Iˇsaˬyaˇ 59:19 - Akha

¹⁹ Aˬ yawꞈ-euˬ baoˬ hawˇ-eu aˬ yawꞈ-euˬ tsawˇ myahˇ-ahˇ, nahˇ ma doˆ kʼehˬ ga kʼehˬ doˆ ni yawˬ gʼaˬ na luꞈ ya guˆ tehꞈ-a. Iˇ jeuˬ jeuˬ-awˇ jaˬ lehˇ lehˇ ma baw-eu loꞈ-ehˇ, aˬ yawꞈ oe gaˇ ya mawˇ tehꞈ-a.

Iˇsaˬyaˇ 59:19 ပူးပေါင်းရင်းမြစ်များ

Jaceuq 113:3

Nahˇ ma doˆ kʼehˬ ga kʼehˬ doe ni, Sahˬpaˬ Miˬyehˇ-euˬ tsawˇ myahˇ-ahˇ ja ceuˬ-awˬ.

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Jaceuq 61:5

Miˬyehˇ-oˇ, ngaˇ saˇ jaˇ dzaˬ-euˬ dawˬ-ahˇ nawˇ ya gaˬ gʼaˬ-awˇ, nawˬ-ahˇ taˬ huiˬ-eu deuˬ-ahˇ biꞈ-eu jeˬ, nawˇ ngaˬ-ahˇ biꞈ laꞈ-euˬ meh.

Iˇsaˬyaˇ 30:27

Haw yawˬ. Sahˬpaˬ Miˬyehˇ-euˬ tsawˇ myahˇ, gaˇ mahˇ kaˬ gaˇ neh oe luꞈ meh. Miˬ dzaˬ hawˇ-eu uˬ kʼoeˬ laꞈ kʼoeˇ, aˬ yawꞈ nui ma pehˇ-eu jeˬ mehˬ luꞈ meh. Aˬ yawꞈ mehˬ luˬ nui ma pehˇ dui dui-awˇ, aˬ yawꞈ-euˬ dawˬ, miˬ dzaˬ-ahˇ duˇ-eu meh.

Iˇsaˬyaˇ 30:28

Aˬ yawꞈ saꞈ gʼawˇ ka ngeh, kawˬ lahˇ-ahˇ keuˆ-eu iˇ jeuˬ oe gaˇ duˇ-awˇ, yawˬ jeˬ na luꞈ hehˇ dzaˬ gʼeh-eu loꞈ-ehˇ, miˇ kʼahˬ tsawˇ jeuˬ hawˇ-eu aˬ yawꞈ maꞈ-euˬ yaw haiˬ dawˬ tawˆ luꞈ hehˇ dzaˬ gʼeh-eu meh.

Iˇsaˬyaˇ 45:6

Ngaˇ Sahˬpaˬ Miˬyehˇ pyeuꞈ-eu gaˇ kawˆ heu hawˇ-eu, miˬ yehˇ nui gʼaˬ maˬ jawˇ-eu gaˇ kawˆ-ahˇ, mˬ dzeˇ miˇ dzeˇ keuˆ ni bi siˬ doe ni, ngaˇ heu loꞈ-ehˇ jahˇ-eu ma.

Iˇsaˬyaˇ 49:12

Gaˇ mahˇ kaˬ gaˇ jawˇ-eu ngaˬ-euˬ tsawˇ haˬ deuˬ oe tehꞈ-a. Laꞈ taˆ paw pyawˬ hawˇ-eu nahˇ ma ga kʼehˬ paw neh maˬ ehˇ, laꞈ oˆ paw Aˬsaˬgʼawˬ meuˬ-ahˇ neh maˬ ehˇ, aˬ yawꞈ maꞈ gʼoꞈ laˇ tehꞈ-a.”

Iˇsaˬyaˇ 66:12

Sahˬpaˬ Miˬyehˇ heu loꞈ-ehˇ ehˇ-eu meh. “Maˬ cawˆ-iˇ nya-eu baw le za le-eu guiˬ lahˬ, naw maꞈ-ahˇ ngaˇ biꞈ ma. Maˬ gui iˇ-eu iˇ cuꞈ lawˇ baˬ loꞈ-ehˇ, miˇ kʼahˬ tsawˇ jeuˬ-euˬ pyuˇ shuiˇ myawˬ gahˬ deuˬ, naw maꞈ jawˇ gaˇ yoeˇ le tehꞈ-a. Aˬ ma-euˬ bawˇ kʼahˇ laꞈ kʼoeˇ ciˬ ahˇ-awˇ, gaˬ huiˬ haw huiˬ-euˬ zaˬ-ahˇ naw maꞈ duˇ tehꞈ-a.

Iˇsaˬyaˇ 8:7

Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ Aˬshuˇliˆ sahˬ paˬ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ sheuˬ ka leꞈ-awˇ, Yuˇdaˆ miˇ kʼahˬ-ahˇ guiˇ bi deuˆ le ma. Uˇpaˬlaˇ lawˇ baˬ iˇ jeuˬ oe ngeh lawˇ deh maˬ mawˇ laˇ-eu loꞈ-ehˇ, Aˬshuˇliˆ guiˇ maꞈ deuˬ yoeˇ gʼeh leꞈ tehꞈ-a.

Daˬyeˬlaˇ 7:27

Miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-euˬ baoˬ hawˇ-eu yaw shehꞈ kʼahˬ sehˇ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ-ahˇ biꞈ nehˬ tehꞈ-a. Aˬ yawꞈ maꞈ uˆ lahˇ-eu baoˬ aˇ saˬ saˬ-eu maˬ baw-ehˇ, miˇ tsaˬ kʼoeˇ taˆ kʼaˇ jawˇ-eu sahˬ paˬ sahˬ ma dawˬ tawˆ luꞈ, aˬ yawꞈ maꞈ-euˬ ehˇ dawˬ naˇ haˬ-awˇ, aˬ yawꞈ maꞈ neh kʼaˇ kʼehˇ-euˬ jeˬ ya mˇ tehꞈ-a.”

Miˇkaˬ 7:17

Aˇ lawˇ loꞈ-ehˇ kʼaˬ lehˇ tsahˬ-ahˇ aˬ yawꞈ maꞈ joe tehꞈ-a. Aˬ yawꞈ maꞈ guˆ-awˇ yaw dzuˬ dzuˬ-eu laꞈ kʼoeˇ, ziꞈ dah ni gʼeh-eu aˬ yawꞈ maꞈ-euˬ taˆ nymˇ laꞈ kʼoeˇ neh doˆ le tehꞈ-a. Aˬ yawꞈ maꞈ guˆ dui dui-eu laꞈ kʼoeˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ahˇ tahˬ shaˇ laˇ tehꞈ-a.

Zaˬkaˬliˇ 4:6

Kʼoeˇ naˇ, aˬ yawꞈ ehˇ-eu, “Heu-aˬ, Zeˬluˇbaˬbeˬlaˇ-ahˇ Sahˬpaˬ Miˬyehˇ neh ehˇ nehˬ-eu dawˬ pyeuꞈ-awˇ, ‘Baoˬ hawˇ-eu gʼaˬ neh gʼaˬ leˇ nya-eu maˬ ngeuˇ-a. Ngaˬ-euˬ yaw sahˇ baˬ da neh tehꞈ-ehˇ gʼaˬ leˇ nya-eu meh’ lehˇ ehˇ-eu meh.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maꞈtehˬ 8:11

Ngaˇ naw maꞈ-ahˇ heu loꞈ-ehˇ ehˇ-eu ma. Nahˇ ma doˆ kʼehˬ ga kʼehˬ paw jawˇ-eu tsawˇ haˬ gʼawˬ mya ni uiˬ laˇ-awˇ, mˬ taˆ Miˇ kʼahˬ laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ nehˬ-ehˇ hawˬ jawˬ jawˬ taꞈ tehꞈ-a.

2 Teˇsaˬloˇni 2:8

Kʼoeˇ ngeh jawˇ, Haiˬ dui dui-eu gʼaˬ-ahˇ bya cehˆ ni ya mawˇ tehꞈ-a. Ehˇ kʼawꞈ, Sahˬpaˬ Yeˬsuˇ oe ngeh a yawꞈ-euˬ kʼaˬ meh-euˬ saꞈ neh Haiˬ dui dui-eu Gʼaˬ-ahˇ baw sehꞈ-awˇ, aˬ yawꞈ-euˬ yaw sehꞈ kʼahˬ sehˇ naˇ guiˇ guiˇ-eu kʼoeˇ neh laˆ piˬ laˆ byoˆ nehˬ tehꞈ-a.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 12:10

Kʼoeˇ naˇ, mˬ kʼoeˇ taˆ teˇ saˇ yaw kʼaˆ-ehˇ heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-euˬ ka kʼoꞈ-eu jeˬ nymˬ-mˇ keuˆ le taˬ-euˬ meh. Miˬyehˇ aˬ yawꞈ Sahˬpaˬ pyeuꞈ-eu gaˇ kawˆ, aˬ yawꞈ-euˬ baoˬ nymˬ-mˇ bi mawˇ laꞈ-euˬ meh. Aˬ yawꞈ-euˬ Ka li kʼawꞈ, uˆ lahˇ-eu baoˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Miˬyehˇ-euˬ mehˬ shi yawꞈ-awˇ, aˬ dui-euˬ aˬ yuiꞈ aˬ nyiˇ Ka li zaˬ deuˬ-ahˇ uˬ ciꞈ nah gʼahˇ maˬ ehˇ iˬ baˇ poˆ luꞈ-eu gʼaˬ-aˬ, mˬ-ahˇ neh bi biˬ ka-euˬ meh.