Iˇsaˬyaˇ 63:6 - Akha

⁶ Nui ma pehˇ dui dui-eu miˇ neh, tsawˇ jeuˬ dawˬ tawˆ luꞈ-ahˇ nawˬ pyehˆ nehˬ-awˇ, aˬ yawꞈ maꞈ-euˬ saꞈ laˇ-euˬ shiˬ, miˇ tsaˬ-ahˇ bi yoeˇ kʼaˇ-euˬ ma.”

Iˇsaˬyaˇ 63:6 ပူးပေါင်းရင်းမြစ်များ

Yawˇbaˆ 21:20

Iˬ baˇ mˇ-eu tsawˇ haˬ deuˬ yawˬ ha-euˬ iˬ baˇ yawˬ ha pi luꞈ-uˇ. Baoˬ huiˬ-eu Miˬyehˇ nui ma pehˇ-eu jeˬ-ahˇ aˬ yawꞈ maꞈ ya daˬ luꞈ-uˇ.

Jaceuq 60:3

Nawˬ-euˬ tsawˇ haˬ deuˬ ya shaˬ ya zahˬ dui dui ni, nawˇ jahˇ nehˬ laꞈ-euˬ meh. Jiˇ baˬ dawˇ yehꞈ-awˇ shaˬ-eu loꞈ-ehˇ, nga maꞈ coˬ coˬ-ehˇ cah-eu ma.

Jaceuq 75:8

Sahˬpaˬ Miˬyehˇ-euˬ aˬ laꞈ-ahˇ kʼmˬ maˬ tiˬ kʼmˬ ciˬ luꞈ-awˇ, aˬ yawꞈ-euˬ nui ma pehˇ-eu jeˬ pyeuꞈ-eu taˆ dui dui-eu aˬ gaꞈ dzaˇ uiˇ shehˆ ahˇ taˬ-euˬ meh. Aˬ gaꞈ dzaˇ uiˇ kʼoeˇ aˬ yawꞈ shehˆ kʼaˇ ngeh, haiˬ-eu tsawˇ haˬ dawˬ tawˆ luꞈ dawˇ-eu meh. Tiˬ dzaˆ-iˬ maˬ bi dzeˇ ni dawˇ jiˇ-eu meh.

Iˇsaˬyaˇ 22:5

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, bi siˬ bi mawˇ-eu jeˬ-euˬ deh kʼawꞈ-ahˇ, shaˬ zahˬ guˆ gaˆ-eu jeˬ bi keuˆ le-eu aˇ yamˬ meh. Meuˬ meuˬ lahˇ bi laˆ byaˆ jiˇ-awˇ, ngoeˇ-eu teˇ saˇ gawˬ jawˬ-ahˇ tahˬ leˇ luꞈ meh.

Iˇsaˬyaˇ 29:9

Aˬ dzawˬ dzawˬ dzawˬ-ehˇ jawˇ-awˬ. Myaˆ behꞈ behꞈ behꞈ-ehˇ jawˇ-awˬ. Jiˇ baˬ maˬ dawˇ-euˬ gaˇ yehꞈ-awˇ, jiˇ huˬ maˬ shuˆ-euˬ gaˇ coˬ-awˬ.

Iˇsaˬyaˇ 34:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ-awˇ, guiˇ maꞈ dawˬ tawˆ luꞈ-ahˇ aˬ yawꞈ nui ma daˆ luꞈ-eu meh. Aˬ yawꞈ maꞈ-ahˇ aˬ yawꞈ laˆ cawˆ nehˬ-awˇ, bi sehꞈ byoˆ jiˇ tehꞈ-a.

Iˇsaˬyaˇ 34:7

Nehꞈ nyoˬ hawˇ-eu mawˇ neˇ sehꞈ dzeh nehˬ-eu loꞈ-ehˇ, aˬ yawꞈ maꞈ ya coˬ sehꞈ jiˇ-awˇ, aˬ yawꞈ maꞈ-euˬ shiˬ hawˇ-eu tsiˇ, miˇ tsaˬ tiˬ gʼoeˬ yoeˇ dahˬ tehꞈ-a.

Iˇsaˬyaˇ 49:26

Nawˬ-ahˇ kʼehˬ-eu tsawˇ haˬ tiˬ gʼaˬ tiˇ gʼaˬ shaˬ jiˇ dzaˬ ni ngaˇ jahˇ nehˬ-awˇ, jiˇ baˬ yehꞈ-eu loꞈ-ehˇ yawˬ ha-euˬ shiˬ dawˇ yehꞈ tehꞈ-a. Kʼoeˇ naˇ ngaˇ Sahˬpaˬ Miˬyehˇ pyeuꞈ-eu gaˇ kawˆ-ahˇ, tsawˇ jeuˬ dawˬ tawˆ luꞈ ya siˬ duˬ tehꞈ-a. Naw maꞈ-ahˇ ka kʼoꞈ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. Ngaˇ Iˇsaˬleˬlaˆ-euˬ baoˬ huiˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a.”

Iˇsaˬyaˇ 51:17

Yeˬluˇsaˬlehˬ-oˇ, noeˬ laˇ-awˬ. Mˇ zoˇ-awˇ tuˇ laˇ-awˬ. Sahˬpaˬ Miˬyehˇ nui ma pehˇ laˇ-awˇ ciˬ nehˬ-euˬ, kʼehˬ-euˬ kʼaˆ-euˬ kʼmˬ maˬ nawˇ ya ciˬ shuˆ-euˬ meh. Kʼmˬ maˬ kʼoeˇ dawˇ jiˇ-euˬ miˇ neh, nawˇ kuiˇ toꞈ maˬ ciˬ tsaˬ nya-a.

Iˇsaˬyaˇ 65:12

Ngaˇ kuˇ ngeh naw maꞈ-euˬ naˬ bawˇ maˬ gaˬ leˇ-ehˇ, ngaˬ-euˬ dawˬ-ahˇ naw maꞈ maˬ naˇ haˬ-eu miˇ neh, naw maꞈ shaˆ shiˇ ya shiˇ tehꞈ-a. Ngaˬ-euˬ ehˇ dawˬ maˬ naˇ haˬ ni yaw haiˬ mˇ-eu gʼaˇ duˬ, naw maꞈ nui tsehˆ ahˇ taˬ-euˬ meh.

Yeˬlaˬmiˇ 13:13

Aˬ yawꞈ maꞈ-ahˇ heu loꞈ-ehˇ ehˇ nehˬ-awˬ. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ yehꞈ-iˇ jiˇ ngeh keuˆ ni, Sahˬpaˬ Miˬyehˇ pyeuꞈ-eu ngaˇ aˬ gaꞈ dzaˇ uiˇ shehˆ ahˇ nehˬ ma. Daˬbiˇ-euˬ zaˬ deuˬ uˆ deuˬ pyeuꞈ-eu sahˬ paˬ deuˬ maˬ ehˇ, piˇ ma deuˬ maˬ ehˇ, Miˬyehˇ gʼaˇ duˬ ngehˬ dah-eu deuˬ maˬ ehˇ, Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ maˬ ehˇ, aˬ gaꞈ dzaˇ uiˇ yehꞈ-iˇ jiˇ ni ngaˇ shehˆ ahˇ nehˬ ma.

Ngoeˇ dawˬ 3:15

Jaˆ gaˆ yaw kʼaˬ bi dzaˬ laꞈ-awˇ, pyaˬ kuiˇ bi dawˇ nehˬ laꞈ-euˬ meh.

Zeˬpaˬniˇ 3:8

Sahˬpaˬ Miˬyehˇ ehˇ-eu, “Aˇ yamˬ tiˬ kʼehˇ kʼehˬ dawˬ tawˬ siˬ. Ngaˇ tuˇ laˇ-awˇ yaw lehˬ poˆ ngeh, miˇ kʼahˬ tsawˇ jeuˬ kuˇ uiˬ jiˇ-awˇ, ngaˬ-euˬ nui ma ngaˇ bi mawˇ ma. Ngaˬ-euˬ nui pehˇ miˬ dzaˬ doꞈ ngeh, miˇ tsaˬ tahˬ kʼawˇ puiˆ dzaˬ tehꞈ-a.

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.

Panmaeq 16:19

Huiˬ dui dui-eu meuˬ kʼoeˇ meuˬ smˬ paˆ luˆ paˆ dzeh-awˇ, miˇ kʼahˬ yawˬ kʼahˬ na luꞈ laꞈ kʼoeˇ kʼaˇ jaˆ-eu meuˬ dawˬ tawˆ luꞈ cawˆ jiˇ-euˬ meh. Baˬbuˬloˬ meuˬ-ahˇ Miˬyehˇ maˬ ngehˇ-ehˇ, yawˬ ha-euˬ kʼmˬ maˬ-ahˇ dahˬ-eu aˬ gaꞈ dzaˇ uiˇ yawˬ haˇ yawˬ ha bi dawˇ-euˬ meh. Aˬ gaꞈ dzaˇ uiˇ kʼoeˇ-aˬ, aˬ yawꞈ-euˬ nui ma pehˇ-eu jeˬ pyeuꞈ-eu meh.

Panmaeq 16:6

Nawˬ-euˬ bawˇlawˇpeh deuˬ hawˇ-eu, muiˬ-eu shawˇ-eu tsawˇ haˬ deuˬ-ahˇ, yawꞈ maꞈ shiˬ sehꞈ yoeˇ-euˬ miˇ neh, yawꞈ maꞈ-ahˇ shiˬ bi dawˇ-eu-aˬ, oꞈ-eu geuˇ-eu jeˬ pyeuꞈ-eu meh.”

Panmaeq 18:21

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ lo lehˬ hui ni ahˇ-eu kʼaˬ lo tiˬ siˬ iˬ ma laˆ shaˆ-ahˇ baꞈ puꞈ gʼeh-awˇ, heu loꞈ-ehˇ ehˇ-eu meh. “Huiˬ dui dui-eu Baˬbuˇloˬ meuˬ, heu loꞈ-ehˇ bi baꞈ dzeh gʼeh-awˇ, tiˬ jawˇ-iˬ maˬ paˇ ya mawˇ-aˇ.