Iˇsaˬyaˇ 6:11 - Akha

¹¹ “Aˇ myah keuˆ ni kʼoeˇ loꞈ-ehˇ jahˇ nehˬ nmˇ” lehˇ, Sahˬpaˬ Miˬyehˇ-ahˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. “Meuˬ deuˬ cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh keuˆ ni, nymˇ laꞈ kʼoeˇ tsawˇ haˬ tiˬ gʼaˬ-iˬ maˬ ya mawˇ-ehˇ, miˇ kʼahˬ kʼahˬ lah-ehˇ ciˬ cuˇ ni pyeuꞈ-iˇ ngeh keuˆ ni, kʼoeˇ loꞈ-ehˇ jahˇ nehˬ ma.

Iˇsaˬyaˇ 6:11 ပူးပေါင်းရင်းမြစ်များ

Jaceuq 74:10

Miˬyehˇ-oˇ, nga maꞈ-ahˇ muiˇ-eu tsawˇ haˬ deuˬ aˇ myah keuˆ ni nawˬ-ahˇ uiˇ uiˇ-ehˇ bi jawˇ-eu gʼeh te. Mˬ maˬ maˬ byaˆ zaˇ ziˇ nawˬ-euˬ tsawˇ myahˇ-ahˇ aˬ yawꞈ maꞈ bi ja doeˇ-eu lehˇ gʼeh te loˇ.

Jaceuq 79:5

Sahˬpaˬ Miˬyehˇ-oˇ, nga maꞈ-ahˇ mˬ maˬ maˬ byaˆ zaˇ ziˇ nui ma pehˇ-eu gʼeh te loˇ. Nawˇ nui ma pehˇ-eu jeˬ miˬ dzaˬ doꞈ-eu loꞈ-ehˇ, aˬ myah luꞈ doꞈ doꞈ-ehˇ bi jaˆ-eu gʼeh te loˇ.

Jaceuq 90:13

Nawˬ-euˬ nui pehˇ aˇ myah ni bi gmˬ-eu gʼeh te. Sahˬpaˬ Miˬyehˇ-oˇ, nawˬ-euˬ zaˬ kʼaˆ deuˬ-ahˇ gʼawˬ shaˬ gaˬ nehˬ laꞈ-awˬ.

Jaceuq 94:3

Nui ma maˬ dawˇ-eu tsawˇ haˬ deuˬ aˬ myah keuˆ ni laˬ kʼaˬ cehˇ cehˇ-ehˇ ya dehꞈ nmˇ. Sahˬpaˬ Miˬyehˇ-oˇ, aˬ yawꞈ maꞈ aˬ myah keuˆ ni laˬ kʼaˬ cehˇ cehˇ-ehˇ ya dehꞈ nmˇ.

Iˇsaˬyaˇ 1:7

Naw maꞈ-euˬ miˇ kʼahˬ pu tsoeˬ tsoeˬ jiˇ-awˇ, naw maꞈ-euˬ meuˬ deuˬ miˬ dzaˬ puiˆ byoˆ jiˇ-euˬ nga. Boeˇ miˬ siˬ kʼaˬ deuˬ naw maꞈ-euˬ mehˬ shi, naw maꞈ-euˬ miˇ kʼahˬ laˆ cawˆ-awˇ, yaw muiˬ tiˬ hmˬ-iˬ maˬ dzeˇ ni, neˇ leuꞈ ni jaˆ luꞈ nga.

Iˇsaˬyaˇ 13:12

Tsawˇ haˬ zaˬ shuiˇ myaˆ-ehˇ maˬ myaˬ ni bi pyeuꞈ-iˇ-awˇ, Awˇpiˇlaˆ miˇ kʼahˬ-ahˇ jaˆ-eu shuiˇ miˇ tsaˬ zaˬ dawˬ tawˆ luꞈ myaˆ maˬ tseˇ myaˬ tehꞈ-a.

Iˇsaˬyaˇ 3:26

Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Iˇsaˬyaˇ 3:8

Yeˬluˇsaˬlehˬ meuˬ sahˬ tiꞈ tiꞈ-awˇ, Yuˇdaˆ miˇ kʼahˬ coˬ le-euˬ meh. Aˬ yawꞈ maꞈ ngehˬ-eu tmˇ-eu mˇ-eu shaˇ-eu, Sahˬpaˬ Miˬyehˇ-ahˇ bahˬ leˇ-awˇ, Miˬyehˇ myaˆ pyawˬ-ahˇ kʼaˬ naˆ sawˆ-euˬ meh.

Iˇsaˬyaˇ 32:14

Sahˬ paˬ-euˬ nymˇ ya byehˇ dzeh gaˇ keuˆ-awˇ, meuˬ meuˬ ma kʼoeˇ ciˬ cuˇ ni jaˆ tehꞈ-a. Meuˬ laꞈ kʼoeˇ jaˆ-eu nymˇ hawˇ-eu, meuˬ-ahˇ loꞈ piˇ-euˬ taˆ kʼoeˇ deuˬ, mˬ maˬ maˬ byaˆ zaˇ ziˇ cawˆ jiˇ tehꞈ-a. Bawˇ tsahˬ mahˬ tahˬ laˆ deuˬ kʼoeˇ gaˇ jawˇ-awˇ, yawˇ deuˬ kʼoeˇ gaˇ gaˆ dzaˬ tehꞈ-a.

Iˇsaˬyaˇ 35:1

Kʼaˇ shuiꞈ deh yaˇ laˬ kʼaˬ cehˇ-awˇ, bawˇ tsahˬ-ahˇ aˇ yehˆ poˬ laˇ tehꞈ-a.

Iˇsaˬyaˇ 5:9

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu ngaˇ gaˬ-euˬ ma. “Aˬ diˇ aˬ maˇ nymˇ gʼawˬ mya ni nymˇ tsoeˬ tsoeˬ-iˇ tehꞈ-a. Huiˬ dui muiˬ dui dui-eu nymˇ deuˬ, tsawˇ haˬ maˬ jawˇ ni jaˆ yaꞈ tehꞈ-a.

Iˇsaˬyaˇ 60:15

“Nawˬ-ahˇ bye-awˇ byehˇ dzeh-euˬ kʼawꞈ, meuˬ tsoeˬ bi tsoeˬ-iˇ-awˇ ciˬ cuˇ ni jaˆ-euˬ kʼawꞈ, tsawˇ myahˇ huiˬ-awˇ muiˬ dui dui-eu meuˬ paˇ bi pyeuꞈ laˇ-awˇ, tseˇ ziˇ zaˇ ziˇ laˬ kʼaˬ cehˇ-eu jawˇ duˬ bi pyeuꞈ laˇ ma.

Iˇsaˬyaˇ 64:10

Nawˬ-euˬ muiˬ-eu shawˇ-eu meuˬ deuˬ, bawˇ tsahˬ bawˇ dahˇ pyeuꞈ jiˇ-euˬ meh. Yeˬluˇsaˬlehˬ hawˇ-eu Ziˇoˬ meuˬ tsoeˬ tsoeˬ-iˇ-euˬ meh.

Yeˬlaˬmiˇ 22:6

“Yuˇdaˆ sahˬ paˬ-euˬ hawˇ nymˇ heu-aˬ, ngaˬ-euˬ gʼaˇ duˬ Giˇlaˆ miˇ kʼahˬ hawˇ-eu Leˬbaˬnoˬ gawˬ jawˬ deuˬ loꞈ-ehˇ haw muiˬ-eu kʼawꞈ, tsawˇ haˬ tiˬ gʼaˬ-iˬ maˬ jawˇ-eu bawˇ tsahˬ bawˇ dahˇ loꞈ-ehˇ, coꞈ gaˆ ni ngaˇ bi pyeuꞈ-iˇ ma.

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 44:2

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ kʼoeˇ taˆ, ngaˬ neh bi keuˆ le-euˬ luˬ-iˇ seˇ-iˇ-eu jeˬ-ahˇ naw maꞈ ya mawˇ gʼaˬ-euˬ meh. Nymˬ-mˇ keuˆ ni meuˬ kʼoeˇ deuˬ yaw cawˆ-ehˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 52:27

Yiˇbaˬlahˬ meuˬ-aˬ, Haˬmaˆ gahˬ kaˬ-ahˇ jaˆ-eu meh. Kʼoeˇ gaˇ, Baˬbuˇloˬ sahˬ paˬ aˬ yawꞈ maꞈ-ahˇ kʼehˬ-awˇ sehꞈ-euˬ meh. Kʼoeˇ loꞈ-ehˇ Yuˇdaˆ tsawˇ haˬ deuˬ aˬ cawˬ neh bi nyehꞈ byoˆ gʼeh-euˬ meh.

Yeˬsaˬgeˬlaˇ 6:6

Iˇsaˬleˬlaˆ miˇ kʼahˬ-ahˇ kʼaˇ jaˆ-eu meuˬ deuˬ dawˬ tawˆ luꞈ bi laˆ cawˆ jiˇ ma. Kʼoeˇ ngeh jawˇ, aˬ yawꞈ maꞈ-euˬ lawˇ duˬ deuˬ hawˇ-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ pyaˆ-iˇ shaˆ-iˇ jiˇ-awˇ, yaw saw jeˬ doꞈ damˬ duˬ kʼawꞈ cawˆ-iˇ jiˇ-awˇ, aˬ yawꞈ maꞈ-euˬ kuiˇ zaˇ laꞈ zaˇ dawˬ tawˆ luꞈ piˬ-iˇ byoˆ-iˇ jiˇ tehꞈ-a.

Daˬyeˬlaˇ 8:13

Mˬ taˆ gʼaˬ kʼehˇ tiˬ gʼaˬ mˬ taˆ gʼaˬ kʼehˇ yawˬ gʼaˬ yawˬ-ahˇ heu loꞈ-ehˇ naˇ haˬ gaˇ ngaˇ ya gaˬ-euˬ ma. “Yaw sahˇ laꞈ kʼoeˇ ya siˬ yaw mawˇ luꞈ-eu gaˇ kawˆ heu deuˬ, aˇ myah keuˆ ni heu loꞈ-ehˇ tehꞈ-ehˇ jaˆ-eu gʼeh ta. Aˬ yawꞈ nah yawꞈ lawˇ-eu shehˇ-eu jeˬ mˇ-eu dah zaˇ, iˬ baˇ mˇ mˇ-ehˇ jawˇ-eu teu aˇ myah keuˆ ni jaˆ-eu gʼeh ta. Mˬ taˆ guiˇ maꞈ hawˇ-eu Uˬ duˬ tahˬ nymˇ nymˇ ma-ahˇ, aˇ myah keuˆ ni bi nawˬ pahˬ-eu gʼeh ta.”

Uˬ duˬ 26:31

Naw maꞈ-euˬ meuˬ deuˬ hawˇ-eu, uˬ duˬ tahˬ-eu jawˇ duˬ deuˬ ngaˇ laˆ cawˆ byoˆ jiˇ-awˇ, naw maꞈ neh lawˇ-euˬ jeˬ-ahˇ maˬ ha geuꞈ ni ngaˇ jawˇ ma.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Miˇkaˬ 2:4

Aˇ nah kʼoeˇ nah-ahˇ naw maꞈ-ahˇ naˬ gʼa-eu caˇ dawˬ aˬ cawˬ caˇ-eu laꞈ kʼoeˇ, naw maꞈ neh ya daˬ-euˬ jeˬ gʼaˇ duˬ noeˬ shaˬ-eu gaˇ kawˆ heu loꞈ-ehˇ dawˬ kawˬ kawˬ-awˇ caˇ tehꞈ-a. ‘Nga maꞈ bi laˆ deuˬ dui dui-awˇ, geuꞈ-eu jeˬ maˬ paˇ ahˇ miˇ-a. Nga maꞈ-euˬ miˇ tsaˬ kʼawꞈ, Sahˬpaˬ Miˬyehˇ neh yuˇ doˆ-awˇ, nga maꞈ-ahˇ nyehꞈ gʼeh-euˬ deuˬ-ahˇ, aˬ yawꞈ neh biꞈ ahˇ nehˬ-euˬ meh.’ lehˇ caˇ tehꞈ-a.”

Miˇkaˬ 5:11

Naw maꞈ-euˬ miˇ kʼahˬ laꞈ kʼoeˇ jaˆ-eu meuˬ deuˬ-ahˇ ngaˇ laˆ cawˆ-awˇ, ziꞈ dah ni tsoˆ taˬ-euˬ taˆ deuˬ-ahˇ ngaˇ laˆ byaˆ ma.

Miˇkaˬ 6:13

Naw maꞈ-euˬ iˬ baˇ baˬ da neh naw maꞈ ya piˬ ya byoˆ-iˇ ni ngaˇ mˇ dahˬ beh gʼaˬ-euˬ ma.

Miˇkaˬ 7:13

Ehˇ kʼawꞈ, miˇ tsaˬ kʼoeˇ taˆ jawˇ-eu tsawˇ haˬ zaˬ deuˬ yaw haiˬ jeˬ mˇ-eu baˬ da neh, miˇ kʼahˬ nui deuˬ dawˬ tawˆ luꞈ ciˬ cuˇ ni gʼeh-eu kʼaˇ shuiꞈ shuiꞈ yaˇ loꞈ-ehˇ pyeuꞈ jiˇ tehꞈ-a.

Dawˬmehˬ 28:62

Mˬ kʼoeˇ taˆ tsehˬ luꞈ-eu aˬ guiˇ deuˬ loꞈ-ehˇ naw maꞈ myaˬ laˇ behˇ laˇ kʼawꞈ, tsawˇ haˬ ui cuiˆ tehꞈ-ehˇ ya buˬ ya law-iˇ tehꞈ-a. Aˬ jeˬ miˇ neh ehˇ naˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ nawˇ maˬ naˇ haˬ geuꞈ-a.

Dawˬmehˬ 28:63

Nawˇ baw le za le-awˇ, myaˬ laˇ behˇ laˇ ni jahˇ nehˬ-eu gʼaˇ duˬ Sahˬpaˬ Miˬyehˇ laˬ kʼaˬ cehˇ-eu loꞈ-ehˇ, nawˇ luˬ-iˇ seˇ-iˇ-awˇ, nawˬ-euˬ kʼoeˇ taˆ yaw cawˆ jeˬ keuˆ le ni mˇ-eu gʼaˇ duˬ kʼawꞈ, aˬ yawꞈ laˬ kʼaˬ cehˇ tehꞈ-a. Nawˇ jawˇ leˇ-eu lehˇ gʼeh-eu miˇ kʼahˬ-ahˇ aˬ yawꞈ nawˬ-ahˇ gʼeu dzeh doˆ tehꞈ-a.