Iˇsaˬyaˇ 63:10 - Akha

¹⁰ Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Iˇsaˬyaˇ 63:10 ပူးပေါင်းရင်းမြစ်များ

Aˇ dahˬ 6:6

Kʼoeˇ ngeh, Miˇ tsaˬ kʼoeˇ taˆ tsawˇ haˬ zaˬ-ahˇ maˬ beh taˬ law nmˇ-aˬ, gʼaˬ law hawˇ miˇ-a lehˇ, aˬ yawˇ yawꞈ noeˬ poˆ leˇ dui dui-euˬ meh.

2 Laˬsaˬbaˬ 12:2

Sahˬpaˬ Miˬyehˇ-ahˇ aˬ yawꞈ maꞈ saˇ jaˇ maˬ ziꞈ-eu miˇ neh, Leˬhawˇbamˬ sahˬ paˬ geuꞈ laꞈ-euˬ ngaˬ kʼoꞈ byah laˇ ngeh kʼoꞈ, aˬ yawꞈ maꞈ kʼoeˇ taˆ kʼehˬ-eu kʼaˆ-eu jeˬ keuˆ le-euˬ meh. Iˇjiˇtuˆ sahˬ paˬ Shiˇshehˆ gʼaˬ Yeˬluˇsaˬlehˬ meuˬ-ahˇ guiˇ deuˆ laˇ-euˬ meh.

Neˬhaˬmiˇ 9:26

Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.

Neˬhaˬmiˇ 9:29

Nawˬ neh mehˬ-euˬ tsoˆ-euˬ jeˬ-ahˇ naˇ haˬ-awˬ lehˇ, aˬ yawꞈ maꞈ-ahˇ nawˇ mehˬ nehˬ-euˬ meh. Ehˇ kʼawꞈ, aˬ yawꞈ maꞈ nui ma huiˬ-eu laꞈ kʼoeˇ, nawˬ-euˬ zahˇ dawˬ kʼoꞈ dawˬ-ahˇ byehˇ-euˬ meh. Nawˬ-euˬ zahˇ dawˬ kʼoꞈ dawˬ mehˬ nah caw teh-eu jeˬ-aˬ, dehꞈ-eu saꞈ laˇ gaˇ ma pyeuꞈ kʼawꞈ, aˬ yawꞈ maꞈ nui ma huiˬ-eu gʼahˇ-eu laꞈ kʼoeˇ, maˬ naˇ haˬ geuꞈ ni dehꞈ-euˬ meh.

Jaceuq 106:33

Aˬ yawꞈ nui ma naˇ dui dui ni aˬ yawꞈ maꞈ jahˇ-awˇ, maˬ shaˇ noeˬ ni dawˬ kʼaˆ ngehˬ dzeuˇ-euˬ meh.

Jaceuq 107:11

Baoˬ huiˬ-eu Miˬyehˇ-euˬ dawˬ-ahˇ aˬ yawꞈ maꞈ puiˬ-awˇ, aˬ yawꞈ mehˬ nehˬ tsoˆ nehˬ gaˇ maˬ naˇ haˬ-eu miˇ neh, kʼoeˇ loꞈ-ehˇ ya daˬ-eu meh.

Jaceuq 51:11

Nawˬ nehˬ-ehˇ maˬ bi jawˇ ni taˬ sheuˬ dzeh nehˬ laꞈ muiˬ-eu shawˇ-eu nawˬ-euˬ yaw sahˇ ngaˬ-ahˇ taˬ bi byehˇ dzeh nehˬ laꞈ.

Jaceuq 78:17

Ehˇ kʼawꞈ, Miˬyehˇ-ahˇ aˬ yawꞈ maꞈ maˬ tsehˆ leˇ ni puiˬ-awˇ, kʼaˇ shuiꞈ deh ga laꞈ kʼoeˇ Huiˬ dui Mahˇ dui dui-eu gʼaˬ-ahˇ aˬ yawꞈ maꞈ puiˬ-euˬ meh.

Jaceuq 78:21

Aˬ yawꞈ maꞈ kʼoeˇ loꞈ-ehˇ ehˇ gaˇ Sahˬ paˬ Miˬyehˇ nui ma pehˇ laˇ-awˇ, miˬ dzaˬ neh aˬ yawꞈ maꞈ-ahˇ kʼehˬ nehˬ-euˬ meh. Aˬ yawꞈ maꞈ-ahˇ aˬ yawꞈ nui ma pehˇ dui dui-euˬ meh.

Jaceuq 78:40

Kʼaˇ shuiꞈ deh ga laꞈ kʼoeˇ aˬ yawꞈ maꞈ aˬ yawꞈ-ahˇ aˇ myaˆ poˆ puiˬ-euˬ nga. Aˬ yawꞈ-ahˇ aˇ myaˆ poˆ bi noeˬ shaˬ-euˬ nga.

Jaceuq 78:49

Shaˆ shiˇ hehˇ ahˇ leꞈ-euˬ loꞈ-ehˇ, aˬ yawꞈ maꞈ kʼoeˇ taˆ aˬ yawꞈ-euˬ nui pehˇ shehˆ daˆ nehˬ-awˇ, bi guˬ dzaˬ leˇ-euˬ meh.

Jaceuq 78:56

Ehˇ kʼawꞈ, Baoˬ huiˬ-eu Miˬyehˇ-ahˇ aˬ yawꞈ maꞈ puiˬ-awˇ, aˬ yawꞈ-ahˇ lawˬ haw-euˬ meh. Aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a.

Jaceuq 78:8

Miˬyehˇ-ahˇ jah-eu maˬ ziꞈ-ehˇ, Miˬyehˇ-ahˇ saˇ jaˇ maˬ ziꞈ-eu uˬ taꞈ, aˬ yawꞈ-eu ehˇ dawˬ maˬ naˇ haˬ ni aˬ yawꞈ-ahˇ puiˬ-eu, aˬ yawꞈ maꞈ-euˬ aˬ poeˬ aˬ bawˇ kʼoeˇ deuˬ-ahˇ ma duˇ ni, aˬ yawꞈ maꞈ dehꞈ tehꞈ-a.

Doˆ-iˇ 15:24

Iˇsaˬleˬlaˆ tsawˇ haˬ kʼoeˇ deuˬ nui ma cawˆ-eu laꞈ kʼoeˇ, “Nga maꞈ aˬ jeˬ dawˇ nmˇ” lehˇ, Moˇseˬ-ahˇ ehˇ nehˬ-euˬ meh.

Doˆ-iˇ 16:8

Moˇseˬ paˇ ehˇ-eu, “Naw maꞈ dzaˬ-eu gʼaˇ duˬ shaˬ jiˇ deuˬ-ahˇ, uˬ ciꞈ uˬ taw paw maˬ ehˇ, naw maꞈ dzaˬ loꞈ dawˇ loꞈ-eu kaˬ muˇ deuˬ-ahˇ uˬ shawˬ paw maˬ ehˇ, Sahˬpaˬ Miˬyehˇ biꞈ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nui ma cawˆ-eu laꞈ kʼoeˇ, aˬ yawꞈ-ahˇ iˬ baˇ taˬ-awˇ toˇ luꞈ-eu teˇ saˇ-ahˇ aˬ yawꞈ ya gaˬ gʼaˬ-euˬ meh. Aˬ diˇ aˬ maˇ ehˇ naˇ, naw maꞈ nui ma cawˆ-awˇ nga nyaꞈ-ahˇ iˬ baˇ taˬ-eu jeˬ-aˬ, Sahˬpaˬ Miˬyehˇ-ahˇ naw maꞈ nui ma cawˆ-awˇ iˬ baˇ taˬ gaˇ duˇ-eu meh.”

Doˆ-iˇ 23:21

Aˬ yawꞈ-ahˇ haw tsoˆ taˬ-awˇ, aˬ yawꞈ-euˬ ehˇ dawˬ naˇ haˬ-awˬ. Aˬ yawꞈ-aˬ, ngaˬ neh kʼehˇ gʼeh leꞈ-euˬ gʼaˬ pyeuꞈ-eu miˇ neh, naw maꞈ aˬ yawꞈ-ahˇ puiˬ naˇ, aˬ yawꞈ naw maꞈ-ahˇ iˬ baˇ maˬ pyehꞈ-a.

Doˆ-iˇ 32:8

Ngaˬ neh aˬ yawꞈ maꞈ-ahˇ bi cah-euˬ gaˇ ma-ahˇ aˬ yawꞈ maꞈ byehˇ dzeh gʼaˬ-euˬ meh. Aˬ yawꞈ maꞈ shuiˇ mawˇ neˇ mawˇ kawˇ kʼaˇ doˆ-awˇ, uˬ duˬ tahˬ-eu uˬ taꞈ, lawˇ-eu shehˇ-eu jeˬ kʼawꞈ mˇ luꞈ meh. Kʼoeˇ-aˬ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ aˬ yawꞈ maꞈ-euˬ miˬyehˇ meh lehˇ, aˬ yawꞈ maꞈ ehˇ luꞈ meh.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Iˇsaˬyaˇ 63:11

Kʼoeˇ naˇ, aˇ hu ba-euˬ aˇ nah aˇ yamˬ pyeuꞈ-eu, Sahˬpaˬ Miˬyehˇ zaˬ kʼaˆ Moˇseˬ-euˬ ziˇ-ahˇ noeˬ keuˆ-awˇ, aˬ yawꞈ maꞈ heu loꞈ-ehˇ ehˇ-eu meh. “Aˬ yawꞈ tsawˇ haˬ aˬ yuiꞈ aˬ tsu deuˬ-ahˇ, iˬ ma laˆ shaˆ laꞈ kʼoeˇ ka kʼoꞈ nehˬ-eu, Sahˬpaˬ Miˬyehˇ kʼoeˇ gʼaˬ nymˬ-mˇ aˬ gaˇ jawˇ ta. Aˬ yawꞈ-euˬ muiˬ-eu shawˇ-eu yaw sahˇ-ahˇ, Moˇseˬ kʼoeˇ taˆ bi keuˆ le-euˬ Sahˬpaˬ Miˬyehˇ kʼoeˇ gʼaˬ, aˬ geu paw iˇ-euˬ ta.

Iˇsaˬyaˇ 65:2

Nui ma gʼahˇ-eu laꞈ kʼoeˇ yaw haiˬ jeˬ-ahˇ mˇ-awˇ, yawˬ ha nui kʼahˇ poˆ-eu ngaˬ-euˬ tsawˇ haˬ deuˬ-ahˇ ha geuꞈ nehˬ-eu gʼaˇ duˬ ngaˇ aˬ myah luꞈ lehˬ hmˬ-euˬ ma.

Yeˬlaˬmiˇ 21:5

Ngaˬ-eu gʼaˬ dawˬ tawˆ luꞈ, ngaˇ nui ma pehˇ-eu jeˬ dawˬ tawˆ luꞈ hawˇ-eu, ngaˇ nui ma naˇ luꞈ-eu jeˬ dawˬ tawˆ luꞈ yuˇ doˆ-awˇ, naw maꞈ-ahˇ ngaˇ guiˇ deuˆ ma.

Yeˬlaˬmiˇ 30:14

Yaw beh naw maꞈ-ahˇ gaˬ-euˬ tsawˇ haˬ deuˬ, naw maꞈ-ahˇ ngehˇ tsehˆ jiˇ-awˇ, naw maꞈ gaˇ kawˆ maˬ shaˇ noeˬ-a. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ muiˇ-eu laꞈ kʼoeˇ, yaw kʼaˆ-ehˇ kʼehˬ-euˬ ma.

Yeˬlaˬmiˇ 32:30

Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ-aˬ, nyiˇ ngeh neh ngaˇ nui ma maˬ saˇ-eu jeˬ tehꞈ-ehˇ mˇ-euˬ meh.

Ngoeˇ dawˬ 1:18

“Sahˬpaˬ Miˬyehˇ tsaˬ meh dawˇ meh. Yawꞈ-euˬ dawˬ-ahˇ ngaˇ puiˬ-euˬ ma. Tsawˇ haˬ dawˬ tawˆ luꞈ naˇ haˬ sheˇ. Ngaˇ daˬ luꞈ-eu jeˬ-ahˇ haw sheˇ. Ngaˬ li ngaˬ buˇ zaˬ guˬ dawˬ tawˆ, aˬ cawˬ neh nyehꞈ gʼeh jiˇ-euˬ meh.

Ngoeˇ dawˬ 1:20

“Ngaˬ-euˬ nui ma shaˬ zahˬ naꞈ-awˇ, ngaˬ-euˬ saꞈ laˇ shaˬ zahˬ mˇ gaˇ, Sahˬpaˬ Miˬyehˇ nawˇ haw le sheˇ. Ngaˬ-euˬ iˬ baˇ-ahˇ shaˇ noeˬ-eu, nui ma tsawˬ paˆ-iˇ-euˬ miˇ-a. Lehˆ kawˆ doe ni tsawˇ haˬ sehꞈ-awˇ, iˇ kahˇ laꞈ kʼoeˇ kʼawꞈ shiˇ luꞈ meh.

Yeˬsaˬgeˬlaˇ 16:43

Nawˇ zaˬ guˬ pyeuꞈ ngeh ngaˬ neh nawˬ-ahˇ mˇ nehˬ-euˬ jeˬ nawˇ ngehˇ jiˇ-awˇ, nawˬ neh kʼaˇ mˇ-euˬ yawˬ jeˬ na luꞈ ngaˬ-ahˇ nui ma laˆ pehˇ nehˬ laꞈ-euˬ meh. Kʼoeˇ miˇ neh, kʼoeˇ deuˬ dawˬ tawˆ luꞈ aˇ poeˬ nawˬ-ahˇ ngaˇ paˇ jahˇ kʼoꞈ-euˬ ma. Kʼaˇ jawꞈ kʼaˇ doeˇ-eu jeˬ mˇ-euˬ uˬ taꞈ-ehˇ, aˬ jeˬ miˇ neh ciˇ piˇ piˇ te” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 2:3

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ jawˇ gaˇ nawˬ-ahˇ ngaˇ pyehˬ gʼeh-eu lehˇ gʼeh-eu ma. Aˬ yawꞈ maꞈ ngaˬ-ahˇ puiˬ-awˇ byehˇ dzeh yaꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ iˬ nah keuˆ ni puiˬ luꞈ-eu meh.

Yeˬsaˬgeˬlaˇ 2:7

Aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, ngaˬ neh bi ngehˬ-euˬ dawˬ nawˇ ya ngehˬ meh. Aˬ yawꞈ maꞈ ngaˬ-ahˇ puiˬ-eu tsawˇ haˬ pyeuꞈ luꞈ gaˇ taˬ ngehˇ.

Yeˬsaˬgeˬlaˇ 20:13

Ehˇ kʼawꞈ, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ ngaˬ-ahˇ puiˬ-euˬ meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ puiˬ-awˇ, ngaˬ neh dawˬ biꞈ-euˬ gaˇ maˬ naˇ haˬ geuꞈ-a. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, aˬ yawꞈ maꞈ-ahˇ ngaˬ-euˬ nui ma bi mawˇ-awˇ, laˆ cawˆ nehˬ ma lehˇ ngaˇ lehˬ hmˬ-euˬ ma.

Yeˬsaˬgeˬlaˇ 20:21

“Ehˇ kʼawꞈ, aˬ yawꞈ maꞈ-euˬ zaˬ kʼoeˇ deuˬ kʼawꞈ, ngaˬ-ahˇ puiˬ-eu laꞈ kʼoeˇ, tsawˇ haˬ zaˬ-ahˇ yaw dehꞈ bi dehꞈ-eu ngaˬ-euˬ zahˇ dawˬ kʼoꞈ dawˬ deuˬ-ahˇ byehˇ dzeh-euˬ meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, ngaˬ-euˬ nui ma aˬ yawꞈ maꞈ-ahˇ bi mawˇ-awˇ, sehꞈ-eu lehˇ gʼeh-euˬ ma.

Yeˬsaˬgeˬlaˇ 20:8

Ehˇ kʼawꞈ, aˬ yawꞈ maꞈ ngaˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ geuꞈ-a. Nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ maˬ biˬ dzeh-ehˇ, nui daˆ daˆ laˇ paˬ-ehˇ gʼeh-eu Iˇjiˇtuˆ miˬyehˇ deuˬ-ahˇ kʼawꞈ, aˬ yawꞈ maꞈ maˬ byehˇ coeˇ-a. Kʼoeˇ gaˇ, Iˇjiˇtuˆ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˬ-euˬ nui ma bi mawˇ-eu lehˇ ngaˇ noeˬ tsehˆ-euˬ ma.

Yeˬsaˬgeˬlaˇ 6:9

Aˬ cawˬ aˬ yawꞈ maꞈ-ahˇ kʼoeˇ gaˇ nyehꞈ gʼeh-awˇ bi jawˇ tehꞈ-a. Kʼoeˇ gaˇ, aˬ yawꞈ maꞈ ngaˬ-ahˇ noeˬ mawˇ laˇ-awˇ, aˬ yawꞈ maꞈ-euˬ saˇ jaˇ maˬ ziꞈ-eu nui ma ngaˬ-ahˇ byehˇ dzeh-awˇ, ngaˬ-ahˇ naˆ maˬ tseˇ tahˬ pahˬ aˬ ma mawˇ kawˇ deuˬ-ahˇ taˬ huiˬ-euˬ baˬ da neh, ngaˬ neh aˬ yawꞈ maꞈ-ahˇ kʼehˬ-euˬ nya lehˇ siˬ leˇ tehꞈ-a. Kʼoeˇ ngeh jawˇ, aˬ yawꞈ maꞈ neh mˇ dzeuˇ yaꞈ-euˬ yaw haiˬ jeˬ hawˇ-eu yaw cawˆ jeˬ-ahˇ noeˬ doˆ leˇ-awˇ, yawˬ haˇ yawˬ ha nui daˆ daˆ tehꞈ-a.

Maꞈtehˬ 22:7

Kʼoeˇ ngeh jawˇ, sahˬ paˬ kʼoeˇ gʼaˬ nui ma pehˇ laˇ-awˇ, aˬ yawꞈ-euˬ guiˇ maꞈ pyehˬ gʼeh-awˇ, aˬ yawꞈ-euˬ zaˬ kʼaˆ deuˬ-ahˇ sehꞈ-euˬ tsawˇ haˬ kʼoeˇ deuˬ-ahˇ bi sehꞈ-awˇ, aˬ yawꞈ maꞈ-euˬ meuˬ-ahˇ miˬ dzaˬ bi keuˬ dzeh-euˬ meh.

Gʼaˬkʼehˇ 7:42

Kʼoeˇ miˇ neh, Miˬyehˇ neh aˬ yawꞈ maꞈ-ahˇ byehˇ dzeh nehˬ-awˇ, mˬ kʼoeˇ taˆ jaˆ-eu nahˇ ma, ba la, aˬ guiˇ deuˬ-ahˇ uˬ duˬ tahˬ-eu tsawˇ haˬ deuˬ bi pyeuꞈ laˇ-euˬ meh. Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ, heu loꞈ-ehˇ boꞈ taˬ-euˬ meh. ‘Iˇsaˬleˬlaˆ tsawˇ haˬ deuˬ-oˇ, bawˇ tsahˬ bawˇ dahˇ kʼaˇ shuiꞈ deh-ahˇ, oeˬ tseˇ kʼoꞈ oeˬ tseˇ myaˇ byah ni, naw maꞈ jeˬ zaˬ sehꞈ-awˇ lawˇ-euˬ, ngaˬ-ahˇ lawˇ-euˬ maˬ ngeuˇ-a de.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

Dawˬmehˬ 1:26

“Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ naw maꞈ puiˬ-awˇ, miˇ kʼahˬ kʼoeˇ kʼahˬ-ahˇ naw maꞈ maˬ uˇ leˇni jawˇ-euˬ meh.

Dawˬmehˬ 9:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.

Yawˇshuˆ 22:15

Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ aˬ yawꞈ maꞈ oe-euˬ meh.