Iˇsaˬyaˇ 62:6 - Akha

⁶ Yeˬluˇsaˬlehˬ meuˬ-oˇ, nawˬ-euˬ meuˬ lahˇ kʼoeˇ taˆ, meuˬ-ahˇ loꞈ piˇ-eu tsawˇ haˬ ngaˇ pyehˬ taˬ-eu ma. Uˬ ciꞈ nah gʼahˇ maˬ ehˇ aˬ yawꞈ maꞈ ciˬ cuˇ ni maˬ ya jawˇ-ehˇ, Sahˬpaˬ Miˬyehˇ aˬ yawꞈ-euˬ saˇ jaˇ-ahˇ maˬ ya ngehˇ ni, maˬ naˬ leˇ ni ya ehˇ noeˬ nehˬ-eu meh.

Iˇsaˬyaˇ 62:6 ပူးပေါင်းရင်းမြစ်များ

Aˇ dahˬ 32:12

Ngaˬ-euˬ zaˬ ngaˬ-euˬ uˆ deuˬ-ahˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deuˬ loꞈ-ehˇ, tsawˇ haˬ tiˬ gʼaˬ-iˬ maˬ gui jiˇ coeˇ ni bi jeuˬ bi o le-awˇ, ngaˬ-ahˇ yaw muiˬ-ehˇ haw piˇ nehˬ ma lehˇ, nawˬ neh ehˇ taˬ-euˬ dawˬ-ahˇ taˬ ngehˇ nehˬ laꞈ.”

Aˇ dahˬ 32:26

“Ngaˬ-ahˇ pyehˬ-awˇ bi iˇ laꞈ-awˬ. Uˬ bya bya laˇ shaw-iˬ ngaˇ” lehˇ, tsawˇ haˬ kʼoeˇ gʼaˬ Yaˬkoˆ-ahˇ ehˇ-eu meh. “Ngaˬ-ahˇ dawˬ ngehˬ maˬ gʼeh nehˬ laꞈ kʼoeˇ keuˆ ni, ngaˇ nawˬ-ahˇ maˬ pyehˬ nehˬ” lehˇ, aˬ yawꞈ-ahˇ Yaˬkoˆ ehˇ nehˬ-euˬ meh.

2 Laˬsaˬbaˬ 8:14

Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.

Jaceuq 122:7

Nawˬ-euˬ meuˬ lahˇ laꞈ kʼoeˇ suˬ saˬ-eu jeˬ maˬ ya keuˆ le-ehˇ, sahˬ paˬ-euˬ nymˇ guˆ-eu gaˆ-eu jeˬ-ahˇ buˬ-iˇ luꞈ-uˇ.

Jaceuq 74:18

Ehˇ kʼawꞈ, Sahˬpaˬ Miˬyehˇ-oˇ, muiˇ-eu deuˬ nawˬ-ahˇ uiˇ luꞈ gaˇ taˬ ngehˇ. Miˬyehˇ maˬ baw-eu tsawˇ haˬ deuˬ nawˬ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ luꞈ gaˇ taˬ ngehˇ.

Jaceuq 74:2

Nawˬ-euˬ tsawˇ jeuˬ-ahˇ nawˇ noeˬ keuˆ nehˬ laꞈ-awˬ. Nawˬ-euˬ tsawˇ jeuˬ bi geuꞈ-eu lehˇ aˬ cawˬ zaˬ kʼaˆ geuꞈ luꞈ gaˇ sheuˬ doˆ laꞈ-euˬ, aˇ hu ba neh nawˬ neh tseˇ doˆ-euˬ tsawˇ jeuˬ-ahˇ noeˬ keuˆ nehˬ laꞈ-awˬ. Aˇ hu ba nawˬ neh jawˇ-euˬ jawˇ duˬ pyeuꞈ-eu, Ziˇoˬ gawˬ jawˬ-ahˇ noeˬ keuˆ nehˬ laꞈ-awˬ.

Dawˬ caˇ 3:3

Meuˬ-ahˇ loꞈ piˇ-eu deuˬ cah doˆ leꞈ gaˇ ngaˇ tahˬ puˬ-awˇ, “Ngaˬ-euˬ zaˬ kʼaˬ maˬ mawˇ-aˬ loˇ” lehˇ naˇ haˬ-euˬ ma.

Dawˬ caˇ 5:7

Meuˬ-ahˇ loꞈ piˇ-eu tsawˇ haˬ deuˬ ngaˬ-ahˇ tahˬ puˬ le-awˇ, diˬ naˇ diˬ gawˇ nehˬ laꞈ-euˬ meh. Meuˬ meuˬ lahˇ-ahˇ loꞈ piˇ-eu deuˬ, ngaˬ-euˬ uˬ boeˬ gʼeu pyaˬ nehˬ laꞈ-euˬ meh.

Iˇsaˬyaˇ 43:26

Dzeuˇ yaꞈ-euˬ gaˇ kawˆ deuˬ ehˇ doˆ haw sheˇ. Naw maꞈ tsaˬ-euˬ gaˇ kawˆ ja dahˇ haw sheˇ. Gaˇ kawˆ heu-ahˇ tiˬ kawˆ loꞈ-ehˇ ja duˬ kaˇ-euˇ.

Iˇsaˬyaˇ 49:16

Yeˬluˇsaˬlehˬ-oˇ, nawˬ-ahˇ ngaˇ tiˬ jawˇ-iˬ maˬ ngehˇ. Ngaˬ-euˬ aˬ laꞈ laꞈ zaˬ kʼoeˇ taˆ, nawˬ-euˬ tsawˇ myahˇ ngaˇ boꞈ ahˇ taˬ-euˬ ma.

Iˇsaˬyaˇ 52:8

Sahˬpaˬ Miˬyehˇ Ziˇoˬ meuˬ-ahˇ gʼoꞈ le luꞈ gaˇ, myaˆ nuiˆ ya mawˇ duˬ-eu miˇ neh, meuˬ-ahˇ loꞈ piˇ-eu deuˬ laˬ kʼaˬ tiˬ cehˇ, tiˬ kawˆ loꞈ-ehˇ guˇ dui dui meh.

Iˇsaˬyaˇ 56:10

Ngaˬ-euˬ tsawˇ haˬ deuˬ-ahˇ mehˬ-eu tsoˆ-eu gʼaˇ duˬ, aˬ yuiꞈ aˬ tsu bi geuꞈ taˬ-euˬ kʼoeˇ deuˬ, dawˬ tawˆ luꞈ myaˆ behꞈ tahˬ sawˇ meh. Aˬ yawꞈ maꞈ tiˬ jeˬ-iˬ maˬ siˬ nya-ehˇ, maˬ tsehꞈ-eu nymˇ loꞈ aˬ kuiˬ-ahˇ duˇ-awˇ, yuꞈ ja taˬ-awˇ yuꞈ maˆ maˆ-eu, yuꞈ gaˇ gaˬ-eu aˬ kuiˬ-ahˇ duˇ-eu meh.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.

Yeˬlaˬmiˇ 14:21

Nawˬ neh saˇ jaˇ dzaˬ-euˬ gaˇ noeˬ keuˆ-awˇ, nga maꞈ-ahˇ taˬ haw doeˇ nehˬ laꞈ. Yaw shehꞈ kʼahˬ sehˇ huiˬ-eu nawˬ-euˬ nuiˇ mahˬ jaˆ-eu, Yeˬluˇsaˬlehˬ meuˬ daˬ taˬ bi ga laꞈ. Nga maꞈ nehˬ-ehˇ nawˬ neh dzaˬ-euˬ, dawˬ ma saˇ jaˇ taˬ byehˇ nehˬ laꞈ.

Yeˬlaˬmiˇ 6:17

Kʼoeˇ naˇ, daˇ heh teˇ saˇ bi naˇ haˬ-eu gʼaˇ duˬ, meuˬ-ahˇ loꞈ-eu tsawˇ haˬ Sahˬpaˬ Miˬyehˇ tseˇ doˆ nehˬ kʼawꞈ, “Maˬ naˇ haˬ” lehˇ aˬ yawꞈ maꞈ ehˇ-eu meh.

Ngoeˇ dawˬ 5:1

Nga maꞈ kʼoeˇ taˆ keuˆ le-euˬ jeˬ, Sahˬpaˬ Miˬyehˇ taˬ ngehˇ nehˬ laꞈ. Nga maꞈ daˬ ga gaˇ haw nehˬ laꞈ.

Ngoeˇ dawˬ 5:20

Aˬ jeˬ miˇ neh nga maꞈ-ahˇ nawˇ, teu myah myah-ehˇ byehˇ dzeh laꞈ-awˇ, teu naˆ naˆ-ehˇ ngehˇ dzeh laꞈ te.

Luˇkaꞈ 18:39

Mehˬ hu paw cah luꞈ-eu deuˬ aˬ yawꞈ-ahˇ, “Ciˬ cuˇ ni jawˇ-awˬ” lehˇ dehˬ kʼawꞈ, aˬ yawꞈ maˬ naˇ haˬ ni, “Daˬbiˇ-euˬ Zaˬmaˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ” lehˇ, yaw beh poˆ naˆ maˬ tseˇ paˇ guˇ kʼaˆ laˇ-euˬ meh.

Gʼaˬkʼehˇ 10:31

Aˬ yawꞈ ehˇ-eu, ‘Gawˬneˬliˇ-oˇ, nawˬ-euˬ shaˇ dawˬ-ahˇ Miˬyehˇ gaˬ-awˇ, nawˬ neh shaˬ zaˬ zahˬ zaˬ-ahˇ caw ba-euˬ aˬ yawꞈ siˬ luꞈ mawˇ luꞈ meh.

Gʼaˬkʼehˇ 10:4

Aˬ yawꞈ guˆ dui dui-iˇ-awˇ, mˬ taˆ gʼaˬ kʼehˇ kʼoeˇ gʼaˬ-ahˇ haw tsoˆ-awˇ, “Sahˬpaˬ-oˇ, aˬ jeˬ ehˇ te” lehˇ ehˇ kʼoꞈ nehˬ-euˬ meh. Mˬ taˆ gʼaˬ kʼehˇ kʼoeˇ gʼaˬ ehˇ-eu,“Nawˬ neh guiˬ lahˬ shaˇ-euˬ jeˬ-ahˇ maˬ ehˇ, nawˇ aˬ cawˬ-ahˇ caw ba nehˬ-euˬ jeˬ-ahˇ maˬ ehˇ, Miˬyehˇ nui kʼahˇ shiˇ-eu miˇ neh, nawˬ-euˬ shaˇ dawˬ-ahˇ naˇ haˬ nehˬ laꞈ-euˬ meh.

1 Gawˇliˬtu 12:28

Ka li zaˬ aˇ muˇ laꞈ kʼoeˇ, Miˬyehˇ neh jawˇ duˬ biˇ tsaˬ taˬ-euˬ meh. Gʼaˬ kʼehˇ deuˬ-ahˇ jeˬ hu hu saˬ bi jawˇ-awˇ, kʼoeˇ-euˬ jeˬ nah Miˬyehˇ gʼaˇ duˬ ngeh dah-eu deuˬ-ahˇ bi jawˇ-euˬ meh. Kʼoeˇ-euˬ jeˬ nah mehˬ-eu tsoˆ-eu saˬ laˬ deuˬ-ahˇ bi jawˇ-euˬ meh. Kʼoeˇ naˇ, zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-euˬ deuˬ, naˇ gawˇ laˆ taˬ nya-eu baoˬ biꞈ taˬ-euˬ deuˬ, aˬ cawˬ-ahˇ caw ba nehˬ nya-eu deuˬ, Ka li zaˬ aˇ muˇ-euˬ gaˇ-ahˇ haw-eu pyaˆ-eu deuˬ hawˇ-eu, dawˬ gʼawˬ mya jeˬ ngehˬ nya-eu deuˬ-ahˇ tiˬ tiˆ saˇ-iˬ tiˬ tiˆ bi jawˇ ka leꞈ-euˬ meh.

1 Teˇsaˬloˇni 5:17

Maˬ tsehˆ leˇ ni guiˬ lahˬ shaˇ-awˬ.

HeˬByehˇ 13:17

Naw maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ ehˇ dawˬ yaw muiˬ paˬ-ehˇ naˇ haˬ geuꞈ-awˬ. Aˬ yawꞈ maꞈ neh mˇ-euˬ gaˇ deuˬ Miˬyehˇ mehˬ shi ya dzawˇ mehˬ leˇ-eu baˬ da neh, jawˇ naˬ maˬ mˇ ni naw maꞈ-euˬ saꞈ laˇ-ahˇ haw piˇ luꞈ-eu meh. Aˬ yawꞈ maꞈ-euˬ ehˇ dawˬ-ahˇ naw maꞈ naˇ haˬ geuꞈ naˇ, aˬ yawꞈ maꞈ-euˬ gaˇ-ahˇ aˬ yawꞈ maꞈ laˬ kʼaˬ cehˇ-eu laꞈ kʼoeˇ ya mˇ tehꞈ-a. Naw maꞈ maˬ naˇ haˬ geuꞈ naˇ, aˬ yawꞈ maꞈ noeˬ shaˬ-eu laꞈ kʼoeˇ ya mˇ-awˇ, naw maꞈ gʼaˇ duˬ gaˇ dahˇ maˬ tsoeˬ-a.

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.