Iˇsaˬyaˇ 63:12 - Akha

¹² Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Iˇsaˬyaˇ 63:12 ပူးပေါင်းရင်းမြစ်များ

Neˬhaˬmiˇ 9:10

Iˇjiˇtuˆ sahˬ paˬ hawˇ-eu aˬ yawꞈ-euˬ gʼaˬ zaˬ yaw huiˬ yaw mahˇ deuˬ-ahˇ maˬ ehˇ, aˬ yawꞈ-euˬ miˇ kʼahˬ zaˬ deuˬ-ahˇ maˬ ehˇ, kʼaˆ jeˬ-ehˇ gʼeh-eu jeˬ nawˇ mˇ mehˬ nehˬ-euˬ meh. Nawˬ-euˬ tsawˇ jeuˬ-ahˇ aˬ yawꞈ maꞈ kʼehˬ-euˬ nawˇ siˬ nya-awˇ, aˬ yawꞈ maꞈ-ahˇ kʼoeˇ loꞈ-ehˇ kʼehˬ kʼoꞈ nehˬ-euˬ meh. Nawˬ neh mˇ-euˬ gaˇ kʼoeˇ deuˬ baˬ da neh, iˬ nah keuˆ ni nawˇ tsawˇ myahˇ huiˬ-eu meh.

Neˬhaˬmiˇ 9:11

Iˬ ma laˆ shaˆ-ahˇ nawˇ gaˇ ma shaˇ dahˇ-awˇ, nawˬ-euˬ tsawˇ haˬ deuˬ gui coˇ ni tsehˆ doˆ-euˬ meh. Aˬ yawꞈ maꞈ-euˬ mehˬ nah teh le-euˬ tsawˇ haˬ deuˬ, laˆ shaˆ-ahˇ ga puꞈ-euˬ kʼaˬ lo loꞈ-ehˇ, yaw naꞈ-ahˇ bi dahˬ sehꞈ-euˬ meh.

Jaceuq 78:13

Iˬ ma laˆ shaˆ-ahˇ aˬ yawꞈ dehˬ paˆ-awˇ, aˬ yawꞈ maꞈ-ahˇ sheuˬ doˆ nehˬ-eu laꞈ kʼoeˇ, iˇ cuꞈ-ahˇ kaˇ pyawˇ loꞈ-ehˇ aˬ yawꞈ bi jaˆ-euˬ meh.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Doˆ-iˇ 15:13

Nawˬ-euˬ saˇ jaˇ nawˇ ziꞈ-awˇ, nawˬ neh ka kʼoꞈ-euˬ tsawˇ haˬ-ahˇ nawˇ sheuˬ gʼeh-euˬ meh. Nawˬ-euˬ baoˬ-ahˇ gʼoe-awˇ, muiˬ-eu shawˇ-eu nawˬ-euˬ miˇ kʼahˬ-ahˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Doˆ-iˇ 15:16

Noeˬ shaˬ noeˬ zahˬ-awˇ guˆ-eu jeˬ, tsawˇ haˬ kʼoeˇ deuˬ kʼoeˇ taˆ keuˆ le-euˬ meh. Sahˬpaˬ Miˬyehˇ-oˇ, nawˬ-euˬ baoˬ-ahˇ aˬ yawꞈ maꞈ ya mawˇ-awˇ, aˬ cawˬ zaˬ kʼaˆ geuˬ-eu laꞈ kʼoeˇ nawˬ neh bi buˬ-iˇ-euˬ nawˬ-euˬ tsawˇ haˬ deuˬ maˬ iˇ dzeuˇ kʼoeˇ keuˆ ni, guˆ-eu laꞈ kʼoeˇ, tiˬ gaˇ-iˬ uˬ duˬ tahˬ shaˇ kʼaˇ maˬ za ni aˬ yawꞈ maꞈ jawˇ luꞈ-eu meh.

Doˆ-iˇ 15:6

“Sahˬpaˬ Miˬyehˇ-oˇ, nawˬ-euˬ aˇ maˇ laꞈ zahˬ dui dui leˇ paˬ-ehˇ gʼeh-eu baoˬ ahˇ-awˇ, Nawˬ-ahˇ muiˇ-eu tsawˇ haˬ-ahˇ laˆ meuˇ laˆ loeˇ-euˬ meh.

Doˆ-iˇ 6:6

Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.

Iˇsaˬyaˇ 11:15

Iˇjiˇtuˆ miˇ kʼahˬ-euˬ laˆ shaˆ lahˇ gʼoꞈ-ahˇ, Sahˬpaˬ Miˬyehˇ bi gui-iˇ-awˇ, Uˇpaˬlaˇ lawˇ baˬ tsiˇ-iˇ ni, aˬ yawꞈ jaˬ lehˇ yaw lahˇ bi baw-euˬ miˇ neh, tsawˇ haˬ yawˬ gʼaˬ na luꞈ tsehˆ doˆ nya-eu gawˆ laꞈ shiꞈ gawˆ tehꞈ-ehˇ dzeˇ laˇ tehꞈ-a.

Iˇsaˬyaˇ 43:16

Aˇ hu iˬ ma laˆ shaˆ laꞈ kʼoeˇ, Sahˬpaˬ Miˬyehˇ gaˇ ma jahˇ-awˇ, iˇ kʼawˇ gʼahˇ ceh gaˇ jawˬ bi dahˇ-euˬ meh.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.

Iˇsaˬyaˇ 51:10

Nawˬ neh ka kʼoꞈ-euˬ deuˬ tsehˆ doˆ nya ni, iˬ ma laˆ shaˆ gui coˇ ni laˆ pyeuꞈ-awˇ, iˇ cuꞈ gʼahˇ ceh gaˇ jawˬ shaˇ dahˇ-euˬ kʼawꞈ nawˇ meh.

Iˇsaˬyaˇ 55:13

Nymˬ-mˇ aˬ gah baw duˆ uˆ luꞈ gaˇ, guˇbaˬluˇ‘Guˇbaˬluˇ aˇ bawˇ’ ehˇ-eu-aˬ, nymˇ tsoˆ gaˇ zmˬ nya-eu aˇ bawˇ yaw gʼahˇ tiˬ jeˬ pyeuꞈ-awˇ, haw muiˬ dui dui-eu meh.* aˇ bawˇ dehꞈ byah tehꞈ-a. Nymˬ-mˇ myahˬ kaꞈ baw duˆ nawˆ-eu tsahˇ-ahˇ muˇduˇleˬMuˇduˇleˬ bawˇ ehˇ-eu-aˬ, Heˬbyehˇ dawˬ Haˬdaˆ aˇ bawˇ lehˇ kuˇ-eu aˬ bawˇ tiˬ jeˬ meh. Nyiˬ lmˇ byah ni goˇ-awˇ, lawˇ baˬ gawˆ taw dehꞈ myaˬ-eu meh. Aˬ myah luꞈ aˇ paꞈ nyoeˇ jawꞈ ni jaˆ-awˇ, aˇ yehˆ yaw ba, aˇ siˬ yaw naˆ meh. Sehˬ gʼawˆ-euˬ bawˬ-iˬ gʼeh ngeh aˇ paꞈ kʼoeˇ zmˬ-eu meh.* aˇ bawˇ jeˬ laˇ tehꞈ-a. Heu-aˬ, Sahˬpaˬ Miˬyehˇ pyeuꞈ-eu ngaˬ neh mˇ-euˬ gaˇ-ahˇ bi noeˬ mawˇ-eu gʼaˇ duˬ, mˬ maˬ maˬ byaˆ zaˇ ziˇ ziꞈ-eu bi siˬ bi mawˇ-eu tiˬ jeˬ pyeuꞈ-eu ma.”

Yeˬlaˬmiˇ 31:32

Dawˬ ma saˇ jaˇ yaw shuiꞈ heu-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ shaˬ luꞈ gaˇ, ngaˬ neh aˬ laꞈ-ahˇ tuˆ tehˬ-awˇ tsahˇ doˆ nehˬ ngeh, aˬ yawꞈ maꞈ nehˬ-ehˇ ngaˇ dzaˬ-euˬ dawˬ ma saˇ jaˇ yaw oeˇ-ahˇ maˬ duˇ-a. Ngaˇ-aˬ, aˬ yawꞈ maꞈ-euˬ kʼaˬ dzeˇ zaˬ-ahˇ duˇ kʼawꞈ, dawˬ ma saˇ jaˇ kʼoeˇ hmˬ-ahˇ aˬ yawꞈ maꞈ maˬ ziꞈ-a.

Yeˬlaˬmiˇ 32:20

Aˇ hu ba Iˇjiˇtuˆ miˇ kʼahˬ laꞈ kʼoeˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ nawˇ mˇ-euˬ loꞈ-ehˇ, nymˬ-mˇ kʼawꞈ, Iˇsaˬleˬlaˆ miˇ kʼahˬ hawˇ-eu miˇ kʼahˬ nui deuˬ laꞈ kʼoeˇ nawˇ kʼoeˇ loꞈ-ehˇ mˇ luꞈ-eu miˇ neh, mˬ dzeˇ miˇ dzeˇ keuˆ ni nawˬ-ahˇ siˬ nya luꞈ meh.

Yeˬlaˬmiˇ 32:21

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ-eu laꞈ kʼoeˇ, nga maꞈ-ahˇ muiˇ-eu deuˬ-ahˇ nawˇ laˆ guˆ nehˬ-awˇ, nawˬ-euˬ baoˬ-ahˇ gʼoe-eu laꞈ kʼoeˇ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ nehˬ-euˬ meh.

Lormav 9:17

Jaˇliꞈ laꞈ kʼoeˇ Iˇjiˇtuˆ sahˬ paˬ-ahˇ heu loꞈ-ehˇ ehˇ nehˬ taˬ-euˬ jaˆ-eu meh. “Miˇ tsaˬ heu dawˬ tawˆ luꞈ kʼoeˇ taˆ ngaˬ-euˬ baoˬ bi mawˇ-awˇ, ngaˬ-euˬ tsawˇ myahˇ bi huiˬ byah-iˇ-eu gʼaˇ duˬ nawˬ-ahˇ zmˬ-eu lehˇ sahˬ paˬ ka nehˬ taˬ-euˬ ma.”

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.