Iˇsaˬyaˇ 59:6 - Akha

⁶ Naw maꞈ-euˬ aˬ oˬ loˬ ma aˇ kahˇ kʼoeˇ saˬ nmˇ maˬ zaꞈ nya-a. Yawˬ ha neh mˇ-euˬ jeˬ yawˬ ha-ahˇ maˬ sheu lahˇ nya-a. Naw maꞈ gaˇ kawˆ yaw haiˬ tehꞈ-ehˇ jaˆ-awˇ, naw maꞈ-euˬ aˬ laꞈ-ahˇ yaw cawˆ jeˬ tuˆ tehˬ taˬ-euˬ meh.

Iˇsaˬyaˇ 59:6 ပူးပေါင်းရင်းမြစ်များ

Aˇ dahˬ 6:11

Ehˇ kʼawꞈ, tsawˇ haˬ zaˬ dawˬ tawˆ luꞈ, Miˬyehˇ mehˬ shi maˬ muiˬ maˬ shawˇ-eu tsawˇ haˬ tehꞈ-ehˇ pyeuꞈ jiˇ-awˇ, yawˬ gaˇ na luꞈ yaw cawˆ jeˬ tehꞈ-ehˇ mˇ luꞈ-eu meh.

Yawˇbaˆ 16:17

Ehˇ kʼawꞈ, ngaˇ yaw haiˬ jeˬ mˇ taˬ-euˬ maˬ jaˆ-ehˇ, ngaˬ-euˬ guiˬ lahˬ shaˇ dawˬ shawˇ jehˆ ni gʼeh-eu ma.

Jaceuq 55:11

Meuˬ meuˬ lah-ehˇ luˬ-iˇ seˇ-iˇ luꞈ-awˇ, gaˇ ma doe ni kʼehˬ-eu kʼaˆ-eu jeˬ hawˇ-eu nawˬ dzaˬ kʼaˆ dzaˬ-eu jeˬ byah luꞈ meh.

Jaceuq 58:2

Maˬ ngeuˇ-a. Yaw haiˬ jeˬ mˇ-eu gʼaˇ duˬ tehꞈ-ehˇ naw maꞈ shaˇ noeˬ luꞈ-awˇ, yaw haiˬ jeˬ hawˇ-eu yaw lehˬ jeˬ tehꞈ-ehˇ miˇ tsaˬ kʼoeˇ taˆ naw maꞈ mˇ luꞈ meh.

Iˇsaˬyaˇ 30:1

Sahˬpaˬ Miˬyehˇ heu loꞈ-ahˇ ehˇ-eu meh. “Yuˇdaˆ miˇ kʼahˬ-ahˇ uˆ lahˇ-eu tsawˇ haˬ deuˬ, ngaˬ-ahˇ puiˬ-eu miˇ neh, ya noeˬ shaˬ dui dui tehꞈ-a. Ngaˇ maˬ bi mˇ mawꞈ-eu jeˬ aˬ yawꞈ maꞈ mˇ-awˇ, ngaˇ nui ma maˬ tsaˬ-eu deuˬ-ahˇ mehˬ bawˬ gm-eu laꞈ kʼoeˇ, iˬ baˇ duˬ gahˬ gahˬ luꞈ-eu meh.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 57:12

Naw maꞈ yawˬ ha neh mˇ-euˬ tsaˬ ma lehˇ noeˬ meh. Ehˇ kʼawꞈ, naw maꞈ-euˬ gaˆ kawˆ ngaˇ pah doˆ jiˇ ngeh, naw maꞈ uˬ duˬ tahˬ-eu tahˬ pahˬ aˬ ma mawˇ kawˇ kʼoeˇ deuˬ, naw maꞈ-ahˇ maˬ caw ba nya-aˬ.

Iˇsaˬyaˇ 58:4

Naw maꞈ maˬ dzaˬ-eu zahˇ jahˇ luꞈ-eu heu, iˬ dehˬ iˬ ceh bi doˆ laˇ-eu gaˇ kawˆ tehꞈ meh. Naw maꞈ maˬ dzaˬ-eu zahˇ heu loꞈ-ehˇ jahˇ-eu baˬ da neh, naw maꞈ shaˇ dawˬ ngaˇ naˇ haˬ meh lehˇ noeˬ te loˇ.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Yeˬlaˬmiˇ 6:7

Lah duˬ laꞈ kʼoeˇ iˇ cuꞈ iˇ beuˆ doˆ-eu loꞈ-ehˇ, Yeˬluˇsaˬlehˬ laꞈ kʼoeˇ yaw haiˬ jeˬ iˇ beuˆ doˆ-eu meh. Meuˬ laꞈ kʼoeˇ kʼehˬ dzaˬ kʼaˆ dzaˬ-eu jeˬ ya gaˬ-awˇ, maˇ kʼehˬ maˇ naˇ hawˇ-eu naˇ gawˇ maˬ tsehˆ leˇ-a.

Yeˬsaˬgeˬlaˇ 18:12

Shaˬ zaˬ zahˬ zaˬ-ahˇ myawꞈ dzaˬ shuiˇ dzaˬ-awˇ, tahˇ joe kʼawꞈ joe dzaˬ-euˬ meh. Aˬ cawˬ neh biꞈ daˇ laˇ-euˬ mˇ myawˬ aˬ yawꞈ maˬ biꞈ kʼoꞈ nehˬ-a. Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ le-awˇ, nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu meh.

Yeˬsaˬgeˬlaˇ 7:11

Yaw haiˬ jeˬ laꞈ kʼoeˇ doeˇ dui dui-eu jeˬ doˆ laˇ taˬ-euˬ meh. Aˬ yawꞈ maꞈ gʼaˇ duˬ tiˬ jeˬ-iˬ maˬ dzeˇ ni pyeuꞈ-iˇ tehꞈ-a. Aˬ yawꞈ maꞈ-euˬ pyuˇ shuiˇ myawˬ gahˬ maˬ ehˇ, yaw shehꞈ kʼahˬ sehˇ maˬ ehˇ, myaˆ pyawꞈ naˇ mehˇ maˬ ehˇ, tiˬ pawꞈ-iˬ maˬ jaˆ ni pyeuꞈ-iˇ tehꞈ-a.

Yeˬsaˬgeˬlaˇ 7:23

“Yawˬ jeˬ na luꞈ geuꞈ-eu maˬ paˇ ahˇ meh. Miˇ kʼahˬ laꞈ kʼoeˇ tsawˇ haˬ sehꞈ-eu jeˬ byah -awˇ, meuˬ deuˬ laꞈ kʼoeˇ yaw haiˬ jeˬ byah-eu meh.

Yeˬsaˬgeˬlaˇ 9:9

Miˬyehˇ ehˇ-eu, “Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu iˬ baˇ mˇ-euˬ meh. Miˇ kʼahˬ kʼahˬ lah ni tsawˇ haˬ sehꞈ-eu jeˬ aˬ yawꞈ maꞈ mˇ byah-awˇ, Yeˬluˇsaˬlehˬ meuˬ laꞈ kʼoeˇ yaw haiˬ jeˬ mˇ byah taˬ-euˬ meh. Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-euˬ miˇ kʼahˬ-ahˇ byehˇ dzeh-awˇ, ngaˇ aˬ yawꞈ maꞈ-ahˇ maˬ mawˇ nya-a lehˇ, aˬ yawꞈ maꞈ ehˇ-eu meh.

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Aˬmoˆ 6:3

Luˬ-iˇ seˇ-iˇ-eu aˇ nah keuˆ le luꞈ meh lehˇ ehˇ gaˇ naw maꞈ maˬ jah-a. Ehˇ kʼawꞈ, naw maꞈ-euˬ dehꞈ jeˬ dehꞈ kawˆ-ahˇ haw ngeh, aˇ nah kʼoeˇ nah yaw kawˇ-ehˇ keuˆ le ni mˇ luꞈ gaˇ duˇ-eu meh.

Miˇkaˬ 2:8

Sahˬpaˬ Miˬyehˇ ehˇ-eu, “Muiˇ-eu tsawˇ haˬ deuˬ-ahˇ jahˇ nehˬ-eu loꞈ-ehˇ ngaˬ-euˬ tsawˇ haˬ deuˬ-ahˇ naw maꞈ jahˇ nehˬ-eu meh. Guiˇ deuˆ-iˇ-awˇ gʼoꞈ laˇ-euˬ tsawˇ haˬ deuˬ, iˇ kahˇ gʼoꞈ keuˆ laˇ-euˬ miˇ neh kʼahˬ lahˇ kʼaˇ maˬ paˇ za ma lehˇ noeˬ-eu meh. Ehˇ kʼawꞈ, dziˇ dzoˆ dzoˆ nehˬ-euˬ aˇ poeˬ, aˬ yawꞈ maꞈ dm luꞈ-eu pehˇ kʼahˬ lehˆ-awˇ bi biꞈ daˇ taˬ-eu lehˇ naw maꞈ loꞈ luꞈ meh.

Miˇkaˬ 6:12

Naw maꞈ-euˬ smˇ muiˬ smˇ baw deuˬ iˇ shaˬ zaˬ-ahˇ gahˇ dzaˬ-awˇ, naw maꞈ dawˬ tawˆ luꞈ jaˬ myawꞈ mehˇ shuiˇ tehꞈ meh.

Zeˬpaˬniˇ 1:9

Ngaˇ kʼehˬ nehˬ kʼaˆ nehˬ le ngeh nah, lawˇ ciꞈ zahˇ tawˬ-eu deuˬ hawˇ-eu, yawˬ ha sahˬ paˬ pyuˇ shuiˇ jaˆ ni, aˬ cawˬ-ahˇ nawˬ dzaˬ-eu deuˬ-ahˇ, ngaˇ yaw kʼaˆ kʼaˆ-ehˇ kʼehˬ nehˬ ma.”

Zeˬpaˬniˇ 3:1

Aˬ cawˬ-ahˇ nawˬ dzaˬ kʼaˆ dzaˬ-awˇ, yaw cawˆ mˇ-awˇ puiˬ mawꞈ-eu meuˬ, yaw kʼaˆ-ehˇ ya noeˬ shaˬ tehꞈ-a.

Maˬlaˬkiˇ 2:16

“Nymˇ dahˬ gʼawˬ gaˇ ngaˇ bye dui dui nya” lehˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. “Naw maꞈ tiˬ gʼaˬ na yawˬ ha-euˬ miˬ zaˬ-ahˇ kʼehˬ-eu zuiˆ-eu jeˬ mˇ gaˇ ngaˇ maˬ haw nahˇ nya. Yawˬ ha-euˬ miˬ zaˬ-ahˇ saˇ jaˇ maˬ ya puiˬ-a lehˇ, maˬ shiˇ tiˬ ziˇ noeˬ taˬ-awˬ” lehˇ ehˇ-eu meh.