Iˇsaˬyaˇ 59:13 - Akha

¹³ Nawˬ-ahˇ nga maꞈ puiˬ-awˇ byehˇ dzeh yaꞈ-euˬ laꞈ kʼoeˇ, nawˬ-euˬ mehˬ nah maˬ caw teh ni dehꞈ laꞈ-euˬ ma. Aˬ cawˬ-ahˇ nga maꞈ nawˬ dzaˬ kʼaˆ dzaˬ-awˇ, nawˬ-ahˇ nga maꞈ byehˇ dzeh-euˬ ma. Nga maꞈ nui noeˬ noeˬ-euˬ bahˬ-awˇ, nga maꞈ-euˬ dawˬ jaˬ myawꞈ mehˇ shuiˇ tehꞈ ma.

Iˇsaˬyaˇ 59:13 ပူးပေါင်းရင်းမြစ်များ

Yawˇbaˆ 31:28

Kʼoeˇ loꞈ-ehˇ mˇ lehˬ-eu jeˬ-ahˇ shiˇ gaˇ keuˆ ni kʼehˬ nehˬ-eu tsaˬ tehꞈ-a. Kʼoeˇ-aˬ, Baoˬ huiˬ-eu Miˬyehˇ-ahˇ yehˬ baw sehˇ lu-ehˇ gʼeh-eu jeˬ pyeuꞈ-eu meh.

Jaceuq 18:21

SahˬpaˬMiˬyehˇ-euˬgaˇma-ahˇ, maˬbyehˇdzeh ni ngaˇcah laꞈ-awˇ, aˬyawꞈneh biꞈ-euˬdawˬdeuˬ-ahˇ, maˬngehˇni caw teh laꞈ-euˬma.

Jaceuq 78:36

Ehˇ kʼawꞈ, aˬ yawꞈ maꞈ ngehˬ-eu dawˬ jaˬ myawꞈ myawꞈ-awˇ, aˬ yawꞈ maꞈ neh kʼaˇ ehˇ taˬ-euˬ loꞈ-ehˇ maˬ jaˆ-a.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Iˇsaˬyaˇ 10:1

Maˬ tsaˬ maˬ dawˇ-eu zahˇ sahˇ kʼoꞈ taˬ-awˇ, aˬ cawˬ-ahˇ nawˬ dzaˬ kʼaˆ dzaˬ-eu zahˇ boꞈ doˆ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 30:12

Ehˇ kʼawꞈ, Iˇsaˬleˬlaˆ-euˬ muiˬ-eu shawˇ-eu Miˬyehˇ, heu loꞈ-ehˇ ehˇ-eu meh. “Ngaˬ neh ehˇ-euˬ dawˬ-ahˇ naw maꞈ maˬ naˇ haˬ-ehˇ, nawˬ dzaˬ shuiˇ dzaˬ-eu meh.

Iˇsaˬyaˇ 31:6

Iˇsaˬleˬlaˆ tsawˇ haˬ deuˬ-oˇ, dzeuˇ laˇ ngeh naw maꞈ iˬ baˇ mˇ-awˇ ngaˬ-ahˇ puiˬ-eu kʼawꞈ, ngaˇ jawˇ gaˇ gʼoꞈ kʼoꞈ laˇ-awˬ.

Iˇsaˬyaˇ 32:6

Aˬ dzawˬ dawˬ doeˇ ngehˬ-awˇ, aˇ gah nui noeˬ yaw cawˆ tehꞈ meh. Aˬ dzawˬ aˇ gah mˇ-eu ngehˬ-eu, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-awˇ, mehꞈ-eu shuꞈ-eu deuˬ-ahˇ bi dzaˬ bi dawˇ-eu maˬ baw-a.

Iˇsaˬyaˇ 48:8

Nawˬ-ahˇ maˬ jah coeˇ-eu ngaˇ siˬ nya ma. Dehꞈ le ngeh neh ngaˬ-ahˇ puiˬ-eu tsawˇ haˬ lehˇ bi kuˇ-euˬ meh. Kʼoeˇ miˇ neh gaˇ kawˆ heu nawˇ tiˬ jawˇ-iˬ maˬ ya gaˬ haw-ehˇ, nawˬ-euˬ naˬ bawˇ-ahˇ dawˬ tiˬ dawˬ-iˬ maˬ ahˇ leˇ haw-aˬ.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 57:11

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-ahˇ jaˬ myawꞈ myawꞈ-awˇ ngehˇ byoˆ coeˇ ni, naw maꞈ-ahˇ laˆ guˆ-eu miˬyehˇ kʼoeˇ deuˬ aˬ suˇ gʼaˬ-a. Ngaˇ ciˬ cuˇ ni jawˇ myahˇ laꞈ-euˬ miˇ neh, naw maꞈ ngaˬ-ahˇ maˬ paˇ taˬ huiˬ ma loˇ.

Iˇsaˬyaˇ 58:13

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ nah muiˬ-eu shawˇ-eu meh lehˇ siˬ-awˇ, yawˬ ha-euˬ nui kʼahˇ maˬ poˆ ni jawˇ-eu uˬ taꞈ, ngaˬ-euˬ nah muiˬ nah shawˇ-ahˇ taˬ huiˬ-eu laꞈ kʼoeˇ, maˬ mˇ maˬ shaˇ maˬ iˇ maˬ laˇ tsehˆ ni jawˇ-awˇ, maˬ muiˬ dawˬ doeˇ maˬ ngehˬ maˬ tmˇ doˆ ni jawˇ naˇ,

Iˇsaˬyaˇ 58:2

Aˬ yawꞈ maꞈ yawˬ nah na ngaˬ-ahˇ uˬ duˬ tahˬ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ-ahˇ naˇ haˬ-awˇ, ngaˬ-euˬ gaˇ ma siˬ mawꞈ dui dui nya lehˇ ehˇ luꞈ-eu meh. Tsaˬ-eu zahˇ dawˬ kʼoꞈ dawˬ ngaˬ neh bi biꞈ mawꞈ-awˇ, ngaˬ-ahˇ uˬ duˬ tahˬ-eu nui kʼahˇ shiˇ miˇ-a lehˇ, aˬ yawꞈ maꞈ ehˇ-eu meh.”

Iˇsaˬyaˇ 58:9

Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

Yeˬlaˬmiˇ 12:8

Ngaˬ neh tseˇ doˆ-euˬ tsawˇ haˬ deuˬ ngaˬ-ahˇ puiˬ-awˇ, bawˇ tsahˬ aˇ laˬ jaˬ shiˇ loꞈ-ehˇ ngaˬ-ahˇ joeˬ-eu miˇ neh, aˬ yawꞈ maꞈ-ahˇ ngaˇ bye-eu ma.

Yeˬlaˬmiˇ 17:13

Sahˬpaˬ Miˬyehˇ nawˇ Iˇsaˬleˬlaˆ-euˬ noeˬ tmˬ duˬ meh. Nawˬ-ahˇ kʼaˇ byehˇ dzeh-eu tsawˇ haˬ kʼoeˇ taˆ, shaꞈ dawˇ-eu jeˬ keuˆ le tehꞈ-a. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu, Sahˬpaˬ Miˬyehˇ nawˬ-ahˇ aˬ yawꞈ maꞈ byehˇ dzeh-euˬ miˇ neh, kʼaˬ lehˇ kʼoeˇ taˆ boꞈ-euˬ tsawˇ myahˇ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Yeˬlaˬmiˇ 2:16

Iˇjiˇtuˆ miˇ kʼahˬ-ahˇ jaˆ-eu. Mehˇpiˇ meuˬ hawˇ-eu Taˬpaˬneˬ meuˬ-ahˇ jawˇ-eu deuˬ neh, aˬ yawꞈ-euˬ uˬ duˬ kʼmˬ kʼoˆ paˆ-euˬ meh.

Yeˬlaˬmiˇ 2:17

Iˇsaˬleˬlaˆ-oˇ, gaˇ kawˆ heu nawˬ-euˬ uˬ duˬ-ahˇ daˇ laˇ ni, nawˇ yawˬ haˇ yawˬ ha mˇ-euˬ meh. Nawˬ-ahˇ ngaˇ sheuˬ gʼeh nehˬ luꞈ ngeh, nawˬ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ-ahˇ, nawˇ byehˇ dzeh yaꞈ-euˬ meh.

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 3:20

Ehˇ kʼawꞈ, saˇ jaˇ maˬ ziꞈ-eu miˬ zaˬ tiˬ gʼaˬ loꞈ-ehˇ, nawˇ ngaˬ-ahˇ saˇ jaˇ puiˬ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 32:40

Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-ahˇ ngaˇ yaw muiˬ jeˬ maˬ tsehˆ leˇ ni mˇ nehˬ ma. Aˬ yawꞈ maꞈ ngaˬ-ahˇ maˬ paˇ byehˇ dzeh peuˬ-eu gʼaˇ duˬ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ guˆ ni ngaˇ jahˇ ma.

Yeˬlaˬmiˇ 42:20

Naw maꞈ lehˬ dui dui-iˇ-eu jeˬ maˬ mˇ ni yahˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ lehˇ, naw maꞈ ngaˬ-ahˇ ehˇ-awˇ, aˬ yawꞈ neh kʼaˇ ehˇ-euˬ jeˬ geuꞈ ma lehˇ naw maꞈ saˇ jaˇ dzaˬ taˬ gʼaˬ-euˬ meh.

Yeˬlaˬmiˇ 5:23

Ehˇ kʼawꞈ naw maꞈ nui ma gʼahˇ-awˇ puiˬ-eu laꞈ kʼoeˇ, ngaˬ-ahˇ naˇ kʼah ciˬ pyawˇ-awˇ byehˇ dzeh laꞈ-euˬ meh.

Yeˬsaˬgeˬlaˇ 18:25

“Sahˬpaˬ Miˬyehˇ gaˇ mˇ-eu maˬ tsaˬ nga lehˇ naw maꞈ ehˇ-eu meh. Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Ngaˇ mˇ-eu maˬ tsaˬ nga lehˇ naw maꞈ noeˬ-eu meh. Maˬ tsaˬ-eu-aˬ, naw maꞈ neh mˇ-euˬ gaˇ meh.

Yeˬsaˬgeˬlaˇ 6:9

Aˬ cawˬ aˬ yawꞈ maꞈ-ahˇ kʼoeˇ gaˇ nyehꞈ gʼeh-awˇ bi jawˇ tehꞈ-a. Kʼoeˇ gaˇ, aˬ yawꞈ maꞈ ngaˬ-ahˇ noeˬ mawˇ laˇ-awˇ, aˬ yawꞈ maꞈ-euˬ saˇ jaˇ maˬ ziꞈ-eu nui ma ngaˬ-ahˇ byehˇ dzeh-awˇ, ngaˬ-ahˇ naˆ maˬ tseˇ tahˬ pahˬ aˬ ma mawˇ kawˇ deuˬ-ahˇ taˬ huiˬ-euˬ baˬ da neh, ngaˬ neh aˬ yawꞈ maꞈ-ahˇ kʼehˬ-euˬ nya lehˇ siˬ leˇ tehꞈ-a. Kʼoeˇ ngeh jawˇ, aˬ yawꞈ maꞈ neh mˇ dzeuˇ yaꞈ-euˬ yaw haiˬ jeˬ hawˇ-eu yaw cawˆ jeˬ-ahˇ noeˬ doˆ leˇ-awˇ, yawˬ haˇ yawˬ ha nui daˆ daˆ tehꞈ-a.

Hawˇseˬ 1:2

Hawˇseˬ-ahˇ gʼoe-awˇ Iˇsaˬleˬlaˆ miˇ kʼahˬ-ahˇ Sahˬpaˬ Miˬyehˇ dawˬ ngehˬ cawˬ dahˬ beh ngeh, Hawˇseˬ-ahˇ heu loꞈ-ehˇ ehˇ nehˬ-euˬ meh. “Iˇ-awˇ miˬ zaˬ sheuˬ-iˇ-awˬ. Nawˬ-euˬ miˬ zaˬ kʼoeˇ gʼaˬ nawˬ-ahˇ saˇ jaˇ maˬ ziꞈ-aˇ. Nawˬ-euˬ zaˬ deuˬ kʼawꞈ, aˬ yawꞈ loꞈ-ehˇ saˇ jaˇ maˬ ziꞈ-aˇ. Kʼoeˇ gaˇ duˇ ni, ngaˬ-euˬ tsawˇ haˬ deuˬ ngaˬ-ahˇ byehˇ dzeh-awˇ saˇ jaˇ maˬ ziꞈ ni pyeuꞈ-iˇ-euˬ meh.”

Hawˇseˬ 11:12

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ ngaˬ-ahˇ, jaˬ myawꞈ mehˇ shuiˇ sheu lahˇ-euˬ meh. Saˇ jaˇ ziꞈ-awˇ muiˬ-eu shawˇ-eu, ngaˇ loꞈ-ehˇ gʼeh-eu Miˬyehˇ-ahˇ, Yuˇdaˆ tsawˇ haˬ iˬ nah keuˆ ni, maˬ tsehˆ leˇ ni puiˬ luꞈ-eu meh.”

Hawˇseˬ 6:7

“Aˬ daˬ miˇ kʼahˬ -ahˇ uˇ leˇ ngeh, yawꞈ maꞈ dawˬ ma saˇ jaˇ puiˬ-awˇ, ngaˬ-ahˇ maˬ jah ni byehˇ-euˬ meh.

Hawˇseˬ 7:1

Iˇsaˬleˬlaˆ tsawˇ haˬ deuˬ-ahˇ, naˇ gawˇ dawˬ tawˆ laˆ taˬ nehˬ-awˇ, paˇ bi dehꞈ doˆ laˇ ma ehˇ ngeh, ngaˬ-euˬ myaˆ-ahˇ mawˇ laˇ-eu-aˬ, aˬ yawꞈ maꞈ neh mˇ byah taˬ-euˬ, yaw haiˬ hawˇ-eu yaw cawˆ tehꞈ meh. Tiˬ gʼaˬ tiˇ gʼaˬ mehˇ shuiˇ shuiˇ-eu, aˬ cawˬ nymˇ-ahˇ smˇ kʼoeˬ kʼoeˬ-eu, gaˇ ma doe ni tahˇ joe joe-eu, heu deuˬ aˬ yawꞈ maꞈ mˇ-eu meh.

Hawˇseˬ 7:13

“Ngaˬ-ahˇ byehˇ dzeh yaꞈ-euˬ miˇ neh, aˬ yawꞈ maꞈ ya noeˬ shaˬ luꞈ-uˇ. Ngaˬ-ahˇ muiˇ-awˇ puiˬ-euˬ miˇ neh, luˬ-iˇ seˇ-iˇ gaˇ keuˆ luꞈ-uˇ. Aˬ yawꞈ maꞈ-ahˇ ka kʼoꞈ mawꞈ kʼawꞈ, aˬ yawꞈ maꞈ uˬ duˬ tahˬ-eu-aˬ, ngaˬ-ahˇ mehˇ shuiˇ shuiˇ-eu tehꞈ meh.

Aˬmoˆ 6:12

Kʼaˬ lo lo gahˬ kʼoeˇ taˆ mahˬ pyehˬ teh sehˇ nya ta loˇ. Tsawˇ haˬ zaˬ iˬ ma laˆ shaˆ-ahˇ mawˇ neˇ neh deh ma tsehˬ nya ta loˇ. Ehˇ kʼawꞈ, naw maꞈ-aˬ, yaw tsaˬ yaw dawˇ jeˬ-ahˇ doꞈ bi pyeuꞈ-iˇ-awˇ, tsaˬ-eu jeˬ-ahˇ lehˬ-eu jeˬ pyeuꞈ-iˇ ni sheu pyawˆ-eu meh.

Maꞈtehˬ 10:33

Ehˇ kʼawꞈ, tsawˇ haˬ tiˬ gʼaˬ na ngaˬ-ahˇ maˬ ha geuꞈ lehˇ tsawˇ haˬ zaˬ deuˬ mehˬ shi ehˇ naˇ, tsawˇ haˬ kʼoeˇ gʼaˬ ngaˬ-ahˇ maˬ ha geuꞈ-aˬ lehˇ, mˬ kʼoeˇ taˆ ngaˬ Da-euˬ mehˬ shi ngaˇ ehˇ ma.

Tiˇtuˆ 1:16

Aˬ yawꞈ maꞈ Miˬyehˇ-ahˇ siˬ nya ma lehˇ ehˇ-eu kʼawꞈ, aˬ yawꞈ maꞈ mˇ-eu shaˇ-eu kʼoeˇ loꞈ-ehˇ maˬ ngeuˇ-a. Aˬ yawꞈ maꞈ-aˬ, bye dui dui laˇ paˬ-ehˇ gʼeh-eu, ehˇ dawˬ maˬ naˇ haˬ-eu tsawˇ haˬ deuˬ pyeuꞈ-awˇ, yaw muiˬ jeˬ mˇ-eu tiˬ pawꞈ-iˬ maˬ geuˇ-a.

HeˬByehˇ 3:12

Jah-eu tsawˇ haˬ deuˬ pyeuꞈ-eu gaˬ-eu cawˬ deuˬ-oˇ, dehꞈ luꞈ-eu Miˬyehˇ-ahˇ byehˇ dzeh gaˇ keuˆ ni haiˬ-eu, maˬ jah-eu nui ma pi luꞈ-eu tsawˇ haˬ naw maꞈ laꞈ kʼoeˇ maˬ ya bi ahˇ ni yahˇ-awˬ.

Yaˬkoˆ 1:15

Kʼoeˇ naˇ, aˬ yawꞈ-euˬ maˬ muiˬ maˬ jaˬ-eu nui kʼahˇ kʼoeˇ zaˬ jeuˬ-eu loꞈ-ehˇ jeuˬ leˇ-awˇ, iˬ baˇ bi dehꞈ doˆ le-eu meh. Iˬ baˇ kʼoeˇ huiˬ loˆ laˇ ngeh, shiˇ-eu jeˬ bi dehꞈ doˆ le-eu meh.

Yaˬkoˆ 3:6

Mehˬ laˇ-aˬ, miˬ dzaˬ-ahˇ duˇ-eu meh. Mehˬ laˇ kʼoeˇ-aˬ, aˬ dui-euˬ gʼawˇ mawˇ laꞈ kʼoeˇ jaˆ-eu haiˬ-eu miˇ kʼahˬ tiˬ kʼahˬ pyeuꞈ-awˇ, aˬ dui-euˬ nui ma gʼawˇ mawˇ dawˬ tawˆ luꞈ laꞈ kʼoeˇ yaw haiˬ jeˬ bi byah laˇ-eu meh. Mehˬ laˇ kʼoeˇ-aˬ, shiˬ buiˇ lah ma-ahˇ doꞈ-eu miˬ dzaˬ yuˇ-awˇ, aˬ dui yaw dehꞈ dehꞈ-eu jeˬ dawˬ tawˆ luꞈ-ahˇ bi puiˆ dzaˬ-eu meh.

Yawˇshuˆ 24:27

Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ ehˇ nehˬ-eu, “Kʼaˬ lo heu siˬ-aˬ, aˬ dui gʼaˇ duˬ saˇ kiˇ pyeuꞈ tehꞈ-a. Sahˬpaˬ Miˬyehˇ neh aˬ dui-ahˇ kʼaˇ ehˇ nehˬ laꞈ-euˬ jeˬ-ahˇ kʼaˬ lo heu siˬ ya gaˬ-euˬ meh. Kʼoeˇ miˇ neh, kʼoeˇ-aˬ, naw maꞈ-euˬ Miˬyeh-ahˇ naw maꞈ maˬ ya puiˬ-eu gʼaˇ duˬ saˇ kiˇ pyeuꞈ tehꞈ-a.”