Iˇsaˬyaˇ 60:17 - Akha

¹⁷ “Guiˬ shuiˇ dah zaˇ nawˬ-ahˇ ngaˇ shuiˇ yuˇ laꞈ nehˬ-awˇ, shmˇ hawˇ-eu daˇ kawˬ-euˬ dah zaˇ, pyuˇ hawˇ-eu guiˬ shuiˇ yuˇ laꞈ-awˇ, kʼaˬ lo-euˬ dah zaˇ shmˇ yuˇ laꞈ nehˬ ma. Nawˬ-ahˇ uˆ lahˇ-eu deuˬ nawˬ-ahˇ maˬ paˇ kʼehˬ ni, yaw tsaˬ yaw dawˇ hawˇ-eu tsaˬ leˇ tsahˇ leˇ-eu jeˬ laꞈ kʼoeˇ, nawˬ-euˬ kʼoeˇ taˆ uˆ lahˇ ni ngaˇ jahˇ ma.

Iˇsaˬyaˇ 60:17 ပူးပေါင်းရင်းမြစ်များ

1 Sahˬpaˬ 6:30

Uˬ kʼawˬ teˇ byaꞈ-ahˇ kʼawꞈ, shuiˇ yaw taˬ-euˬ meh.

Jaceuq 147:14

Nawˬ-euˬ miˇ kʼahˬ-ahˇ nui saˇ oꞈ-eu jeˬ aˬ yawꞈ neh bi keuˆ le-awˇ, nawˬ-euˬ nui kʼahˇ tiˬ shiˇ muiˬ dui dui-eu cehˇ bi za le-euˬ meh.

Jaceuq 72:3

Miˇ kʼahˬ laꞈ kʼoeˇ baw le za le-awˇ, yaw tsaˬ yaw dawˇ jeˬ-ahˇ siˬ nya luꞈ-uˇ.

Iˇsaˬyaˇ 1:26

Aˇ hu-euˬ sahˬ paˬ sahˬ ma-ahˇ duˇ-eu sahˬ paˬ sahˬ ma deuˬ, nawˬ-ahˇ ngaˇ biꞈ paˇ ma. Kʼoeˇ ngeh jawˇ Yeˬluˇsaˬlehˬ meuˬ-oˇ nawˬ-ahˇ, yaw tsaˬ yaw dawˇ-euˬ meuˬ lehˇ kuˇ-awˇ, saˇ jaˇ ziꞈ-eu meuˬ nga lehˇ aˬ cawˬ ehˇ tehꞈ-a.”

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Iˇsaˬyaˇ 55:13

Nymˬ-mˇ aˬ gah baw duˆ uˆ luꞈ gaˇ, guˇbaˬluˇ‘Guˇbaˬluˇ aˇ bawˇ’ ehˇ-eu-aˬ, nymˇ tsoˆ gaˇ zmˬ nya-eu aˇ bawˇ yaw gʼahˇ tiˬ jeˬ pyeuꞈ-awˇ, haw muiˬ dui dui-eu meh.* aˇ bawˇ dehꞈ byah tehꞈ-a. Nymˬ-mˇ myahˬ kaꞈ baw duˆ nawˆ-eu tsahˇ-ahˇ muˇduˇleˬMuˇduˇleˬ bawˇ ehˇ-eu-aˬ, Heˬbyehˇ dawˬ Haˬdaˆ aˇ bawˇ lehˇ kuˇ-eu aˬ bawˇ tiˬ jeˬ meh. Nyiˬ lmˇ byah ni goˇ-awˇ, lawˇ baˬ gawˆ taw dehꞈ myaˬ-eu meh. Aˬ myah luꞈ aˇ paꞈ nyoeˇ jawꞈ ni jaˆ-awˇ, aˇ yehˆ yaw ba, aˇ siˬ yaw naˆ meh. Sehˬ gʼawˆ-euˬ bawˬ-iˬ gʼeh ngeh aˇ paꞈ kʼoeˇ zmˬ-eu meh.* aˇ bawˇ jeˬ laˇ tehꞈ-a. Heu-aˬ, Sahˬpaˬ Miˬyehˇ pyeuꞈ-eu ngaˬ neh mˇ-euˬ gaˇ-ahˇ bi noeˬ mawˇ-eu gʼaˇ duˬ, mˬ maˬ maˬ byaˆ zaˇ ziˇ ziꞈ-eu bi siˬ bi mawˇ-eu tiˬ jeˬ pyeuꞈ-eu ma.”

Iˇsaˬyaˇ 60:16

Aˬ ma zaˬ-ahˇ bo saˆ huiˬ-euˬ loꞈ-ehˇ, miˇ kʼahˬ tsawˇ jeuˬ hawˇ-eu sahˬ paˬ deuˬ nawˬ-ahˇ ya mˇ cu tehꞈ-a. Sahˬpaˬ Miˬyehˇ pyeuꞈ-eu ngaˇ nawˬ-ahˇ ka kʼoꞈ-awˇ, Iˇsaˬleˬlaˆ-euˬ baoˬ huiˬ-eu Miˬyehˇ nawˬ-ahˇ puiˇ pyehˬ nehˬ-euˬ gaˇ kawˆ, nawˇ ya siˬ duˬ tehꞈ-a.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Daˬyeˬlaˇ 11:20

“Aˬ yawꞈ-euˬ dah zaˇ sahˬ paˬ tiˬ gʼaˬ paˇ daˆ laˇ tehꞈ-a. Aˬ yawꞈ-euˬ miˇ kʼahˬ smˇ muiˬ muiˬ laˇ ni, aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ pyehˬ gʼeh-awˇ, miˇ kʼahˬ zaˬ deuˬ-ahˇ kawˬ yaw kʼaˆ-ehˇ bi taꞈ tehꞈ-a. Gʼawˬ myahˇ maˬ gʼeh-ehˇ sahˬ paˬ kʼoeˇ gʼaˬ bi sehꞈ tehꞈ-a. Ehˇ kʼawꞈ, guiˇ deuˆ gaˇ hawˇ-eu, tsawˇ haˬ mawˇ gaˇ bi sehꞈ-euˬ maˬ ngeuˇ-aˇ.”

Haˬgaiˇ 2:8

Miˇ tsaˬ kʼoeˇ taˆ kʼaˇ jaˆ-eu pyuˇ shuiˇ dawˬ tawˆ luꞈ ngaˬ-euˬ ma.

Zaˬkaˬliˇ 12:8

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.

HeˬByehˇ 11:40

Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu jeˬ aˬ dui gʼaˇ duˬ Miˬyehˇ laˆ saˆ taˬ-euˬ meh. Aˬ dui maꞈ nehˬ-ehˇ tiˬ kawˆ loꞈ-ehˇ aˬ yawꞈ maꞈ-ahˇ bi byah laˇ-eu gʼaˇ duˬ Miˬyehˇ shaˇ noeˬ taˬ-euˬ meh.

2 Beˬtuˆluˆ 3:13

Ehˇ kʼawꞈ, aˬ dui-aˬ, Miˬyehˇ neh saˇ jaˇ dzaˬ taˬ-euˬ jeˬ-ahˇ dawˬ luꞈ-eu ma. Iˇ kahˇ laꞈ kʼoeˇ yaw tsaˬ yaw dawˇ jeˬ jaˆ-eu mˬ yaw shuiꞈ miˇ yaw shuiꞈ-ahˇ dawˬ luꞈ-eu ma.