Iˇsaˬyaˇ 58:8 - Akha

⁸ “Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Iˇsaˬyaˇ 58:8 ပူးပေါင်းရင်းမြစ်များ

Yawˇbaˆ 11:17

Nawˬ-euˬ dehꞈ jeˬ dehꞈ kawˆ nah gʼahˇ paw jaˆ-eu nahˇ ma yaw shehꞈ naˆ maˬ tseˇ bya-awˇ shaˬ zahˬ keuˆ le kʼawꞈ mˬ bya shawˇ laˇ ngeh loꞈ-ehˇ pyeuꞈ tehꞈ-a.

Jaceuq 112:4

Gʼawˬ shaˬ gaˬ nya-awˇ yaw tsaˬ yaw dawˇ jeˬ-ahˇ gaˬ-eu muiˬ-eu jaˬ-eu tsawˇ haˬ deuˬ kʼoeˇ taˆ, yaw zahˇ laꞈ kʼoeˇ yaw shehꞈ bya-eu meh.

Jaceuq 37:6

Nawˬ-euˬyaw tsaˬyaw dawˇjeˬ-ahˇ, nah gʼahˇloꞈ-ehˇbi bya tehꞈ-a.

Jaceuq 85:13

Yaw tsaˬ yaw dawˇ jeˬ Sahˬpaˬ Miˬyehˇ-euˬ mehˬ hu oe-awˇ, aˬ yawꞈ oe-eu gaˇ ma laˆ saˆ nehˬ le tehꞈ-a.

Jaceuq 97:11

Yaw tsaˬ yaw dawˇ tsawˇ haˬ kʼoeˇ taˆ yaw shehꞈ bya-awˇ, muiˬ-eu jaˬ-eu tsawˇ haˬ deuˬ laˬ kʼaˬ ya cehˇ-eu meh.

Doˆ-iˇ 14:19

Iˇsaˬleˬlaˆ guiˇ maꞈ-euˬ mehˬ hu paw jawˇ-eu Miˬ yehˇ-euˬ gʼaˬ kʼehˇ kʼoeˇ gʼaˬ, naˇ kʼah paw jiˆ gʼoꞈ le-euˬ meh. Mˬ dmˇ kʼawˇ zeuˇ kʼoeˇ zeuˇ kʼawꞈ, naˇ kʼah paw jiˆ kʼoꞈ le-awˇ,

Dawqdaq 11:17

Gʼawˬ shaˬ gaˬ nya-eu tsawˇ haˬ-aˬ, yawˬ ha-ahˇ muiˬ laˇ duˬ jaˆ-awˇ, gʼawˬ shaˬ maˬ gaˬ nya-eu tsawˇ haˬ-aˬ, yawˬ ha-ahˇ coeˬ laˇ duˬ jaˆ-eu meh.

Dawqdaq 11:25

Aˬ cawˬ-ahˇ biꞈ-eu tsawˇ haˬ baw le za le tehꞈ-a. Aˬ cawˬ-ahˇ caw ba-eu tsawˇ haˬ, yawˬ ha-ahˇ paˇ bi caw ba kʼoꞈ tehꞈ-a.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Iˇsaˬyaˇ 26:2

Meuˬ lahˇ kʼehˬ laˇ gʼoˆ pah-awˇ, yaw tsaˬ yaw dawˇ jeˬ mˇ-eu, saˇ jaˇ ziꞈ-eu tsawˇ jeuˬ bi uˇ laˇ-awˬ.

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Iˇsaˬyaˇ 33:24

Ziˇoˬ meuˬ laꞈ kʼoeˇ jawˇ-eu tsawˇ haˬ deuˬ, tiˬ gʼaˬ-iˬ naˇ-eu gawˇ-eu maˬ baw-ehˇ, kʼoeˇ gaˇ jawˇ-eu tsawˇ haˬ deuˬ-euˬ iˬ baˇ, dawˬ tawˆ luꞈ pyehˬ nehˬ jiˇ tehꞈ-a.

Iˇsaˬyaˇ 52:12

Nymˬ-mˇ poˆ jawˇ naw maꞈ uˬ kʼawˇ teuˆ buˬ-eu maˬ loˬ-a. Guˆ guˆ ci ci-ehˇ cehˆ-eu maˬ loˬ-a. Naw maꞈ-eu Miˬyehˇ pyeuꞈ-eu Sahˬpaˬ Miˬyehˇ-aˬ, yawˬ pyawˬ na luꞈ naw maꞈ-ahˇ haw piˇ luꞈ-eu meh.

Iˇsaˬyaˇ 57:18

“Aˬ yawꞈ maꞈ-euˬ dehꞈ jeˬ dehꞈ kawˆ ngaˇ siˬ jiˇ kʼawꞈ, aˬ yawꞈ maꞈ-euˬ naˇ gawˇ ngaˇ laˆ saˆ ma. Aˬ yawꞈ maꞈ-ahˇ ngaˇ sheuˬ gʼeh ngehˬ gʼeh-awˇ, tsawˇ ngoeˇ ngoeˇ luꞈ-eu deuˬ nui ma bi saˇ laˇ ma.

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Iˇsaˬyaˇ 60:2

Tsawˇ jeuˬ nui deuˬ yaw zahˇ bi pymˬ tehˬ kʼawꞈ, nawˬ-euˬ kʼoeˇ taˆ Sahˬpaˬ Miˬyehˇ-euˬ yaw shehꞈ bya le-awˇ, aˬ yawꞈ yaw shehꞈ kʼahˬ sehˇ nawˬ nehˬ-ehˇ jawˇ tehꞈ-a.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.

Yeˬlaˬmiˇ 30:17

Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Maꞈtehˬ 13:15

Nui ma aˬ dzawˬ dzawˬ-iˇ jiˇ-awˇ, naˬ bawˇ paꞈ tsoeˬ tsoeˬ taˬ jiˇ-awˇ, myaˆ nuiˆ miˆ tehˬ jiˇ taˬ-euˬ meh. Kʼoeˇ loꞈ-ehˇ maˬ ngeuˇ law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, noeˬ siˬ noeˬ mawˇ nya-awˇ, naˇ gawˇ bi laˆ saˆ-eu gʼaˇ duˬ, ngaˇ jawˇ paw ciˬ pyawˇ tehꞈ-a lehˇ, Miˬyehˇ ehˇ luꞈ-eu meh.’

Gʼaˬkʼehˇ 10:31

Aˬ yawꞈ ehˇ-eu, ‘Gawˬneˬliˇ-oˇ, nawˬ-euˬ shaˇ dawˬ-ahˇ Miˬyehˇ gaˬ-awˇ, nawˬ neh shaˬ zaˬ zahˬ zaˬ-ahˇ caw ba-euˬ aˬ yawꞈ siˬ luꞈ mawˇ luꞈ meh.

Gʼaˬkʼehˇ 10:35

Aˬ geu jeˬ tsawˇ jeuˬ pyeuꞈ-eu maˬ kaˬ, aˬ yawꞈ-ahˇ guˆ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ aˬ yawꞈ nui ma tsaˬ-eu meh.

Gʼaˬkʼehˇ 10:4

Aˬ yawꞈ guˆ dui dui-iˇ-awˇ, mˬ taˆ gʼaˬ kʼehˇ kʼoeˇ gʼaˬ-ahˇ haw tsoˆ-awˇ, “Sahˬpaˬ-oˇ, aˬ jeˬ ehˇ te” lehˇ ehˇ kʼoꞈ nehˬ-euˬ meh. Mˬ taˆ gʼaˬ kʼehˇ kʼoeˇ gʼaˬ ehˇ-eu,“Nawˬ neh guiˬ lahˬ shaˇ-euˬ jeˬ-ahˇ maˬ ehˇ, nawˇ aˬ cawˬ-ahˇ caw ba nehˬ-euˬ jeˬ-ahˇ maˬ ehˇ, Miˬyehˇ nui kʼahˇ shiˇ-eu miˇ neh, nawˬ-euˬ shaˇ dawˬ-ahˇ naˇ haˬ nehˬ laꞈ-euˬ meh.