Iˇsaˬyaˇ 62:4 - Akha

⁴ Paˬ tseuˆ bi tseuˆ dzeh-euˬ zaˬ lehˇ nawˬ-ahˇ maˬ paˇ kuˇ meh. Nawˬ-euˬ miˇ kʼahˬ-ahˇ kʼawꞈ, “meuˬ meuˬ tsoeˬ” lehˇ maˬ paˇ kuˇ meh. “Miˬyehˇ nui kʼahˇ shiˇ-eu gʼaˬ” lehˇ nawˬ-ahˇ ya kuˇ paˇ-awˇ, nawˬ-euˬ miˇ kʼahˬ-euˬ tsawˇ myahˇ yaw shuiꞈ-aˬ, “Laˬ kʼaˬ tiˬ cehˇ sheuˬ dahˬ dzaˬ-euˬ” lehˇ meh. Aˬ jeˬ miˇ neh ehˇ naˇ, Sahˬpaˬ Miˬyehˇ nawˬ-ahˇ nui kʼahˇ shiˇ-awˇ, nawˬ-euˬ miˇ kʼahˬ hawˇ-eu aˬ yawꞈ, miˬ zaˬ yo zaˬ-ahˇ duˇ-eu meh.

Iˇsaˬyaˇ 62:4 ပူးပေါင်းရင်းမြစ်များ

Jaceuq 149:4

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui kʼahˇ shiˇ-eu meh. Nui nahˬ nui yu ahˇ-eu deuˬ-ahˇ aˬ cawˬ kʼoeˇ taˆ bi gʼaˬ leˇ-eu laꞈ kʼoeˇ taˬ huiˬ taˬ mahˇ nehˬ-eu meh.

Jaceuq 16:3

SahˬpaˬMiˬyehˇ-ahˇziꞈ-eu deuˬ, ehˇkʼaˇmaˬza ni muiˬ-eu meh. Aˬyawꞈmaꞈnehˬ-ehˇdehꞈ-eu jeˬ, ngaˇnui kʼahˇshiˇdui dui-eu ma.

Iˇsaˬyaˇ 49:14

Ehˇ kʼawꞈ, Yeˬluˇsaˬlehˬ tsawˇ haˬ ehˇ-eu, “Sahˬpaˬ Miˬyehˇ nga maꞈ-ahˇ byehˇ dzeh laꞈ-euˬ meh. Nga maꞈ-ahˇ aˬ yawꞈ ngehˇ-euˬ meh.”

Iˇsaˬyaˇ 54:1

Yeˬluˇsaˬlehˬ meuˬ-oˇ, nawˇ maˬ baw aˬ ma-ahˇ duˇ kʼawꞈ, nymˬ-mˇ laˬ kʼaˬ cehˇ-eu caˇ dawˬ caˇ-awˇ guˇ nya-eu meh. Aˬ jeˬ miˇ neh ehˇ naˇ, kʼaˬ dzeˇ zaˬ-ahˇ maˬ gʼawˬ-iˇ-eu aˬ ma gʼaˬ naˆ maˬ tseˇ, kʼaˬ dzeˇ zaˬ maˬ baw-eu aˬ ma zaˬ myaˬ dzehˬ le tehꞈ-a lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 60:15

“Nawˬ-ahˇ bye-awˇ byehˇ dzeh-euˬ kʼawꞈ, meuˬ tsoeˬ bi tsoeˬ-iˇ-awˇ ciˬ cuˇ ni jaˆ-euˬ kʼawꞈ, tsawˇ myahˇ huiˬ-awˇ muiˬ dui dui-eu meuˬ paˇ bi pyeuꞈ laˇ-awˇ, tseˇ ziˇ zaˇ ziˇ laˬ kʼaˬ cehˇ-eu jawˇ duˬ bi pyeuꞈ laˇ ma.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 62:12

“Miˬyehˇ-euˬ muiˬ-eu shawˇ-eu tsawˇ jeuˬ” lehˇ, “Sahˬpaˬ Miˬyehˇ neh ka kʼoꞈ nehˬ-euˬ tsawˇ jeuˬ” lehˇ, aˬ cawˬ naw maꞈ-ahˇ kuˇ tehꞈ-a. “Miˬyehˇ gaˬ-eu meuˬ” lehˇ, “Miˬyehˇ maˬ byehˇ dzeh-eu meuˬ” lehˇ, Yeˬluˇsaˬlehˬ meuˬ-ahˇ ya kuˇ tehꞈ-a.

Iˇsaˬyaˇ 62:2

Yeˬluˇsaˬlehˬ meuˬ-oˇ, nawˇ gʼaˬ leˇ-eu gʼaˬ pyeuꞈ-eu gaˇ, miˇ kʼahˬ tsawˇ jeuˬ dawˬ tawˆ ya mawˇ tehꞈ-a. Aˬ yawꞈ maꞈ-euˬ sahˬ paˬ dawˬ tawˆ, nawˬ-euˬ yaw shehꞈ kʼahˬ sehˇ-ahˇ ya mawˇ-awˇ, nawˬ-ahˇ tsawˇ myahˇ yaw shuiꞈ myahˇ paˇ tehꞈ-a. Sahˬpaˬ Miˬyehˇ neh biꞈ-euˬ tsawˇ myahˇ myahˇ tehꞈ-a.

Iˇsaˬyaˇ 62:5

Miˬ daꞈ zaˬ daꞈ sheuˬ dahˬ dzaˬ-eu loꞈ-ehˇ, nawˬ-ahˇ beh-euˬ gʼaˬ nawˬ-ahˇ sheuˬ dahˬ dzaˬ tehꞈ-a. Miˬ zaˬ yo zaˬ tiˬ gʼaˬ tiˇ gʼaˬ nui kʼahˇ jaˆ-eu loꞈ-ehˇ, nawˬ-euˬ Miˬyehˇ kʼawꞈ nawˬ-ahˇ nui kʼahˇ jaˆ tehꞈ-a.

Iˇsaˬyaˇ 65:19

Yeˬluˇsaˬlehˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ, ngaˬ-euˬ gʼawˇ mawˇ laˬ kʼaˬ ya cehˇ tehꞈ-a. Kʼoeˇ gaˇ noeˬ shaˬ noeˬ zahˬ-eu maˬ jaˆ-ehˇ, caw ba nehˬ laꞈ lehˇ ngoeˇ-eu maˬ paˇ ya gaˬ meh.

Yeˬlaˬmiˇ 3:14

“Saˇ jaˇ maˬ ziꞈ-eu tsawˇ haˬ deuˬ-oˇ, gʼoꞈ laˇ-awˬ. Naw maꞈ ngaˬ-euˬ tsawˇ haˬ pyeuꞈ-eu ma. Meuˬ tiˬ meuˬ laꞈ kʼoeˇ naw maꞈ tsawˇ haˬ tiˬ gʼaˬ hawˇ-eu, aˇ jeuˬ tiˬ jeuˬ laꞈ kʼoeˇ nyiˬ gʼaˬ kuˇ doˆ-awˇ, Ziˇoˬ gawˬ jawˬ kʼoeˇ taˆ sheuˬ kʼoꞈ laꞈ ma.

Yeˬlaˬmiˇ 32:41

Aˬ yawꞈ maꞈ-ahˇ yaw muiˬ jeˬ mˇ nehˬ-eu gʼaˇ duˬ ngaˇ laˬ kʼaˬ cehˇ-awˇ, miˇ kʼahˬ heu kʼahˬ laꞈ kʼoeˇ ziꞈ dah ni bi dehꞈ ma.

Yeˬlaˬmiˇ 33:9

Yeˬluˇsaˬlehˬ meuˬ-aˬ, laˬ kʼaˬ cehˇ-eu jeˬ, taˬ huiˬ taˬ mahˇ nehˬ-eu jeˬ hawˇ-eu, yaw shehꞈ kʼahˇ sehˇ huiˬ-eu jawˇ duˬ pyeuꞈ laˇ tehꞈ-a. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh jahˇ nehˬ-euˬ yaw muiˬ jeˬ hawˇ-eu, Yeˬluˇsaˬlehˬ meuˬ-ahˇ ngaˬ neh biꞈ nehˬ-euˬ baw le za le-eu guiˬ lahˬ gaˇ kawˆ ya gaˬ ngeh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-awˇ yaw dzuˬ dzuˬ tehꞈ-a.”

Yeˬsaˬgeˬlaˇ 36:35

Bawˇ tsahˬ bawˇ dahˇ dahˇ-iˇ-euˬ miˇ kʼahˬ heu kʼahˬ, Eˬdeˬ yaˇ kmˇ loꞈ-ehˇ muiˬ laˇ-euˬ gaˇ kawˆ hawˇ-eu, aˬ cawˬ neh pyuˇ shuiˇ myawˬ gahˬ bi yuˇ geuꞈ jiˇ-euˬ uˬ taꞈ, bi deh pyaˆ bi deh shaˆ-awˇ yaw cawˆ-ehˇ byehˇ dzeh yaꞈ-euˬ meuˬ deuˬ, tsawˇ haˬ paˇ jawˇ byah-awˇ laˆ ziꞈ taˬ-euˬ gaˇ kawˆ, tsawˇ haˬ yawˬ gʼaˬ na luꞈ ja tehꞈ-a.

Hawˇseˬ 2:21

Aˇ nah aˇ yamˬ kʼoeˇ keuˆ laˇ ngeh, ngaˬ-euˬ tsawˇ jeuˬ Iˇsaˬleˬlaˆ shaˇ-euˬ dawˬ-ahˇ ngaˇ naˇ haˬ ma. Miˇ tsaˬ tahˬ kʼawˇ heu-euˬ kʼoeˇ taˆ, uˬ yehˇ yehˇ le ni ngaˇ jahˇ ma. Cehˇ, aˬ gaꞈ, saˬ loˬ heu deuˬ-ahˇ, miˇ tsaˬ neh bi loˆ le tehꞈ-a.

Zeˬpaˬniˇ 3:17

Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

Maˬlaˬkiˇ 3:12

Kʼoeˇ naˇ, miˇ kʼahˬ tsawˇ jeuˬ dawˬ tawˆ luꞈ, naw maꞈ-ahˇ guiˬ lahˬ huiˬ-eu tsawˇ jeuˬ lehˇ kuˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ miˇ kʼahˬ-aˬ, jawˇ muiˬ dui dui-eu miˇ kʼahˬ meh.”

Yoˇhaˬ 3:29

Smˇ miˇ iˇ-eu zaˬ miˬ-aˬ, miˬ zaˬ laˬ-eu zaˬ yo-ahˇ oꞈ-eu meh. Miˬ zaˬ sheuˬ-eu gʼaˬ-euˬ dawˬ peh yawꞈ caw nehˬ-awˇ naˇ haˬ luꞈ-eu aˬ yawꞈ-euˬ cawˬ kʼoeˇ gʼaˬ-aˬ, miˬ zaˬ sheuˬ-eu gʼaˬ-euˬ dawˬ-ahˇ ya gaˬ ngeh, laˬ kʼaˬ cehˇ-eu meh. Kʼoeˇ gaˇ duˇ ni, nymˬ-mˇ ngaˇ laˬ kʼaˬ cehˇ-eu jeˬ byah miˇ-a.

2 Gawˇliˬtu 11:2

Miˬyehˇ naw maꞈ-ahˇ nui ma maˬ shiˇ-eu loꞈ-ehˇ, ngaˇ kʼawꞈ naw maꞈ-ahˇ nui ma maˬ shiˇ nya. Naw maꞈ miˬ shuiꞈ tiˬ gʼaˬ loꞈ-ehˇ Ka li tiˬ gʼaˬ-ahˇ tehꞈ-ehˇ bi dahˬ dzaˬ-iˇ-eu gʼaˇ duˬ saˇ jaˇ dzaˬ nehˬ-euˬ gʼaˬ ngaˇ ma.

Dawˬmehˬ 30:9

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ nawˬ-ahˇ bi baw bi za le tehꞈ-a. Nawˬ-euˬ zaˬ deuˬ jeuˬ le o le-awˇ, nawˬ-euˬ mawˇ nyoˬ jeˬ kaˇ myaˬ laˇ behˇ laˇ-eu uˬ taꞈ, nawˬ-euˬ deh yaˇ-ahˇ dzaˬ la gʼo cehˇ za dui dui le tehꞈ-a. Nawˬ-euˬ aˬ poeˬ aˬ bawˇ deuˬ baw le za le ni mˇ nehˬ-eu gʼaˇ duˬ aˬ yawꞈ laˬ kʼaˬ cehˇ-eu loꞈ-ehˇ, nawˇ baw le za le ni mˇ nehˬ-eu gʼaˇ duˬ kʼawꞈ, aˬ yawꞈ laˬ kʼaˬ cehˇ tehꞈ-a.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.

1 Beˬtuˆluˆ 2:10

Yaw beh-aˬ, naw maꞈ Miˬyehˇ-euˬ tsawˇ haˬ maˬ ngeuˇ-a. Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ pyeuꞈ laˇ-euˬ meh. Yaw beh Miˬyehˇ gʼawˬ shaˬ gaˬ-eu jeˬ-ahˇ naw maꞈ maˬ siˬ nya-aˬ. Ehˇ kʼawꞈ, nymˬ-mˇ aˬ yawꞈ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.

Panmaeq 21:2

Kʼoeˇ ngeh, Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-aˬ, smˇ miˇ iˇ-eu lehˇ gʼeh-eu zaˬ miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ jawˇ gaˇ iˇ-eu lehˇ dm gʼaˬ dm lmˇ tiˬ kuꞈ dm-awˇ lehˬ hmˬ taˬ-euˬ loꞈ-ehˇ, mˬ-ahˇ Miˬyehˇ jawˇ gaˇ neh zaꞈ ka le-euˬ meh.