Iˇsaˬyaˇ 58:9 - Akha

⁹ Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

Iˇsaˬyaˇ 58:9 ပူးပေါင်းရင်းမြစ်များ

Aˇ dahˬ 27:18

Kʼoeˇ naˇ, Yaˬkoˆ aˬ yawꞈ aˬ da jawˇ gaˇ le-awˇ, “Aˬ da-oˇ” lehˇ kuˇ-euˬ meh. Kʼoeˇ ngeh, Iˇtsaˆ oˬ toˬ-awˇ, “Aˬ li-oˇ, nawˇ aˬ suˇ gʼaˬ te” lehˇ naˇ haˬ-euˬ meh.

Yawˇbaˆ 22:27

Nawˇ guiˬ lahˬ shaˇ ngeh aˬ yawꞈ naˇ haˬ geuꞈ nehˬ laꞈ-awˇ, nawˬ-euˬ saˇ jaˇ-ahˇ nawˇ ziꞈ tehꞈ-a.

Jaceuq 118:5

Ngaˇ nui ma cawˆ-awˇ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ-awˇ bi buˬ-iˇ laꞈ-euˬ meh.

Jaceuq 12:2

tiˬgʼaˬtiˇgʼaˬ jaˬmyawꞈmyawꞈ-awˇ, nui ma nyiˬjeˬnoeˬ-eu laꞈkʼoeˇ, mehˇshuiˇshuiˇdzaˬ-eu toˆ-eu meh.

Jaceuq 145:18

Aˬ yawꞈ-ahˇ nui ma keuˆ-awˇ kʼaˇ kuˇ-eu deuˬ dawˬ peh, aˬ yawꞈ aˬ myah luꞈ jawˇ-eu meh.

Jaceuq 20:6

SahˬpaˬMiˬyehˇneh tsiˇlehꞈ-euˬ, aˬyawꞈ-euˬdzoeˬdzaˬsahˬpaˬ-ahˇ, gʼaˬleˇ-eu baoˬ biꞈnehˬmeh lehˇ. nymˬ-mˇngaˇsiˬduˬtaˬ-euˬma. Muiˬ-eu shawˇ-eu mˬtaˆjawˇ-awˇ, shaˇdawˬnaˇhaˬnehˬ-eu laꞈkʼoeˇ, aˇmaˇlaꞈ-euˬbaoˬ-ahˇgʼoe-awˇ, gʼaˬleˇ-eu jeˬbiꞈnehˬ-eu meh.

Jaceuq 37:4

SahˬpaˬMiˬyehˇlaꞈkʼoeˇ cehˇ-awˬ. Nawˇkʼaˇmawꞈ-eu yawˬjeˬna luꞈ, aˬyawꞈnawˬ-ahˇbiꞈlaꞈtehꞈ-a.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Dawqdaq 6:13

Myaˆ nuiˆ kʼoˆ tehˆ myawˆ myawˆ-ehˇ, kuiˇ mehˆ liˆ liˆ-ehˇ, laꞈ noeˇ toeˬ ceh toeˬ ceh-ehˇ,

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Iˇsaˬyaˇ 30:19

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tiˬ jawˇ-iˬ noeˬ shaˬ-awˇ maˬ paˇ ya ngoeˇ meh. Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nehˬ laꞈ lehˇ naw maꞈ aˬ yawꞈ-ahˇ shaˇ ngeh, naw maꞈ-euˬ shaˇ dawˬ-ahˇ naˇ haˬ nehˬ laꞈ tehꞈ-a.

Iˇsaˬyaˇ 55:6

Sahˬpaˬ Miˬyehˇ-ahˇ poˆ mawˇ nya paˬ-ehˇ gʼeh ngeh poˆ-awˬ. Gaˇ mahˇ maˬ iˇ kaˬ mi naˆ-ehˇ kuˇ-awˬ.

Iˇsaˬyaˇ 57:4

Aˬ suˇ gʼaˬ-ahˇ naw maꞈ cehꞈ lehꞈ ka te. Aˬ geu gʼaˬ-ahˇ naw maꞈ mehˬ laˇ cawˬ doˆ nehˬ-awˇ, aˬ jaꞈ jaꞈ niˇ gʼaˬ te. Naw maꞈ smˇ kʼoeˬ tahˇ joe-euˬ zaˬ maˬ ngeuˇ te loˇ.

Iˇsaˬyaˇ 58:6

“Ngaˇ geuꞈ mawꞈ-eu maˬ dzaˬ-eu zahˇ heu loꞈ-ehˇ ma. Kʼehˬ-eu kʼaˆ-eu shmˇ caˆ hawˇ-eu maˬ tsaˬ maˬ dawˇ-eu kʼaˆ baꞈ deuˬ, dawˬ tawˆ biˬ dzeh jiˇ-awˇ, kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ, dawˬ tawˆ puiˇ pyehˬ jiˇ-awˬ.

Iˇsaˬyaˇ 59:1

Naw maꞈ-ahˇ ka kʼoꞈ-eu gʼaˇ duˬ, Sahˬpaˬ Miˬyehˇ aˬ laꞈ nymˇ-awˇ, naw maꞈ kuˇ gaˇ naˇ haˬ nehˬ-eu gʼaˇ duˬ, aˬ yawꞈ naˬ bawˬ nga lehˇ taˬ noeˬ.

Iˇsaˬyaˇ 59:13

Nawˬ-ahˇ nga maꞈ puiˬ-awˇ byehˇ dzeh yaꞈ-euˬ laꞈ kʼoeˇ, nawˬ-euˬ mehˬ nah maˬ caw teh ni dehꞈ laꞈ-euˬ ma. Aˬ cawˬ-ahˇ nga maꞈ nawˬ dzaˬ kʼaˆ dzaˬ-awˇ, nawˬ-ahˇ nga maꞈ byehˇ dzeh-euˬ ma. Nga maꞈ nui noeˬ noeˬ-euˬ bahˬ-awˇ, nga maꞈ-euˬ dawˬ jaˬ myawꞈ mehˇ shuiˇ tehꞈ ma.

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Ngoeˇ dawˬ 3:57

Ngaˇ kuˇ gaˇ gaˬ ngeh nawˇ oe-awˇ, taˬ guˆ lehˇ ehˇ nehˬ laꞈ-euˬ meh.

Yeˬsaˬgeˬlaˇ 13:8

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ aˬ yawꞈ maꞈ-ahˇ heu loꞈ-ehˇ ehˇ-eu meh. “Naw maꞈ neh ngehˬ-euˬ dawˬ maˬ tsaˬ-ehˇ, naw maꞈ neh yaw sahˇ laꞈ kʼoeˇ ya siˬ ya mawˇ-euˬ jeˬ-aˬ, jaˬ myawꞈ myawꞈ-eu jeˬ pyeuꞈ-eu miˇ neh, naw maꞈ-ahˇ ngaˇ muiˇ-eu ma.

Daˬyeˬlaˇ 9:20

Ngaˇ guiˬ lahˬ shaˇ shaˇ-ehˇ, ngaˬ-euˬ iˬ baˇ hawˇ-eu ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-euˬ iˬ baˇ ehˇ doˆ-awˇ, aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma paˇ tsoˆ muiˬ-eu gʼaˇ duˬ, ngaˬ-eu Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-euˬ ma.

Zaˬkaˬliˇ 10:2

Tahˬ pahˬ, shaˆ ma, nyiˇ paˬ deuˬ-ahˇ, tsawˇ haˬ zaˬ jah-awˇ gʼoe-euˬ kʼawꞈ, kʼaˇ ehˇ kʼaˇ jeˬ yaw lehˬ tehꞈ meh. Yuꞈmaˆ dawˬ tsuiꞈ yuˇ doˆ-eu deuˬ, jaˬ myawꞈ myawꞈ-euˬ loꞈ-ehˇ pyeuꞈ-awˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ miˇ neh miˇ kʼahˬ zaˬ kʼoeˇ deuˬ, byoˆ-iˇ-euˬ yawˇ yawˇ maꞈ loꞈ-ehˇ, sheuˬ gʼeh nehˬ-eu gʼaˬ maˬ jawˇ ni, cah cah-ehˇ shaˬ gaˇ duˇ-eu meh.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”