Iˇsaˬyaˇ 6:12 - Akha

¹² Tsawˇ haˬ kʼoeˇ deuˬ-ahˇ gaˇ mahˇ kaˬ gaˇ Sahˬpaˬ Miˬyehˇ teh dzeh-awˇ, miˇ kʼahˬ kʼoeˇ kʼahˬ doe ni, byehˇ dzeh yaꞈ-euˬ jawˇ duˬ gʼawˬ mya ni jaˆ tehꞈ-a.

Iˇsaˬyaˇ 6:12 ပူးပေါင်းရင်းမြစ်များ

2 Sahˬpaˬ 25:11

Meuˬ laꞈ kʼoeˇ dzeˇ yaꞈ-euˬ tsawˇ haˬ deuˬ hawˇ-eu laꞈ myawˬ laꞈ sawˆ nya-eu deuˬ-ahˇ, Baˬbuˇloˬ sahˬ paˬ jawˇ gaˇ cehˆ jawˇ leˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ miˇ kʼahˬ-ahˇ Neˬbuˬzaˬlaˬdaˬ neh sheuˬ gʼeh-euˬ meh.

2 Sahˬpaˬ 25:21

Haˬmaˆ miˇ kʼahˬ Yiˇbaˬlahˬ meuˬ laꞈ kʼoeˇ, Baˬbuˇloˬ sahˬ paˬ neh aˬ yawꞈ maꞈ-ahˇ sehꞈ-euˬ meh. Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ miˇ kʼahˬ laꞈ kʼoeˇ neh, aˬ cawˬ neh kʼoeˇ loꞈ-ehˇ bi nyehꞈ byoˆ gʼeh jiˇ-euˬ meh.

Iˇsaˬyaˇ 13:12

Tsawˇ haˬ zaˬ shuiˇ myaˆ-ehˇ maˬ myaˬ ni bi pyeuꞈ-iˇ-awˇ, Awˇpiˇlaˆ miˇ kʼahˬ-ahˇ jaˆ-eu shuiˇ miˇ tsaˬ zaˬ dawˬ tawˆ luꞈ myaˆ maˬ tseˇ myaˬ tehꞈ-a.

Iˇsaˬyaˇ 26:15

Nga maꞈ miˇ kʼahˬ bi huiˬ bi mahˇ laˇ-awˇ, miˇ kaˬ oeˬ pyawˬ luꞈ bi jeˇ laˇ-euˬ miˇ neh, nawˬ-euˬ yaw shehꞈ kʼahˬ sehˇ huiˬ dui dui meh.

Iˇsaˬyaˇ 5:9

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu ngaˇ gaˬ-euˬ ma. “Aˬ diˇ aˬ maˇ nymˇ gʼawˬ mya ni nymˇ tsoeˬ tsoeˬ-iˇ tehꞈ-a. Huiˬ dui muiˬ dui dui-eu nymˇ deuˬ, tsawˇ haˬ maˬ jawˇ ni jaˆ yaꞈ tehꞈ-a.

Yeˬlaˬmiˇ 12:7

Sahˬpaˬ Miˬyehˇ ehˇ-eu, “Iˇsaˬleˬlaˆ-ahˇ ngaˇ byehˇ dzeh-euˬ ma. Ngaˬ neh tseˇ doˆ-euˬ tsawˇ jeuˬ-ahˇ maˬ paˇ haw ma. Ngaˇ gaˬ-eu tsawˇ haˬ heu deuˬ-ahˇ, muiˇ-eu deuˬ aˬ laꞈ laꞈ kʼoeˇ a nehˬ-euˬ ma.

Yeˬlaˬmiˇ 15:4

Maˬnaˇseˬ-euˬ aˬ li Heˬsaˬgiˇ gʼaˬ Yuˇdaˆ miˇ kʼahˬ-ahˇ uˆ lahˇ ngeh, Yeˬluˇsaˬlehˬ meuˬ-ahˇ aˬ yawꞈ neh mˇ yaꞈ-eu jeˬ baˬ da neh, miˇ tsaˬ kʼoeˇ taˆ jawˇ-eu tsawˇ haˬ dawˬ tawˆ luꞈ guˆ-iˇ ni, aˬ yawꞈ maꞈ-ahˇ ngaˇ jahˇ nehˬ ma.”

Yeˬlaˬmiˇ 4:29

Mahˬ dziˬ-eu deuˬ hawˇ-eu kaˆ beuˆ-eu deuˬ luiˬ gʼa laˇ ngeh, yawˬ gʼaˬ na luꞈ cehˆ byoˆ tehꞈ-a. Tiˬ paˆ na deuˬ lo guˇ-ahˇ cehˆ daˆ leˇ tehꞈ-a. Meuˬ dawˬ tawˆ luꞈ yawꞈ ngehꞈ-ehˇ jaˆ yaꞈ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 52:27

Yiˇbaˬlahˬ meuˬ-aˬ, Haˬmaˆ gahˬ kaˬ-ahˇ jaˆ-eu meh. Kʼoeˇ gaˇ, Baˬbuˇloˬ sahˬ paˬ aˬ yawꞈ maꞈ-ahˇ kʼehˬ-awˇ sehꞈ-euˬ meh. Kʼoeˇ loꞈ-ehˇ Yuˇdaˆ tsawˇ haˬ deuˬ aˬ cawˬ neh bi nyehꞈ byoˆ gʼeh-euˬ meh.

Ngoeˇ dawˬ 5:20

Aˬ jeˬ miˇ neh nga maꞈ-ahˇ nawˇ, teu myah myah-ehˇ byehˇ dzeh laꞈ-awˇ, teu naˆ naˆ-ehˇ ngehˇ dzeh laꞈ te.

Zeˬpaˬniˇ 1:3

Tsawˇ haˬ hawˇ-eu jeˬ zaˬ maˬ ehˇ, ho zaˬ nga jiˇ dawˬ tawˆ maˬ ehˇ, ngaˬ shaˬ ngaˬ deˇ deuˬ-ahˇ maˬ ehˇ, dawˬ tawˆ luꞈ ngaˇ laˆ byoˆ jiˇ ma. Haiˬ-eu tsawˇ haˬ bi ga-iˇ-awˇ, miˇ tsaˬ heu kʼoeˇ taˆ kʼaˇ jawˇ-eu, tsawˇ jeuˬ dawˬ tawˆ laˆ byoˆ ma lehˇ, ngaˇ Sahˬpaˬ Miˬyehˇ ehˇ-eu ma.

Lormav 11:15

Aˬ yawꞈ maꞈ-ahˇ Miˬyehˇ byehˇ dzeh nehˬ ngeh, Miˬyehˇ-ahˇ muiˇ-euˬ aˬ cawˬ tsawˇ jeuˬ kʼoeˇ deuˬ Miˬyehˇ-ahˇ cawˬ cawˬ taꞈ nya-eu tsawˇ haˬ bi pyeuꞈ laˇ-euˬ-aˬ, aˬ yawꞈ maꞈ-ahˇ ha geuꞈ nehˬ ngeh jawˇ aˬ joˆ-ehˇ paˇ pyeuꞈ laˇ nmˇ. Shiˇ-euˬ tsawˇ haˬ paˇ bi gʼoꞈ dehꞈ laˇ-euˬ gaˇ duˇ tehꞈ-a.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.