Iˇsaˬyaˇ 64:1 - Akha

¹ Gawˬ jawˬ gawˬ duˇ nawˬ-ahˇ mawˇ-awˇ yaw dzuˬ dzuˬ ni, aˬ jeˬ miˇ neh mˬ gʼeu paˆ-awˇ maˬ oe ka te.

Iˇsaˬyaˇ 64:1 ပူးပေါင်းရင်းမြစ်များ

Jaceuq 46:6

Tsawˇ jeuˬ dawˬ tawˆ luꞈ laˇ baˇ-iˇ-awˇ, miˇ kʼahˬ dawˬ tawˆ luꞈ yaw dzuˬ dzuˬ-eu meh. Miˬyehˇ lmˬ laˇ ngeh, miˇ tsaˬ tahˬ kʼawˇ byaˆ-iˇ meuˇ-iˇ-eu meh.

Jaceuq 68:8

Miˇ tsaˬ tahˬ kʼawˇ nyeh laˇ-awˇ, mˬ kʼoeˇ taˆ uˬ yehˇ shehˆ dzeh leꞈ-euˬ meh. Siˇnaˆ gawˬ jawˬ-euˬ Miˬyehˇ oe luꞈ-eu miˇ neh, Iˇsaˬleˬlaˆ-euˬ Miˬyehˇ oe luꞈ-eu miˇ neh, kʼoeˇ loꞈ-ehˇ pyeuꞈ laˇ-euˬ meh.

Jaceuq 79:10

Naw maꞈ-euˬ Miˬyehˇ aˬ gaˇ jawˇ ta lehˇ, aˬ cawˬ tsawˇ jeuˬ nga maꞈ-ahˇ aˬ jeˬ gʼeh bi naˇ haˬ laˇ ta. Nawˬ-euˬ zaˬ kʼaˆ deuˬ-ahˇ shiˬ laˆ doˆ nehˬ-eu tsawˇ jeuˬ kʼoeˇ deuˬ-ahˇ nawˇ kʼehˬ nehˬ gaˇ, nga maꞈ-ahˇ bi mawˇ laꞈ.

Doˆ-iˇ 19:11

Saˇ pehˬ nah maˬ keuˆ laˇ miˇ naˆ-ehˇ, aˬ yawꞈ maꞈ ya lehˬ hmˬ dah meh. Aˬ jeˬ miˇ neh ehˇ naˇ, saˇ pehˬ nah tsawˇ haˬ dawˬ tawˆ luꞈ mawˇ nya gaˇ, Siˇnaˆ gawˬ jawˬ kʼoeˇ taˆ ngaˇ zaꞈ le ma.

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

Iˇsaˬyaˇ 41:15

Seuˬ yaw shuiꞈ taꞈ tsoꞈ-euˬ cehˇ diˬ lawˬ loꞈ-ehˇ, nawˬ-ahˇ ngaˇ bi pyeuꞈ laˇ ma. Gawˬ jawˬ deuˬ-ahˇ nawˇ diˬ meuˇ diˬ loeˇ-awˇ, gawˬ duˇ deuˬ-ahˇ kʼaˬ lehˇ laˆ lehˇ tehꞈ-a.

Iˇsaˬyaˇ 63:15

Mˬ taˆ jaˆ-awˇ yaw shehꞈ kʼahˬ sehˇ huiˬ-eu, muiˬ-eu shawˇ-eu nawˬ-euˬ nuiˇ duˬ kʼoeˇ taˆ nuiˇ-awˇ, nga maꞈ kʼoeˇ taˆ haw ka leꞈ-awˬ. Nawˇ nga maꞈ-ahˇ gʼawˬ shaˬ gaˬ-eu aˬ gaˇ jaˆ te. Nawˬ-euˬ baoˬ aˬ geu gaˇ jaˆ te. Nawˬ-eu gʼoeˇ-eu gaˬ-eu jeˬ aˬ geu tsahˇ jaˆ te. Nga maꞈ-ahˇ taˬ byehˇ dzeh nehˬ laꞈ.

Iˇsaˬyaˇ 63:19

Nawˇ nga maꞈ-ahˇ maˬ uˆ lahˇ haw-euˬ loꞈ-ehˇ, nga maꞈ nawˬ-euˬ tsawˇ haˬ maˬ pyeuꞈ haw-euˬ loꞈ-ehˇ, nawˬ neh nga maꞈ-ahˇ jahˇ nehˬ laꞈ-euˬ meh.

Aˬmoˆ 9:13

Sahˬpaˬ Miˬyehˇ heu loꞈ-ehˇ ehˇ-eu meh. “Deh yaˇ tsehˬ-awˇ ka muiˬ-euˬ gaˇ, cehˇ maˬ yehˬ kʼmˬ coeˇ-eu aˇ nah, aˬ gaꞈ aˇ siˬ ka siˬ-euˬ gaˇ, dzaˇ uiˇ maˬ lehˬ coeˇ-eu aˇ nah, aˇ nah kʼoeˇ nah keuˆ le luꞈ meh. Coeˇ dui dui-eu aˬ gaꞈ dzaˇ uiˇ, gawˬ jawˬ kʼoeˇ taˆ dzaˆ ka le-awˇ, gawˬ duˇ kʼoeˇ taˆ yoeˇ le tehꞈ-a.

Aˬmoˆ 9:5

Dawˬ tawˆ kʼoeˇ taˆ uˆ lahˇ luꞈ-eu, Baoˬ huiˬ-eu Sahˬpaˬ Miˬyehˇ neh, miˇ tsaˬ tahˬ kʼawˇ-ahˇ toeˬ ciˆ ngeh, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ dawˬ tawˆ ngoeˇ-eu meh. Miˇ tsaˬ dawˬ tawˆ luꞈ luˆ laˇ-awˇ, Niˬlaˇ iˇ cuꞈ lawˇ baˬ loꞈ-ehˇ, goˇ awˆ baw-ehˇ gʼeu nyeh-eu meh.

Zaˬkaˬliˇ 14:4

Kʼoeˇ ngeh jawˇ, Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-eu Saˬloˬ gawˬ jawˬ-ahˇ aˬ yawꞈ yawꞈ tehꞈ-a. Kʼoeˇ naˇ, Saˬloˬ gawˬ jawˬ kʼoeˇ nahˇ ma doˆ kʼehˬ ga kʼehˬ-ehˇ nyiˬ paˆ paˆ-iˇ-awˇ, yaw kaˬ-ahˇ gʼaˬ lawˬ lawˬ ma jaˆ le tehꞈ-a. Gawˬ jawˬ tiˬ paˆ laꞈ taˆ paw pyawˬ-ahˇ jiˆ daˆ leˇ-awˇ, tiˬ paˆ laꞈ oˆ paw pyawˬ-ahˇ jiˆ ka-iˇ tehꞈ-a.

Maˬkuˆ 1:10

Yeˬsuˇ iˇ cuꞈ laꞈ kʼoeˇ neh doˆ laˇ-eu nehˬ-ehˇ, mˬ pah le-awˇ, Yaw sahˇ Miˬyehˇ kʼaˬ kʼoeˬ loꞈ-ehˇ aˬ yawꞈ kʼoeˇ taˆ zaꞈ le luꞈ gaˇ aˬ yawꞈ ya mawˇ-euˬ meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.