Iˇsaˬyaˇ 62:10 - Akha

¹⁰ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tsawˇ haˬ deuˬ gʼoꞈ laˇ-eu gʼaˇ duˬ, meuˬ laꞈ nyiˇ doˆ-iˇ-awˇ gaˇ ma shaˇ dahˇ nehˬ-awˬ. Gaˇ jawˬ jawˬ ma shaˇ dahˇ nehˬ-awˇ, kʼaˬ lo maˬ bi tsoeˬ ni ngawˬ dzeh jiˇ-awˇ, miˇ kʼahˬ tsawˇ jeuˬ deuˬ siˬ nya ni byaꞈ byaꞈ taˬ-awˬ.

Iˇsaˬyaˇ 62:10 ပူးပေါင်းရင်းမြစ်များ

Jaceuq 24:7

Gʼoˆ kʼehˬ deuˬ-oˇ, pah dzeh taˬ-awˬ. aˇhu-euˬ laˇgʼoˆdeuˬ pah-awˬ. Huiˬ-eu Sahˬpaˬ bi uˇ le law.

Jaceuq 68:4

Miˬyehˇ-ahˇ caˇ-awˇ ja ceuˬ-awˬ. Aˬ yawꞈ-euˬ tsawˇ myahˇ-ahˇ caˇ-awˇ ja ceuˬ-awˬ. Mˬ dmˇ dziˬ-awˇ cah luꞈ-eu gʼaˬ-ahˇ, caˇ dawˬ caˇ-awˇ ciˬ huiˬ ciˬ mahˇ nehˬ-awˬ. Aˬ yawꞈ-euˬ tsawˇ myahˇ Sahˬpaˬ Miˬyehˇ meh. Aˬ yawꞈ mehˬ shi laˬ kʼaˬ cehˇ-awˬ.

Doˆ-iˇ 17:15

Moˇseˬ lawˇ duˬ tiˬ tsahˇ tsoˆ-awˇ, lawˇ duˬ kʼoeˇ hmˬ-ahˇ, ‘Sahˬpaˬ Miˬyehˇ-aˬ, ngaˬ-euˬ Paˇloˬpaˇlehˇ pyeuꞈ-eu meh’ lehˇ myahˇ nehˬ-euˬ meh.

Iˇsaˬyaˇ 11:10

Daˬbiˇ-euˬ aˇ jeuˬ aˇ ca laꞈ kʼoeˇ sahˬ paˬ yaw shuiꞈ tiˬ gʼaˬ doˆ laˇ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ bi siˬ bi mawˇ-eu aˇ nah keuˆ le tehꞈ-a. Aˬ yawꞈ dzoeˬ dzaˬ-eu meuˬ-ahˇ, aˬ yawꞈ maꞈ uiˬ laˇ-awˇ, aˬ yawꞈ-ahˇ taˬ huiˬ taˬ mahˇ tehꞈ-a.

Iˇsaˬyaˇ 11:12

Tsawˇ jeuˬ dawˬ tawˆ luꞈ-ahˇ aˬ yawꞈ paˇ loˬ paˇ lehˇ ka tuˇ mehˬ nehˬ-awˇ, byehˇ dzeh taˬ-eu Iˇsaˬleˬlaˆ tsawˇ haˬ deuˬ hawˇ-eu, iˇ byoˆ taˬ-euˬ Yuˇdaˆ tsawˇ haˬ deuˬ-ahˇ, miˇ ma oeˬ coeˇ oeˬ pyawˬ doe ni, kuˇ kʼoꞈ uiˬ laꞈ tehꞈ-a.

Iˇsaˬyaˇ 11:16

Iˇsaˬleˬlaˆ tsawˇ haˬ-euˬ aˬ poeˬ aˬ bawˇ deuˬ, Iˇjiˇtuˆ miˇ kʼahˬ-ahˇ doˆ le ngeh gaˇ jawˬ dahˇ-euˬ loꞈ-ehˇ, Aˬshuˇliˆ miˇ kʼahˬ-ahˇ dzeˇ-eu Iˇsaˬleˬlaˆ tsawˇ haˬ deuˬ gʼaˇ duˬ, Aˬshuˇliˆ miˇ kʼahˬ-ahˇ neh gaˇ jawˬ dahˇ doˆ tehꞈ-a.

Iˇsaˬyaˇ 18:3

Miˇ tsaˬ kʼoeˇ taˆ kʼaˇ jawˇ-eu tsawˇ haˬ zaˬ deuˬ-oˇ, gawˬ jawˬ kʼoeˇ taˆ paˇ loˬ paˇ lehˇ baꞈ tuˇ laˇ gaˇ haw-awˇ, daˇ heh baw doˆ laˇ-eu teˇ saˇ ahˇ naˇ haˬ taˬ-awˬ.

Iˇsaˬyaˇ 19:23

Aˇ nah aˇ yamˬ kʼoeˇ keuˆ le ngeh, Iˇjiˇtuˆ miˇ kʼahˬ hawˇ-eu Aˬshuˇliˆ miˇ kʼahˬ yaw kaˬ-ahˇ, gaˇ jawˬ jawˬ ma dahˇ laˇ tehꞈ-a. Miˇ kʼahˬ kʼoeˇ nyiˬ kʼahˬ-ahˇ jawˇ-eu miˇ kʼahˬ zaˬ deuˬ iˇ tawꞈ laˇ tawꞈ-awˇ, tiˬ kawˆ loꞈ-ehˇ uˬ duˬ tahˬ taꞈ tehꞈ-a.

Iˇsaˬyaˇ 26:1

Yuˇdaˆ miˇ kʼahˬ laꞈ kʼoeˇ caˇ dawˬ heu bymˇ ya caˇ-eu aˇ nah keuˆ le tehꞈ-a. Aˬ dui-euˬ meuˬ ziꞈ dui dui meh. Meuˬ meuˬ lahˇ-ahˇ Miˬyehˇ haw piˇ luꞈ meh.

Iˇsaˬyaˇ 26:2

Meuˬ lahˇ kʼehˬ laˇ gʼoˆ pah-awˇ, yaw tsaˬ yaw dawˇ jeˬ mˇ-eu, saˇ jaˇ ziꞈ-eu tsawˇ jeuˬ bi uˇ laˇ-awˬ.

Iˇsaˬyaˇ 35:8

“Muiˬ-eu shawˇ-eu gaˇ jawˬ” lehˇ kuˇ-eu gaˇ jawˬ tiˬ kahˇ, kʼoeˇ gaˇ dahˇ laˇ tehꞈ-a. Iˬ baˇ zaˬ deuˬ gaˇ jawˬ kʼoeˇ kahˇ maˬ cah-ehˇ, dawˇ ga deuˬ kʼoeˇ gaˇ gaˇ bahˬ maˬ bahˬ-a.

Iˇsaˬyaˇ 35:9

Aˇ laˬ jaˬ shiˇ deuˬ kʼoeˇ gaˇ maˬ jawˇ-ehˇ, haiˬ-eu jeˬ zaˬ kʼoeˇ gaˇ maˬ cah tsehˆ-a. Sahˬpaˬ Miˬyehˇ neh ka kʼoꞈ nehˬ-euˬ tsawˇ haˬ deuˬ, iˇ kahˇ gʼoꞈ leˇ-eu gaˇ ma meh.

Iˇsaˬyaˇ 40:3

Teˇ saˇ guˇ doˆ laˇ gaˇ naˇ haˬ sheˇ. “Sahˬpaˬ Miˬyehˇ gʼaˇ duˬ bawˇ tsahˬ bawˇ dahˇ-ahˇ gaˇ ma shaˇ dahˇ-awˬ. Aˬ dui-euˬ Miˬyehˇ gʼaˇ duˬ kʼaˇ shuiꞈ deh-ahˇ gaˇ ma laˆ saˆ-awˬ.

Iˇsaˬyaˇ 40:4

Gʼaˬ lawˬ dawˬ tawˆ luꞈ duˬ dzm-awˇ, gawˬ jawˬ dawˬ tawˆ luꞈ duˬ byaˆ-awˬ. Gawˬ duˇ-ahˇ deh saˇ saˇ laˇ-awˇ, kuˬ kaˬ kuˬ hiˇ saˇ lehˆ ni pyeuꞈ laˇ tehꞈ-a.

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Iˇsaˬyaˇ 49:11

“Gawˬ jawˬ nyiˬ tsehˆ-ehˇ gaˇ jawˬ shaˇ dahˇ-awˇ, ngaˬ-euˬ tsawˇ haˬ deuˬ gʼaˇ duˬ gaˇ ma bi dahˇ ma.

Iˇsaˬyaˇ 49:22

Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ , aˬ yawꞈ-euˬ tsawˇ haˬ-ahˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ deuˬ-ahˇ ngaˇ laꞈ liˆ liˆ nehˬ ngeh, nawˬ-euˬ zaˬ deuˬ aˬ yawꞈ maꞈ sheuˬ kʼoꞈ laꞈ tehꞈ-a.

Iˇsaˬyaˇ 52:11

Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

Iˇsaˬyaˇ 57:14

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ ngaˇ jawˇ gaˇ gʼoꞈ laˇ-eu gʼaˇ duˬ, gaˇ jawˬ lehˬ hmˬ laˆ saˆ dahˇ-awˇ, gaˇ ma-ahˇ tsoeˬ-eu jeˬ yuˇ dzeh jiˇ-awˬ.

Iˇsaˬyaˇ 60:11

Miˇ kʼahˬ sahˬ paˬ deuˬ pyuˇ shuiˇ myawˬ gahˬ sha ha le nya ni, uˬ ciꞈ nah gʼahˇ maˬ ehˇ nawˬ-euˬ meuˬ lahˇ laˇ gʼoˆ pah dzeh taˬ ma.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Iˇsaˬyaˇ 66:19

Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. “Ehˇ kʼawꞈ aˬ yawꞈ maꞈ tiˬ paˆ na deuˬ-ahˇ ngaˇ maˬ kʼehˬ ni bi dzeuˇ-iˇ-awˇ, ngaˇ tsawˇ myahˇ doˆ-eu gaˇ kawˆ maˬ ya gaˬ haw-ehˇ, ngaˬ-euˬ baoˬ hawˇ-eu yaw shehꞈ kʼahˬ sehˇ-ahˇ maˬ ya mawˇ haw-euˬ tsawˇ jeuˬ deuˬ hawˇ-eu, gaˇ mahˇ kaˬ gaˇ jaˆ-eu miˇ kʼahˬ deuˬ-ahˇ, aˬ yawꞈ maꞈ-ahˇ ngaˇ pyehˬ gʼeh ma. Saˬbeˬ miˇ kʼahˬ hawˇ-eu Liˆbyaˇ miˇ kʼahˬ-ahˇ maˬ ehˇ, kaˆ beuˆ nya dui dui-eu deuˬ jawˇ-eu Luˇdeˬ miˇ kʼahˬ-ahˇ maˬ ehˇ, Tuˇbaˬlaˇ miˇ kʼahˬ hawˇ-eu Heˬlaˬsaˇ miˇ kʼahˬ-ahˇ maˬ ehˇ, aˬ yawꞈ maꞈ-ahˇ ngaˇ pyehˬ gʼeh ma. Miˇ kʼahˬ heu deuˬ laꞈ kʼoeˇ, ngaˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja byah tehꞈ-a.

Yeˬlaˬmiˇ 18:15

Ehˇ kʼawꞈ, ngaˬ-euˬ tsawˇ haˬ ngaˬ-ahˇ ngehˇ-awˇ, tahˬ pahˬ aˬ ma-ahˇ tsiˇ yaw saw doꞈ damˬ-euˬ meh. Aˬ yawꞈ maꞈ iˇ-eu gaˇ ma-ahˇ sahˬ tiꞈ tiꞈ-awˇ, gaˇ ma yaw oeˇ kahˇ-ahˇ maˬ paˇ cah-ehˇ, maˬ dzehꞈ dahˇ-euˬ gaˇ ma-ahˇcah-eu meh.

Yeˬlaˬmiˇ 4:6

Ziˇoˬ meuˬ-ahˇ le-eu gaˇ ma toeˬ mehˬ nehˬ-awˬ. Maˬ nyi naˬ ni cehˆ dui dui-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh Sahˬpaˬ Miˬyehˇ pyehˬ gʼeh leꞈ meh.

Yeˬsaˬgeˬlaˇ 26:2

“Tsawˇ haˬ zaˬ-oˇ, Duˇlu meuˬ-ahˇ jawˇ-eu tsawˇ haˬ deuˬ laˬ kʼaˬ cehˇ-awˇ, heu loꞈ-ehˇ guˇ luꞈ meh. ‘Yeˬluˇsaˬlehˬ meuˬ pyaˆ-iˇ gʼaˬ meh. Aˬ yawꞈ jeˬ gaꞈ jeˬ ka maˬ paˇ gʼeh nya ehˇ, aˬ dui tehꞈ-ehˇ nui kʼahˇ tiˬ shiˇ ya gaꞈ ya ka-eu ngaˇ’ lehˇ guˇ luꞈ meh.

Maꞈtehˬ 22:9

Kʼoeˇ miˇ neh, gaˇ jawˬ doe ni iˇ-awˇ, kʼaˇ mawˇ le-eu tsawˇ haˬ deuˬ-ahˇ, oeˇ mˇ baˇ-eu bawˬ-iˬ gʼeh gaˇ laˇ-awˬ lehˇ kuˇ laˬ-iˇ-awˬ.’

HeˬByehˇ 12:13

Kuiˇ shiˇ shiˇ-eu tsawˇ haˬ yoeˬ tsuiꞈ maˬ bi jiˆ paˇ-iˇ-eu uˬ taꞈ, bi taˬ leˇ nya-eu gʼaˇ duˬ yaw tsaˬ yaw dawˇ gaˇ ma-ahˇ cah-awˬ.