoeˇ hmˬ bi jaˆ-awˬ. Kʼoeˇ tsahˇ-ahˇ ngaˇ naw maꞈ-ahˇ tahˬ puˬ le ma.

Iˇsaˬyaˇ 1:30

Aˇ paꞈ ga-euˬ tsuiꞈ kaˆ aˇ bawˇ loꞈ-ehˇ, naw maꞈ ya nyoeˬ-iˇ-awˇ, iˇ cuꞈ maˬ jaˆ-eu yaˇ kmˇ loꞈ-ehˇ, naw maꞈ ya koˆ-iˇ tehꞈ-a.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Iˇsaˬyaˇ 26:13

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, aˬ cawˬ nga maꞈ kʼoeˇ taˆ dzoeˬ dzaˬ luꞈ kʼawꞈ, nawˬ-ahˇ tehꞈ-ehˇ nga maꞈ taˬ huiˬ-eu ma.

Iˇsaˬyaˇ 27:8

Aˬ cawˬ-euˬ miˇ kʼahˬ-ahˇ bi nyehꞈ gʼeh-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-euˬ meh. Guˆ laˇ paˬ-ehˇ gʼeh-eu nahˇ ma doˆ kʼehˬ jaˬ lehˇ kʼoeˇ neh, aˬ yawꞈ maꞈ-ahˇ bi hehˇ dzaˬ gʼeh-euˬ meh.

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Iˇsaˬyaˇ 63:7

Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.

Daˬyeˬlaˇ 9:5

“Nga maꞈ iˬ baˇ mˇ-euˬ ma. Nga maꞈ haiˬ-eu tsawˇ haˬ deuˬ pyeuꞈ-awˇ, nawˬ -ahˇ puiˬ-euˬ ma. Nawˬ neh bi mˇ laꞈ-euˬ jeˬ-ahˇ nga maꞈ maˬ mˇ ni, nawˬ neh mehˬ nehˬ laꞈ-euˬ yaw tsaˬ yaw dawˇ jeˬ-ahˇ nga maꞈ byehˇ dzeh-euˬ ma.

Hawˇseˬ 11:8

“Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ gʼeh-awˇ byehˇ coeˇ nmˇ. Aˬdaˬmaˬ-ahˇ kʼehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ kʼehˬ nmˇ. Zeˬbymˬ-ahˇ jahˇ nehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ jahˇ nmˇ. Nawˬ-ahˇ gaˬ dui dui-eu miˇ neh, kʼoeˇ loꞈ-ehˇ jahˇ nehˬ-eu gʼaˇ duˬ, ngaˬ-euˬ nui ma maˬ gʼaˬ leˇ nya.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Zaˬkaˬliˇ 3:3

Yawˇshuˆ-aˬ, mehˬ tsoeˬ yaw jawꞈ dm-awˇ kʼoeˇ gaˇ yawꞈ luꞈ-eu meh.

Maˬlaˬkiˇ 3:6

“Ngaˇ-aˬ, noeˬ poˆ noeˬ paˇ maˬ mˇ-eu Sahˬpaˬ Miˬyehˇ ma. Kʼoeˇ miˇ neh, naw maꞈ Yaˬkoˆ-euˬ zaˬ deuˬ byoˆ jiˇ laˆ jiˇ gaˇ maˬ keuˆ-a siˬ.

Gʼaˬkʼehˇ 10:35

Aˬ geu jeˬ tsawˇ jeuˬ pyeuꞈ-eu maˬ kaˬ, aˬ yawꞈ-ahˇ guˆ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ aˬ yawꞈ nui ma tsaˬ-eu meh.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.