Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Iˇsaˬyaˇ 6:2 - Akha

2 Seˬlaˬpeˬ lehˇ kuˇ-eu mˬ taˆ gʼaˬ kʼehˇ tiˬ deuˬ, aˬ yawꞈ-euˬ tiˬ jawˬ jawˇ-eu meh. Mˬ taˆ gʼaˬ kʼehˇ kʼoeˇ deuˬ aˬ dahˇ koꞈ dahˇ tsoꞈ-awˇ, myaˆ pyawˬ-ahˇ nyiˬ dahˇ, bawˇ kʼahˇ-ahˇ nyiˬ dahˇ dehˬ kaˬ-awˇ, nyiˬ dahˇ-aˬ, zaw-eu gʼaˇ duˬ zmˬ-eu meh.

အခန်းကိုကြည့်ပါ။ ကော်ပီ




Iˇsaˬyaˇ 6:2
34 ပူးပေါင်းရင်းမြစ်များ  

Aˬbyaˬ baˬ ba miˇ tsa tuˆ ni awˆ byaˆ-awˇ, Miˬyehˇ-ahˇ uˬ duˬ tahˬ-euˬ meh. Kʼoeˇ ngeh, Miˬyehˇ heu loꞈ-ehˇ paˇ ehˇ-eu meh.


Teˇ saˇ kʼoeˇ-ahˇ Eˇliˇyaˆ ya gaˬ ngeh, pehˇ kʼahˬ pehˇ mahˇ neh aˬ yawꞈ-euˬ myaˆ pyawˬ-ahˇ dehˬ kaˬ-awˇ, lo kʼahˬ-euˬ gʼoˆ kʼehˬ-ahˇ iˇ doˆ-awˇ yawꞈ-iˇ-euˬ meh. Kʼoeˇ ngeh, “Eˇliˇyaˆ-oˇ, nawˇ heu gaˇ aˬ jeˬ jahˇ luꞈ te” lehˇ naˇ haˬ-eu dawˬ gaˬ le-euˬ meh.


Miˇkaˬyaˇ paˇ ehˇ-eu, “Sahˬpaˬ Miˬyehˇ ehˇ gaˇ naˇ haˬ sheˇ. Sahˬpaˬ Miˬyehˇ-aˬ, mˬ kʼoeˇ taˆ aˬ yawꞈ-euˬ nuiˇ mahˬ-ahˇ nuiˇ luꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ, aˬ yawꞈ dawˬ peh yawꞈ luꞈ-eu ngaˬ-ahˇ mawˇ laˇ miˇ-a.


Jeˬ luˇ beˬ mawˇ kawˇ tiˬ kawˇ-euˬ aˬ dahˇ tiˬ pyawˬ ngaˬ caˆ mahˇ-awˇ, aˬ dahˇ nyiˬ pyawˬ luꞈ-euˬ kʼoeˇ dzaˬ heu dzaˬ-ahˇ doˆ ni, nyiˬ lmˇ nui paˆ byah-eu meh.


Mawˇ kawˇ kʼoeˇ nyiˬ kawˇ-ahˇ, Muiˬ dui shawˇ dui dui-eu jawˇ duˬ laꞈ kʼoeˇ tiˬ paw tiˬ kawˇ bi jaˆ-euˬ meh. Mawˇ kawˇ tiˬ kawˇ-euˬ aˬ dahˇ mehˬ dzaˬ tiˬ paw dzaˬ-aˬ, yawˬ kawˇ yawˬ-euˬ aˬ dahˇ mehˬ dzaˬ-ahˇ tuˆ-awˇ, aˬ dahˇ mehˬ dzaˬ yawˬ dzaˬ yawˬ kaˇ pyawˇ-ahˇ tuˆ ni bi jaˆ-euˬ meh. Kʼoeˇ miˇ neh, aˬ dahˇ mehˬ dzaˬ nyiˬ dzaˬ tiˬ gaˇ tuˆ-awˇ, aˬ dahˇ mehˬ dzaˬ nyiˬ dzaˬ-aˬ, kaˇ pyawˇ nyiˬ pyawˬ-ahˇ tuˆ-eu meh.


Cawˬ ja taˬ-euˬ Jeˬ luˇ beˬ-euˬ aˬ dahˇ kʼoeˇ, bahˬ keuˆ kʼoeˇ hawˇ-eu bahˬ keuˆ-euˬ baꞈ kawˬ-ahˇ joe shmˇ taˬ-euˬ meh.


Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.


Mˬ taˆ gʼaˬ kʼehˇ deuˬ Sahˬpaˬ Miˬyehˇ jawˇ gaˇ ya uiˬ laˇ-eu aˇ nah keuˆ laˇ ngeh, nehꞈ Saˬdaˬ gʼaˬ kʼawꞈ laˇ taˬ-euˬ meh.


Aˬ jeˬ miˇ neh aˬ yawꞈ-euˬ mˬ taˆ gʼaˬ kʼehˇ deuˬ-ahˇ Miˬyehˇ maˬ jah coeˇ ta. Aˬ yawꞈ maꞈ kʼawꞈ Miˬyehˇ mehˬ shi maˬ muiˬ maˬ shawˇ-eu miˇ neh maˬ ngeuˇ-a loˇ.


Mˬ kʼoeˇ taˆ jawˇ-eu aˬ yawꞈ-euˬ zaˬ kʼaˆ deuˬ-ahˇ Miˬyehˇ maˬ jah-a. Mˬ taˆ gʼaˬ kʼehˇ deuˬ kʼawꞈ yaw lehˬ mˇ gaˇ aˬ yawꞈ ya mawˇ-euˬ meh.


Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, aˬ yawꞈ-euˬ ehˇ dawˬ naˇ haˬ-eu, gʼaˬ kʼaˆ-awˇ baoˬ huiˬ-eu mˬ taˆ gʼaˬ kʼehˇ deuˬ-oˇ, Sahˬpaˬ Miˬyehˇ-ahˇ ja ceuˬ-awˬ.


Jaˬ lehˇ-ahˇ nawˬ-euˬ dawˬ tsaꞈ gaˬ-eu gʼaˬ bi geuꞈ-awˇ, mˬ myawꞈ-ahˇ nawˬ-euˬ gaˇ bi mˇ-euˬ meh.


Jeˬluˇbeˬ -ahˇdziˬ-awˇzaw-awˇ, jaˬlehˇkʼoeˇtaˆgʼa le-euˬ meh.


Muiˬ-eu shawˇ-eu deuˬ-euˬ baꞈ dzah laꞈ kʼoeˇ, nawˬ-ahˇ yaw zeu ya baw-awˇ, dawˬ tawˆ luꞈ nawˬ-euˬ mehˬ shi tsoˆ leˇ-awˇ yawꞈ-eu meh.


Jeˬluˇbeˬ aˇ baˇ kʼoeˇ nyiˬ hmˬ, tiˬ hmˬ tiˇ hmˬ mehˬ shi bi pyawˇ-awˇ, aˬ dahˇ cawˬ ja-awˇ, bahˬ keuˆ kʼawˬ pymˬ-ahˇ bi dehˬ kaˬ taˬ-awˬ.


Ngaˇ-aˬ, nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-awˇ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma” lehˇ ehˇ nehˬ-euˬ meh. Moˇseˬ Miˬyehˇ-ahˇ maˬ haw peuˬ-eu miˇ neh, yawˬ ha-euˬ myaˆ pyawˬ-ahˇ dehˬ kaˬ taˬ-euˬ meh.


Jeˬluˇbeˬ aˇ baˇ kʼoeˇ nyiˬ hmˬ, bahˬ keuˆ kʼmˬ pymˬ kʼoeˇ dzeˇ heu dzeˇ-ahˇ tiˬ hmˬ tiˇ hmˬ mehˬ shiˬ pyawˇ-ehˇ bi tsoꞈ-awˇ, aˬ dahˇ cawˬ ja-awˇ, bahˬ keuˆ kʼmˬ pymˬ-ahˇ bi dehˬ kaˬ taˬ-euˬ meh.


Kʼoeˇ ngeh, Seˬlaˬpeˬ mˬ taˆ gʼaˬ kʼehˇ kʼoeˇ tiˬ gʼaˬ, lawˇ duˬ kʼoeˇ taˆ ciˆ nyawˆ neh tehˬ doˆ-euˬ neˇ hoˬ ni doꞈ luꞈ-eu miˬ dzaˬ miˬ jiˆ yuˇ-awˇ, ngaˇ jawˇ gaˇ zaw ka leꞈ-euˬ meh.


Aˬ yawꞈ mawˇ yawꞈ-euˬ aˬ dahˇ nyiˬ pyawˬ-aˬ, mˇ pyeh taˬ-awˇ, tiˬ mawˇ tiˇ mawˇ aˬ dahˇ mehˬ dzaˬ tuˆ-eu meh. Dzeˇ-eu aˬ dahˇ nyiˬ pyawˬ-aˬ, gʼawˇ mawˇ-ahˇ byaˆ dmˇ kʼoꞈ taˬ-euˬ meh.


Aˬ yawꞈ maꞈ zaw luꞈ ngeh, aˬ dahˇ kʼoeˇ deuˬ teˇ saˇ mahˇ-eu ngaˇ gaˬ-euˬ ma. Teˇ saˇ kʼoeˇ-aˬ, iˬ ma laˆ shaˆ iˇ cuꞈ mahˇ-eu teˇ saˇ, guiˇ maꞈ maꞈ ma laˇ luꞈ-eu teˇ saˇ hawˇ-eu, baoˬ huiˬ-eu Miˬyehˇ-euˬ teˇ saˇ-ahˇ duˇ-eu meh. Aˬ yawꞈ maꞈ maˬ zaw ni naˬ leˇ ngeh, aˬ dahˇ mˇ cuꞈ taˬ-euˬ meh.


Ngaˇ haw daˆ gʼeh ngeh, laꞈ taˆ paw pyawˬ-ahˇ neh jaˬ lehˇ lehˇ ma oe luꞈ-eu mawˇ-euˬ ma. Huiˬ dui dui-eu mˬ dmˇ laꞈ kʼoeˇ mˬ myawꞈ myawꞈ luꞈ-awˇ, kʼoeˇ-euˬ tiˬ jawˬ mˬ bya cehˆ ni jaˆ luꞈ-eu meh. Mˬ myawꞈ myawꞈ-eu laꞈ kʼoeˇ, guiˬ shuiˇ loꞈ-ehˇ guiˇ nyiˬ ni tiˬ jeˬ mawˇ laˇ-eu meh.


Ehˇ kʼawꞈ, aˬ yawꞈ mawˇ yawꞈ myaˆ pyawˬ oeˬ pyawˬ tsoꞈ-awˇ, aˬ dahˇ oeˬ dahˇ tsoꞈ-eu meh.


Aˬ yawꞈ mawˇ yawꞈ-euˬ aˬ dahˇ nyiˬ dahˇ mˇ pyeh taˬ-awˇ, aˬ dahˇ mehˬ dzaˬ tiˬ mawˇ tiˇ mawˇ tuˆ-eu miˇ neh, oeˬ coeˇ oeˬ bawˬ loꞈ-ehˇ jaˆ-eu meh. Aˬ yawꞈ maꞈ oe ngeh, gʼawˇ mawˇ maˬ zeuˆ pyawˇ ni oeˬ mawˇ luꞈ tiˬ kawˆ loꞈ-ehˇ oe-eu meh.


Aˬ yawꞈ maꞈ luˆ-iˇ ngeh, aˇ beuˆ kʼoeˇ deuˬ kʼawꞈ aˬ yawꞈ maꞈ nehˬ-ehˇ iˇ gʼeh-awˇ, aˬ yawꞈ maꞈ aˬ dahˇ mˇ pyeh-awˇ zaw gʼeh ngeh kʼawꞈ, aˇ beuˆ kʼoeˇ deuˬ iˇ caw gʼeh-eu meh.


Aˬ yawꞈ mawˇ yawꞈ myaˆ pyawˬ oeˬ pyawˬ tsoꞈ-awˇ, aˬ dahˇ oeˬ dahˇ tsoꞈ-eu meh. Aˬ dahˇ aˬ yawꞈ dahˇ yawꞈ-euˬ uˬ moˆ, tsawˇ haˬ zaˬ-euˬ aˬ laꞈ-ahˇ duˇ-eu aˬ laꞈ tiˬ laꞈ tsoꞈ-eu meh.


Kʼoeˇ gaˇ neh miˬ dzaˬ lawˇ gawˆ yoeˇ ka luꞈ-eu meh. Aˬ yawꞈ-euˬ myawˬ kʼehˇ gʼoˆ-eu aˇ heˇ aˇ muiˇ gʼaˬ jawˇ-awˇ, aˬ yawꞈ-euˬ mehˬ shi yawꞈ luꞈ-eu tsawˇ haˬ aˇ lam aˇ lam byah -eu meh. Yaˇ kʼaˬ daˇ-eu gʼaˬ yaˇ kʼaˬ daˇ dahˬ beh-awˇ, sahˬ boꞈ deuˬ dehˬ pah-euˬ meh.


Ngaˇ kʼoeˇ loꞈ-ehˇ guiˬ lahˬ shaˇ shaˇ-ehˇ jawˇ ngeh, yaw beh yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ ngaˬ neh mawˇ-euˬ Gaˬbeˬlaˇ kʼoeˇ gʼaˬ, ngaˇ jawˇ gaˇ zaw ka gʼeh leꞈ-euˬ meh.


“Tsawˇ haˬ heu gʼaˬ dm luꞈ-eu mehˬ tsoeˬ yaw jawꞈ lehˆ dzeh nehˬ-awˬ” lehˇ, mˬ taˆ gʼaˬ kʼehˇ kʼoeˇ gʼaˬ aˬ yawꞈ-euˬ mehˬ shi yawꞈ luꞈ-eu deuˬ- ahˇ ehˇ nehˬ-euˬ meh. Kʼoeˇ naˇ, “Nawˬ-euˬ iˬ baˇ ngaˇ yuˇ dzeh gʼaˬ-awˇ, ngaˇ nawˬ-ahˇ mehˬ tsoeˬ yaw muiˬ bi dm ma” lehˇ, Yawˇshuˆ-ahˇ aˬ yawꞈ ehˇ nehˬ-euˬ meh.


Kʼoeˇ loꞈ-ehˇ yaw saw jeˬ doꞈ damˬ luꞈ ngeh, laꞈ nyiˇ paw jawˇ yaꞈ-euˬ tsawˇ haˬ aˇ maꞈ deuˬ guiˬ lahˬ ya shaˇ-eu meh.


Ehˇ kʼawꞈ, mˬ taˆ gʼaˬ kʼehˇ deuˬ-ahˇ-aˬ, “Miˬyehˇ-euˬ mˬ taˆ gʼaˬ kʼehˇ deuˬ, jaˬ lehˇ loꞈ-ehˇ bi pyeuꞈ-iˇ-awˇ, aˬ yawꞈ-euˬ zaˬ kʼaˆ deuˬ-ahˇ-aˬ, miˬ dzaˬ miˬ lmˇ bi pyeuꞈ-iˇ meh” lehˇ, Miˬyehˇ neh ehˇ taˬ-euˬ jaˆ-eu meh.


Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-euˬ gʼahˇ ceh zaw gaˇ ngaˇ ya mawˇ-euˬ ma. Aˬ yawꞈ-aˬ, miˇ kʼahˬ tsawˇ jeuˬ tsawˇ ca dawˬ tawˆ luꞈ-ahˇ ja ceuˬ-eu gʼaˇ duˬ mˬ maˬ maˬ byaˆ zaˇ ziˇ Laˬ kʼaˬ cehˇ-eu Guiˬ lahˬ dawˬ pi luꞈ-eu meh.


Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”


Mˬ taˆ gʼaˬ kʼehˇ dawˬ tawˆ luꞈ, dzoeˬ dzaˬ nuiˇ mahˬ, aˬ yuiꞈ aˬ tsu deuˬ hawˇ-eu, dehꞈ luꞈ-eu jeˬ zaˬ oeˬ mawˇ-euˬ tiˬ jawˬ yawꞈ luꞈ-eu meh. Kʼoeˇ naˇ, mˬ taˆ gʼaˬ kʼehˇ kʼoeˇ deuˬ dzoeˬ dzaˬ nuiˇ mahˬ mehˬ shi uˬ duˬ awˆ moꞈ-awˇ, Miˬyehˇ-ahˇ uˬ duˬ tahˬ-euˬ meh.


Kʼoeˇ naˇ, ngaˇ haw gʼeh ngeh, yaw goˇ-ahˇ zaw luꞈ-eu kʼaˬ dzeˇ dzeˇ ma tiˬ mawˇ yaw kʼaˆ-ehˇ guˇ-awˇ heu loꞈ-ehˇ ehˇ-eu teˇ saˇ ya gaˬ-euˬ ma. “Aˇ loˇ. Guˆ-eu gaˆ-eu jeˬ, guˆ-eu gaˆ-eu jeˬ. Dzeˇ-eu mˬ taˆ gʼaˬ kʼehˇ kʼoeˇ smˇ gʼaˬ daˇ heh paˇ baw laˇ naˇ, miˇ tsaˬ kʼoeˇ taˆ kʼaˇ jawˇ-eu deuˬ aˇ naˆ ni ya guˆ ya gaˆ, ya shaˬ ya zahˬ-eu maˬ paˇ ehˇ jiˇ coeˇ ngaˇ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ