Iˇsaˬyaˇ 60:12 - Akha

¹² Ehˇ kʼawꞈ, nawˬ-ahˇ maˬ mˇ cu-eu tsawˇ jeuˬ piˬ-iˇ byoˆ-iˇ tehꞈ-a.

Iˇsaˬyaˇ 60:12 ပူးပေါင်းရင်းမြစ်များ

Aˇ dahˬ 27:29

Tsawˇ jeuˬ dawˬ tawˆ luꞈ nawˬ-euˬ zaˬ kʼaˆ ya geuꞈ-awˇ, tsawˇ haˬ dawˬ tawˆ luꞈ nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-euˬ aˇ jeuˬ aˇ ca dawˬ tawˆ luꞈ kʼoeˇ taˆ nawˇ ya uˆ lahˇ-awˇ, nawˬ ma o neh kʼaˇ jeuˬ kʼaˇ o le-euˬ tsawˇ haˬ dawˬ tawˆ luꞈ, nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-ahˇ yaˬ kʼehˇ yaˬ-eu tsawˇ haˬ deuˬ, yaˬ kʼehˇ yaˬ nehˬ gaˇ paˇ ya daˬ-awˇ, nawˬ-ahˇ guiˬ lahˬ biꞈ-eu tsawˇ haˬ deuˬ guiˬ lahˬ za luꞈ-uˇ.”

Jaceuq 108:13

Miˬyehˇ nga maꞈ nehˬ-ehˇ jawˇ naˇ nga maꞈ gʼaˬ leˇ ma. Muiˇ-eu deuˬ-ahˇ aˬ yawꞈ deuˆ gʼaˬ tehꞈ-a.

Iˇsaˬyaˇ 14:2

Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ miˇ kʼahˬ laꞈ kʼoeˇ gʼoꞈ jawˇ leˇ nya ni, tsawˇ jeuˬ gʼawˬ mya jeuˬ aˬ yawꞈ maꞈ-ahˇ caw ba nehˬ-awˇ, tsawˇ jeuˬ kʼoeˇ deuˬ Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ-euˬ zaˬ kʼaˆ geuꞈ laˇ tehꞈ-a. Yaw beh aˬ yawꞈ maꞈ-ahˇ deuˆ gʼaˬ-euˬ tsawˇ haˬ deuˬ-ahˇ aˬ yawꞈ maꞈ paˇ deuˆ gʼaˬ-awˇ, aˬ yawꞈ maꞈ-ahˇ kʼehˬ-euˬ tsawˇ haˬ deuˬ kʼoeˇ taˆ, aˬ yawꞈ maꞈ paˇ uˆ lahˇ tehꞈ-a.

Iˇsaˬyaˇ 41:11

“Naw maꞈ-ahˇ nui ma pehˇ-eu tsawˇ haˬ deuˬ, daˬ ga-awˇ shaꞈ dawˇ-iˇ tehꞈ-a. Naw maꞈ-ahˇ guiˇ deuˆ-eu tsawˇ haˬ, ya shiˇ gaˇ keuˆ tehꞈ-a.

Iˇsaˬyaˇ 54:15

Tsawˇ haˬ tiˬ gʼaˬ na nawˬ-ahˇ guiˇ deuˆ laˇ naˇ, ngaˇ nui ma maˬ tsaˬ gaˇ ceh le-eu meh. Nawˬ-ahˇ kʼaˇ ceh laˇ-eu deuˬ ya coˬ-iˇ tehꞈ-a.

Yeˬlaˬmiˇ 12:17

Ehˇ kʼawꞈ, maˬ naˇ haˬ geuꞈ-eu tsawˇ jeuˬ-ahˇ ngaˇ puˇ ngawˬ ngawˬ lehˆ doˆ-awˇ laˆ cawˆ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 2:34

Nawˇ kʼoeˇ gaˇ haw haw-ehˇ jawˇ ngeh, tsawˇ haˬ tiˬ gʼaˬ-iˬ maˬ toeˬ ciˆ-euˬ gaˇ, lo guˇ-ahˇ neh kʼaˬ lo lo ma tiˬ siˬ poˆ ka leꞈ-awˇ, shmˇ hawˇ-eu miˇ tsaˬ neh jahˇ taˬ-euˬ aˬ kuiˇ-ahˇ poˆ daˆ-awˇ lehˬ paˆ-euˬ meh.

Daˬyeˬlaˇ 2:35

Ja pyuˬ ni, shuiˇ, miˇ tsaˬ, guiˬ shuiˇ, pyuˇ hawˇ-eu shuiˇ kʼoeˇ deuˬ dawˬ tawˆ luꞈ meuˇ-iˇ loeˇ-iˇ jiˇ-awˇ, jawˇ la yamˬ-ahˇ cehˇ bymˇ saˬ kʼawꞈ-ahˇ ga-eu kʼaˬ lehˇ loꞈ-ehˇ pyeuꞈ jiˇ-euˬ meh. Jaˬ lehˇ neh bi baw byoˆ jiˇ-awˇ iˇ zaˇ laˇ zaˇ maˬ siˬ ni pyeuꞈ-iˇ-euˬ meh. Ehˇ kʼawꞈ, kʼaˬ lo kʼoeˇ siˬ gawˬ jawˬ jawˬ ma pyeuꞈ laˇ-awˇ, miˇ tsaˬ tahˬ kʼawˇ-ahˇ huiˬ byah-euˬ meh.

Daˬyeˬlaˇ 7:18

Ehˇ kʼawꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ dzoeˬ dzaˬ-eu baoˬ za-awˇ, aˬ yawꞈ maꞈ-euˬ miˇ kʼahˬ mˬ maˬ maˬ byaˆ zaˇ ziˇ ziꞈ tehꞈ-a’ lehˇ ehˇ-eu meh.

Daˬyeˬlaˇ 7:27

Miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-euˬ baoˬ hawˇ-eu yaw shehꞈ kʼahˬ sehˇ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ-ahˇ biꞈ nehˬ tehꞈ-a. Aˬ yawꞈ maꞈ uˆ lahˇ-eu baoˬ aˇ saˬ saˬ-eu maˬ baw-ehˇ, miˇ tsaˬ kʼoeˇ taˆ kʼaˇ jawˇ-eu sahˬ paˬ sahˬ ma dawˬ tawˆ luꞈ, aˬ yawꞈ maꞈ-euˬ ehˇ dawˬ naˇ haˬ-awˇ, aˬ yawꞈ maꞈ neh kʼaˇ kʼehˇ-euˬ jeˬ ya mˇ tehꞈ-a.”

Zaˬkaˬliˇ 9:10

Sahˬpaˬ Miˬyehˇ ehˇ-eu, “Iˇsaˬleˬlaˆ-euˬ guiˇ laˆ lawˬ, Yeˬluˇsaˬlehˬ-euˬ guiˇ dziˬ mahˬ, dawˬ tawˆ luꞈ ngaˇ yuˇ byoˆ jiˇ-awˇ, Guiˇ deuˆ gaˇ geuꞈ-eu kaˆ myaˬ deuˬ, dawˬ tawˆ luꞈ ngaˇ laˆ cawˆ jiˇ ma. Naw maꞈ-ahˇ uˆ lahˇ-eu sahˬ paˬ, miˇ kʼahˬ tsawˇ jeuˬ-ahˇ tsaˬ leˇ-awˇ, laˆ shaˆ nyiˬ dzeˇ uˆ lahˇ gʼmˇ-awˇ, Uˇpaˬlaˇ lawˇ baˬ-ahˇ neh naˇ, mˬ dzeˇ miˇ dzeˇ dzoeˬ keuˆ tehꞈ-a.”

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’