Iˇsaˬyaˇ 64:2 - Akha

² Iˇ buiˇ buiˇ-eu loꞈ-ehˇ aˬ yawꞈ maꞈ yaw dzuˬ dzuˬ tehꞈ-a. Nawˬ-ahˇ muiˇ-eu deuˬ-ahˇ nawˬ-euˬ baoˬ bi mawˇ-awˇ, nawˬ-euˬ mehˬ shi miˇ kʼahˬ tsawˇ jeuˬ deuˬ yaw dzuˬ bi dzuˬ-awˬ.

Iˇsaˬyaˇ 64:2 ပူးပေါင်းရင်းမြစ်များ

Jaceuq 106:8

Ehˇ kʼawꞈ aˬ yawꞈ neh saˇ jaˇ dzaˬ taˬ-euˬ loꞈ-ehˇ, aˬ yawꞈ maꞈ-ahˇ ka kʼoꞈ nehˬ-awˇ, aˬ yawꞈ-euˬ huiˬ-eu baoˬ pah mehˬ-euˬ meh.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Jaceuq 79:10

Naw maꞈ-euˬ Miˬyehˇ aˬ gaˇ jawˇ ta lehˇ, aˬ cawˬ tsawˇ jeuˬ nga maꞈ-ahˇ aˬ jeˬ gʼeh bi naˇ haˬ laˇ ta. Nawˬ-euˬ zaˬ kʼaˆ deuˬ-ahˇ shiˬ laˆ doˆ nehˬ-eu tsawˇ jeuˬ kʼoeˇ deuˬ-ahˇ nawˇ kʼehˬ nehˬ gaˇ, nga maꞈ-ahˇ bi mawˇ laꞈ.

Jaceuq 83:13

Miˬ yehˇ-oˇ, kʼaˬ lehˇ byaˆ dzeh-eu loꞈ-ehˇ aˬ yawꞈ maꞈ-ahˇ byaˆ dzeh nehˬ-awˬ. Jaˬ lehˇ neh bi baw byoˆ gʼeh-euˬ gʼo yoeˬ loꞈ-ehˇ jahˇ nehˬ-awˬ.

Jaceuq 9:20

Sahˬpaˬ Miˬyehˇ-oˇ, aˬyaw maꞈ-ahˇ bi guˆ-iˇ-awˬ. miˇtsaˬtsawˇjeuˬdawˬtawˆluꞈ-ahˇ, miˇtsaˬzaˬ baoˬmaˬahˇnya lehˇ, yawˬhaˇyawˬha bi siˬleˇ-awˬ.

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Doˆ-iˇ 14:4

Aˬ yawꞈ-ahˇ ngaˇ nui ma bi gʼahˇ-awˇ, naw maꞈ-euˬ mehˬ nah bi caw teh ma. Sahˬ paˬ kʼoeˇ gʼaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ guiˇ deuˆ gʼaˬ ngeh, aˬ cawˬ ngaˬ-ahˇ taˬ huiˬ taˬ mahˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ, Iˇjiˇtuˆ tsawˇ haˬ deuˬ ya siˬ tehꞈ-a.” Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Iˇsaˬyaˇ 28:21

Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

Iˇsaˬyaˇ 37:20

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya siˬ ni, Aˬshuˇliˆ tsawˇ jeuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ nehˬ laꞈ-awˬ.”

Iˇsaˬyaˇ 63:12

Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Yeˬlaˬmiˇ 33:9

Yeˬluˇsaˬlehˬ meuˬ-aˬ, laˬ kʼaˬ cehˇ-eu jeˬ, taˬ huiˬ taˬ mahˇ nehˬ-eu jeˬ hawˇ-eu, yaw shehꞈ kʼahˇ sehˇ huiˬ-eu jawˇ duˬ pyeuꞈ laˇ tehꞈ-a. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh jahˇ nehˬ-euˬ yaw muiˬ jeˬ hawˇ-eu, Yeˬluˇsaˬlehˬ meuˬ-ahˇ ngaˬ neh biꞈ nehˬ-euˬ baw le za le-eu guiˬ lahˬ gaˇ kawˆ ya gaˬ ngeh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-awˇ yaw dzuˬ dzuˬ tehꞈ-a.”

Yeˬlaˬmiˇ 5:22

Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.

Aˬmoˆ 4:12

“Kʼoeˇ miˇ neh, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ-ahˇ ngaˇ kʼehˬ nehˬ kʼaˆ nehˬ-eu lehˇ gʼeh-eu ma. Ngaˇ kʼoeˇ loꞈ-ehˇ kʼehˬ-eu kʼaˆ-eu lehˇ lehˬ hmˬ taˬ-euˬ miˇ neh, ngaˬ neh yaˇ kʼaˬ daˇ-euˬ gaˇ daˬ-eu gʼaˇ duˬ naw maꞈ yaw muiˬ paˬ-ehˇ lehˬ hmˬ taˬ-awˬ.”

Miˇkaˬ 1:4

Byaˬ shahˬ miˬ dzaˬ puiˆ-eu loꞈ-ehˇ, gawˬ jawˬ kʼoeˇ deuˬ aˬ yawꞈ uˬ moˆ, ya guiˇ byoˆ-iˇ jiˇ gaˇ keuˆ-awˇ, baˬ gʼa yoeˇ-eu iˇ cuꞈ loꞈ-ehˇ, lawˇ kʼmˬ-ahˇ yoeˇ ka le tehꞈ-a.

Zaˬkaˬliˇ 14:4

Kʼoeˇ ngeh jawˇ, Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-eu Saˬloˬ gawˬ jawˬ-ahˇ aˬ yawꞈ yawꞈ tehꞈ-a. Kʼoeˇ naˇ, Saˬloˬ gawˬ jawˬ kʼoeˇ nahˇ ma doˆ kʼehˬ ga kʼehˬ-ehˇ nyiˬ paˆ paˆ-iˇ-awˇ, yaw kaˬ-ahˇ gʼaˬ lawˬ lawˬ ma jaˆ le tehꞈ-a. Gawˬ jawˬ tiˬ paˆ laꞈ taˆ paw pyawˬ-ahˇ jiˆ daˆ leˇ-awˇ, tiˬ paˆ laꞈ oˆ paw pyawˬ-ahˇ jiˆ ka-iˇ tehꞈ-a.

Dawˬmehˬ 2:25

Iˬ nah neh aˇ dahˬ beh-awˇ, yawˬ gaˇ na luꞈ aˬ cawˬ naw maꞈ-ahˇ guˆ ni ngaˇ jahˇ ma. Naw maꞈ-euˬ tsawˇ myahˇ ya gaˬ-euˬ tehꞈ-ehˇ kʼawꞈ, tsawˇ haˬ yaw gʼaˬ na luꞈ yaw dzuˬ dzuˬ tehꞈ-a’ lehˇ ehˇ-eu meh.