Iˇsaˬyaˇ 60:2 - Akha

² Tsawˇ jeuˬ nui deuˬ yaw zahˇ bi pymˬ tehˬ kʼawꞈ, nawˬ-euˬ kʼoeˇ taˆ Sahˬpaˬ Miˬyehˇ-euˬ yaw shehꞈ bya le-awˇ, aˬ yawꞈ yaw shehꞈ kʼahˬ sehˇ nawˬ nehˬ-ehˇ jawˇ tehꞈ-a.

Iˇsaˬyaˇ 60:2 ပူးပေါင်းရင်းမြစ်များ

1 Sahˬpaˬ 8:11

Kʼoeˇ ngeh, mˇ paˬ-ehˇ jaˆ-eu jeˬ paˇ gʼoꞈ mˇ leˇ-eu gʼaˇ duˬ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ maˬ gʼoꞈ uˇ leˇ nya-a. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ baoˬ mˬ dmˇ laꞈ kʼoeˇ yaw shehꞈ bya luꞈ-eu meh.

Jaceuq 102:16

Ziˇoˬ meuˬ-ahˇ Sahˬpaˬ Miˬyehˇ paˇ tsoˆ muiˬ ngeh, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Iˇsaˬyaˇ 2:5

Yaˬkoˆ-euˬ zaˬ deuˬ uˆ deuˬ-oˇ, Sahˬpaˬ Miˬyehˇ-euˬ yaw shehꞈ laꞈ kʼoeˇ, aˬ dui cah gʼeh kaˇ-euˇ.

Iˇsaˬyaˇ 4:5

Kʼoeˇ naˇ, Ziˇoˬ gawˬ jawˬ hawˇ-eu kʼoeˇ gaˇ kʼaˇ uiˬ leˇ taˬ-euˬ tsawˇ haˬ deuˬ kʼoeˇ taˆ, nah gʼahˇ paw Sahˬpaˬ Miˬyehˇ mˬ dmˇ pyehˬ gʼeh leꞈ-awˇ, uˬ ciꞈ paw miˬ dzaˬ miˬ lmˇ hawˇ-eu uˬ kʼoeˬ pyehˬ gʼeh leꞈ tehꞈ-a. Meuˬ meuˬ lah ni kʼoeˇ taˆ Miˬyehˇ-euˬ yaw shehꞈ kʼahˬ sehˇ uˆ tehˬ-awˇ, haw piˇ nehˬ tehꞈ-a.

Iˇsaˬyaˇ 58:10

mehꞈ-eu shuꞈ-eu deuˬ-ahˇ naw maꞈ dzaˬ dzaˬ dawˇ dawˇ biꞈ-awˇ, shaˬ-eu zahˬ-eu tsawˇ haˬ deuˬ-ahˇ ngehˬ gʼeh nehˬ naˇ, naw maꞈ tiˬ jawˬ jaˆ-eu yaw zahˇ dawˬ tawˆ, nah gʼahˇ loꞈ-ehˇ bya laˇ tehꞈ-a.

Iˇsaˬyaˇ 58:8

“Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.

Iˇsaˬyaˇ 66:11

Zaˬ nahˬ aˬ ma aˬ coeˇ dawˇ-awˇ nui kʼahˇ shiˇ-eu loꞈ-ehˇ, Yeˬluˇsaˬlehˬ meuˬ-euˬ baw le za le-eu guiˬ lahˬ-ahˇ, naw maꞈ dawˇ-awˇ nui kʼahˇ ya shiˇ tehꞈ-a.

Iˇsaˬyaˇ 8:22

miˇ tsaˬ-ahˇ awˆ moꞈ haw kʼawꞈ, shaˬ zahˬ naꞈ-eu jeˬ hawˇ-eu yaw zahˇ jeˬ-ahˇ tehꞈ-ehˇ ya mawˇ-eu meh. Zahˇ dui dui-eu tsahˇ-ahˇ aˬ yawꞈ maꞈ bi teh ahˇ taˬ-euˬ meh.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yeˬsaˬgeˬlaˇ 10:4

Sahˬpaˬ Miˬyehˇ-euˬ yaw shehꞈ kʼahˬ sehˇ Jeˬluˇbeˬ kʼoeˇ deuˬ jawˇ gaˇ neh tuˇ laˇ-awˇ, Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ le-euˬ meh. Kʼoeˇ ngeh, Uˬ duˬ tahˬ nymˇ nymˇ ma-ahˇ mˬ dmˇ byah-awˇ, pu ka tiˬ byah ni yaw shehꞈ bya-eu meh.

Uˬ duˬ 9:23

Kʼoeˇ naˇ, aˬ yawꞈ zaꞈ ka le-euˬ meh. Moˇseˬ hawˇ-eu Aˬloˬ aˬ nyaꞈ, Sahˬpaˬ miˬyehˇ jawˇ-eu sehˬ gʼawˆ laꞈ kʼoeˇ uˇ leˇ-awˇ doˆ le ngeh, Iˇsaˬleˬlaˆ tsawˇ haˬ deuˬ-ahˇ aˬ yawꞈ nyaꞈ dawˬ ngehˬ gʼeh nehˬ-euˬ meh. Kʼoeˇ ngeh, Iˇsaˬleˬlaˆ tsawˇ haˬ dawꞈ tawˆ luꞈ-euˬ mehˬ shi, Sahˬpaˬ Miˬyehˇ-euˬ yaw shehꞈ kʼahˬ sehˇ doˆ le-euˬ meh.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Bawˇtsahˬ 16:19

Kawˇlaˆ gʼeh, Iˇsaˬleˬlaˆ tsawˇ haˬ dawˬ tawˆ luꞈ kuˇ uiˬ-awˇ, sehˬ gʼawˆ gʼoˆ kʼehˬ dawˬ peh, Moˇseˬ hawˇ-eu Aˬloˬ-euˬ mehˬ shi aˬ yawꞈ maꞈ yawꞈ luꞈ-eu meh. Ja pyuˬ ni, Sahˬpaˬ Miˬyehˇ-euˬ yaw shehꞈ kʼahˬ sehˇ tsawˇ haˬ aˇ maꞈ dawˬ tawˆ luꞈ kʼoeˇ taˆ bya doˆ le-euˬ meh.

Maꞈtehˬ 15:14

Aˬ yawꞈ maꞈ gʼaˇ duˬ kʼahˬ taˬ lahˇ. Aˬ yawꞈ maꞈ-aˬ, myaˆ behꞈ deuˬ-ahˇ sheuˬ gʼeh-eu myaˆ behꞈ behꞈ-eu aˬ yuiꞈ aˬ tsu meh. Myaˆ behꞈ neh myaˆ behꞈ-ahˇ sheuˬ gʼeh naˇ, nyiˬ gʼaˬ luꞈ duˬ kʼahˬ-ahˇ ga ahˇ tehꞈ-a.”

Maꞈtehˬ 23:19

Naw maꞈ aˇ naˆ naˆ-ehˇ myaˆ behꞈ behꞈ te. Aˬ geu jeˬ huiˬ dzehˬ ta. Lawˇ-euˬ jeˬ huiˬ dzehˬ ta loˇ. Lawˇ-euˬ jeˬ-ahˇ Miˬyehˇ gʼaˇ duˬ bi muiˬ bi shawˇ laˇ-eu lawˇ duˬ kʼoeˇ hmˬ huiˬ dzehˬ ta loˇ.

Maꞈtehˬ 23:24

Gaˇ ma mehˬ-eu myaˆ behꞈ deuˬ-oˇ, naw maꞈ aˬ gaꞈ dzaˇ uiˇ dawˇ ngeh, puˬ teˇ muˆ tiˬ mawˇ-iˬ maˬ bi ahˇ ni dzeˇ dzeh-awˇ dawˇ kʼawꞈ, law taw mawˇ lah-ehˇ myoꞈ ahˇ gaˇ duˇ-eu meh.

Yoˇhaˬ 1:1

Mˬ hawˇ-eu miˇ maˬ seu le mi naˆ-ehˇ, Dawˬ jawˇ-euˬ meh. Dawˬ kʼoeˇ Miˬyehˇ nehˬ-ehˇ jawˇ-euˬ meh. Dawˬ kʼoeˇ-aˬ, Miˬyehˇ pyeuꞈ-eu meh.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yoˇhaˬ 8:55

Naw maꞈ aˬ yawꞈ-ahˇ maˬ siˬ nya-a. Ehˇ kʼawꞈ, ngaˇ aˬ yawꞈ-ahˇ siˬ nya ma. Aˬ yawꞈ-ahˇ maˬ siˬ nya nya lehˇ ngaˇ ehˇ naˇ, ngaˇ kʼawꞈ naw maꞈ loꞈ-ehˇ jaˬ myawꞈ myawꞈ-eu tsawˇ haˬ-ahˇ duˇ tehꞈ-a. Ngaˇ aˬ yawꞈ-ahˇ a diˇ siˬ nya-awˇ, aˬ yawꞈ-euˬ dawˬ-ahˇ naˇ haˬ geuꞈ luꞈ-eu ma.

Gʼaˬkʼehˇ 14:16

Dzeuˇlaˇ-euˬ aˇ yamˬ-ahˇ, tsawˇ jeuˬ dawˬ tawˆ luꞈ yawˬ ha-euˬ zahˇ yawˬ ha tawˬ-awˇ bi dehꞈ tawˬ-euˬ meh.

Gʼaˬkʼehˇ 17:23

Aˬ jeˬ miˇ neh ehˇ naˇ, meuˬ heu meuˬ doe ni ngaˇ cah-awˇ naw maꞈ uˬ duˬ tahˬ-eu jawˇ duˬ deuˬ-ahˇ haw ngeh, ‘Nga maꞈ maˬ siˬ nya-eu Miˬyehˇ tiˬ gʼaˬ-euˬ gʼaˇ duˬ’ lehˇ boꞈ myahˬ taˬ-euˬ lawˇ duˬ tiˬ tsahˇ mawˇ-euˬ ma. Naw maꞈ maˬ siˬ nya kʼawꞈ uˬ duˬ tahˬ luꞈ-eu kʼoeˇ-aˬ, nymˬ-mˇ ngaˇ naw maꞈ-ahˇ ja mehˬ le-euˬ heu meh.

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

Gawˇlawˇsehˇ 1:13

Yaw zahˇ-euˬ baoˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-awˇ, aˬ yawꞈ-euˬ Zaˬmaˇ-euˬ miˇ kʼahˬ laꞈ kʼoeˇ aˬ dui-ahˇ sheuˬ ahˇ nehˬ laꞈ-euˬ meh.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.