Iˇsaˬyaˇ 60:6 - Akha

⁶ Miˇdiˬyaˬ miˇ kʼahˬ hawˇ-eu Eˇpaˬ miˇ kʼahˬ-ahˇ neh, myawˬ tawˬ luꞈ-eu law taw baꞈ maꞈ nawˇ jawˇ gaˇ oe tehꞈ-a. Sheˬba miˇ kʼahˬ-ahˇ neh aˬ yawꞈ maꞈ doˆ laˇ-awˇ, shuiˇ hawˇ-eu tsiˇ yaw saw tawˬ laꞈ tehꞈ-a. Sahˬpaˬ Miˬyehˇ-euˬ guiˬ lahˬ-ahˇ, miˇ kʼahˬ zaˬ deuˬ ja byah tehꞈ-a.

Iˇsaˬyaˇ 60:6 ပူးပေါင်းရင်းမြစ်များ

Aˇ dahˬ 10:7

Kuˇshaˆ-euˬ zaˬ deuˬ uˆ deuˬ-aˬ, Seˬbaˇ tsawˇ jeuˬ, Haˬbiˇlaˬ tsawˇ jeuˬ, Saˬbaˬtah tsawˇ jeuˬ, Laˬmaˬ tsawˇ jeuˬ, Saˬteˬkaˬ tsawˇ jeuˬ, heu deuˬ pyeuꞈ-eu meh. Laˬmaˬ-euˬ zaˬ deuˬ uˆ deuˬ-aˬ, Sheˬba tsawˇ jeuˬ hawˇ-eu Deˬdaˬ tsawˇ jeuˬ pyeuꞈ-eu meh.

Aˇ dahˬ 25:13

Aˬ yawꞈ-euˬ aˬ li deuˬ-aˬ, Neˬbaˬyoˇ, Geˬdaˬ, Aˬdaˬbeˬlaˇ, Miˇbaˬsaˬ,

1 Sahˬpaˬ 10:2

Aˬ yawꞈ le ngeh, zaˬ kʼaˆ gʼawˬ mya ni sheuˬ gʼeh-awˇ, dzaˇ muiˇ dzaˇ sawˇ, tsiˇ yaw saw jeˬ, aˇ poeˬ kʼaˆ-eu kʼaˬ lo sehˇ deuˬ hawˇ-eu, shuiˇ gʼawˬ mya ni law taw neh tawˬ-awˇ le-euˬ meh. Sawˇlaˬmoˬ-ahˇ aˬ yawꞈ tahˬ puˬ ngeh, aˬ yawꞈ kʼaˇ noeˬ doˆ nya-eu jeˬ dawˬ tawˆ luꞈ naˇ haˬ-euˬ meh.

2 Sahˬpaˬ 8:9

Kʼoeˇ ngeh, Daˬmaˬsehˇ meuˬ-ahˇ doˆ-eu muiˬ dui dui-eu myawˬ gahˬ deuˬ, law taw oeˬ tseˇ mawˇ kʼoeˇ taˆ Haˬzeˬlaˇ kaꞈ daˆ-awˇ, Eˇliˇshehˇ jawˇ gaˇ iˇ-euˬ meh. Eˇliˇshehˇ-ahˇ aˬ yawꞈ ya mawˇ ngeh heu loꞈ-ehˇ ehˇ nehˬ-euˬ meh. “Nawˬ-euˬ zaˬ kʼaˆ pyeuꞈ-eu sahˬ paˬ Beˬhaˬdaˇ ngaˬ-ahˇ pyehˬ gʼeh leꞈ-awˇ, aˬ yawꞈ-euˬ naˇ gawˇ taˬ leˇ nya meh loˇ lehˇ bi naˇ haˬ le-euˬ meh.”

1 Laˬsaˬbaˬ 1:33

Miˇdiˬyaˬ-aˬ, Eˇpaˬ, Eˇpeuˬ, Haˬnoˆ, Aˬbiˇdaˬ, Eˇlaˬdaˬ lehˇ kuˇ-euˬ aˬ li ngaˬ li jawˇ-eu meh.

2 Laˬsaˬbaˬ 9:1

Sawˇlaˬmoˬ tsawˇ myahˇ doˆ-eu gaˇ kawˆ Sheˬba sahˬ paˬ ma ya gaˬ ngeh, naꞈ dui dui-eu dawˬ deuˬ naˇ haˬ-awˇ tsawˇ gahˇ teh haw-eu gʼaˇ duˬ, Yeˬluˇsaˬlehˬ meuˬ-ahˇ le-euˬ meh. Aˬ yawꞈ le ngeh, zaˬ kʼaˆ gʼawˬ mya ni sheuˬ gʼeh-awˇ, dzaˇ muiˇ dzaˇ sawˇ, tsiˇ yaw saw jeˬ, aˇ poeˬ kʼaˆ-eu kʼaˬ lo sehˇ deuˬ hawˇ-eu, shuiˇ gʼawˬ mya ni, law taw neh tawˬ-awˇ le-euˬ meh. Sawˇlaˬmoˬ-ahˇ aˬ yawꞈ tahˬ puˬ ngeh, aˬ yawꞈ kʼaˇ noeˬ doˆ nya-eu yawˬ jeˬ na luꞈ naˇ haˬ-euˬ meh.

Jaceuq 67:4

Tsawˇ haˬ zaˬ-ahˇ nawˇ dawˇ coe ni yaˇ kʼaˬ daˇ-awˇ, tsawˇ jeuˬ yawˬ jeuˬ na luꞈ-ahˇ gaˇ ma sheuˬ mehˬ-eu miˇ neh, tsawˇ jeuˬ dawˬ tawˆ luꞈ laˬ kʼaˬ cehˇ-eu caˇ dawˬ caˇ luꞈ-uˇ.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Jaceuq 72:15

Sahˬ paˬ ziˇ baw ziˇ za luꞈ-uˇ. Sheˬba miˇ kʼahˬ-ahˇ jaˆ-eu shuiˇ deuˬ aˬ yawꞈ-ahˇ damˬ nehˬ luꞈ-uˇ. Aˬ yawꞈ gʼaˇ duˬ aˬ cawˬ aˬ myah luꞈ guiˬ lahˬ shaˇ nehˬ luꞈ-uˇ. Miˬyehˇ-euˬ guiˬ lahˬ yaw dzahˇ aˬ yawꞈ kʼoeˇ taˆ maˬ tsehˆ leˇ ni jaˆ luꞈ-uˇ.

Iˇsaˬyaˇ 30:6

Heu-aˬ, laꞈ oˆ paw kʼaˇ shuiꞈ deh yaˇ-ahˇ jawˇ-eu, jeˬ zaˬ deuˬ-ahˇ taꞈ-eu Miˬyehˇ-euˬ dawˬ meh. “Aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ deuˬ jawˇ duˬ, zaw nya-eu byaˆ yahˬ deuˬ gaˆ dzaˬ luꞈ-eu guˆ laˇ paˬ-ehˇ gʼeh-eu jawˇ duˬ tiˬ tsahˇ-ahˇ, miˇ kʼahˬ tsawˇ kaˬ geuꞈ-eu deuˬ cah tsehˆ luꞈ-eu meh. Aˬ yawꞈ maꞈ-ahˇ ngehˬ maˬ gʼeh nehˬ nya-eu tsawˇ jeuˬ gʼaˇ duˬ, aˇ poeˬ kʼaˆ dui dui-eu laꞈ sawˬ deuˬ-ahˇ, mahˬ tahˬ laˆ neh tawˬ-awˇ cah luꞈ-eu meh.

Iˇsaˬyaˇ 42:10

Sahˬpaˬ Miˬyehˇ-ahˇ caˇ dawˬ yaw shuiꞈ caˇ-awˇ ja ceuˬ-awˬ. Miˇ tsaˬ dawˬ tawˆ aˬ yawꞈ-ahˇ caˇ-awˇ ja ceuˬ-awˬ. Iˬ ma laˆ shaˆ kʼoeˇ taˆ cah-eu tsawˇ haˬ dawˬ tawˆ, laˆ shaˆ laꞈ kʼoeˇ kʼaˇ uˇ-eu jeˬ dawˬ tawˆ, aˬ yawꞈ-ahˇ ja ceuˬ-awˬ. Gaˇ mahˇ-ahˇ jaˆ-eu miˇ kʼahˬ deuˬ hawˇ-eu, kʼoeˇ gaˇ kʼaˇ jawˇ kʼaˇ deuˬ aˬ yawꞈ-ahˇ ja ceuˬ-awˬ.

Iˇsaˬyaˇ 45:14

Iˇsaˬleˬlaˆ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ hawˇ-eu Suˬdaˬ miˇ kʼahˬ laꞈ kʼoeˇ jaˆ-eu pyuˇ shuiˇ myawˬ gahˬ, dawˬ tawˆ luꞈ nawˬ-euˬ meh. Caˇ gawˬ goˇ-eu Seˬbaˇ tsawˇ haˬ kʼoeˇ deuˬ nawˬ-euˬ zaˬ kʼaˆ geuꞈ-awˇ, shmˇ caˆ daˬ-awˇ nawˬ-euˬ mehˬ nah caw teh tehꞈ-a. Naw maꞈ mehˬ shi aˬ yawꞈ maꞈ awˆ byaˆ-awˇ, heu loꞈ-ehˇ ehˇ tehꞈ-a. ‘Naw maꞈ nehˬ-ehˇ Miˬyehˇ jawˇ meh. Aˬ yawꞈ tehꞈ-ehˇ maˇ maˇ ni Miˬyehˇ meh.

Iˇsaˬyaˇ 60:9

Sahˬpaˬ Miˬyehˇ-euˬ tsawˇ haˬ sheuˬ kʼoꞈ ha laˇ-eu gʼaˇ duˬ, gaˇ mahˇ kaˬ gaˇ neh oe-euˬ saˇ baoˬ meh. Tsawˇ jeuˬ dawˬ tawˆ luꞈ aˬ yawꞈ-euˬ tsawˇ jeuˬ-ahˇ taˬ huiˬ ni jahˇ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-euˬ tsawˇ myahˇ-ahˇ taˬ huiˬ taˬ mahˇ nehˬ-eu gʼaˇ duˬ, pyuˇ hawˇ-eu shuiˇ deuˬ aˬ yawꞈ maꞈ yuˇ laꞈ-euˬ meh.

Iˇsaˬyaˇ 61:6

Naw maꞈ-ahˇ Sahˬpaˬ Miˬyehˇ-euˬ piˇ ma lehˇ kuˇ-awˇ, aˬ dui Miˬyehˇ-euˬ gʼaˬ zaˬ lehˇ myahˇ tehꞈ-a. Miˇ kʼahˬ tsawˇ jeuˬ deuˬ-euˬ pyuˇ shuiˇ naw maꞈ dzaˬ-awˇ, aˬ yawꞈ maꞈ-euˬ pyuˇ shuiˇ myawˬ gahˬ, naw maꞈ-euˬ kʼahˬ sehˇ pyeuꞈ tehꞈ-a.

Yeˬlaˬmiˇ 6:20

Sheˬba miˇ kʼahˬ-ahˇ jaˆ-eu tsiˇ yaw saw hawˇ-eu, gaˇ mahˇ kaˬ-eu miˇ kʼahˬ-ahˇ jaˆ-eu pawˬ coeˇ yaw saw jeˬ, ngaˬ-ahˇ aˬ yawꞈ maꞈ damˬ laˇ gaˇ laˬ kʼaˬ maˬ cehˇ. Aˬ yawꞈ maꞈ damˬ nehˬ laꞈ-euˬ jeˬ ngaˇ maˬ ha geuꞈ. Aˬ yawꞈ maꞈ lawˇ-eu jeˬ-ahˇ ngaˇ laˬ kʼaˬ maˬ cehˇ.

Yeˬsaˬgeˬlaˇ 27:22

Sheˬba baw gaꞈ deuˬ hawˇ-eu Laˬmaˬ baw gaꞈ deuˬ-aˬ, aˇ poeˬ kʼaˆ-eu kʼaˬ lo sehˇ deuˬ, shuiˇ deuˬ hawˇ-eu muiˬ dui dui-eu yaw saw gʼawˬ mya jeˬ yuˇ leꞈ-awˇ, nawˬ-euˬ myawˬ paˇ geuꞈ le-eu meh.

Zeˬpaˬniˇ 3:10

Suˬdaˬ miˇ kʼahˬ gaˇ mahˇ kaˬ gaˇ, cehˆ jawˇ-iˇ-euˬ tsawˇ haˬ deuˬ kʼawꞈ, ngaˬ-ahˇ lawˇ laˇ shehˇ laˇ tehꞈ-a.

Zaˬkaˬliˇ 14:16

Kʼoeˇ naˇ, Yeˬluˇsaˬlehˬ meuˬ-ahˇ guiˇ kʼaˇ deuˆ laˇ-euˬ miˇ kʼahˬ deuˬ laꞈ kʼoeˇ, maˬ shiˇ ni kʼaˇ dzeuˇ-iˇ-euˬ tsawˇ haˬ dawˬ tawˆ luꞈ, kʼoeˇ gaˇ le-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu sahˬ paˬ-ahˇ uˬ duˬ tahˬ-awˇ, Sehˬ gʼawˆ-euˬ Bawˬ-iˬ gʼeh leˇ tehꞈ-a.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Lormav 15:9

Kʼoeˇ tehꞈ-ehˇ maˬ ngeuˇ ni, Miˬyehˇ gʼawˬ shaˬ gaˬ-eu jeˬ baˬ da neh Yuˇdaˆ tsawˇ haˬ maˬ ngeuˇ-eu deuˬ kʼawꞈ Miˬyehˇ-ahˇ ja ceuˬ nya laˇ ni mˇ le-euˬ jeˬ kʼawꞈ pyeuꞈ-eu meh. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Kʼoeˇ miˇ neh nawˬ-euˬ tsawˇ myahˇ-ahˇ, aˬ cawˬ tsawˇ jeuˬ tsahˬ-ahˇ jawˇ-awˇ, ja ceuˬ-eu caˇ dawˬ ngaˇ caˇ ma.”

Dawˬmehˬ 32:43

“Miˇ kʼahˬ tsawˇ jeuˬ dawˬ tawˆ luꞈ-oˇ, Sahˬpaˬ Miˬyehˇ-euˬ tsawˇ haˬ-ahˇ, naw maꞈ ya ja ceuˬ gaˇ keuˆ meh. Aˬ yawꞈ maꞈ-ahˇ sehꞈ-eu deuˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a. Muiˇ-eu deuˬ-ahˇ laꞈ poˆ poˆ-awˇ, aˬ yawꞈ-euˬ tsawˇ haˬ deuˬ-ahˇ-aˬ, aˬ yawꞈ iˬ baˇ pyehˬ nehˬ tehꞈ-a.”

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

Yaˇ kʼaˬ daˇ 6:5

Aˬ yawꞈ maꞈ-aˬ, aˬ yawꞈ maꞈ-euˬ jeˬ zaˬ teh-awˇ, aˬ yawꞈ maꞈ-euˬ sehˬ gʼawˆ tawˬ-awˇ oe ngeh, nyehˇ bahˇ baˬ maꞈ loꞈ-ehˇ myaˬ dui dui-eu meh. Aˬ yawꞈ maꞈ hawˇ-eu aˬ yawꞈ maꞈ-euˬ law taw deuˬ maˬ gui jiˇ coeˇ-a. Aˬ yawꞈ maꞈ oe-awˇ miˇ kʼahˬ kʼoeˇ kʼahˬ-ahˇ laˆ luˬ laˆ seˇ-euˬ meh.

Yaˇ kʼaˬ daˇ 7:12

Miˇdiˬyaˬ tsawˇ haˬ, Aˬmaˬlehˇ tsawˇ haˬ hawˇ-eu, nahˇ ma doˆ kʼehˬ paw jawˇ-eu tsawˇ jeuˬ deuˬ, deh kʼawꞈ kʼawꞈ lah ni nyehˇ bahˇ baˬ maꞈ uiˬ leˇ taˬ-euˬ loꞈ-ehˇ jawˇ byah taˬ-awˇ, aˬ yawꞈ maꞈ-euˬ law taw deuˬ kʼawꞈ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu meh.