Iˇsaˬyaˇ 63:1 - Akha

¹ “Eˬdoˬ miˇ kʼahˬ Bawˇzaˬlahˬ meuˬ-ahˇ neh oe-euˬ, tsawˇ haˬ kʼoeˇ gʼaˬ aˬ suˇ gʼaˬ-a. Yaw shehꞈ kʼahˬ sehˇ huiˬ-eu mehˬ tsoeˬ paˇ neˇ dm-awˇ, baoˬ hawˇ-eu gʼaˬ huiˬ dui dui-eu laꞈ kʼoeˇ, mehˬ hu paw oe luꞈ-eu kʼoeˇ gʼaˬ aˬ suˇ gʼaˬ-a. Kʼoeˇ-aˬ, ka kʼoꞈ-eu baoˬ ahˇ-eu Sahˬpaˬ Miˬyehˇ pyeuꞈ-awˇ, aˬ yawꞈ gʼaˬ leˇ-eu gaˇ kawˆ ja gaˬ-eu lehˇ oe-eu meh.”

Iˇsaˬyaˇ 63:1 ပူးပေါင်းရင်းမြစ်များ

Aˇ dahˬ 36:33

Beˬlaˬ gʼaˬ shiˇ ngeh jawˇ, Bawˇzaˬlahˬ-ahˇ jawˇ-eu Zeˬlahˬ-euˬ aˬ li Yawˇbehˆ uˆ lahˇ-euˬ meh.

Aˇ dahˬ 49:11

Muiˬ dui dui-eu aˬ gaꞈ baw duˆ uˬ moˆ, aˬ yawꞈ-euˬ mahˬ tahˬ laˆ-ahˇ aˬ yawꞈ paꞈ tehꞈ-a. Shiˬ loꞈ-ehˇ neˇ-eu aˬ gaꞈ dzaˇ uiˇ laꞈ kʼoeˇ, aˬ yawꞈ-euˬ mehˬ tsoeˬ lehˬ tsiˬ tehꞈ-a.

1 Laˬsaˬbaˬ 1:44

Beˬlaˬ shiˇ ngeh jawˇ, Bawˇzaˬlahˬ meuˬ-ahˇ jawˇ-eu Zeˬlahˬ-euˬ aˬ li Yawˇbehˆ uˆ lahˇ-euˬ meh.

Jaceuq 108:13

Miˬyehˇ nga maꞈ nehˬ-ehˇ jawˇ naˇ nga maꞈ gʼaˬ leˇ ma. Muiˇ-eu deuˬ-ahˇ aˬ yawꞈ deuˆ gʼaˬ tehꞈ-a.

Jaceuq 137:7

Yeˬluˇsaˬlehˬ meuˬ-ahˇ deuˆ gʼaˬ ngeh nah, Eˬdoˬ tsawˇ haˬ deuˬ neh jahˇ nehˬ laꞈ-euˬ jeˬ-ahˇ taˬ ngehˇ. “Meuˬ teu meuˬ miˇ tsa tuˆ ni laˆ meuˇ nehˬ-awˬ” lehˇ, aˬ yawꞈ maꞈ ehˇ nawˆ nawˆ-euˬ gaˇ taˬ ngehˇ.

Jaceuq 65:6

Nawˬ-euˬ gʼaˬ neh gawˬ jawˬ deuˬ-ahˇ ciˬ tsaˬ taˬ-eu laꞈ kʼoeˇ, nawˬ-euˬ baoˬ bi mawˇ-euˬ meh.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Dawˬ caˇ 6:10

Uˬ bya bya laˇ-eu loꞈ-ehˇ bya cehˆ ni gʼeh-eu teu gʼaˬ aˬ suˇ gʼaˬ-a. Aˬ yawꞈ ba la loꞈ-ehˇ muiˬ-awˇ, nahˇ ma loꞈ-ehˇ yaw shehꞈ bya-eu meh. Paˇ loˬ paˇ lehˇ baꞈ-awˇ cah-eu guiˇ guiˇ maꞈ loꞈ-ehˇ haw muiˬ-eu meh.

Dawˬ caˇ 8:5

Aˬ yawꞈ-euˬ zaˬ kʼaˬ-ahˇ byaˇ tawꞈ-awˇ, bawˇ tsahˬ bawˇ dahˇ paw neh laˇ luꞈ-eu kʼoeˇ aˬ suˇ gʼaˬ nga. Nawˬ-euˬ caˆ tahˬ tehˬ tsehˆ duˬ siˬ yehˆ aˇ bawˇ uˬ moˆ, nawˬ-ahˇ ngaˇ laˆ noeˬ-euˬ ma.

Iˇsaˬyaˇ 11:14

Ehˇ kʼawꞈ, aˬ yawꞈ maꞈ nui ma gm-eu laꞈ kʼoeˇ, nahˇ ma ga kʼehˬ paw-euˬ Piˇliˇtiˆ tsawˇ haˬ-ahˇ guiˇ deuˆ-awˇ, nahˇ ma doˆ kʼehˬ paw jawˇ-eu tsawˇ haˬ deuˬ-euˬ pyuˇ shuiˇ deuˆ geuꞈ tehꞈ-a. Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬmoˬ miˇ kʼahˬ aˬ yawꞈ maꞈ-euˬ laꞈ oꞈ awꞈ tehꞈ-a.

Iˇsaˬyaˇ 34:1

Tsawˇ jeuˬ dawˬ tawˆ luꞈ-oˇ, laˇ-awˇ naˇ haˬ laˇ-awˬ. Tsawˇ haˬ dawˬ tawˆ luꞈ-oˇ, naˬ bawˇ ciˬ kʼmˇ laˇ-awˬ. Miˇ tsaˬ tahˬ kʼawˇ hawˇ-eu miˇ tsaˬ zaˬ dawˬ tawˆ luꞈ, laˇ-awˇ naˇ haˬ laˇ-awˬ.

Iˇsaˬyaˇ 42:1

Sahˬpaˬ Miˬyehˇ ehˇ-eu, “Heu-aˬ, ngaˬ-euˬ zaˬ kʼaˆ ma. Ngaˇ hehˇ tehˇ nehˬ luꞈ-eu gʼaˬ ma. Aˬ yawꞈ-ahˇ ngaˇ tseˇ doˆ-awˇ, nui kʼahˇ shiˇ luꞈ-eu gʼaˬ ma. Aˬ yawꞈ kʼoeˇ taˆ ngaˬ-euˬ Yaw sahˇ jawˇ-awˇ, tsawˇ jeuˬ yawˬ jeuˬ na luꞈ kʼoeˇ taˆ, yaw tsaˬ yaw dawˇ jeˬ aˬ yawꞈ bi keuˆ le tehꞈ-a.

Iˇsaˬyaˇ 42:3

Daˇ gʼahˬ taˬ-euˬ aˇ toꞈ aˇ kahˬ aˬ yawꞈ maꞈ ngawˬ kʼehꞈ-ehˇ, miˆ-iˇ luꞈ-eu tsiˇ kʼmˬ aˬ yawꞈ maˬ baw miˆ ni, dawˬ tawˆ kʼoeˇ taˆ yaw tsaˬ yaw dawˇ jeˬ bi keuˆ le-eu meh.

Iˇsaˬyaˇ 45:19

Ngaˇ dawˬ zaꞈ maˬ ngehˬ-ehˇ, ngaˬ-euˬ nui kʼahˇ ngaˇ maˬ dehˬ kaˬ taˬ-aˬ. Jawˇ tsaˬ maˬ tsoˆ-eu ngaˬ-ahˇ poˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ maˬ kʼehˇ-aˬ. Ngaˇ Sahˬpaˬ Miˬyehˇ pyeuꞈ-awˇ dawˬ maˇ ngehˬ-eu ma. Yaw tsaˬ yaw dawˇ jeˬ ngaˇ pah mehˬ luꞈ ma.”

Iˇsaˬyaˇ 45:23

Ngaˬ-euˬ saˇ jaˇ ziꞈ dui dui-awˇ, tiˬ jawˇ-iˬ poˆ laˇ paˇ laˇ-eu maˬ baw. Ngaˬ-ahˇ gʼoe-awˇ ngaˇ heu loꞈ-ehˇ, ziꞈ dui dui-eu saˇ jaˇ dawˬ ngehˬ-eu ma. Yawˬ gʼaˬ na luꞈ ngaˬ-euˬ mehˬ shi pawˬ tsuiꞈ pawˬ dmˬ dmˬ-awˇ, ngaˬ-ahˇ saˇ jaˇ ziꞈ ma lehˇ ya kamˬ tsehˆ tehꞈ-a.

Iˇsaˬyaˇ 9:5

Guiˇ deuˆ-eu deuˬ nawˬ-eu sehˬ nawˆ hawˇ-eu shiˬ lehꞈ-eu aˬ yawꞈ maꞈ-euˬ mehˬ tsoeˬ miˬ dzaˬ-ahˇ bi dzah puiˆ jiˇ tehꞈ-a.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 48:24

Kiˇliˇyoˆ meuˬ, Bawˇzaˬlahˬ meuˬ, heu deuˬ meh. Mawˇbaˆ miˇ kʼahˬ laꞈ kʼoeˇ, dawˬ peh gaˇ mahˇ kʼaˇ jaˆ-eu meuˬ deuˬ kʼoeˇ taˆ yaˬ kʼehˇ yaˬ-eu jeˬ keuˆ le-euˬ meh.

Yeˬlaˬmiˇ 49:13

Bawˇzaˬlahˬ meuˬ-aˬ, guˆ dui dui laˇ paˬ-ehˇ bi laˆ pyeuꞈ-awˇ, kʼaˇ shuiꞈ deh yaˇ loꞈ-ehˇ pyeuꞈ-iˇ tehꞈ-a lehˇ, ngaˇ kamˬ tsehˆ taˬ-euˬ ma. Meuˬ kʼoeˇ meuˬ-ahˇ aˬ cawˬ kʼaˇ ehˇ mawꞈ-eu ehˇ niˇ gʼa-awˇ, yaˬ kʼehˇ yaˬ ngeh zmˬ-eu tsawˇ myahˇ tiˬ myahˇ pyeuꞈ laˇ tehꞈ-a. Jawˬ jawˬ-ehˇ jaˆ-eu pu dawˬ tawˆ luꞈ, mˬ maˬ maˬ byaˆ zaˇ ziˇ cawˆ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 25:12

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ miˇ kʼahˬ-aˬ, Yuˇdaˆ miˇ kʼahˬ-ahˇ gʼawˬ shaˬ maˬ gaˬ ni laꞈ poˆ poˆ kʼoꞈ nehˬ-euˬ miˇ neh, iˬ baˇ huiˬ dui dui meh.

Yeˬsaˬgeˬlaˇ 35:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 38:17

Aˇ hu ba neh, Iˇsaˬleˬlaˆ tsawˇ haˬ deuˬ-ahˇ Miˬyehˇ gʼaˇ duˬ bi ngehˬ dah-euˬ ngaˬ-euˬ zaˬ kʼaˆ deuˬ-ahˇ zmˬ-awˇ bi gaˬ doe-iˇ-euˬ gaˇ kawˆ pyeuꞈ-eu, aˬ kaˇ tiˬ nah Iˇsaˬleˬlaˆ miˇ kʼahˬ-ahˇ guiˇ bi deuˆ le-eu gʼaˇ duˬ, ngaˇ tsawˇ haˬ pyehˬ gʼeh leꞈ ma lehˇ ehˇ-euˬ kʼoeˇ-aˬ, nawˬ-ahˇ ehˇ-euˬ jeˬ pyeuꞈ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Aaˇbaˬdiˇ 1:1

Heu-aˬ, Miˬyehˇ gʼaˇ duˬ Awˇbaˬdiˇ neh ngehˬ dah-euˬ dawˬ deuˬ meh. Eˬdoˬ miˇ kʼahˬ-euˬ gaˇ kawˆ Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. Sahˬpaˬ Miˬyehˇ gʼaˬ kʼehˇ pyehˬ-awˇ, miˇ kʼahˬ doe ni bi tsaꞈ gaˬ-euˬ, dawˬ kʼoeˇ nga maꞈ ya gaˬ-euˬ ma. “Lehˬ hmˬ-awˬ. Eˬdoˬ miˇ kʼahˬ-ahˇ, aˬ dui guiˇ deuˆ-iˇ-eu lehˇ ma.

Aaˇbaˬdiˇ 1:9

Teˬmaˬ meuˬ-euˬ guiˇ deuˆ zaˬ deuˬ, guˆ dui dui-eu laˇ baˇ-iˇ-awˇ, Eˬdoˬ meuˬ-euˬ yehˇ dawˬ tawˆ luꞈ, bi sehꞈ byoˆ jiˇ gaˇ keuˆ tehꞈ-a.

Zeˬpaˬniˇ 3:17

Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

Maˬlaˬkiˇ 1:2

“Naw maꞈ-ahˇ ngaˇ aˬ myah luꞈ gaˬ-euˬ ma” lehˇ, Sahˬpaˬ Miˬyehˇ ehˇ ngeh, “Nawˇ nga maꞈ-ahˇ gaˬ-eu aˬ joˆ-ehˇ bi siˬ laꞈ teˬ” lehˇ, aˬ yawꞈ-euˬ tsawˇ haˬ deuˬ ehˇ-eu meh. Sahˬpaˬ Miˬyehˇ ehˇ-eu, “Iˇsawˇ hawˇ-eu Yaˬkoˆ aˬ nyaꞈ tiˬ mehˇ nmˇ meh. Ehˇ kʼawꞈ, Yaˬkoˆ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ gaˬ-euˬ ma.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Maꞈtehˬ 21:10

Yeˬsuˇ Yeˬluˇsaˬlehˬ meuˬ-ahˇ uˇ leˇ ngeh, meuˬ meuˬ lah-ehˇ lawꞈ gʼa-awˇ ehˇ-eu, “Tsawˇ haˬ teu gʼaˬ aˬ suˇ gʼaˬ-a.”

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

Panmaeq 19:13

Aˬ yawꞈ dm luꞈ-eu pehˇ kʼahˬ pehˇ mahˇ-ahˇ shiˬ lehꞈ-eu meh. Aˬ yawꞈ-euˬ tsawˇ myahˇ-aˬ, “Miˬyehˇ-euˬ Dawˬkawˬ” lehˇ kuˇ-eu meh.