Iˇsaˬyaˇ 63:16 - Akha

¹⁶ Sahˬpaˬ Miˬyehˇ nawˇ nga maꞈ-euˬ aˬ da ma. Nga maꞈ-euˬ aˬ da yaw dzahˇ Aˬbyaˬhaˬ hawˇ-eu Yaˬkoˆ, nga maꞈ-ahˇ maˬ siˬ nya-euˬ kʼawꞈ, nawˇ nga maꞈ-euˬ aˬ da pyeuꞈ-awˇ, nga maꞈ-ahˇ aˬ myah luꞈ ka kʼoꞈ-euˬ meh.

Iˇsaˬyaˇ 63:16 ပူးပေါင်းရင်းမြစ်များ

1 Laˬsaˬbaˬ 29:10

Sahˬ paˬ Daˬbiˇ-aˬ, kʼoeˇ gaˇ jawˇ-eu tsawˇ haˬ aˇ maꞈ deuˬ mehˬ shi Sahˬpaˬ Miˬyehˇ-ahˇ ja ceuˬ-euˬ meh. “Nga maꞈ-euˬ aˬ poeˬ Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, mˬ maˬ maˬ byaˆ zaˇ ziˇ nawˬ-ahˇ ja ceuˬ luꞈ-uˇ.

Yawˇbaˆ 14:21

Aˬ yawꞈ-euˬ aˬ li deuˬ-ahˇ aˬ cawˬ taˬ huiˬ taˬ mahˇ nehˬ kʼawꞈ, aˬ yawꞈ maˬ paˇ ya siˬ meh. Aˬ yawꞈ maꞈ-ahˇ aˬ cawˬ kʼaˆ dzaˬ kʼawꞈ, aˬ yawꞈ maˬ paˇ mawˇ nya meh.

Doˆ-iˇ 4:22

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ-ahˇ nawˇ ehˇ nehˬ-awˬ. ‘Iˇsaˬleˬlaˆ tsawˇ haˬ-aˬ, ngaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu ma.

Dawˬ tsoˆ 9:5

Dehꞈ luꞈ-eu deuˬ yawˬ ha ya shiˇ-eu gaˇ kawˆ siˬ nya kʼawꞈ, shiˇ dzeuˇ-euˬ deuˬ siˬ nya-eu aˬ jeˬ paˇ jaˆ ta. Aˬ yawꞈ maꞈ tiˬ jeˬ-iˬ aˇ poeˬ maˬ paˇ baw-ehˇ, tiˬ gʼaˬ-iˬ maˬ noeˬ mawˇ ni bi ngehˇ byoˆ jiˇ-eu meh.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Iˇsaˬyaˇ 29:22

Kʼoeˇ miˇ neh Aˬbyaˬhaˬ-ahˇ ka kʼoꞈ nehˬ-euˬ, Iˇsaˬleˬlaˆ-euˬ Miˬyehˇ pyeuꞈ-eu, Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ-oˇ, naw maꞈ tsawˇ daˬ maˬ paˇ ga-ehˇ, shaꞈ dawˇ-eu miˇ neh myaˆ pyawˬ maˬ paˇ ya nyoeˬ meh.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 41:8

“Ehˇ kʼawꞈ, ngaˬ-euˬ zaˬ kʼaˆ Iˇsaˬleˬlaˆ-oˇ, nawˇ ngaˬ neh tseˇ doˆ-eu tsawˇ jeuˬ pyeuꞈ-awˇ, ngaˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ meh.

Iˇsaˬyaˇ 43:14

Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, naw maꞈ-ahˇ ka kʼoꞈ-euˬ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ ka kʼoꞈ-eu gʼaˇ duˬ, Baˬbuˇloˬ miˇ kʼahˬ-ahˇ guiˇ deuˆ le-eu, guiˇ maꞈ tiˬ maꞈ ngaˇ pyehˬ leꞈ ma. Meuˬ lahˇ laˇ gʼoˆ deuˬ-ahˇ ngaˇ ngawˬ pyaˆ-awˇ, Baˬbuˇloˬ tsawˇ haˬ deuˬ guˇ-eu teˇ saˇ, tsawˇ ngoeˇ ngoeˇ-eu teˇ saˇ pyeuꞈ-iˇ tehꞈ-a.

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Iˇsaˬyaˇ 45:11

Aˬ kaˇ pyeuꞈ laˇ-eu gaˇ kawˆ dawˬ tawˆ tuˆ tehˬ taˬ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ deuˬ-ahˇ taꞈ leˇ-awˇ, nawˇ ngaˬ-ahˇ teh ngehˬ-eu laꞈ kʼoeˇ, ngaˬ-euˬ gaˇ-ahˇ nawˇ mehˬ laˇ tsoˆ laˇ-eu maˬ loˬ.

Iˇsaˬyaˇ 51:2

Naw maꞈ-euˬ aˬ da yaw dzahˇ Aˬbyaˬhaˬ-ahˇ shaˇ noeˬ-awˬ. Aˬ ma ma dzahˇ Saˬlaˇ-ahˇ noeˬ keuˆ-awˬ. Aˬbyaˬhaˬ-ahˇ ngaˇ kuˇ doˆ ngeh zaˬ maˬ jawˇ kʼawꞈ, ngaˇ guiˬ lahˬ biꞈ-awˇ zaˬ oeˬ sahˇ le ngeh, aˬ yawꞈ-euˬ zaˬ deuˬ uˆ deuˬ maˬ gui jiˇ coeˇ-a.

Iˇsaˬyaˇ 54:5

Nawˬ-ahˇ beh-euˬ gʼaˬ nawˬ-euˬ kʼaˬ dzeˇ zaˬ-ahˇ duˇ tehꞈ-a. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh. Iˇsaˬleˬlaˆ-euˬ muiˬ-eu shawˇ-eu Miˬyehˇ nawˬ-ahˇ ka kʼoꞈ nehˬ laꞈ tehꞈ-a. Miˇ tsaˬ dawˬ tawˆ luꞈ-ahˇ aˬ yawꞈ uˆ lahˇ-eu meh.

Iˇsaˬyaˇ 60:16

Aˬ ma zaˬ-ahˇ bo saˆ huiˬ-euˬ loꞈ-ehˇ, miˇ kʼahˬ tsawˇ jeuˬ hawˇ-eu sahˬ paˬ deuˬ nawˬ-ahˇ ya mˇ cu tehꞈ-a. Sahˬpaˬ Miˬyehˇ pyeuꞈ-eu ngaˇ nawˬ-ahˇ ka kʼoꞈ-awˇ, Iˇsaˬleˬlaˆ-euˬ baoˬ huiˬ-eu Miˬyehˇ nawˬ-ahˇ puiˇ pyehˬ nehˬ-euˬ gaˇ kawˆ, nawˇ ya siˬ duˬ tehꞈ-a.

Iˇsaˬyaˇ 63:12

Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Iˇsaˬyaˇ 64:7

Nawˬ-euˬ tsawˇ myahˇ-ahˇ kuˇ-eu tsawˇ haˬ maˬ jawˇ-a. Nawˬ-ahˇ uˬ duˬ tahˬ shaˇ-eu tsawˇ haˬ maˬ jawˇ-a. Nga maꞈ-euˬ iˬ baˇ baˬ da neh, nawˬ-euˬ myaˆ pyawˬ ciˬ zaꞈ taˬ-awˇ, nga maꞈ-ahˇ byehˇ dzeh laꞈ-euˬ meh.

Iˇsaˬyaˇ 64:8

Ehˇ kʼawꞈ, Sahˬpaˬ Miˬyehˇ nawˇ-aˬ, nga maꞈ-euˬ aˬ da ma. Nga maꞈ shaˬ jehˆ pyeuꞈ-awˇ, nawˇ oeˬ lahˬ tehˆ-eu yaw sahˇ meh. Nga maꞈ-ahˇ beh-euˬ gʼaˬ nawˇ meh.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 3:19

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, nawˬ-ahˇ ngaˬ-euˬ aˬ li bi geuꞈ mawꞈ-awˇ, miˇ tsaˬ kʼoeˇ taˆ aˬ cawˬ naˆ maˬ tseˇ muiˬ dzehˬ-eu, nui saˇ za-eu miˇ kʼahˬ nawˬ-ahˇ biꞈ mawꞈ-eu ma. Nawˇ ngaˬ-ahˇ aˬ da kuˇ-awˇ, maˬ gʼawˬ-iˇ ni bi dehꞈ mawꞈ nya.

Yeˬlaˬmiˇ 3:23

Gawˬ duˇ uˬ du kʼaˇ ngeuˇ gaˇ lawˇ ciꞈ zaˬ deuˬ uˬ duˬ tahˬ-eu jeˬ, nga maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ nya. Iˇsaˬleˬlaˆ-ahˇ caw ba-euˬ jeˬ-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ neh doˆ le-eu tehꞈ meh.

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Maˬlaˬkiˇ 1:6

Piˇ ma deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Zaˬ deuˬ aˬ da-ahˇ yaw zeu baw-eu siˬ nya-awˇ, zaˬ kʼaˆ deuˬ baw leˬ-ahˇ yaw zeu baw-eu siˬ nya meh. Ngaˇ naw maꞈ-euˬ aˬ da ma. Aˬ jeˬ miˇ neh ngaˬ-ahˇ yaw zeu maˬ baw te. Naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu uˬ taꞈ, ‘Nga maꞈ nawˬ-ahˇ aˬ joˆ-ehˇ jahˇ-awˇ yehˬ bawˬ sehˇ lu-ehˇ gʼeh taˬ-euˬ jaˆ ta’ lehˇ, naw maꞈ paˇ ehˇ-eu meh.

Maˬlaˬkiˇ 2:10

Aˬ dui dawˬ tawˆ luꞈ-euˬ aˬ da yaw dzahˇ tiˬ gʼaˬ tehꞈ maˬ ngeuˇ loˇ. Aˬ dui dawˬ tawˆ luꞈ-ahˇ Miˬyehˇ tiˬ gʼaˬ neh tehꞈ-ehˇ beh taˬ-euˬ maˬ ngeuˇ-a loˇ. Toˆ-ehˇ ngeuˇ naˇ, aˬ dui tiˬ gʼaˬ tiˇ gʼaˬ saˇ jaˇ dzaˬ taˬ-euˬ gaˇ aˬ jeˬ miˇ neh puiˬ te. Aˬ dui-euˬ aˬ poeˬ aˬ bawˇ deuˬ nehˬ-ehˇ Miˬyehˇ neh dzaˬ taˬ-eu dawˬ ma saˇ jaˇ-ahˇ aˬ jeˬ miˇ neh puiˬ te.

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Yoˇhaˬ 8:41

Naw maꞈ-aˬ, naw maꞈ-euˬ aˬ da mˇ-euˬ loꞈ-ehˇ mˇ-eu meh. Aˬ yawꞈ maꞈ ehˇ-eu, “Nga maꞈ-euˬ aˬ da-aˬ, Miˬyehˇ tiˬ gʼaˬ tehꞈ ma. Nga maꞈ maˇ maˇ ni aˬ yawꞈ-euˬ zaˬ ma. Jawˇ zaˇ shaˬ leˇ-awˇ dehꞈ le-euˬ zaˬ deuˬ maˬ ngeuˇ.”

Dawˬmehˬ 14:1

“Naw maꞈ-aˬ, naw maꞈ-euˬ Miˬ yehˇ pyeuꞈ-eu Sahˬ paˬ Miˬ yehˇ-euˬ tsawˇ haˬ meh. Kʼoeˇ miˇ neh, aˬ cawˬ tsawˇ jeuˬ deuˬ shiˇ-euˬ tsawˇ haˬ deuˬ gʼaˇ duˬ tsawˇ ngoeˇ ngoeˇ ngeh jahˇ-eu loꞈ-ehˇ, yawˬ ha-euˬ shaˬ jiˇ-ahˇ kahˬ naˇ-awˇ, naˇ kʼawˇ kʼoeˇ taˆ uˬ duˬ tsehˇ kahˇ jehˆ dzeh-eu jeˬ naw maꞈ taˬ mˇ.

Dawˬmehˬ 32:6

Beh-euˬ yaw sahˇ naw maꞈ Aˬ da, naw maꞈ tsawˇ jeuˬ-ahˇ ciˬ tuˇ-euˬ, Sahˬpaˬ Miˬyehˇ mehˬ shi naw maꞈ, aˬ dzawˬ aˇ gah ya gah nmˇ loˇ.